Мүһарибә — инсаны дәһшәтә ҝәтирән вәһшәт
Инсанлара мүһарибә вә мүнагишә гәдәр ҝүҹлү тәсир едән аз шеј тапылар. Бу вәһшәт ән чох әсҝәрләрә вә динҹ әһалијә зәрбә вурур.
ӘСҜӘРЛӘР
«Фаҹиәви һадисәләр, ағыр хәсарәтләр вә ја өлүм, һамысы ҝөзүнүн өнүндә баш верир. Һәр ан һәр шеј ола биләр» (Гери, Бөјүк Британија).
«Күрәјимдән вә үзүмдән ҝүллә јарасы алмышам. Чохларынын, о ҹүмләдән гоҹаларын вә ушагларын өлүмүнә шаһид олмушам. Мүһарибә инсаны һиссијјатсыз едир, һәр шеј ҝөзүндә адиләшир» (Вилмар, Колумбија).
«Кимсә ҝөзүнүн өнүндә ҝүлләләнәндә бу сәһнә һеч вахт ағлындан ҝетмир. Фәрјад, фәған сәсләри инсанын бејниндә ҹинҝилдәјир. Һәмин инсаны һеч вахт унуда билмирсән» (Зафира, Бирләшмиш Штатлар).
ДИНҸ ӘҺАЛИ
«Мәнә елә ҝәлирди ки, бир дә һеч вахт үзүм ҝүлмәјәҹәк. Инсан өз ҹанына ҝөрә горхур, амма ән чох аиләсинин, достларынын һәјатына ҝөрә ниҝаран олур» (Олександра, Украјна).
«Ҝеҹә саат 2-дән нөвбәти ҝүн ахшам саат 11-ә кими үрәјимиз ағзымызда јемәк нөвбәсиндә дурурдуг. Билмирдик, атылан ҝүлләләрә туш ҝәләҹәјик, ја јох» (Далер, Таҹикистан).
«Мүһарибә ата-анамы әлимдән алды, јетим галдым. Мәнә арха-дајаг олаҹаг, гајғымы чәкәҹәк һеч кимим галмады» (Мари, Руанда).
Бу инсанлар мүһарибәдән әзијјәт чәксәләр дә, гәлб раһатлығы тапа билибләр. Бундан башга онлар әминдирләр ки, бүтүн мүһарибәләр вә мүнагишәләр тезликлә сона чатаҹаг. Бунун неҹә баш верәҹәји «Ҝөзәтчи гүлләси» журналынын бу сајында Мүгәддәс Китаб ајәләри илә изаһ олунаҹаг.