«Allahın Padşahlığı haqqında ‘ətraflı şəhadət verin’»
1. Martın 14-dən etibarən Yığıncağın Müqəddəs Kitab öyrənməsində nə müzakirə olunacaq?
1 Yığıncağın Müqəddəs Kitab öyrənməsində 2011-ci il martın 14-dən etibarən «Allahın Padşahlığı haqqında ‘ətraflı şəhadət verin’» adlı kitab müzakirə ediləcək. «Həvarilərin işləri» kitabını əhatə edən bu nəşr elə tərtib olunub ki, oxucu orada sürətlə inkişaf edən hadisələrin iştirakçısına çevrilərək hiss-həyəcanı yaşaya bilsin. «Şəhadət verin» kitabının məqsədi «Həvarilərin işləri» kitabını ayəbəayə araşdırmaq yox, orada yazılan hadisələrdən dərs götürməkdə və öyrəndiklərimizi şəxsən necə tətbiq edəcəyimizi anlamaqda bizə kömək etməkdir (Rom. 15:4).
2. «Şəhadət verin» kitabının bəzi səciyyəvi xüsusiyyətlərini sadalayın.
2 Kitabın diqqətəlayiq cəhətləri. 2-ci səhifədəki giriş sözləri Rəhbərlik Şurasının səmimi məktubundan ibarətdir. Onlar arzu edirlər ki, biz bu nəşrdən fayda əldə edək. 2-ci fəsildən başlayaraq hər fəslin əsas mövzusu vurğulanır və «Həvarilərin işləri» kitabının hansı hissəsinin araşdırılacağı göstərilir. Bir çox fəsillərdə insanlar, yerlər və hadisələr haqda qısa məlumat verən çərçivələr yerləşir. Səhifələrin kənarlarında buraxılmış geniş boş yerlərdə öyrənmə zamanı qeydlər aparmaq olar. Kitabda Müqəddəs Yazılardakı səhnələri təfərrüatına kimi təsvir edən və vacib hadisələri təsəvvürümüzdə canlandırmağa kömək edən rəsmlər, eləcə də sonuncu səhifədə bu şəkilləri izah edən indeks var. Kitabın ön və arxa forzaslarında birinci əsrdəki həmimanlılarımızın xoş xəbəri «yerin ucqarlarınadək» necə yaydıqlarını aydın görməyə kömək edən xəritələr yer alır (Həv. iş. 1:8).
3. «Həvarilərin işləri» kitabını araşdırarkən hansı vacib suallara cavab tapacağıq?
3 Vacib suallara cavab. «Həvarilərin işləri» kitabı məsihçi xidməti ilə bağlı suallara aydın cavab tapmağa kömək edəcək. Məsələn, hansı iş və xəbər İsa Məsihin əsil davamçılarını tanımağa kömək edir? Ümumdünya təbliğ işinə kim və necə rəhbərlik edir? Təqib və müqavimətlər zamanı Allahın xidmətçilərinin hansı imkanı yaranır? Müqəddəs ruh xidmətimizdə hansı rolu oynayır?
4. Bu nəşrdən tam faydanı necə əldə edə bilərik?
4 Təqdim olunan bu nəşrdən tam fayda əldə etmək üçün əvvəlcədən hazırlaş və yığıncaqda müzakirədə iştirak et. Heç bir görüşdən qalmamağa və xidmətdə tətbiq edə biləcəyin dərslərin üzərində düşünməyə çalış. Qoy bu maraqlı nəşrin müzakirəsi bizi Allahın padşahlığı haqqında ətraflı şəhadət verməyə təşviq etsin (Həv. iş. 28:23).