Кемгә ышанырға була? Изге Яҙмала нимә әйтелә?

Ышанысҡа лайыҡ тип һаналған кешеләр йыш ҡына үҙҙәрен намыҫһыҙ тота. Улар араһында кемдәр бар? Мәҫәлән:

• үҙҙәренең мәнфәғәттәрен ябай халыҡтың мәнфәғәтенән өҫтөн ҡуйған сәйәсмәндәр;

• яңылыҡтарҙы намыҫлы һәм теүәл хәбәр итмәгән киң мәғлүмәт саралары;

• кешеләрҙең ихтыяждары тураһында ҡайғыртмаған ғалимдар;

• кешеләргә Аллаға яҡынайырға ярҙам итер урынына сәйәсәттә әүҙем ҡатнашҡан дин әһелдәре.

Ысынында, зирәк кеше һәр кешегә ышанып бармай. Изге Яҙма киҫәтә:

• «Өмөт бағламағыҙ түрә-башлыҡтарға, ҡотолоу бирә алмаған кеше затына» (Зәбур 145:3 [146:3, ЯДТ]).

Кемгә ышанырға була?

Изге Яҙма беҙ тулыһынса ышана алған шәхес менән таныштыра. Был — Ғайса Мәсих. Ул ҡасандыр ерҙә йәшәгән яҡшы кеше генә түгел. Алла Ғайсаны Батша итеп ҡуйған һәм шундай вәғәҙә биргән: «Ул... мәңге идара итер, идараһының ахыры булмаҫ» (Лука 1:32, 33). Ғайса Алла Батшалығының — хәҙер күктән идара иткән хөкүмәттең — Батшаһы (Матфай 6:10).

• Ғайса Мәсихкә ни өсөн ышанып булғанын белер өсөн «Алла Батшалығының батшаһы кем?» һәм «Алла Батшалығы нимә башҡарасаҡ?» тигән мәҡәләләрҙе уҡығыҙ.