Ҝәнҹләрин Суаллары
Популјар олмаг писдир?
Ашағыда ҝәтирилән сөзләрдән бирини сеч вә ҹүмләни тамамла:
Популјар олмаг ________________________
А. һәмишә јахшыдыр
Б. бәзән јахшыдыр
В. һеч вахт јахшы дејил
ДҮЗҜҮН вариант «Б» вариантыдыр. Чүнки популјар олмаг башгаларынын рәғбәтини газанмаг демәкдир вә бу, һеч дә һәмишә пис дејил. Мүгәддәс Китабда пејғәмбәрлик едилмишдир ки, мәсиһчиләр «милләтләрә нур» олаҹаглар вә бу, инсанлары онлара ҹәлб едәҹәк (Јешаја 42:6; Һәвариләрин ишләри 13:47). Бу мәнада демәк олар ки, мәсиһчиләр популјар инсанлардыр.
Билирсәнми?
Иса танынмыш инсан иди. Һәлә ҝәнҹ јашларында икән о, «Аллаһын вә инсанларын һүсн-рәғбәтини» газанмышды (Лука 2:52). Аллаһын Кәламында дејилир ки, Иса бөјүјәндә «Галилеја, Декапол, Јерусәлим, Јәһудеја вә Иордан чајынын о тајындан сајсыз-һесабсыз адам онун ардынҹа ҝедирди» (Матта 4:25).
Нәјә ҝөрә онун адлы-санлы олмасында пис шеј јох иди?
Чүнки Иса шан-шөһрәт далынҹа дүшмүрдү вә инсанларын рәғбәтини газанмаға ҹан атмырды. О, садәҹә олараг дүзҝүн оланы едирди вә бәзән бу, инсанлары она ҹәлб едирди (Јәһја 8:29, 30). Ејни заманда о баша дүшүрдү ки, инсанлар арасында шан-шөһрәт газанмаг ҝәлди-ҝедәрди вә мүәјјән вахтдан сонра инсанлар ону едам едәҹәкләр! (Лука 9:22).
Хүласә.
Популјар олмаг вар-дөвләтә саһиб олмаг кими бир шејдир. Она саһиб олмаг һәмишә пис дејил. Проблем инсанларын вар-дөвләт әлдә етмәк вә ја ону итирмәмәк үчүн нә етмәләриндәдир.
Еһтијатлы ол!
Популјар олмаг үчүн бир чох ҝәнҹләр дәридән-габыгдан чыхырлар. Бәзиләри инсанлара јалтагланырлар. Хулиганлар исә агрессив давранышла башгаларыны онлара һөрмәт етмәјә мәҹбур едирләрa.
Нөвбәти сәһифәләрдә популјарлыға ҝедән ики јанлыш вә бир дүзҝүн јол нәзәрдән кечирилир.
a Мүгәддәс Китабда Нуһун дөврүндә јашамыш «адлы-санлы» «бөјүк адамлар» һаггында бәһс олунур. Онлар башгаларына ҝөз вериб ишыг вермирдиләр. Онлары, әсасән, өзләринин шан-шөһрәт марагландырырды (Јарадылыш 6:4).
[24–ҹү сәһифәдәки чәрчивә/шәкил]
ПОПУЛЈАРЛЫҒА ҜЕДӘН ЈОЛЛАР
ЈАЛТАГЛЫГ
Башгаларынын рәғбәтини газанмалыјам.
Бунун үчүн өзүмү онлар кими апармалыјам.
«Башгаларынын һөрмәтини газанмаг үчүн онларла ајаглашмаға чалышырдым. Әввәл-әввәл бу, ишә јарајырды. Лакин сонра баша дүшдүм ки, башгалары тәрәфиндән гәбул едилмәк үчүн һеч вахт кимлијини дәјишмәмәлисән» (Никол).
Мүгәддәс Китаб принсипи: «Бир шеји садәҹә башгаларынын етдијинә ҝөрә етмә... Гојма ки, онлар сәни пис ишләрлә мәшғул олмаға тәһрик етсинләр» («Holy Bible—Easy to Read Version»).
[24–ҹү сәһифәдәки шәкил]
АГРЕССИВЛИК
Мәни артыг һамы севир вә бунун һәмишә белә галмасыны истәјирәм.
Популјар олмаг үчүн һәр шејә, һәтта башгаларыны әзишдирмәјә белә һазырам.
«Јенијетмәләр чох вахт гәддар олурлар, хулиган ушаглар исә даһа популјар олдугларындан горхаг ушаглар онларын давранышынын дүзҝүн олдуғуну дүшүнмәјә башлајырлар» (Ракел).
Мүгәддәс Китаб принсипи: «Инсанларын сизинлә неҹә рәфтар етмәсини истәјирсинизсә, сиз дә онларла елә рәфтар един» (Лука 6:31).
[24–ҹү сәһифәдәки шәкил]
ДАҺА ЈАХШЫ ЈОЛ
Принсипләрини мүәјјән ет. Мүгәддәс Китабда дејилир ки, јеткин инсанлар «јахшыны писдән ајырмаға [өјрәшдирилибләр]» (Ибраниләрә 5:14).
Етигадларына садиг ол. «Бу ҝүн кимә гуллуг едәҹәјинизи өзүнүз сечин... Амма мән вә мәним евимдәкиләр Рәббә гуллуг едәҹәк», — сөзләрини әминликлә дејән Јешуа кими ол (Јешуа 24:15).
Әминликлә сечдијин јолла ҝет. Һәвари Павел Тимотејә хатырладырды: «Аллаһ бизә горхаглыг руһу јох, ҝүҹ, мәһәббәт вә сағлам дүшүнҹә руһу вериб» (2 Тимотејә 1:7).
Ола билсин, ҝәтирилән бу үч аддымы атмагла сән бәзи ушагларын рәғбәтини итирәҹәксән, лакин ејни заманда јахшы инсанларын рәғбәтини газанаҹагсан!
[24–ҹү сәһифәдәки чәрчивә/шәкил]
ҺӘМЈАШЫДЛАРЫН НӘ ДЕЈИР?
Мелисса Әлбәттә, мәктәбдәки ушаглара бәнзәмәјә ҹәһд ҝөстәрмәк олар. Амма бу, адамы бездирир! Лакин мәсиһчи олмагла инсан башгаларындан јахшы ҹәһәтдән сечилир. Бу, сәни гәрибә етмир, әксинә, һөрмәт газандырыр.
Ешли Мәктәбдә чохлары мәни гәбул етмирди, амма мәсиһчи ҝөрүшләринә ҝедәндә вә мәни олдуғум кими севән достларымла оланда мәктәбдәки ушагларын рәғбәтини газанмаг арзусу јох олурду.
Филип Инсанлар тәрәфиндән гәбул едилмәк үчүн ҝәрәк онлара мараг ҝөстәрәсән. Тәзәликҹә достларым үчүн нә исә етмәјә башламышам. Бунун сајәсиндә бизим достлуғумуз даһа мөһкәм олду.
«Ҝәнҹләрин суаллары» рубрикасындан диҝәр мәгаләләри www.jw.org сајтындан тапа биләрсиниз.