YÉSAYA

 2 Emble a ngii, sédi ôô a hisi,+

inyule Yéhôva a mpot:

“Me bi néñés bon, me niiga ki bo,+

ndi ba mbôdôl ndogbene me.+

 3 Nlôm nyaga a nyi i nwet a bi somb nye,

yak jagas li nek bé jéhne bilém i nwet wé;

ndi Israel a nyi bé me,*+

litén jem li nyi bé jam.”

 4 Ngoo ni loñ i mam mabe,+

litén le béba i bi yuu,

mbôda i bibéba bi bôt, biyubda bi boñge!

Ba bi tjôô Yéhôva;+

ba bi ti bé Numpubi nu Israel lipém;

ba bi kôm nye mbus.

Ño wonsôna u nkon,

yak ñem wonsôna u nok njôghe.+

Ba gwé mambabaa, bindôndôô ni bipoo,

ba bi tibil* bé gwo, ba bi kañ bé gwo bandas, to hoo gwo môô inyu hôyôs njôghe.+

 8 Ngond Siôn i nyégle yotama kiki pele* i wom u minkôô mi wai,

kiki lapga i wom u ngond,*

kiki tison le baoo ba nkéña.+

 9 Ibale Yéhôva nu mintôñ mi gwét a nwas bé le ndék bôt i pei,

ki di bi yila kiki Sôdôm,

ki di bi pôna Gômôra.+

Me nwaa bisesema bi ntul ihié bi balôm banan ba mintômba,+ yak mahoñ ma binuga binan ni njés loñge,+

me nkon bé maséé ni matjél+ ma bon ba nyaga,+ to ma bon ba mintômba, to ma kembee.+

12 I ngéda ni nlo i telep i bisu gwem,+

njee a mbat bé le ni boñ hala,

le ni téé makôô i kotoo yem?+

Sôñ mondo,+ sabat+ ni makoda+ ni naña,

me nihbe ha bé le ni bana makoda ma tôbôtôbô ndi ki le ni nke i makañ.+

Ma nyilna me ngim mbegee;

ma nwéés me.

15 I ngéda ni nsambal mabai ma moo manan,

me nsude mis.+

To hala kiki ni mbulus masoohe,+

me ñemble bé;+

moo manan ma nyoo matjél.+

16 Nogbana, pubhana bébomede;+

ni héya maboñok manan mabe i bisu gwem;

ni boñ ha bañ béba.+

17 Niglana i boñ loñge, yéña telepsép,+

kodlana i mut a ntét bôt,

sôña man nyuu,*

nida ki nkaa u yik muda.”+

18 Yéhôva a nkal le: “Loga, di kodol mam,+

to ibale bibéba binan bi nkôyôp kiki matjél;

bi ga pôp kiki libu li lisuni;*+

to ibale bi nkôyôp tjôôm,

bi ga pôp kiki mahuu ma ntômba.

19 Ibale ni nhéñha mahoñol ni emble ki,

n’a je gwom bilam bi loñ.+

20 Ndi ibale ni ntjél emble, ni ndogop ki,

pansoñ y’a tjé bé,+

inyule nyo u Yéhôva won u mpot hala.”

I bé i yôni ni mbagi i téé sép,+

telepsép i bé yééne mu,+

nano ndik bôt ba manola bon ba yé mu.+

22 Silba yoñ i nyila binan,+

yak biye* gwoñ bi mpôdna ni malép.

Ba mpémhene bé man nyuu* mbagi i téé sép,

ba nyoñ bé to ngéda ni nkaa u yik muda.+

24 Inyu hala nyen bañga Nwet le Yéhôva nu mintôñ mi gwét,

Nu Lipémba nu Israel a nkal le:

“M’a tjé bôt ba nkolba me,

me nkogse ki baoo bem inyu pun memede.+

25 Me ga hielbana we,*

me ga nyimbi we kiki ba nyimbi kei,

me héya ki mahindi+ moñ momasôna.

26 M’a timbis bakéés boñ kiki i bibôdle,

yak ni batipék boñ kiki i ngéda bisu.+

27 Ni mbagi i téé sép nyen m’a kobol Siôn;+

lôñni telepsép nyen m’a kobol bôt bé ba ba ga témb.

28 Bôt ba ndok ni baboñ mam mabe ba ga tjiba,+

i bôt ba ntjôô Yéhôva ba ga ba ha bé.+

29 I bie bikeñi bi nkon bé ngôñ, bi ga wéha bé nyuu;+

i nwom mi mbônji* ni bi pohol, mi ga kônha bé hison.+

30 Inyule ni ga yila kiki e ikeñi i i gwé minwok mi tjai,+

kiki wom mbônji u u gwé bé malép.

31 Mpémba mut u ga yila kiki minumuk mi bikai,*

yak nson wé kiki njanjat;

gwo biba bi ga loñ ngélé yada,

mut a ga ba bé inyu lém hié.”

 2 I dilo di nsôk,

hikôa hi ndap Yéhôva

hi ga telep siñ siñ, hi loo dikôa dipe,+

hi ga bet i ngii iloo bon ba dikôa,

matén momasôna ma ga ke nyoo.+

“Loga, di bedek i hikôa hi Yéhôva,

i ndap Nyambe nu Yakôb.+

A ga niiga bés manjel mé,

d’a kil ki i dinjela tjé.”+

Inyule mbén* y’a pémél i Siôn,

bañga i Yéhôva i lôlak i Yérusalem.+

 4 A ga kéés biloñ,

a kodol* ki mam ma mbéñge ngandak matén.

B’a yilha paminsoñ yap disoo,

yak makoñ map m’a yila minhôdôk mi bakwade.+

Loñ y’a pa ha bé pansoñ inyu jôs loñ ipe,

b’a nigil ha bé to i jo gwét.+

 5 A mbôda Yakôb, loga,

di kilak i mapubi ma Yéhôva.+

 6 Ngo u bi tjôô mbôda Yakôb i i yé litén joñ,+

inyule loñ yap i yé nyonok ni gwom bi bi nlôl i Likôl;

ba mboñ makañ+ kiki bôt ba Filistia,

bon ba bakén ba bôt ba nyon i boni.

 7 Loñ yap i yé nyonok ni silba ni gôl,

masôô map ma nkus ma gwé bé nsoñgi.

Loñ yap i yé nyonok ni bihosi,

bikak gwap bi gwét bi gwé bé nsoñgi.+

Ba ñôôp i bisu bi gwom bomede ba bi bañ ni moo map,

i bisu bi gwom dinoo tjap di bi ôô?

10 Jôba ikété hôk liaa, ni solop ikété biték

inyule hiun hi Yéhôva hi nkônha woñi,

ni inyu lipém jé likeñi.+

11 Mis ma ngôk ma mut binam ma ga suhlana,

lipamal li bôt ba binam li ga ôôp letee ni ’isi.*

I ga lo inyu bôt ba ngôk ni bôt ba lipamal,

ni inyu bôt bobasôna, to ba yé bañga bôt, to ba yé ditégéé di bôt.+

13 I ga kwél bie bi sidar gwobisôna bi yé i Libañ, bi bi ñap, bi bak bi nyôgi;

ni bie bikeñi bi Basan gwobisôna,

14 ni dikôa dikeñi tjodisôna,

ni bon ba dikôa bobasôna ba ba nyôgi,

15 ni hiki nkum ndap u u nyôgi, ni hiki lipénd li ngui,

16 ni bisitima bi Tarsis gwobisôna,+

ni bisitima bilam gwobisôna.

