Müqəddəs Kitab Allahdan namədir

Yehova Allah bizə möhtəşəm bir hədiyyə verib. Bu, 66 bölmədən ibarət Müqəddəs Kitabdır. Amma, ola bilsin, siz düşünürsünüz: «Müqəddəs Kitab insanlara necə nazil olub? Bu kitabın müəllifi kimdir?» Bu suallara cavab tapmaq üçün gəlin Allahın Müqəddəs Kitabı bizə necə nazil etdiyinə nəzər salaq.

1. Müqəddəs Kitabı insanlar yazıbsa, nəyə görə Müəllifinin Allah olduğunu deyirik?

Müqəddəs Kitab b. e. ə. 1513-cü ildən b. e. təxminən 98-ci ilinə qədər yazılıb. 1600 ildən çox davam edən dövr ərzində yazılmış bu kitabı təxminən 40 nəfər kişi qələmə alıb. Onlar müxtəlif təbəqədən olan insanlar idi. Bununla belə, Müqəddəs Kitabın bütün hissələri bir-birilə həmahəngdir. Bu necə mümkündür? Çünki Müqəddəs Kitabın Müəllifi Allahdır. (1 Salonikililərə 2:13 ayəsini oxuyun.) Kitabı qələmə alan insanlar öz fikirlərini yazmırdılar. Onlar «müqəddəs ruh tərəfindən yönəldilərək Allahdan gələn sözləri» danışırdılara (2 Butrus 1:21). Allah müqəddəs ruhu vasitəsilə insanları hərəkətə gətirərək Öz fikirlərini yazdırmışdı (2 Timutiyə 3:16).

2. Müqəddəs Kitab kimlər üçündür?

Allah demişdi ki, Müqəddəs Kitabda yazılmış müjdə «hər xalqa, tayfaya, dilə və ümmətə» məxsus insanlara fayda gətirəcək. (Vəhy 14:6 ayəsini oxuyun.) Həqiqətən də, bu gün Müqəddəs Kitab bütün kitablardan daha çox dildə mövcuddur. Harada yaşamasından, hansı dildə danışmasından asılı olmayaraq, demək olar ki, hamı Müqəddəs Kitabı oxuya bilər.

3. Yehova Müqəddəs Kitabı necə qoruyub?

Müqəddəs Kitab dəridən və papirusdan hazırlanmış davamsız yazı materiallarının üzərinə yazılmışdı. Amma Müqəddəs Kitaba dəyər verən insanlar onu diqqətlə köçürürdülər. Bir sıra səlahiyyətli şəxslər Müqəddəs Kitabı yox etməyə çalışsalar da, bəzi insanlar həyatları bahasına onu qorumuşdular. Yehova yol verməyib ki, bizimlə ünsiyyət qurmasına kimsə və ya nəsə mane olsun. Müqəddəs Kitabda yazılıb: «Allahımızın sözü əbədi qalar» (Əşiya 40:8).

D Ə R İ N L İ Y Ə  V A R I N

4. Müəllifinin kim olduğunu Müqəddəs Kitab özü açıqlayır

VİDEOYA baxın. Sonra 2 Timutiyə 3:16 ayəsini oxuyun və növbəti sualları müzakirə edin:

VİDEO: «Müqəddəs Kitabın müəllifi kimdir?» Fraqment (2:48)

• Əgər Müqəddəs Kitabı insanlar yazıbsa, onda nəyə görə o, Allahın Sözü adlanır?

• Sizcə, Allahın Öz fikirlərini insanlara çatdırması məntiqli deyil?

5. Müqəddəs Kitabı məhv etmək mümkün olmadı

VİDEO: «Onlar Müqəddəs Kitaba dəyər verirdilər. Sənədli filmdən parça (Uiliyam Tindal)» (6:17)

• İnsanların Müqəddəs Kitabı öz həyatları bahasına qoruması sizdə onu oxumağa həvəs yaradır?

Zəbur 119:97 ayəsini oxuyun və növbəti sualı müzakirə edin:

• Özlərini təhlükəyə atıb, Müqəddəs Kitabı tərcümə etməyə və yaymağa insanları nə təşviq etmişdi?

6. Bütün insanlar üçündür

Müqəddəs Kitab dünyada ən çox dilə tərcümə olunmuş və ən geniş yayılmış kitabdır. Həvarilərin işləri 10:34, 35 ayələrini oxuyun və növbəti sualları müzakirə edin:

• Nə üçün Allah istəyir ki, Kəlamı çoxlu dilə tərcümə olunsun və geniş yayılsın?

• Müqəddəs Kitab haqqında öyrəndiyiniz hansı məlumat sizə daha maraqlı gəldi?

İCMAL

Müqəddəs Kitab Allahın Kəlamıdır. Allah Öz Kəlamını bütün bəşəriyyət üçün əlçatan edib.

Təkrar

• Allah Müqəddəs Kitabı necə nazil edib?

• Bu dərsdə Müqəddəs Kitab barədə öyrəndiyiniz hansı məlumat sizə maraqlı gəldi?

• Allahın sizinlə ünsiyyət etmək üçün bu qədər işlər görməsi sizdə hansı hissləri oyadır?

Ə L A V Ə  M Ə L U M A T

Müqəddəs Kitabın ilk əlyazmalarından müasir tərcümələrinə qədər olan tarixi ilə tanış olun.

«Müqəddəs Kitab bizim dövrə necə gəlib çatıb?» («Oyanın!», noyabr 2007)

Müqəddəs Kitabın üç böyük təhlükədən necə qorunduğu barədə oxuyun.

«Allahın qoruduğu Müqəddəs Kitab» («Gözətçi qülləsi» № 4, 2016)

Görün insanlar hansı təhlükələrə rəğmən, Müqəddəs Kitabı tərcümə etmişlər.

«Onlar Müqəddəs Kitaba dəyər verirdilər» (14:26)

Müqəddəs Kitab dəfələrlə köçürülüb və tərcümə olunub. Bu kitabın dəyişdirilmədiyinə necə əmin ola bilərsiniz?

«Müqəddəs Kitab təhrif olunub?» (internet məqaləsi)