Yuşə

21 Lavililərin nəsil başçıları kahin Əlyazarın+, Nun oğlu Yuşənin və İsrail qəbilələrinin nəsil başçılarının yanına gəldilər. 2 Kənan diyarında, Şiloda+ onlara dedilər: «Yehova Musa vasitəsilə buyurmuşdu ki, bizə yaşamaq üçün şəhərlər, mal-heyvanımızı otarmaq üçün otlaqlar verilsin».+ 3 İsraillilər Yehovanın buyruğuna əməl edib lavililərə öz paylarından şəhərlər+ və otlaqlar verdilər.+

4 Püşk Kəhat+ nəsillərinə düşdü. Lavili kahin Harunun övladlarına on üç şəhər verildi. Püşklə verilən bu şəhərlər Yəhuda+, Şəmun+ və Binyamin+ qəbilələrinin torpaqlarında idi.

5 Qalan kəhatlılara isə Əfraim qəbiləsinin nəsillərinin, Dan qəbiləsinin və Mənəssə qəbiləsinin yarısının torpaqlarından on şəhər verildi.+

6 Hirsənlilərə+ Yəsakir qəbiləsinin nəsillərinin, Aşir qəbiləsinin, Niftalı qəbiləsinin torpaqlarından və Mənəssə qəbiləsinin yarısının Başandakı torpaqlarından on üç şəhər verildi.+

7 Nəsillərinə görə merarlılara+ isə Rubən qəbiləsinin, Cad qəbiləsinin və Zəbulun qəbiləsinin torpaqlarından on iki şəhər verildi.+

8 Beləcə, Yehovanın Musa vasitəsilə buyurduğu kimi, israillilər püşk atıb bu şəhərləri və onların otlaqlarını lavililərə verdilər.+

9 Yəhuda və Şəmun qəbilələrinin torpaqlarından adları çəkilən bu şəhərlər+ 10 Lavi qəbiləsinə aid olan kəhatlıların nəsillərindən Harun oğullarına verildi, çünki püşk əvvəlcə onlara düşmüşdü. 11 Onlara Yəhuda dağlıq bölgəsindəki Kiryat-Arbanı+ (Arba Anaqın atası idi), yəni Həbrunu+ və ətrafındakı otlaqları verdilər. 12 Lakin şəhərin torpaq sahələrini və kəndlərini Yufənna oğlu Kalibə mülk verdilər.+

13 Kahin Harunun övladlarına qətl törədənlər üçün sığınacaq şəhər kimi Həbrunu+ və otlaqlarını verdilər.+ Eləcə də, Libna+ ilə örüşlərini, 14 Yəttirlə+ otlaqlarını, İştima+ ilə otlaqlarını, 15 Hülunla+ otlaqlarını, Dəbirlə+ otlaqlarını, 16 Ayinlə+ otlaqlarını, Yüttə+ ilə otlaqlarını, Beyt-Şəmslə otlaqlarını verdilər. Bu iki qəbilədən doqquz şəhər ayırdılar.

17 Binyamin qəbiləsinin torpağından verilən şəhərlər: Gibyonla+ otlaqları, Giba ilə otlaqları,+ 18 Ənatutla+ otlaqları, Əlmunla otlaqları. Dörd şəhər.

19 Kahinlərə, Harun övladlarına on üç şəhər və otlaqları verildi.+

20 Lavililərdən olan digər Kəhat nəsillərinə Əfraim qəbiləsinin torpağından püşklə şəhərlər verildi. 21 Onlara qətl törədənlər üçün sığınacaq şəhər+ kimi Əfraim dağlıq bölgəsində Sihamla+ otlaqlarını, eləcə də Cəzərlə+ otlaqlarını, 22 Qibzayimlə otlaqlarını və Beyt-Hurunla+ otlaqlarını verdilər. Dörd şəhər.

23 Dan qəbiləsinin torpağından verilən şəhərlər: İltiqlə otlaqları, Gibtunla otlaqları, 24 Ayalonla+ otlaqları, Cat-Rimmunla otlaqları. Dörd şəhər.

25 Mənəssə qəbiləsinin yarısının torpağından verilən şəhərlər: Tanaqla+ otlaqları, Cat-Rimmunla otlaqları. İki şəhər.

26 Qalan Kəhat nəsillərinə on şəhər və otlaqları verildi.

27 Lavi nəsillərindən hirsənlilərə+ Mənəssə qəbiləsinin yarısının torpağından qətl törədənlər üçün sığınacaq şəhər verildi, Başanda Qulan+ ilə otlaqları, eləcə də Biştərahla otlaqları. İki şəhər.

28 Yəsakir qəbiləsinin torpağından+ verilən şəhərlər: Qişyunla otlaqları, Dəbrətlə+ otlaqları, 29 Yarmutla otlaqları, Eyn-Qannimlə otlaqları. Dörd şəhər.

30 Aşir qəbiləsinin torpağından+ verilən şəhərlər: Məsal ilə otlaqları, Əbdunla otlaqları, 31 Həlkətlə+ otlaqları, Rəhubla+ otlaqları. Dörd şəhər.

32 Niftalı qəbiləsinin torpağından verilən şəhərlər: qətl törədənlər üçün sığınacaq şəhər+ kimi Cəlilədə Qədəslə+ otlaqları, eləcə də Hamut-Dorla otlaqları, Qərtanla otlaqları. Üç şəhər.

33 Nəsillərinə görə hirsənlilərə on üç şəhər və otlaqları verildi.

34 Qalan lavililərə, Merar+ nəsillərinə Zəbulun qəbiləsinin torpağından+ Yuğnimlə+ otlaqları, Qartahla otlaqları, 35 Dimnə ilə otlaqları, Nahalal+ ilə otlaqları verildi. Dörd şəhər.

36 Rubən qəbiləsinin torpağından verilən şəhərlər: Bəsərlə+ otlaqları, Yahasla otlaqları,+ 37 Kədimutla otlaqları, Mehpatla otlaqları. Dörd şəhər.

38 Cad qəbiləsinin torpağından+ verilən şəhərlər: qətl törədənlər üçün sığınacaq şəhər kimi Giladda Ramut+ ilə otlaqları, eləcə də Mahanayimlə+ otlaqları, 39 Həşbunla+ otlaqları, Yazirlə+ otlaqları. Cəmi dörd şəhər.

40 Qalan Lavi nəsillərinə, merarlılara nəsillərinə görə on iki şəhər verildi.

41 Lavililərə israillilərin mülk torpaqlarından otlaqları ilə birgə qırx səkkiz şəhər verildi.+ 42 Bu şəhərlərin hər birinin ətrafında otlaqlar var idi.

43 Beləcə, Yehova ata-babalarına and içdiyi kimi, bütün bu ölkəni israillilərə verdi.+ Onlar da bu ölkəyə sahib olub, orada məskunlaşdılar.+ 44 Üstəlik, Yehova ata-babalarına and içdiyi kimi, onlara hər tərəfdən dinclik verdi.+ Onların qarşısında heç bir düşmən duruş gətirə bilmədi.+ Yehova bütün düşmənlərini onlara təslim etdi.+ 45 Yehovanın İsrail evinə verdiyi bütün gözəl vədlərdən heç biri boşa çıxmadı, hamısı yerinə yetdi.+