Вәғәз сифатын яҡшыртабыҙ. Үҙебеҙ йәшәгән ерҙә һәр кешегә шаһитлыҡ бирергә тырышабыҙ

НИ ӨСӨН БЫЛ МӨҺИМ? Зәкәриә, «төрлө телдәрҙә һөйләшеүсе барлыҡ халыҡтарҙан булған» кешеләр һөйөнөслө хәбәрҙе ҡабул итәсәк, тип пәйғәмбәрлек иткән (Зк 8:23). Әммә кем уларҙы өйрәтер? (Рм 10:13—15) Беҙгә хөрмәтле һәм мөһим эш тапшырылған: үҙебеҙ йәшәгән ерҙә һәр бер кешегә был хәбәрҙе еткереү (od-TAT 84 б., 10, 11 абз.).

ҠАЙҺЫ БЕР КӘҢӘШТӘР:

• Әҙерлән. Башҡа телдә һөйләшкән кешеләр һиңә осраймы? Шул телдә ябай ғына инеш һүҙҙәр ятлап ҡара. Йәки мобиль яйланма ярҙамында кешегә тыуған телендә күберәк мәғлүмәтте табырға ярҙам ит.

• Күҙәтеүсән бул. Өйҙән-өйгә вәғәзләп йөрөгәндә, юлда осратҡан кешеләр, шулай уҡ туҡталған машиналарҙа ултырған кешеләр тураһында ла онотма. Йәмәғәт урындарында вәғәзләгәндә, һинең төп маҡсатың — шаһитлыҡ биреү икәнен иҫеңдә тот.

• Тырыш бул. Өйҙә булмағандарға ҡабат килеп кит. Фатирҙа йәшәгән һәр кеше менән һөйләшеп алырға тырыш (яңы шарттарҙа был мөмкин булһа). Бының өсөн, бәлки, башҡа ваҡытта йә аҙнаның икенсе бер көнөндә килергә кәрәк булыр. Кешеләр өйҙә булмаһа, мәҫәлән, хат яҙырға, телефондан шылтыратырға йәки улар менән урамда һөйләшергә була.

• Күрһәткән ҡыҙыҡһыныуҙы үҫтер. Ҡыҙыҡһыныу күрһәткән кешеләргә оҙаҡҡа һуҙмай килеп кит. Әгәр кеше башҡа телдә һөйләшһә, шул телдә һөйләшкән вәғәзсене табырға тырыш. Был кеше менән туған телендә һөйләшкән вәғәзсе осрашҡансы, һиңә уның янына килеп йөрөргә кәрәк (od-TAT 94 б., 39, 40 абз.).

«„ДОНЪЯНЫҢ СИГЕНӘ ҮК“ ШАҺИТЛЫҠ БИРЕҮ» ТИГӘН ВИДЕОЯҘМАНЫ ҠАРА ҺӘМ КИЛӘҺЕ ҺОРАУҘАРҒА ЯУАП БИР:

• 

  Төпкөл ерҙәрҙә йәшәгән кешеләргә вәғәзләр өсөн, ҡәрҙәштәр нисек әҙерләнгән? (1Кр 9:22, 23)

• 

  Уларға ниндәй ауырлыҡтар менән осрашырға тура килгән?

• 

  Улар ниндәй фатихалар урған?

• Үҙең йәшәгән ерҙә күберәк кешегә вәғәзләр өсөн, һин нимә эшләй алыр инең?