Məsəllər

16 Ürəkdəki fikirlər insandan,

Verilən cavab Yehovadan olur.+

 2 İnsanın bütün yolları öz gözündə düz görünər,+

Amma Yehova onun niyyətlərini yoxlar.+

 3 Hər işini Yehovaya tapşır,+

Onda niyyətin baş tutar.

 4 Yehova hər şeyi öz məqsədi üçün qurub,

Hətta pislərin fəlakət günündə məhv olmasını da.+

 5 Ürəyi təkəbbürlü adamdan Yehova ikrah edir,+

Bil ki, o, cəzasız qalmaz.

 6 Məhəbbət və sədaqət günahı yuyar,+

Yehova xofu insanı şərdən saxlayar.+

 7 Yehova bəndənin tutduğu yoldan razı qalarsa,

Hətta düşmənini də onunla barışdırar.+

 8 Halal yolla gələn xırda gəlir+

Haram yolla gələn böyük gəlirdən yaxşıdır.+

 9 İnsan ürəyində özü üçün yol qurar,

Amma addımlarını Yehova yönəldər.+

10 Padşahın dilindən Allahın hökmləri çıxmalıdır,+

O gərək heç vaxt haqqı tapdalamasın.+

11 Düz tərəzi ilə çəki Yehovadandır,

Torbadakı çəki daşları Ondandır.+

12 Şər əməllər padşah üçün iyrəncdir,+

Çünki taxt-tac haqla bərqərar olar.+

13 Doğru söhbət padşahlara xoş olar,

Onlar düz danışanı sevərlər.+

14 Padşahın qəzəbi ölüm qasididir,+

Amma ağıllı adam onu özündən ötüşdürər.+

15 Padşahın üzünün nuru həyatdır,

Lütfü yağmurlu bahar bulududur.+

17 Düz adamın yolu pislikdən uzaqdır,

Yoluna fikir verən canını qoruyar.+

18 Əcəldən qabaq qürur,

Süqutdan öncə təkəbbür gələr.+

19 Sadə olub həlimlərlə oturub-durmaq

Məğrurlarla qənimət bölüşdürməkdən yaxşıdır.+

20 Məsələyə anlayışla yanaşan uğur tapar,

Yehovaya güvənən nə bəxtiyardır!

21 Ürəyi hikmətli olan kəs ağıllı adlanar,+

Şirin dil inandırıcı olar.+

22 Anlayış öz sahibi üçün həyat çeşməsidir,

Amma axmağı öz axmaqlığı cəzalandırar.

23 Müdrik adamın ürəyi dilini arif edər,+

Sözlərini inandırıcı edər.

24 Xoş sözlər arı şanıdır,

Cana şirin, sümüklərə məlhəmdir.+

25 Yol var ki, adama düz görünür,

Amma axırı ölümdür.+

26 Zəhmətkeş özü üçün zəhmət çəkər,

Çünki aclıq onu vadar edər.+

27 Yaramaz adam qurdalayıb pis şeyi üzə çıxarar,+

Onun sözləri alov kimi qarsıdar.+

28 Aravuran nifaq salar,+

Böhtançı yaxın dostları ayırar.+

29 Qəddar adam qonşusunu tovlayar,

Onu əyri yola çəkər,

30 Fitnə qurub göz vurar,

Pislik edib qımışar.

31 Salehlik yolunda ağaran saçlar

Gözəllik tacıdır.+

32 Səbrini basan+ güclü adamdan yaxşıdır,

Təmkinli adam şəhər alandan üstündür.+

33 Püşk atılar,+

Amma nəticəsi Yehovadan olar.+