Yehovanın Şahidlərinin 2003-cü ildə keçirəcəkləri “Allaha izzət verin” adlı vilayət konqresi
1 Yehova sadiq peyğəmbəri İşayanın vasitəsilə göstəriş verdi: “Məni yaxşı dinləyin, ey xalqım; və ey ümmətim, mənə qulaq verin” (İş. 51:4). Bu çətin günlərdə Yehovanı dinləməyin daha vacib olduğu ilə razı deyilikmi? Məsələn, biz Yehovanın bir yerə toplaşmaq əmrinə riayət etməklə Onu ‘dinləyə’ bilərik. Tezliklə vilayət konqresində bizə belə bir imkan nəsib olacaq və biz həmin anı necə də səbirsizliklə gözləyirik! Yehovanın Şahidlərinin Rəhbərlik şurası Rusiya filialının nəzdində olan ərazilərdə 2003-cü ildə yenidən keçiriləcək çoxlu vilayət konqresləri təşkil etmişdir.
2 “Gözətçi Qülləsi”nin 2002-ci il 1 iyul sayında (rus.) qeyd olunmuşdu ki, üzümüzə gələn il dünyanın bütün ölkələrindən insanların toplaşacaqları beynəlxalq konqreslər keçiriləcəkdir. Bu konqreslərin sayı məhdud olduğundan, orada yalnız də’vət almış yığıncaqlar iştirak edəcək, lakin beynəlxalq qardaşlıq əhval-ruhiyyəsi bütün vilayət konqreslərində hiss olunacaqdır. Bu konqreslərin əksəriyyətinə, bizimlə maraqlı hadisələri bölüşəcək missionerlər gələcəklər. Yay konqreslərinin proqramından necə tam fayda əldə etmək olar?
3 Üç günün hamısında iştirak et. Sadiq və ağıllı qul sinfi tərəfindən hazırlanmış ruhani azuqələrin hamısından dadmaq üçün, proqramın bütün hissələrində iştirak etməyə qəti qərarlı olmalıyıq (Mat. 24:45). Bunun üçün sənə işdən icazə almaq lazımdırmı? Yerusəlimə gedib, onun divarlarını bərpa etmək üçün Artakserks padşahdan icazə istəməzdən əvvəl Nehemya ‘göylərin Allahına dua etdi’ (Neh. 2:4). Konqresin hər üç günü üçün icazə almaqdan ötrü Yehovadan cəsarət istə. Əgər müdir səni buraxmaq istəməsə necə? Ona izah et ki, konqreslərdə bizi doğru, çalışqan, e’tibarlı işçilər olmağa öyrədirlər, bəlkə bu onu icazə verməyə təşviq etdi. Bundan əlavə, əgər ailənin bə’zi üzvləri sənin imanına şərik deyillərsə, yaxşı olardı ki, konqres barədə planlarını onlara qabaqcadan bildirəsən.
4 Yer sifariş edərkən “Məsləhət görülən mənzillərin siyahısı”ndan istifadə et. Son bir neçə ay ərzində, mənzil şö’bəsi konqresin keçiriləcəyi ərazidə vilayət konqresinə gələcək nümayəndələri yerləşdirmək üçün mənzil axtarışı ilə əlaqədar iş aparır. Tezliklə sizin yığıncaq “Məsləhət görülən mənzillərin siyahısı” blankını alacaq. Bu siyahı e’lanlar lövhəsinə asılacaq. Kitaböyrənmə nəzarətçiləri öz qrupları üçün bu siyahının surətini yalnız o halda çıxara bilərlər ki, yığıncağın hansı vilayət konqresinə də’vət olunduğu haqda məktub oxunan həftədə həmin yığıncaq üçün rayon konqresi keçirilsin. Hətta belə halda da, ayrı-ayrı təbliğçilər üçün “Məsləhət görülən mənzillərin siyahısı”nın surətini çıxarmaq olmaz.