17 Ngôk u mut binam u ga suhlana,

lipamal li bôt ba binam li ga ôôp letee ni ’isi.*

19 Bôt ba ga jôp ikété bihôk bi maaa,

ni ikété bibee ba bi tém ikété ’isi,+

inyule hiun hi Yéhôva hi nkônha woñi,

ni inyu lipém jé likeñi,+

i ngéda a ga telep inyu boñ le hisi hi nyeñg inyule hi nkon woñi.

20 Yokel, bôt ba ga yoñ bisat gwap bi gôl ni bi silba,

bi ba bi bañ inyu bégés,

ba leñ gwo mbudi-pô* ni minleem,+

21 inyu boñ le ba jôp i mapondo ma maaa,

ni i manwii ma maaa,

inyule hiun hi Yéhôva hi nkônha woñi,

ni inyu lipém jé likeñi,

i ngéda a ga telep inyu boñ le hisi hi nyeñg inyule hi nkon woñi.

22 Inyu loñge nan, ni waa bôdôl mut binam ñem,

nu niñ yé i yéne ndik mu nhébék wé.*

3 Inyule bañga Nwet le Yéhôva nu mintôñ mi gwét,

a yé i héya mam momasôna ma nit bôt ba Yérusalem ni ba Yuda, ni mam ba mbôdôl ñem,

hala wee bret ni malép,+

 2 mut ngui ni njogwét,

nkéés ni mpôdôl,+ mut nu a mbo ngambi ni mañ mut,

 3 ñane 50 ma bisônda,+ bañga bôt ni batipék,

bôt ba makañ bakeñi ni babobe nyoo.+

 4 Boñge ba wanda bon ba ga ba baane bap,

i mut a mbéna héñha mahoñol* nyen a ga ane bo.

 5 Bôt ba ga tétna bo ni bo,

hiki mut a kébék mut wé libôk mbai,+

mañge a ga telep i jôs mañ mut,

yak hitégéé hi mut hi ga kolba bañga mut.+

“Me bé nyen m’a tibil mambabaa manan;*

me gwé bé bijek to mambot i meeni.

 8 Inyule Yérusalem a mbaage,

Yuda a nkwo,

inyule bipôdôl gwap lôñni maboñok map bi nkolba Yéhôva;

ba mboñ hala ni lipamal i mis ma nu a gwé lipém.*+

 9 Masu map ma ñunda le ba mboñ mam mabe,

ba yé kiki bôt ba Sôdôm,+ ba mpot mam map mabe i ti bôt;

ba noode bé to sôô mo.

10 Kala bôt ba téé sép le mam ma ga ke loñge inyu yap;

ba ga kôhna bibom inyu mam ba mboñ.*+

Bikuu bi ga kwél nye,

inyule i mam a bi boñ mon ba ga boñ nye!

12 Baane bôlô ba bôt ba litén jem ba ntét bo,

bôda ba ñane litén jem.

A litén jem, baane boñ ba nyumus we,

ba mboñ we le u nimil njel u nlama kil.+

13 Yéhôva a yé i kôôba i telep minkaa;

a ntelep inyu pémhene matén mbagi nôgôs.

“Ni bi ligis wom u minkôô mi wai,

i gwom ni bi nibil diyeyeba bi yé ikété mandap manan.+

15 Inyuki ni ntééñga litén jem,

inyuki ni nkép ki diyeyeba mbai?”*+ Hala nyen Nwet Bayemlikok le Yéhôva nu mintôñ mi gwét a mpot.

16 Yéhôva a nkal le: “Inyule bingond bi Siôn bi yé ngôk,

bi nke bi ntéé miño,*

bi tjagak bôlôm ni mis map, bi nyegbak,

bi pôghak minsañ mi yé bo i makôô,

17 Yéhôva a ga kôp bingond bi Siôn makoo i ño,

Yéhôva a ga boñ le ba bana liseha.+

18 I yokel nu, Yéhôva a ga mélés bilama gwap: minkôm nwap,

minkai nwap ba nkañ i mbom, yak ni gwom gwap bi nyañga bi bi mpôna sôñ,+

19 dimbuñga,* minkôm ni biyañsi,

20 bieñg bi ño, minsañ mi makôô, ngôli,*

ndoñgi labinda ni bieñg bi nyañga,*

21 dilonde di dinoo ni dilonde di jôl,

22 mambot ma nyañga, mambot ma ngii, mimbôñgô mi mambot ni biposa,

23 léman i moo,+ ni mambot* ma libadô li loñge bôñgô,*

biyañsi ni mabadô ba nhul ño.

24 Biloñge bi binunumba+ bi ga numb bôô njiñ;

iloole ba bana ngôli, b’a bana nkôô;

iloole ba bana biloñge bi tjôñ, b’a bana liseha;+

iloole ba bana bañga mambot, b’a bana minsugut;+

iloole ba bana bilama, b’a bana bindôndôô.

25 Pansoñ i ga nol bôlôm boñ,

bôt boñ ba ngui ba ga nôla i gwét.+

26 Majubul ma Siôn ma ga ee, ma siida ki,+

Siôn a ga yén ’isi, a modop nyetama.”+

“Di ga je bret gwés,

di haba ki mambot més;

neebe ndik le ba sébél bés ni jôl joñ,

inyu héya bés wonyuu.”*+

5 Me nsômbôl tubul nugwéha wem hiémbi,

hiémbi inyu nugwéha wem ni wom wé u minkôô mi wai.+

A bel kôyôp nkôô wai u u yé nlam,

a oñ nkum ntat i ñemkété,

a tém waa wai.+

A bééna botñem le u ga ti nye matam malam,

ndi u bi ti ndik matam mabe.+

 3 “Nano a bôt ba Yérusalem ni bôt ba Yuda,

baglana nkaa ipôla me ni wom wem u minkôô mi wai.+

 4 Kii ipe me bé le me boñ inyu wom wem u minkôô mi wai

le me bi boñ bé?+

Inyuki me bé bem matam malam,

ndi u num ndik matam mabe?

 5 Nano, soho nwaha me kal bé

i jam me ga boñ wom wem u minkôô mi wai:

me ga héya lipénd jé li biloo,

ba ligis jo.+

Me ga bôk lipénd jé li ngok,

ba tidbe jo.

 6 Me ga tjôô i wom u;+

mut a ga kit ha bé bipom mu, ba ga kôs ha bé wo.

Wom u minkôô mi wai u ga put ni biloo, ni kai ibe,+

me ga ti ond oda le i nôs ha bañ nop mu.+

 7 Inyule litén li Israel jon li yé wom u minkôô mi wai u Yéhôva nu mintôñ mi gwét;+

bôt ba Yuda bon ba yé wom u bijek u u bé kônha nye maséé.

A bééna botñem le bôt ba ga kéés ni mbagi i téé sép,+

ndi mbagi i téé bé sép yon a bi tehe;

a bé bem le a tehe bôt ba téé sép,

ndi minlondok mi njiiha nwon a bé nok.”+

 8 Ngoo ni bôt ba nkônde ndap i mbus ndap,+

ba ba nkônde wom i mbus wom,+

letee homa a ba ha bé inyu bôt bape,

ba kahal yén botama i loñ!

 9 Yéhôva nu mintôñ mi gwét a bi kum soñ i maôô mem

le ngandak mandap, to ibale ma yé makeñi, ma bak malam,

ma ga yila yom bilim,

mut a ga yééne ha bé mu.+

10 Wom u minkôô mi wai nkeñi* u ga ti ndik 22 lita,*

mut a ga nwes 160 kilô* i mbôô i blé, a bumbul ndik 16 kilô.*+

11 Ngoo ni bôt ba mpule telep kegla inyu nyo maok,+

ba nyén ikepam ni juu letee ba hiôô wai!

