Din diqqət mərkəzində

Dünya

Dünya əhalisinin dörddə üçündən çoxu siyasi və ya ictimai düşmənçilik ucbatından dinə məhdudiyyət qoyulan ölkələrdə yaşayırlar. Son beş il ərzində dini azlıq təşkil edənlərin müqavimətlə üzləşdiyi ölkələrin sayı ikiqat artıb.

DÜŞÜNÜN: Bir-birinə zidd hansı səbəblərə görə insanlar dinə düşmən kəsiliblər? (Mətta 23:27, 28; Yəhya 15:19).

İngiltərə

Keçmiş baş nazir Toni Bleyer bir qəzetdə qeyd edir ki, son zamanlar baş verən terror aktlarını din adı altında görürlər («Observer»). O əlavə edir: «Bu əsrdəki müharibələr XX əsrdəki müharibələrdən fərqli olaraq, siyasi ideologiya nəticəsində baş vermir. İndi müharibələr mədəniyyət və din müxtəlifliyi ilə bağlı məsələlərə görə qopur».

DÜŞÜNÜN: Nəyə görə bölünmənin səbəbkarı çox vaxt din olur? (Mark 7:6—8).

Avsrtaliya

Avstraliya statistika bürosunun hesabatına görə, hər 5 avstraliyalıdan biri heç bir dinə mənsub olmadığını deyir. Həmçinin orada deyilir ki, «hər hansı dinə mənsub olmaq dindar olmaq demək deyil». Dinə mənsub olduğunu deyən yalnız 15 faiz kişi və 22 faiz qadın bildirir ki, mənsub olduqları dini icmanın fəal üzvləridirlər.