5 Mənzil sifariş edən zaman 4-cü səhifədəki qrafada olan göstərişlərə riayət edin. Mənzil şö’bəsi, maddi imkanları məhdud olan təbliğçilər üçün xüsusi olaraq yataqxanalarda və yaşamaq üçün yararlı olan digər yerlərdə ucuz mənzillərlə əlaqədar müqavilə bağlayır. Bu cür mənzillərdə yaşamaq baha başa gəlmir, lakin bir qayda olaraq, belə yerlərdə yaşamaq və yaxşı istirahət etmək üçün normal şərait yoxdur.
6 Bunu nəzərə alaraq, ailələrin çoxu və yığıncağın ayrı-ayrı üzvləri il ərzində müəyyən məbləği ayırıb kənara qoyurlar ki, konqres günlərində mehmanxanada otaq kirayələyə bilsinlər. Beləliklə onların həm xərclərini ödəmək, həm də konqresin hər günündən sonra yaxşı istirahət etmək imkanları olur. Yaşayış şəraiti konqresdə ruhani qidanı mənimsəməyimizə və bacı-qardaşlarımızla ünsiyyətdən həzz almağımıza az tə’sir göstərmir.
7 Mənzil şö’bəsi ərizələrdə qeyd edilən tələbatlara müvafiq olan mənzillər təqdim etməyə çalışır. Bu sahədə isə, konqresə gələn nümayəndələr üçün öz mənzillərini təqdim edən bacı-qardaşlar çox köməklik göstərirlər. Əgər siz vilayət konqresinin keçiriləcəyi şəhərdə yaşayır və nümayəndələrə öz mənzilinizdə yer ayırmağı planlaşdırırsınızsa, yığıncağın katibinin sizə verəcəyi “Mənzillər” (CO-4) blankında bə’zi təfsilatları qeyd etməyə çalışın, məsələn: yataq dəstləri, qida və s. varmı?
8 Xüsusi tələbatları olanlara kömək. Sizin yığıncağınızda, konqresə getmək üçün köməyə ehtiyac duyan kəslər varmı? Yaşlıların, zəiflərin və ya tammüddətli xidmətdə çalışanların qayğısına qalmaq ilk növbədə onların məsihçi qohumlarının vəzifəsidir, lakin buna bənzər vəziyyətdən xəbəri olan ağsaqqallar və digər təbliğçilər də lazım olan köməyi göstərə bilərlər.
9 Yığıncağın xidməti komitəsi, təbliğçilər tərəfindən doldurulmuş “Xüsusi tələbatlı şəxslər üçün mənzil sorğusu” blankının hamısını nəzərdən keçirəcəklər. Blankda qeyd olunan göstərişlərə riayət edərək xidməti komitə aydınlaşdırmalıdır ki, görsün həqiqətənmi bu blanklardakı xahişlərin hamısını yerli səviyyədə tə’min etmək mümkün olmayacaq? Bu cür blanklar uşaqları yaxşı tərbiyəli olan nümunəvi təbliğçilər üçündür. Əgər mənzil şö’bəsində çalışan qardaşların blankda xatırlanan xüsusi tələbatlara dair sualları yaranarsa, onlar yığıncağın katibi ilə əlaqə saxlayacaqlar.
10 Başqa konqresdə olmaq. Əgər sənin yığıncağının də’vət olunduğu konqresə deyil, başqasına kedəcəksənsə və mehmanxanada yer kirələmək istəyirsənsə, xahiş olunur, yığıncağının katibinə müraciət et. O sənə, “Xüsusi tələbatlı şəxslər üçün mənzil sorğusu” blankının arxasında dərc olunan konqreslərin baş şö’bəsinin ünvanlarını verəcəkdir. Öz sorğunu müvafiq ünvana göndər və məktubun içinə üzərində marka və öz ünvanın olan zərf qoy. Əgər həmin şəhərdə birdən artıq konqres keçiriləcəksə, onda mütləq blankda məhz olmaq istədiyin konqresi qeyd et. Həmin şəhərin mənzil şö’bəsi, orada keçirilən konqresin nümayəndələri üçün məsləhət görülən mənzillərin ən yeni siyahısını göndərəcəkdir.
