Yésaya
38 I dilo di, Hézékia a kwo kon, a bak bebee ni nyemb.+ Mpôdôl Yésaya,+ man Amôz, a ke i nyeni, a kal nye le: “Lana nyen Yéhôva a nkal: ‘Lagle lihaa joñ,* inyule u ga wo; u ga mbôôp bé.’”+ 2 Kiki a nok hala, Hézékia a hiel su wé i libap li ndap, a kahal soohe Yéhôva, a kal le: 3 “Éé a Yéhôva, soho, me nyemhe we le u bigda+ le me bi téñbe i gwélél we, me gwélél ki we ni ñem u yôni,*+ me boñok mam malam i mis moñ.” Hézékia a ee ngandak.
4 Ha nyen Yéhôva a bi pôdôs Yésaya, a kal nye le: 5 “Témb yak Hézékia,+ u kal nye le: ‘Lana nyen Yéhôva, Nyambe nu sôgôlsôgôl woñ David a mpot: “Me nok masoohe+ moñ, me ntehe ki gwiiha+ gwoñ. M’a boñ le u kônde niñ+ 15 nwii,* 6 m’a péyés we ni i tison ini i moo ma kiñe Asiria, m’a sôñ i tison ini.+ 7 I yimbne ini yon Yéhôva a nti we inyu unda le Yéhôva a’ yônôs i yom a nkal:+ 8 béñge-ki! Me ga boñ le yiye i hiañgaa hi hi yé i nañal i témb ni mbus mu likala* li Ahas 10 li bitééne bi makôô.”’”+ Hala nyen yiye i bi témb ni mbus 10 li bitééne bi makôô mu likala, ndi ki le yiye i bi mal tagbe bitééne bi.
9 I kaat* ini yon kiñe Yuda le Hézékia a bi tila i ngéda a bi kwo kon; i mbus, a témb a mbôôp.
10 Me bi kal le: “Me yé ngi un
ndi me nlama yap manwemel ma Soñ.*
M’a mélés bé nwii mi niñ yem.”
11 Me bi kal le: “M’a tehe bé Yah, Yah* i loñ i bayômi.+
Me ga béñge ha bé bôt ba binam
i ngéda me ga ba ni bôt ba nyééne i homa mam momasôna ma mal.
12 Ba nhéya liyééne jem, ba kena jo haa ni me+
kiki lap i ntééda mintômba.
Me mal hôt niñ yem kiki mbañ mabadô nu a mal bañ libadô ndi a hôt jo;
a nhubus niñ yem kiki mbañ mabadô nu a mal bañ libadô ndi a kit bôñgô.
Ibôdôl maye ma kel letee ni i masudne ma u, u yé i kena me i lisuk.+
13 Me mbôôhe ñem wem letee ni kegla.
Kiki mbondo njéé, a nkônde nyugut bihés gwem gwobisôna;
ibôdôl maye ma kel letee ni i masudne ma u, u yé i kena me i lisuk.+
Mis mem ma nwaa béñge ngii:+
15 Kii me nla kal?
I jam a nkal me, jon a mboñ.
M’a niñ ikété suhulnyuu nwii nwem nwominsôna
inyule me nok ndutu.*
W’a mbuubaha me, u boñ ki me le me kônde niñ.+
17 Nun-ki! Iloole me bana nsañ, me bé siida ngandak;
ndi kiki u ngwés me,
u bi sôñ me le me jôp bañ i bee tjiba.+
U bi lep bibéba gwem gwobisôna i mbus yoñ.*+
I bôt ba nsôs ikété soñ* ba nla bé bôdôl lipôdôl joñ ñem.+
19 Mut nu a niñ, ñ, mut nu a yé yômi nyen a nla bégés we,
kiki me yé i boñ i len ini.
Isañ bon a nla niiga bon bé i bôdôl lipôdôl joñ ñem.+
20 A Yéhôva, tohol me,
di ga kôt nsik ni bikôkôda bi manganda+
i ndap Yéhôva dilo di niñ yés tjodisôna.’”+
21 I mbus ngéda, Yésaya a kal le: “Ni lona koga i minumuk mi matam ma faigé, ni éde yo mu jot inyu boñ le kiñe i mbôôp.”+ 22 Ndi Hézékia a bi bôk ndugi a bat le: “Imbe yimbne i ñunda le me ga bet i ndap Yéhôva?”+