12 Ba gwé diluñ ni bikôkôda bi manganda,

dingoma, dikos, ni wai i mangand map;

ndi ba nyoñ bé ngéda ni mam Yéhôva a mboñ,

ba mbéñge bé to minson mi moo mé.

13 Litén li ga ke i minkôm

inyule li gwé bé yi;+

njal i ga gwel mintôô nwap mi bôt,+

nyus i ga gwel litén jap jolisôna.

14 Inyu hala nyen Soñ* i nkônde keñep,

i nahal nyo wé, nahal ni nahal;+

lipém* li Yérusalem, ni liyôgbe li bôt bé, ni bôt ba nke i mangand mé,

ba ga jôp mu ibabé set.

15 Mut a ga ôôp,

mut a ga suhlana,

yak mis ma bôt ba ngôk ma ga sôs.

16 Mbagi i téé sép i Yéhôva nu mintôñ mi gwét i ga boñ le a kôhna lipém;

bañga Nyambe, Numpubi,+ a ga pubhana ni telepsép.+

17 Bon ba mintômba ba ga je bikai ibabé i kon woñi wengoñle ba yé i homa wap lijél;

bakén ba bôt ba ga jél i homa binuga bi mahoñ bi bé behee.

18 Ngoo ni bôt ba bitembee! Ba tiñi ni malôga ni bibéba gwap;

ba yé kiki nuga le ba ntéñ i kak, i ôdôk yo homa nyensôna;

19 ba nkal le: “Nyambe a pala gwel nson wé;

u pala bôña le ndi di tehe wo.

Sômbôl* i Numpubi nu Israel i bôña,

le ndi di yi yo!”+

20 Ngoo ni bôt ba nkal le loñge i yé béba, béba i yé loñge,+

ba ba nkal le jiibe li yé mapubi, mapubi ma yé jiibe,

ba ba nkal le yom i nlol yon i ne, yom i ne yon i nlol!

21 Ngoo ni bôt ba ba nhoñol le ba gwé pék

ba ba ntehe le ba nyi jam!+

22 Ngoo ni bôt ba ba gwé ngui i nyo wai,

ni bôt ba ba yé balét inyu pôdna maok,+

23 i bôt ba nwéhél béba mut inyule i nti bo bitek,+

ba nkôde ki mbagi i mut a téé sép!+

24 Jon kiki hié hi nligis dikaha,

kiki minumuk mi bikai mi nloñ i hié,

hala nyen minkañ nwap mi ga bol,

yak bisem gwap bi ga tjama kiki lipum li biték,

inyule ba ntjôô mbén* Yéhôva nu mintôñ mi gwét,

ba nyan bañga i Numpubi nu Israel.+

25 Inyu hala nyen hiun hi Yéhôva hi nkalna litén jé,

a ga sambal woo wé inyu kogse bo.+

Dikôa di ga pôgha,

mim nwap mi ga ba mi umbi i minloñ kiki binan.+

Ndi to hala, hiun hié hi nsôs bé,

ndi woo wé u ngi yii nsamblak inyu kogse bo.

26 A ga téé yimbne* inyu sébél litén li li yé haa;+

a ga hem inyu sébél i bôt ba yé nyoo likas li hisi lipe;+

béñgnana ki! bo bana ba yé i lo ngwéé ngwéé.+

28 Makoñ map momasôna ma yé nhôlôk,

ba nimbil ki mimpihlôñgô nwap.*

Bipal bi bihosi gwap bi nlet kiki ngok,

makôô ma bikak gwap ma yé kiki mbuk mbebi.+

29 Ba nkônd kiki mbondo njéé;

ba nkônd kiki bon ba mbondo njéé.*+

Ba nyai, ba ngwel ki nuga yap,

ba nkena yo, mut a mba bé inyu sôñ yo.

30 I kel i, i ngéda ba ngwel yo, ba ga bam

kiki mangudga ma tuye.+

I bôt bobasôna ba ga béñge loñ ba ga tehe ndik ngangañ jiibe;

ond i ga boñ le yak mapubi ma yila jiibe.+

Me yé bebee ni nyemb,*

inyule bibép gwem bi yé nyega,

me niñ ki ikété litén li li gwé bibép bi bi yé nyega;+

ngo mis mem ma ntehe Kiñe, Yéhôva nu mintôñ mi gwét nyemede!”

U gwé ha bé nsohi,

yak bibéba gwoñ bi nwéhlana.”

‘N’a emble, emble ni emble,

ndi n’a nok bé;

n’a tehe, tehe ni tehe,

ndi n’a bana bé yi.’+

10 Boñ le miñem mi bôt bana mi yila nledek,+

loñ maôô map,+

lém yak mis map

inyu boñ le mis map ma tehna bañ,

yak maôô map ma noga bañ,

to miñem nwap mi nok bañ,

tiga le ba hielba le ndi me mélés makon map.”

“Letee bitison bi tjiba, mut to wada a ba ha bé mu,

mandap ma bana ha bé to mut,

yak loñ i tjiba, i yégle hôlô;+

12 Letee Yéhôva a kena bôt haa,+

bebee le loñ yosôna i yégle nso kiki ñoñ.

“I jimb li, li ga yon bé,

i jam li, li ga bôña bé.

 8 Inyule nyañ nkoñ nu Siria le Damaskô,

ñane Damaskô le Rézin.

I yii ndik 65 nwii,

Éfraim a ga tjiba tjagda, a ga ba ha bé ngim litén.+

 9 Nyañ nkoñ nu Éfraim le Samaria,+

ñane Samaria le man Rémalia.+

Ibale hémle nan i gwé bé ngui,

n’a ba bé nwee.”’”

 6 “Hala kiki litén lini li ntjél malép ma Silôam*+ ma ma nkuli mbeñel,

ndi li nkônôl Rézin bo man Rémalia+ maséé,

 7 nun-ki! Yéhôva a ga kogse bo, a lona i boni

malép ma Lom* nkeñi, nu a nkuli ngwéé ngwéé,

mon ma yé kiñe Asiria+ ni lipém jé jolisôna.

Malép mé ma ga hô diléléba tjodisôna,

ma ga hôl, ma bet i nkoñngii,

 8 malép ma ga sôble i Yuda.

Ma ga hôl, ma kee homa nyensôna, ma pamak bôt i joo;+

a ga sambal bipapai gwé, bi hô loñ yoñ yosôna,*

a Émanuel!”*+

Poda i yom ni nsômbôl, ndi i ga yon bé,

inyule Nyambe a yé ni bés!*+

I jam ba nkon woñi, bé ni kon bañ jo woñi;

li boñ bañ to le ni sehla.

13 Yéhôva nu mintôñ mi gwét nyen ni nlama tehe le a yé Numpubi,+

nyen ni nlama kon woñi,

nyen a nlama boñ le ni sehla.”+

14 Inyu biane* bi Israel gwo biba,

a ga yila kiki témpel,

kiki liaa le mut a mbômda,+

ni kiki ngok baagene;

inyu bôt ba nyééne i Yérusalem,

a ga yila kiki hiandi ni mbunja.

15 Ngandak bôt ikété yap i ga baage, i kwoo, i bugi;

i ga gwiya* i hiandi, i gwéla ki.

16 Hôt kaat mbôgi i i yé ntilga;*

band yak mbén* i i yé ipôla banigil bem!

 2 Loñ i i bé kil ikété jiibe

i ntehe mapubi makeñi.

Yak i bôt ba bé yééne i loñ i ngangañ jiibe,

mapubi ma mbéyéi bo.+

 3 U mbulus bôt ba loñ;

u boñ le ba kon maséé ngandak.

