Ғайса енәйәтселекте бөтөрөр

Ғайса енәйәтселектән һәм ғәҙелһеҙлектән ғазап сигеүҙең нимә икәнен яҡшы белә. Уны нахаҡҡа ғәйепләгәндәр, законһыҙ ҡамсылағандар, аҙаҡ хөкөм иткәндәр, ғәҙелһеҙ хөкөм ҡарары сығарғандар һәм язалап үлтергәндәр. Бер ғәйебе булмаһа ла, ул ҙур теләк менән һәм эскерһеҙ рәүештә «үҙ ғүмерен күптәр өсөн йолом итеп» биргән (Матфай 20:28; Яхъя 15:13). Хәҙер Ғайса күктәге хөкүмәттең — Алла Батшалығының Батшаһы. Тиҙҙән ул бөтә ер йөҙөндә, енәйәтселекте мәңгегә юҡ итеп, ғәҙеллек урынлаштырасаҡ (Ишағыя 42:3).

Изге Яҙмала, Ғайса быларҙың барыһын тормошҡа ашырғас, донъяның ниндәй буласағы һүрәтләнә:

• «Саҡ ҡына көт, яуыз юҡҡа сығыр, булған ерендә уны эҙләп тә таба алмаҫһың. Ә баҫалҡыларға ер мираҫ ҡалыр, муллыҡ-именлектә хозурланып йәшәр» (Зәбур 36:10, 11).

Ғайсаның беҙҙең хаҡҡа инде башҡарған һәм киләсәктә башҡарасаҡ эштәре өсөн рәхмәтебеҙҙе беҙ нисек белдерә алабыҙ? Мәҫәлән, ул вәғәзләгән «Алла Батшалығы тураһындағы Һөйөнөслө хәбәр» хаҡында күберәк белеп (Лука 4:43). «Нимә ул Алла Батшалығы?» тигән мәҡәләне (тат.) уҡығыҙ.