Јадыныздадырмы?

«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын.

• Јеһова левилиләрә: «Сәнин пајын... Мәнәм», — дејәндә нәји нәзәрдә тутурду?

Һәр Исраил гәбиләсинин пајына торпаг саһәси дүшмүшдү, лакин левилиләрин «пајы» Јеһова иди (Сај. 18:20). Левилиләр ирс олараг торпаг алмасалар да, Јеһова онлары хүсуси хидмәти иҹра етмәк шәрәфинә лајиг ҝөрмүшдү. Бунунла белә, Јеһова онларын әсас мадди тәләбатларыны өдәјирди. Бу ҝүн Падшаһлығын иши үчүн чалышан инсанлар әмин ола биләрләр ки, Јеһова онларын да мадди тәләбатларынын гајғысына галаҹаг (15.9, сәһифә 7, 8, 13).

• Бабиллиләрин Јерусәлими ерамыздан әввәл 607-ҹи илдә дағытдыгларыны һарадан билирик?

Тарихчиләр Бабил падшаһлары вә онларын һөкмранлыг етдији илләр барәдә гарышыг вә бир-биринә зидд олан мәлуматлар верирләр. Лакин алимләр II Кирин Бабили ерамыздан әввәл 539-ҹу илдә зәбт етдији илә разылашырлар вә бу, әсас тарих кими ҝөтүрүлүр. Јәһудиләр әсарәтдән азад олуб 537-ҹи илдә доғма дијарларына гајытдылар. Мүгәддәс Китабда дејилир ки, онлар 70 ил әсарәтдә олмушдулар. Бундан белә нәтиҹәјә ҝәлирик ки, Јерусәлим ерамыздан әввәл 607-ҹи илдә дағыдылмышды (2 Салн. 36:21, 22; Јер. 29:10; Дан. 9:1, 2) (окт.—дек., сәһифә 24—29).

• Мәсиһчи әјләнҹәнин мүнасиб олуб-олмадығыны неҹә мүәјјән едә биләр?

Әјләнҹәнин мүнасиб вә Аллаһа мәгбул олуб-олмадығыны мүәјјән етмәк үчүн өзүмүзә нөвбәти суаллары вермәлијик: «Әјләнҹәјә нә дахилдир? Мән нә заман истираһәт етмәји планлашдырырам? Әтрафымда кимләр олаҹаг?» (15.10, сәһифә 9—12).

• Сүлејманын мәсәлләри 7:6—23 ајәләриндә јазыланлар бизә порнографијаја бахмагдан гачынмаға неҹә көмәк едә биләр?

Мүгәддәс Китабын бу парчасында јолуну әхлагсыз гадынын јашадығы јердән салан ҝәнҹ оғландан бәһс олунур. Гадын оғланы јолдан чыхарыр. Бу ҝүн биз позғун шәкилләрин јерләшдирилдији Интернет сәһифәләрини ачмамалы вә бу шәкилләрә раст ҝәлмәздән өнҹә өзүмүзә һаким олмаг барәдә Аллаһа дуа етмәлијик (15.11, сәһифә 9, 10).