Xüsusi birgünlük konqresin yeni proqramı

2008-ci il xidmət ilinin xüsusi birgünlük konqresinin mövzusu Yeşaya 64:8 ayəsinə əsasən belə adlanır: «Biz gilik, Yehova isə Dulusçumuz». Bu proqramda aldığımız Müqəddəs Kitab nəsihəti sayəsində, Yehovanın Böyük Dulusçu kimi sahib olduğu müdrikliyinə, ədalətinə, qüvvəsinə və məhəbbətinə görə minnətdarlığımız artacaq.

Rayon nəzarətçinin «Təbliğ xidmətini şərəfli qablar kimi icra edək» adlı mə’ruzəsi, get-gedə daha çox insanın həqiqəti bilməkdən və onu başqaları ilə bölüşməkdən necə bol-bol xeyir-dua aldığını göstərəcək. «Dərindən düşünmək səni qoruyacaq» adlı mə’ruzə, Yehovanın ədalətli prinsipləri üzərində ciddi düşünməyin bizi necə müdafiə etdiyini aşkar edəcək. Də’vət olunmuş natiq dinləyicilərə, «Bu zəmanəyə uyğunlaşmayın» və «Qoy sizi Böyük Dulusçu formalaşdırsın» adlı mə’ruzələri təqdim edəcək. Valideynlər və gənclər «Yehovanın işində yararlı olan gənclər» və «Uşaqların formalaşmasında valideynlərin rolu» adlı mə’ruzələrdən ruh yüksəkliyi alacaqlar. Qardaş-bacılarımızın öz xidmətlərini necə yerinə yetirdiklərini göstərən səhnəciklər və müsahibələri eşitmək və müşahidə etmək bizə xoş tə’sir bağışlayacaq. Özünü Allaha həsr etdiyini suda vəftiz olunmaqla simvollaşdırmaq istəyənlər, bunu sədrlik edən nəzarətçiyə imkan daxilində tez mə’lumat verməlidirlər. Əmin olun ki, xüsusi birgünlük konqresdə müzakirə olunacaq «Gözətçi Qülləsi»ni götürmüsünüz.

Böyük Dulusçu Özünün hər bir niyyətini yerinə yetirir. Amma bizlərdən hər birimiz Onun bizi formalaşdırmasına necə hay verəcəyimizi özümüz seçməliyik. Yehovanın normalarına hikmətlə tabe olan və saflaşan məsihçilər, dulusçu çarxında gil parçasından formalaşmış, pardaxlanmış və başqa şəklə salınmış yararlı qab kimi ola bilərlər. Biz Yehova ilə əməkdaşlıq edəndə Onun hökmranlığını izzətləndiririk və bol xeyir-dualar alırıq.