Əşiya
15 Muaba qarşı hökm:+
Bir gecənin içində tar-mar edildi,
Muabın Ar şəhəri+ sükuta qərq oldu.
Bir gecənin içində tar-mar edildi,
Muabın Girah şəhəri+ sükuta qərq oldu.
Muab Nəba+ və Mədəbədən+ ötrü fəryad edir.
Hamı saç-saqqalını qırxıb.+
3 Küçələrdə çula bürünüblər,
Damlarda, meydanlarda ağlaşma qurublar.
Ağlaya-ağlaya aşağı enirlər.+
Odur ki, Muabın əsgərləri qışqırıb-bağırır.
O, tir-tir əsir.
5 Muabdan ötrü ürəyim ağrıyır.
Qaçqınları Soharadək+, Eqlat-Şəlişyayadək+ qaçıblar.
Luhit yoxuşu ilə ağlaya-ağlaya qalxırlar.
Başlarına gələn bəladan Hornaim yolunda şivən qoparırlar.+
6 Nimrim suları qupquru quruyub.
Çöl-çəmən quruyub,
Göy otlar yox olub, bir yaşıllıq qalmayıb.
7 Buna görə camaat tədarükünü, mal-dövlətini götürüb
Qovaqlar dərəsindən keçirir.
9 Çünki Diman suları qana dönüb.
Dimanın başına bir bəla da gətirəcəyəm:
Muabdan qaçanların,
Ölkədə qalanların üstünə şir göndərəcəyəm.+