Yésaya
63 Njee nuu a nlôl i Édôm,+
a nlôl i Bôzra,+ a bak a hééba mambot ma ma mbai,*
mambot malam,
a lok ni lipémba jé likeñi?
“Memede* nu! Men me yé nu a mpot ni telepsép,
nu a gwé ngui ikeñi i tohol.”
2 Inyuki mambot moñ ma nkôyôp,
inyuki mambot moñ ma yé kiki mambot ma mut nu a bak i waa wai?+
3 “Me bak i tjo wai metama.
Mut a nlôl i biloñ bipe nye ki nye a bak bé lôñni me.
Me ntjo bo ikété hiun hiem,
me tidbe bo ikété liyot jem.+
Matjél map ma kôp me munu mbot,
mambot mem momasôna ma hooba mahindi.
4 Inyule me mal téé hilo hi mapuna,+
nwii u minkoblak nwem mi bôt u nkola.
5 Ndi me bi béñge, me tehe bé mut nu a nhôla me;
me bi hel le mut nye ki nye a bi lo bé i nit me.
7 Me ga añal maboñok ma loñgeñem* i Yéhôva,
yak ni mam ma Yéhôva ma ma kôli ni bibégés,
inyu mam momasôna Yéhôva a bi bôñôl bés,+
ngandak mam malam a bi bôñôl litén li Israel,
inyu konangoo yé ni ngandak yé loñgeñem.
8 Inyule a bi kal le: “Ni maliga, ba yé litén jem, bon ba ba ga ndogbene* bé me.”+
Inyu hala nyen me bi yila Ntohol wap.+
9 Ikété njiiha yap yosôna, yak nye a bé nok ndutu.+
Nlegelnwin wé nu ñem nyuu* nyen a bi tohol bo.+
Ikété gwéha yé ni konangoo yé, a bi kobol bo,+
a bi yoñ ngéda ni bo, a begee ki bo dilo tjodisôna di ngéda kôba.+
10 Ndi ba bi ndogop,+ ba unbaha mbuu mpubi wé.+
11 I mbus, ba bi bôdôl hoñol dilo di kôba,
dilo di ngwélél wé Môsi, ba kalak le:
“Nu a bi boñ le litén jé ni batééda bémba+ yé ba yap tuye,+ a yé hee?
Nu a bi ha mbuu mpubi+ wé ikété yé, a yé hee,
12 Nu a bi boñ le woo wé u lipém u kiha ni woo walôm u Môsi,+
Nu a bi kan malép i bisu gwap+
inyu boñ le jôl jé li kee ngan i boga ni boga,+
13 Nu a bi boñ le ba tagbe malép ma ma nyiñgha,*
kayéle ba tagbe ibabé i baage
wengoñle hosi i i nkil i homa a néhi?*
15 Nyoo ngii i homa u yé,
nyoo i liyééne joñ likeñi, lipubi ni li lipém,* béñge!
Me ntehe ha bé gwo.
16 Inyule wen u yé Isañ wés,+
to ibale Abraham a nyi bé bés,
to Israel a nyimbe bé bés,
we a Yéhôva, u yé Isañ wés.
Jôl joñ le Nkobol wés nu ngéda kôba.+
17 A Yéhôva, inyuki u nwas bés* le di kee haa ni manjel moñ?
Inyuki u nwas le* di bana miñem mi nlet kayéle di nkon ha bé we woñi?+
Témb loo, inyu loñge i bagwélél boñ,
inyu matén ma ngababum yoñ.+
18 Litén joñ lipubhaga li bi yén ndik mu ndék ngéda.
Baoo bés ba bi tidbe témpel yoñ.+
19 Hala a yé ngandak ngéda le di bi yila kiki bôt le u maa bé ba kiñe yap,
kiki bôt le ba maa bé begee jôl joñ.