Ba nkon maséé i bisu gwoñ

kiki bôt ba nkon maséé i ngéda libumbul,

kiki bôt ba nkon maséé i ngéda ba nkabna nkus le ba nkadal i gwét.

 4 Inyule u bi nyugut kop nson i i bé yidil bo,

u bôk kék i i bé bo i bituu, ni hisôô hi nu a ñéga bôlô,

kiki i kel ba bi yémbél Madian.+

 5 Hiki kôô tamb u u nyiñgis hisi i ngéda bisônda bi nke,

ni hiki mbot i i nyoo matjél

i ga gwéélana inyu kuye hié.

 6 Inyule man a ngwéé bés,+

man munlôm a ntina bés;

ane* i ga kahap i ngii bituu gwé.+

 7 Mahol ma énél* yé,

yak ni nsañ bi ga bana bé lisuk+

mu ngii yééne ane i David+ ni i ane yé;

mbagi i téé sép+ ni telepsép+ bi ga boñ le

i telep siñ siñ,+ bi ga nit ki yo,

ibôdôl nano ikepam i boga ni boga.

 8 Yéhôva a ñom nwin le a nkogse Yakôb;

i nwin u, u mpam i Israel.+

 9 Bôt ba litén bobasôna ba ga nok wo,

hala wee Éfraim ni bôt ba nyééne i Samaria,

ba ba mpot ni lipamal ni ñem ngôk le:

10 “Brik bi mal kwo,

ndi bés d’a oñ ni minkôñgôk mi ngok,+

ba mal kit bie bi sikômôr,

ndi bés d’a gwélél* bie bi sidar.”

11 Yéhôva a ga boñ le bakolba ba Rézin ba jôs nye,*

a ga tinde ki baoo ba Israel le ba telbene nye,

12 bôt ba Siria ba ga lôl i pes likôl, bôt ba Filistia ba ga lôl i pes hiôñg,*+

ba ga nahal manyo, ba je Israel.+

Inyu ndok yap, hiun hié hi nsôs bé,

ndi woo wé u ngi yii nsamblak inyu bép.+

13 Ndi litén li bi témb bé yak Nu a mbép bo;

ba bi yéñ bé to Yéhôva nu mintôñ mi gwét.+

14 Inyu hilo hiada ndigi i loñ Israel, Yéhôva a ga kit

ño ni nwel, bipom ni bikai.*+

15 Mañ mut ni mut nu a gwé lipém bon ba yé ño,

mpôdôl nu a niiga bitembee nyen a yé nwel.+

16 Baéga ba litén lini ba mboñ le li nimil,

yak i bôt ba yé isi énél yap ba yé nyômôk.

17 Inyu hala nyen Yéhôva a ga kon bé maséé ni boñge bap ba wanda,

a ga kônôl bé bon bap ba nyuu* ni biyik gwap bi bôda ngoo,

inyule bobasôna ba nyan Nyambe,* ba boñok mam mabe,+

hiki mut a mpot ndigi bijôñ bi mam.

Inyu ndok yap, hiun hié hi nsôs bé,

ndi woo wé u ngi yii nsamblak inyu bép.+

18 Inyule béba i nloñ kiki hié,

i nligis bie bi biloo ni bikai.

I nligis yak mapan,

hiida hi ntu, hi bedek i ngii kiki ond.

19 Hiun hi Yéhôva nu mintôñ mi gwét hi mboñ le

loñ i yoñ hié,

bôt ba ga yila wengoñle tjéé di di nlôñôs hié.

20 Mut a ga kit yom i yé i pes walôm,

ndi njal i mba i ngi gwé nye;

mut a ga je i pes waé

ndi a ga nuu bé.

Hiki mut a ga je nsôn u woo wé,

21 Manasé a ga je Éfraim,

Éfraim a je Manasé.

Inyu ndok yap, hiun hié hi nsôs bé,

ndi woo wé u ngi yii nsamblak inyu bép.+

10 Ngoo ni bôt ba ntéé mambén inyu boñ béba,+

hiki ngéda ba mpémés matéak inyu tét bôt,

 2 Ba ntjél kéés hop u diyeyeba,

ba nkôde mbagi i minyendek mi bôt mi litén jem,+

ba nkadal nkus u biyik bi bôda,

ba nsaba gwom bi bon ba nyuu!*+

 3 N’a boñ lelaa i kel mbagi,*+

i ngéda tjiba y’a lôl haa?+

 4 Njel ipe y’a ba bé, ndik le ni kee i minkôm,

tole ba nol bé.*

Inyu ndok yap, hiun hié hi nsôs bé,

ndi woo wé u ngi yii nsamblak inyu bép.+

 5 “Nuna-ki! Man Asiria nuu,+

nyen a yé hisôô inyu pémés hiun hiem,+

kék i yé nye i woo inyu unda liyot jem!

 6 M’a om nye i jôs loñ i i nyan Nyambe,*+

i jôs litén li li ñunbaha me;

m’a ti nye oda le a kadal ngandak nkus ni ngandak masañgô,

ni le a tidbe bo kiki ndobo i minloñ.+

 7 Ndi a ga bana bé ngôñ i boñ hala,

a ga bana mahoñol mape mu ñem wé;

inyule sômbôl yé i yé le a tjé,

a sas ki ngandak biloñ, he ndék bé.

10 Me* bi yémbél biane bi banyambe ba ba gwé bé nseñ,

bisat gwap bi bé ngandak iloo bi Yérusalem ni bi Samaria!+

11 Baa m’a boñ bé Yérusalem ni bisat gwé

kiki me bi boñ Samaria ni banyambe bé ba ba gwé bé nseñ?’+

‘M’a boñ hala ni ngui i woo wem,

lôñni pék yem inyule me gwé pék.

M’a héya minwaa mi nkoñ mi biloñ,+

me kadal masôô map ma nkus,+

kiki mpémba mut, m’a bémbe bôt ba loñ.+

14 Kiki mut a nleñ woo ikété jumbul li hinuni,

m’a leñ woo inyu kadal nkus u biloñ;

kiki mut a nkot matjee le hinuni hi nyék,

m’a kot gwom gwobisôna hana ’isi!

16 Inyu hala nyen bañga Nwet le Yéhôva nu mintôñ mi gwét

a ga boñ le i bôt ba gwé mahoñ* ba yila minkôt minkôt,+

a ga kuye hié inyu ligis lipém li Asiria.+

17 Ndi mapubi ma Israel+ ma ga yila hié,+

yak Numpubi wé a yila lindômbôô li hié;

li ga loñ, li ligis bikai ni bie bi biloo inyu hilo hiada.

18 A ga mélés bilama bi lipan li Asiria ni nwom nwé;

hala a ga ba wengoñle nkokon nu a yéñi.+

19 I bie bi ga yégle i lipan jé

bi ga ba ndék kayéle yak mañge a ga la soñgol gwo.

20 I kel i, i bôt ba ga yégle i Israel

ni mbôda Yakôb i i ga pei,

ba ga yéñ ha bé mahôla yak nu a bé bép bo;+

ndi ba ga yéñ mahôla yak Yéhôva,

Numpubi nu Israel ni ñem wap wonsôna.

