Рәһмдиллиләр нә хошбәхтдирләр!

1. Хошбәхтдирләр рәһмдиллиләр,

Рәбб ҝөзүндә ҝөзәлдирләр.

Әдаләти севәнләрә

«Рәбб рәһми севир», — дејирләр.

Оғлуну фидјә верәрәк,

Ҝөстәрди әсил мәрһәмәт.

Зәифик — Јарадан билир,

Һәлим инсана рәһм едир.

2. Рәһмдиллиләр бағышланыр,

Рәбдән хејир-дуа алыр.

Мәрһәмәт ҝөрсүнләр дејә

Мәсиһ ҝәлди Рәбб өнүнә.

Чох бөјүкдүр бу мәрһәмәт,

Буну сән һәр кәсә өјрәт,

Гој севинсин рәһми дујан,

Севән Падшаһдыр Јарадан.

3. Мәһәббәти рәһмдиллиләр

Аллаһ һөкм едәндә ҝөрәр.

Өзләри рәһм едир, чүнки

Өрнәк сајырлар Аллаһы.

Рәһмли олмаға чалышаг,

Бу јолдан һеч вахт сапмајаг.

Јеһова вә Мәсиһ кими

Биз ҝөстәрәк мәрһәмәти.