Yehova Allah və İsa Məsih kimi həqiqi ibadətin qeyrətini çəkin
1. Xatirə gecəsi vaxtı Yehovanın Şahidləri xüsusilə nə edirlər?
1 Yehova Allah Öz niyyətinin həyata keçməsi üçün səylə çalışır. Allahın Padşahlığının gətirəcəyi bəzi nemətlərlə bağlı Əşiya 9:7 ayəsində deyilir: «Bunu Ordular Allahı Yehovanın qeyrəti edəcək». Eynilə, yer üzündə xidmət edərkən Allahın Oğlu da həqiqi ibadətin qeyrətini çəkirdi (Yəh. 2:13—17; 4:34). Bütün dünyada milyonlarla təbliğçi Yehova Allah və İsa Məsih kimi həqiqi ibadətin qeyrətini çəkirlər və bunu xüsusilə də Xatirə gecəsi vaxtı xidmətlərini artırmaqla göstərirlər. Siz də onlardan biri olacaqsınızmı?
2. Martın 14-dən etibarən biz xüsusilə nəyə çalışacağıq?
2 Xatirə gecəsi ilə bağlı kampaniya. Bu il Xatirə gecəsi ilə əlaqədar kampaniya martın 14-ü şənbə günü başlayacaq. Səylə xidmət etmək üçün işinizi indidən planlaşdırın. Yığıncaqlar öz ərazilərinin mümkün qədər çox hissəsində təbliğ etmək üçün canla-başla çalışacaqlar. Dəvətnamə verərək, yaxud saytdan istifadə edərək Müqəddəs Kitabı öyrətdiyiniz, təkrar baş çəkdiyiniz adamları, iş və məktəb yoldaşlarınızı, qohum-əqrəbalarınızı bu mərasimə dəvət edin.
3. Mart və aprel aylarında xidmətimizi necə artıra bilərik?
3 Köməkçi pioner. Biz həqiqi ibadətin qeyrətini çəkdiyimizə görə xidmətimizi artıracağıq. Sözsüz ki, bir çoxlarımızın mart və aprel ayında köməkçi pioner kimi xidmət etmək imkanı olacaq. Belə ki, həmin vaxt 30 saatlıq norma ilə də köməkçi pioner kimi xidmət edə bilərik. Ailəvi ibadət və ya şəxsi mütaliə zamanı dua edərək bunu necə edə biləcəyinizi götür-qoy edin (Məs. 15:22). Bu kampaniyaya canla-başla hazırlaşmağınız başqalarını da həvəsləndirə bilər. Daha çox xidmət etmək üçün lazımi dəyişikliklər etsəniz, bu, sizin İsa kimi, Allahın işinin qeyrətini çəkdiyinizi göstərəcək (Mark 6:31—34).
4. Yehova Allah və İsa Məsih kimi, həqiqətin qeyrətini çəkməyin mükafatı nə olacaq?
4 Xatirə gecəsi zamanı həqiqi ibadətin qeyrətini çəkən Yehova Allahı və İsa Məsihi təqlid etməyinizin mükafatı bol olacaq. Hələ ərazimizdə müjdəni qəbul edəcək çox insanlar var. Biz Yehova Allaha xidmət etməyin və başqalarına xeyirxahlıq göstərməyin gətirəcəyi xoşbəxtliyi dadacağıq (Həv. 20:35). Ən əsası, Allahı və İsa Məsihi razı salacağıq.