21 Ndik i bôt ba ga yégle bon ba ga témb,

mbôda Yakôb i i ga yégle yon i ga témb yak Nyambe nu ngui.+

22 A Israel, to ibale bôt ba litén joñ

ba yé ngandak kiki lisege li tuye,

ndik ndék bôt ikété yap yon i ga témb.+

Makidik ma mal yôña le ba ga tjiba,+

telepsép* yon i ga mil bo.+

23 Ñ, Nwet Bayemlikok le Yéhôva nu mintôñ mi gwét nyen a nyoñ makidik le a ntjé bo,

ba ga tjiba ni loñ yosôna.+

27 I kel i, mbegee yé y’a nyodi we i ngii bituu,+

yak kop yé nson i nyodi we i joo,+

kop yé nson y’a bugi+ inyu môô.”*

28 A bi lo i Ayat;+

a lôô i Migrôn;

a yék mambegee mé i Mikmas.+

29 A bi yap lép;

a lal ha i Géba;+

Rama a kahal sehla, Gibéa+ nu Saulô a ôt ngwéé.+

32 Nlélém kel, a ga telep i Nôb,+

a kahal hôt bikut le a ñôm hikôa hi ngond Siôn,

hikôa hi Yérusalem.

33 Nuna-ki! Bañga Nwet le Yéhôva nu mintôñ mi gwét

a yé i kit mintjep mi bie ni ngandak manyiñgha;+

yak mimbôñgô mi bie mi nkéga,

bie bikeñi bi mbeha ’isi.

34 A mbôk lipan lôñni nkuleñ,

nu a gwé ngui a ga tjé Libañ.

11 Pom+ y’a pémél i kumul i Yésé,+

yak man ntjep+ nu a ga o mu minkañ nwé a ga num matam.

 2 A ga bana mbuu u Yéhôva,+

mbuu u pék+ ni u yi bagal mam,

mbuu u maéba ni u lipémba,+

mbuu u yi ni u kon Yéhôva woñi.

A ga kéés bé mut inoñnaga ni i yom i nene i mis,

a ga kogse bé mut inoñnaga ni i yom maôô mé ma nok.+

 4 A ga kéés diyeyeba ni telepsép,

lôñni maliga nyen a ga kodol mam inyu loñge i bôt ba suhulnyuu ba nkoñ ’isi.

A ga bép hisi lôñni hisôô hi nyo wé,+

a nol bibéba bi bôt lôñni nhébék* u bibép gwé.+

 5 Telepsép yon y’a ba ngôli i bôbôk yé,

yak maliga ma ga ba nye ngôli i tjeñ.+

 6 Ngwo-njéé y’a yén ngim ngéda ni man ntômba,+

njéé y’a nañal homa wada ni man kembee,

man nyaga ni mbondo njéé* ni lém i i gwé mahoñ bi ga ba lôñ;*+

ndék mañge yon i ga éga gwo.

 7 Nyaga ni ours bi ga kehel bikai homa wada,

bon bap ba ga nañal homa wada.

 8 Man nu ba nyuñus a ga tuk ipañ hôk i nsiñ nyoo,

yak man nu ba mal tjilis méé a ga som woo wé i hôk i péé.

 9 Bi ga boñ bé mut nye ki nye béba,+

bi ga tjé bé to yom yo ki yo i hikôa hiem hipubhaga hiosôna,+

inyule hisi hi ga yon ni yi i Yéhôva

kiki malép ma nhô tuye.+

Biloñ bi ga hielba i nyeni inyu bat maéba,*+

linôyôi jé li ga bana lipém.

13 Njôñ i Éfraim y’a ba ha bé,+

i bôt ba ñoo Yuda ba ga ba ha bé.

Éfraim a ga kil ha bé Yuda njôñ,

to Yuda a ga oo ha bé Éfraim.+

14 Ba ga sôs dikôa* di bôt ba Filistia i pes hiôñg;

ba ga adba inyu kadal nkus u bôt ba Likôl.

Ba ga sambal moo* inyu jôs Édôm+ bo Môab,+

ba bémbe ki Lôk Amôn.+

15 Yéhôva a ga kan pes yada* i tuye* Égiptô,+

a pa ki woo wé i ngii Lom.*+

Lôñni nhébék wé* u u nlék, a ga sés diléléba disaambok di Lom,*

inyu boñ le bôt ba tagbe ni bitamb bi minkai.

16 Hala nyen njel ikeñi+ y’a nahap inyu minyégla mi bôt ba litén jé ba ba nlôl i Asiria,+

kiki njel i bi nahap inyu Israel i kel ba bi nyodi i loñ Égiptô.

“A Yéhôva, me nti we mayéga,

inyule to hala kiki u bi unbene me,

hiun hioñ hi bi sôs ndék ni ndék, u hôgbaha ki me.+

M’a bôdôl nye ñem, m’a kon bé ki to yom woñi;+

inyule Yah* Yéhôva a yé ngui yem ni lipémba jem,

a nyila ki ntohol wem.”+

 3 N’a ap malép ni maséé

i mangen ma tohi.+

“Tina Yéhôva mayéga, séblana jôl jé,

añlana bôt i mam a mboñ!+

 6 Kon maséé, leñ ki diléla, a we nu u nyééne* i Siôn,

inyule Numpubi nu Israel nu a yé i weeni a yé nkeñi.”

Pega woo inyu sébél bo,

inyu boñ le ba loo ba jôp i manwemel ma mintôô mi bôt.

Me mal ki sébél bôt bem ba gwét inyu éba hiun hiem,

ba nkon maséé, ba nyegbak.

 4 Emblana! Limut li bôt li yé i ngii dikôa;

liyôgbe jap li yé wengoñle liyôgbe li ngandak bôt!

Emblana! Liyôgbe li biane,

li biloñ bi bi nkodba!+

 5 Yéhôva ni bijôl bi gwét bi hiun hié,

ba nlôl i loñ i yé haa,+

i likas li ngii jada,

inyu tjé hisi hiosôna.+

 7 Inyule moo momasôna ma ga yoomba,

yak miñem mi bôt bobasôna mi ga sehla ni woñi.+

Ba ga sat, ba nogok ki njôghe

kiki muda nu a nkôôga.

Ba mba ba nun-na, ba konnaga woñi bo ni bo,

masu ma njum bo inyu njôghe.

 9 Nuna-ki! Hilo hi Yéhôva hi yé i njel,

hi nkona bé ngoo, hi nyai ni hiun hikeñi,

inyu boñ le loñ i yila yom bilim,+

ni inyu tjé baboñbéba ba ba yé mu loñ.

10 Inyule tjôdôt di ngii ni mauñ ma tjôdôt+

ma ga ti ha bé mapubi;

hiañgaa hi ga kôp jiibe i ngéda hi ga pam,

yak sôñ i ga ti ha bé mapubi mé.

11 Me ga kéés bôt ba nkoñ ’isi inyu bibéba ba bi boñ,+

yak ni bibéba bi bôt inyu mam map mabe.

M’a mélés ngôk u bôt ba lipamal,

bôt ba humbulnyuu ba ba ntét bape, m’a wéha bo nyuu.+

12 M’a boñ le mut a hañ iloo bañga gôl,+

mut binam a yiñba iloo gôl i Ôfir.+

13 Inyu hala nyen m’a boñ le ngii i nyeñg,

hisi hi pôgha kayéle hi nyodi i liyééne jé+

inyule Yéhôva nu mintôñ mi gwét a ga unup i hilo hi hiun hié.

14 Kiki sô i titigi le ba yé i noñ, ni bémba le i gwé bé ntééda,

hala nyen hiki mut a ga témb i litén jé;

hiki mut a ga ke ngwéé i loñ yé.+

15 Hiki mut ba ngwel, ba ga tôp nye ni likoñ,

hiki mut ba nkoba, ba ga nol nye ni pansoñ.+

16 Bon bap ba ga kida bikét bikét, bomede ba tehge,+

bôt ba ga kadal nkus wonsôna u yé mandap map,

ba kadal bo baa bap, ba nyégsa bo malal.