11 Biz tamaşa olduq. İnsanlar Yehovanın Şahidləri ilə başqaları arasında olan fərqi görürlərmi? Mütləq! Bir şəhərdə olan mehmanxananın rəhbər üzvləri bu sözləri demişlər: “Biz həmişə müxtəlif qurultayların nümayəndələri ilə əməkdaşlıq edirik, amma bu cür mülayim və səmimi müştərilərə rast gəlməmişik”. “Ötən həftə bizim mehmanxanada başqa dinin nümayəndələri yaşayırdılar. Sizinlə onlar arasındakı fərq açıq-aydındır”. “Biz bilirik ki, sizə bel bağlamaq olar və siz həvəslə əməkdaşlıq edirsiniz”. Məgər “yuxarıdan nazil olan hikmət”in bizim şəxsiyyətimizə göstərdiyi bu cür tə’sirə görə minnətdar deyilikmi? (Yaq. 3:17). Biz bu “dünya... üçün tamaşa” olmuşuq, buna görə də qoy bizim davranışımız həmişə Allahımız Yehovanın müqəddəsliyini və böyüklüyünü əks etdirsin (1 Kor. 4:9).
12 “Bu dünyanın indiki surəti keçib gedir”, buna görə də vilayət konqreslərinin diqqətimizi ruhani dəyərlərə mərkəzləşdirməkdə bizə kömək etməsi vacibdir (1 Kor. 7:31). Konqresin hər üç günündə iştirak etmək üçün sərf etdiyimiz cəhdlər mütləq ödənəcəkdir! Şeytan dünyası üzərində Allahın hökmünün yerinə yetməsini gözlədiyimiz bir vaxtda, bu ilin “Allaha izzət verin” adlı vilayət konqresi cəsarətimizi qoruyub saxlamaqda bizə kömək etməlidir. Gəlin, Yehovanın bizim üçün hazırlanmış nəsihətlərini əldə etməyə heç nəyin mane olmasına yol verməyək! (İş. 51:4, 5).
[3 səhifədəki çərçivə]
Proqramın vaxtı
Cümə və şənbə
9:30-17:00
Bazar günü
9:30-16:05
[4 səhifədəki çərçivə]
Mehmanxanada yer sifariş etməyin üsulu
1. Mehmanxanalara mümkün qədər tez və iş vaxtı zəng edin. Mehmanxanaların “Məsləhət görülən mənzillərin siyahısı”nda göstərilən telefon nömrələrindən istifadə edin.
2. Mehmanxana işçilərinə bildirin ki, Yehovanın Şahidlərinin konqresinə gəlirsiniz.
3. Mehmanxanada qalacağınız vaxtı onlara bildirin.
4. Əmin olun ki, sizə “Məsləhət görülən mənzillərin siyahısı”nda qeyd olunan qiymətə yer verirlər. Bundan artıq qiymətə razılaşmayın.
Xahiş olunur:
◼ “Məsləhət görülən mənzillərin siyahısı”nda göstərilən mehmanxanalarda qalın.
◼ Sizə həqiqətən də lazım olacaq mənzili sifariş edin.
◼ Birinci sifarişinizi dəyişməyin.
◼ Unutmayın, bütün xərcləri özünüz ödəməlisiniz.
◼ Mənzil üçün qiymət danışarkən “Məsləhət görülən mənzillərin siyahısı”nda qeyd olunan qiymətlərə əsaslanın.
Xüsusi tələbatlı şəxslər üçün mənzil sorğusu blankını verməyin üsulu
1. Yaşayacağınız mənzil üçün sorğunu sadəcə olaraq məktub, telefon və ya buna bənzər başqa üsulla etməyin.
2. “Xüsusi tələbatlı şəxslər üçün mənzil sorğusu” blankını səliqə ilə doldurun.
3. Blankınızı, yığıncaqda məktubla bərabər “Məsləhət görülən mənzillərin siyahısı”nın alınması barədə e’lan edilən kimi doldurun.
4. Seçdiyiniz yaşayış yerinin sahibi ilə əməkdaşlıq etməyə, günün cədvəlinə riayət etməyə, təmizliyi qorumağa və s. hazır olun.