Babil qülləsi

Daşqından sonra Nuhun nəvələri olur. Onların ailələri böyüyür və Yehovanın tapşırdığı kimi yer üzünə yayılmağa başlayır.

Ancaq bəzi ailələr Yehovanın sözünə qulaq asmır. Onlar deyirlər: «Gəlin şəhər salıb orada yaşayaq. Şəhərdə başı göylərə çatan bir qüllə tikib məşhur olaq».

Onların bu hərəkəti Yehovaya acıq gedir və O qərara gəlir ki, bu işi dayandırsın. Bilirsən, O nə edir? O, dərhal insanların dillərini dəyişir və insanlar bir-birilərini başa düşmürlər. Buna görə də tikinti dayanır. Tikdikləri şəhərin adı «qarışdırma» mənasını daşıyan Babil olur. İnsanlar dağılışıb dünyanın digər yerlərində yaşamağa başlayır. Bəs görəsən, hələ də Yehovanı sevən kimsə var? Növbəti hekayədən bu haqda öyrənəcəyik.