17 Me ñômle bo bôt ba Média+

ba ba ntehe silba kiki yañga jam,

to gôl i nkônha bé bo maséé.

18 Mimpihlôñgô nwap mi ga nyugut boñge ba wanda;+

ba ga kon bé bon ba ba ngi yii ikété libum ngoo,

ba ga bañ bé to boñge batitigi.

19 Hala nyen Babilôn nu a gwé lipém iloo biane* gwobisôna,+

bilama ni ngôk u bôt ba Kaldéa,+

a ga yila kiki Sôdôm ni Gômôra, ba Nyambe a bi tjé.+

20 Mut a ga yééne ha bé mu kekikel,

a ga ba ha bé homa liyééne tjai ndi tjai.+

Man Arabia a ga oñ bé ndap yé libadô nyoo,

to batééda bémba ba ga nôihene ha bé bibémba gwap nyoo.

21 Binuga bi ñoñ gwon bi ga nañal nyoo;

mandap map ma ga yon ni makuñ.

Njok dinuni yon y’a yééne nyoo,+

kembee bikai* yon i mba i mpind nyoo.

22 Binuga bi bikai bi mba bi mbégél i ngii minkum nwé mi mandap,

yak dibaa di njéé di mba di mbégél ikété biyale gwé.

 5 Yéhôva a mbôk hisôô hi bibéba bi bôt,

ni ntoñgo u baane,+

 6 nu a bé bép matén ni hiun, bép ni bép,+

nu a bé bémbe biloñ ikété hiun, a tééñgaga gwo ibabé waa.+

 8 Bie bi junipa* bi nkon maséé inyu jam li mpémél we,

yak ni bie bi sidar bi bi yé i Libañ.

Bi nkal le: ‘Ibôdôl nu u bi kwo,

nkek bie to wada a nlo ha bé i kit bés.’

 9 Yak Soñ* i i yé ikété ’isi i nkon maséé

i leege we.

Inyu malo moñ, i ga tôdôl i bet ba bi wo,

baane ba mbanda* bobasôna ba nkoñ ’isi.

11 Ba nsuhul ngôk woñ nyono i Soñ,*

yak ni nsik u bikôkôda gwoñ bi manganda.+

Bitômb gwon bi yé nañi yoñ,

minsoñ nwon mi yé lañgat yoñ.’

12 We nunu u nsodla nyoo ngii, u kwo,

a hiôdôt hi hi mbai, man nu maye ma kel!

We nunu ba mbes ’isi,

we nu u bé yémbél biloñ!+

M’a kéhi yééne yem ane i ngii tjôdôt di Nyambe,+

m’a yén i hikôa hi likoda,

i bahoma ba ñombok ba ba yé haa.+

14 Me ga kahap i ngii manjoñ ma ond;

me ga yila kiki Nungingii nyemede.’

15 Ndi i Soñ* nyen ba ga suhus we,

i bahoma ba bee ba ba yé ikétékété.

16 I bôt ba ntehe we, ba ga nun we siim;

ba ga yoñ ngéda i wan we, ba kalak le:

‘Baa i mut nunu bé nyen a bé nyiñgis hisi,

a boñok le biane bi sehla?+

17 Baa nye bé nyen a bi yilha nkoñ ’isi kiki ñoñ,

a tjék bitison,+

a tjélék le bôt bé ba mok ba témb i mambai map?’+

18 Bikiñe gwobisôna bi biloñ,

ñ, ba ga jô bobasôna ikété lipém,

hiki wada wap ikété soñ* yé.

19 Ndi we, ba nlep we, ba nim we soñ,

u yé kiki ntjep u e le ba ñoo,

mim mi bôt le ba nol ni pansoñ nwon mi ga hô we kiki mbot,

mim le ba nleñ ikété bee i i yé nyonok ni ngok,

u yé kiki mim le bôt ba ntidbe.

20 W’a juba bé i soñ kiki bo,

inyule u bi tjé loñ yoñ,

u nol bôt ba litén joñ.

21 Kôôbana homa inyu nol bon bé

inyu maboñok mabe ma basôgôlsôgôl bap;

tiga le ba témb ba telep, ba kahal ane hisi,

ba yônôs ki bitison gwap i nkoñ ’isi.”

“Kiki me bi bôn, hala nyen i ga bôña;

kiki me mal kit, hala nyen i ga yon.

25 Me ga nyagat man Asiria i loñ yem,

me ga tidbe nye mu dikôa tjem.+

Kop yé nson a bi bii i ngii litén jem, i ga nyodi;

yak mbegee yé y’a nyodi bo bituu.”+

26 Makidik mana mon ma nyôña* inyu kogse hisi hiosôna,

i woo unu won u yé bebee* i bép biloñ gwobisôna.

27 Yéhôva nu mintôñ mi gwét a mal yoñ makidik,

njee a nla héñha mo?+

Woo wé u yé bebee ni bép,*

njee a nla gwel wo?+

29 “A bôt ba Filistia bobasôna, ni kon bañ maséé

le kék i nu a bébék bé i mbugi.

Inyule nyoo i i gwé mbôñ+ i ga lôl i nkañ u nyoo,+

yak mbôda yé i ga yila nyoo i gwé mbôñ i i nhoo nola.*

30 I ngéda babôkgwéé ba bôt ba gwééba bé ba mba ba nje,

yak diyeyeba di bak di niñi ikété nsañ;

we, m’a nol nkañ woñ ni njal,

i bôt ba nyégle i weeni, ba ga nôla.+

inyule hiida hi nlôl i ñombok;

mukété ntôñ u baoo boñ, sônda to yada i ntiñha bé.”

Le Yéhôva nyen a ntek hikuu hi Siôn,+

ni le bôt ba loñ ba ba nsuhul nyuu ba ga solbene mu.

kiki ba ntjé nye u wada,

Ar+ nu Môab a mom nwee.

Kiki ba ntjé nye u wada,

Kir+ nu Môab a mom nwee.

 2 Bôt ba mbet i témpel* ni i Dibôn,+

i bahoma ba nyôgi inyu ee.

Bobasôna ba mbégél i ngii minyôl ni i makanda ma nloñ;

ba nkwo ’isi, ba eek.+

 4 Hesbôn ni Éléalé+ ba nlond;

minlondok nwap mi nôga letee ni i Yahaz.+

Ba mbet i njel i nke i Luhit, ba eek;

mu njel i nke i Hôrônaim, ba béglak inyu bikuu bi nkwél nye.+

 6 Inyule malép ma Nimrim ma nsa;

bikai bi nkôt,

bikai bi nwo, kai yômi yo ki yo i ta ha bé.

 7 Inyu hala nyen ba yé i kena bijek bi nyégle, yak ni nkus wap;

ba yé i yap nsôsôgô* u u gwé bie.

Minlénd mi mpam letee ni i Églaim;

minlénd mi mpam letee ni i Béer-Élim.

 9 Inyule malép ma Dimôn ma nyon ni matjél,

me ntééda bikuu bipe inyu Dimôn:

mbondo njéé i ga noñ bôt ba Môab ba ba mpei

ni bôt ba ba nyégle ikété loñ.+

16 Ômlana ñane loñ nlôm ntômba,

oma wo le u nyodi i Séla, u lôô i ñoñ

letee u pam i hikôa hi ngond Siôn.

 2 Bingond bi Môab bi ga yap lép Arnôn+

kiki hinuni le ba nluhul i jumbul jé.+

Ntééñga bôt a ga tjiba,

tjiba i ga mal,

yak i bôt ba ntét bape ba ga ba ha bé hana ’isi.

