Ürəyini qoru

1. Ürək həyat mənbəyidir,

Qorun pis əməldən.

Bilir Rəbb qəlbindəkini,

Görür səni içdən.

Hərdən ürək əyri yola

Çəkə bilər səni,

Sayıq ol, qoy ürəyinə

Ağlın yol göstərsin.

2. Qəlbin həlim olsun deyə

Dua et Allaha.

Şükr et, bildir arzuların,

Aç qayğını Ona.

Yehovanın nəsihəti

Verir böyük fayda.

Qəbul et onu ürəkdən,

Allahı razı sal.

3. Qəlbindən şübhələri qov,

Həqiqəti düşün,

Ürəyinə təsir etsin

Rəbbin sözü hər gün.

Yehova sadiq qalanı

Əmin ol, çox sevir.

Xidmət etsən tam ürəklə,

Dostun olar sənin.