I ga ba ikété lap David, mut nu a yé maliga nyen a ga yén mu;+

a ga kéés ni telepsép, a ga pala ki pémés mbagi sép.”+

 6 Di bi nok ngan inyu ngôk u Môab, ngandak yé ngôk,+

lipamal jé, ni ngôk wé, ni hiun hié;+

ndi bipopoda gwé bi ga bana bé nseñ.

 7 Inyu hala nyen ndutu i Môab i ga boñ nye le a bégél;

bobasôna ba ga bégél.+

 8 Nwom mi Hesbôn mi nyuyi,+

yak wom u minkôô mi wai u Sibma,+

baane ba biloñ ba ntidbe mintjep nwé mi mi nkôyôp tjôôm;*

mintjep nwé mi mpam letee ni i Yazer,+

mi nke letee ni i ñoñ.

A Hesbôn, we ni Éléalé+ m’a nyus bé gwiiha gwem,

inyule diléla ni bak ni nleñ inyu matam manan ma ngéda sép ni inyu libumbul linan di mal.*

10 Maséé ni hiol bi mal i wom,

tjémbi di maséé di ta ha bé i nwom mi minkôô mi wai, to diléla.+

Mut a ga tjo ha bé wai i waa wai,

inyule me mélés diléla.+

11 Jon ñem u bi sehla me inyu Môab,+

kiki minkôô mi hiluñ,

ñ, kétékété yem ñem inyu Kir-Hareset.+

“Nuna-ki! Damaskô a ga ba ha bé tison,

a ga yila likund.+

 2 Bitison bi Arôer+ bi ga yégle hôlô;

bi ga yila bahoma bémba i nañal,

ibabé le mut a kônha yo woñi.

 3 Éfraim a ga bana ha bé bitison bi bi gwé mapénd,+

to Damaskô a ga bana ha bé ane;+

lipém li bôt ba Siria ba ba nyégle

li ga ba kiki lipém li bon ba Israel,”* hala nyen Yéhôva nu mintôñ mi gwét a mpot.

 4 “I kel i, lipém li Yakôb li ga sôs ngui,

a ga nimis ki bikeñi gwé,* a kôt.

 5 Hala a ga ba wengoñle mut nu a mbumbul blé,

a bumblak mintudu mi blé ni woo wé,

kiki i ngéda mut a mbada mis ma blé ma nyégle i nsôsôgô* u Réfaim.+

 6 Ndik ndék matam yon i ga yégle,

kiki i ngéda ba mbép mintjep mi e ôlivé le matam ma kwoo:

ndik matam ima tole maa ma ma yé nhôôlak mon ma nyégle i ntjep u yé i manjoñ,*

ndik matam ma-na tole matan mon ma nyégle mu mintjep mi num ngandak,”+ hala nyen Yéhôva Nyambe nu Israel a mpot.

 9 I kel i, bitison gwé bi bi gwé mapénd bi ga yila kiki bum le ba ntjôô ikété lipan,+

kiki ntjep le ba ntjôô i bisu bi bon ba Israel;

bi ga yila ñoñ.

10 Inyule u bi hôya Nyambe+ nu tohi yoñ;

u bi hoñol ha bé Liaa+ li li yé lisolbene joñ.

Inyu hala nyen u nsal nwom minlam,

ndi u mbel bisok bi bi nlôl yak nkén mut.*

11 Njamuha, u nkéñ wom woñ lipénd;

kegla, u mboñ le mbôô yoñ i oo,

ndi libumbul joñ li ga nyoi i kel u ga kwo kon, u nogok ki njôghe i i mal bé.+

12 Emblana ki! Liyôgbe li ngandak biloñ,

bi nyiñgha kiki tuye!

Biloñ bi nyôgbe,

liyôgbe jap li yé kiki liyôgbe li malép ma ma gwé ngui!

Nyambe a ga kogse gwo, bi ga ke ngwéé haa,

a ga luhul gwo kiki bikôgôô bi bi yé i ngii dikôa le mbebi i nkena,

kiki biloo le mbuk mbebi a nkiiñaha.

Hala nyen i bôt ba njôs bés gwét ba ga yila,

i jam lini jon li ga pémél i bôt ba nkadal nkus wés.

18 Ngoo ni loñ i het bipapai bi bitandi bi nyôgbe,

yon i yé nyoo i nkoñ u balom ba Étiôpia!+

 2 I ñom balegelnwin le ba lôô i tuye,

le ba yap malép ni môñgô mi mi yé mbañak ni makai, i nkal le:

“A balegelnwin ba makwasi, kena

i loñ i mimbôñgô mi bôt mi mi gwé kôgôô i nse,*

litén li ba nkon woñi homa nyensôna,+

loñ i i gwé ngui, i kenek ki i gwét,*

loñ le balom ba nkulna biték.”

 3 A bôt ba loñ bobasôna, yak ni bé ba ni nyééne hana ’isi,

i jam n’a tehe li ga ba kiki yimbne* le ba ntéé i ngii dikôa,

i jam n’a nok li ga ba kiki hioñ le ba nhem.

“M’a mom nwee, me béñgege liyééne jem,*

kiki lék i mapubi ma hiañgaa,

kiki ond i i nti manwee i ngéda lék i libumbul.

 5 Inyule ilole libumbul li mbôdôl,

i ngéda mbônji i mal pam, i yila ki minhôôlak mi matam,

ba ga kit bipom lôñni njasô,

ba ga kit yak minkôô mi mi ñandal, ba héya nwo.

 6 Ba ga ti mim nwap dinuni di dikôa di di nje mim,

yak ni binuga bi bikai bi yé hana ’isi.

Dinuni di di nje mim di ga tégbaha sép i je mim nwap,

yak binuga bi bikai gwobisôna hana ’isi bi ga tégbaha ngéda libumbul i je mim nwap.

 7 Ha ngéda i, ba ga lona Yéhôva nu mintôñ mi gwét likébla li li nlôl

i loñ i mimbôñgô mi bôt mi mi gwé kôgôô i nse,*

litén li ba nkon woñi homa nyensôna,

loñ i i gwé ngui, i kenek ki i gwét,*

loñ le balom ba nkulna biték.

Bisat bi Égiptô bi ga sehla i bisu gwé,+

yak miñem mi bôt ba Égiptô mi ga nyimbi.

 2 “M’a kéñha bon ba Égiptô bo ni bo,

ba ga jo bo ni bo,

hiki mut a jôhak maasañ ni mut wé libôk,

tison i jôhak tison, ane i jôhak ane.

 3 Mahoñol ma bôt ba Égiptô ma ga yubda,

m’a yubdaha yak bipék gwap.+

Ba ga ke i bat bisat gwap mahôla,

bôt bap ba makañ, bôt ba nkwel ni bawoga, ni bôt ba mis ma-na.+

 4 M’a sem bôt ba Égiptô i moo ma béba ñane,

kiñe i gwé ñem mbe yon y’a ane bo,”+ hala nyen bañga Nwet le Yéhôva nu mintôñ mi gwét a mpot.

 5 Malép ma tuye m’a sa,

yak balom b’a sa, ba num yaga.+

 6 Balom ba ga numb bôô njiñ;

diléléba di lom Nil nu Égiptô di ga sa, di num ki.

 7 Bikai bi bi yé i ngwañ lom Nil, i homa lom Nil a nsul tuye,

yak nwom nwominsôna ba bi sal ipañ lom Nil,+ mi ga yuyi.+

 8 Balop tjobi ba ga ee,

i bôt bobasôna ba nleñ minlop i lom Nil ba ga bégél,

nsoñgi u bôt ba nleñ mbunja yap ikété malép u ga sôs.

 9 I bôt ba mpehel loñge bôñgô*+

ni i bôt ba ngwélél puba sut inyu bañ mabadô* ba ga wo nyuu.

10 Babañ mabadô ba Égiptô ba ga tjiba;

bôt ba bôlô bobasôna ba ga siida.*

“Me nlôl i mbôda i bôt ba pék,

me yé mbôda i bikiñe bi kôba”?

13 Baane ba Zôan ba mboñ bijôñ;

baane ba Nof*+ ba njôñôp;

baane ba matén ma Égiptô ba nlugha nye.

14 Yéhôva a nyumus nye;+

yak bo ba nlugha Égiptô ikété mam momasôna a mboñ,

a yila kiki mut nu a nhiôô maok, a lo, ndi a sendi i ngii bilôô gwé.

15 Égiptô a ga la bé boñ jam jo ki jo,

to ño, to nwel, to bipom, to bikai* bi ga la bé boñ jam jo ki jo.

kiki mbuk mbebi nu a nhôñ i nwelmbok, a sahak gwom gwobisôna,

ndutu i nlôl i ñoñ, loñ i i nkônha woñi.+

Mut nliba a nliibana bôt,

yak ntjé-bôt a ntjé bôt.

Nkôôga u gwé me,

kiki muda nu a nsômbôl gwal.

Me nok njôghe ngandak kayéle maôô mem ma noga bé;

me nok njôghe ngandak kayéle mis mem ma ntehna bé.

 7 A bi tehe kak gwét le bihosi bi ñôt,

kak gwét le magas ma ñôt,

kak gwét le kamél i ñôt.

“A Yéhôva, me téé i ngii nkum ntat ngéda yosôna njamuha,

me yé i faa hiki u.+

10 A litén jem, we nu ba bi tét kiki blé,

we nu u yé mimbom* mi litidil jem,+

me ñañle we i jam me bi nok yak Yéhôva nu mintôñ mi gwét, Nyambe nu Israel.

N’a tégbaha u i lipan, i tegep mbok i i yé i ñoñ,

a bôt ba Dédan+ ba ni nke liké i ngii kamél.

14 I mut nyus malép i gwé, tina nye malép,

a bôt ba nyééne i loñ Téma,+

i bôt ba nke nyemb ngwéé, tina bo bret.

15 Inyule ba bi ke pansoñ ngwéé, pansoñ le ba mpémés i sogoo yé;

mpihlôñgô u u yé bebee ni leñ likoñ, yak ni mbimba i gwét, ba bi ke gwo ngwéé.

 2 Liyôgbe li bé i weeni ngandak,

u bé tison le bôt ba mbet ba sôhôk, tison i mangand.

Pansoñ bé yon i bi nol bôt boñ,

ba bi wo bé to i gwét.+

I bôt bobasôna baoo ba bi koba, ba bi yila bôt ba mok,+

yak ni bôt ba bi ke ngwéé haa.

 4 Inyu hala nyen me bi kal le: “Ni béñge bañ me,

nwaha me me ee.+

Ni yéñ bañ hôgbaha me ñem

inyu tjiba i ngond* i litén jem.+

 5 Inyule hilo hini hi yé hilo i yubda, hi tjiba ni hi mahel+

le Nwet Bayemlikok, Yéhôva nu mintôñ mi gwét a ñom

i Nsôsôgô u yiinda.

Lipénd li yé i bugi,+

yak nlondok u nôga i ngii hikôa.

 6 Élam+ a nyoñ bot makoñ,

bikak bi gwét ni bihosi.*

 7 Minsôsôgô* nwoñ minlam

mi ga yon ni bikak bi gwét,

yak bihosi* bi ga telep i manwemel ma tison,

 8 ba ga héya i yom i nsôñ Yuda.

12 I kel i, Nwet Bayemlikok le Yéhôva nu mintôñ mi gwét

a ga ti kunde le bôt ba ee, ba jôp malep,+

ba homb miño, ba haba ki minsugut.

13 Ndi iloole ba boñ hala, ba ga naña mangand, ba konok maséé,

ba nolok nyaga, ba nolok mintômba,

ba jek nuga, ba nyok wai.+

 3 Bijek* bi Sihôr,*+

libumbul li Nil, nkus woñ,

bisitima bi ga kena gwo, bi ga ba yéñe i biloñ.+

 4 A Sidôn, kon hison, we nu u yé lisolbene li ngui, li li yé ipañ tuye,

inyule tuye a nkal le:

“Me bi kôôga bé, me bi gwal bé to,

me bi néñés bé bon bôlôm, to bon bôda.”*+

 5 Kiki bôt ba bi siida i ngéda ba bi nok ñañ inyu Égiptô,+

hala nyen bôt ba ga siida i ngéda ba ga nok ñañ inyu Tir.+

 8 Njee a nyoñ makidik i kogse Tir,

Tir nu a bé kébha bôt mintut mi ane,

nu bôt bé ba nyuñga ba bé baane,

nu bôt bé ba nyuñga ba bééna lipém ni nkoñ ’isi wonsôna?+

 9 Yéhôva nu mintôñ mi gwét nyemede nyen a nkit hala,

inyu mélés bilama gwé gwobisôna bi bi bé ti nye ngôk,

inyu boñ le i bôt bobasôna ba bééna lipém hana ’isi ba wo nyuu.+

11 A bi sambal woo wé i ngii tuye;

a bi nyiñgis biane.

12 A kal le: “W’a kon ha bé maséé,+

a we nu ba ntééñga, we ngond Sidôn i i yé ngi yi munlôm.

I litén lini, he Asiria bé+

jon li bi yilha nye liyééne li binuga bi ñoñ.

Ba bi kéña nye ni minkum nwap mi mandap;

ba bôk minkum nwé mi mandap,+

ba yilha nye likund.

Tibil yaga kôt hiluñ hioñ;

tôp ngandak tjémbi,

inyu boñ le ba hoñol we.”

mut loñ ni biprisi,

ngwélél nu munlôm ni isañ wé bôlô,

ngwélél nu muda ni nyañ wé bôlô,

nu a nsomb ni nu a nuñul,

nu a mpôôs ni nu a mpoo,

nu a mbat mapil ni nu a gwé mapil.+

 3 Loñ yosôna y’a yégle hôlô;

bôt ba ga kena nkus wonsôna u loñ,+

inyule Yéhôva nyen a mpot hala.

 5 I bôt ba nyééne i loñ ba bi ôbôs yo,+

inyule ba bi bôk mambén,+

ba héñha matiñ,+

ba bôk malômbla ma boga.*+

 6 Inyu hala nyen ndiihe i yé i tjé loñ,+

bôt ba nyééne mu ba gwé nsohi.

Inyu hala nyen nsoñgi u bôt u nsôs,

ndék bôt yon i nyégle.+

 7 Wai mondo i nsa,* nkôô wai u nwo,+

i bôt bobasôna ba bé maséé ba nsiida.+

 8 Tjémbi di maséé di bôt ba nkôt dingoma di mal;

liyôgbe li bôt ba yé i ngand li ta ha bé;

tjémbi di maséé di bôt ba nkôt diluñ di mal.+

 9 Ba nyo wai ibabé i tôp tjémbi,

bôt ba nyo maok ndi ma nlôlôl bo.

10 Tison i i nyégle hôlô, i ntjiba;+

hiki ndap i yé nkwéhék, mut a nla bé jôp.

Maséé momasôna ma mal;

i maséé ma bé i loñ, ma ta ha bé.+

12 Tison i nyila likund;

nwemel u nyugda, u yila nwind binan.+

13 Inyule munu loñ ini, ikété matén, mam ma ga ba

kiki i ngéda ba mbép mintjep mi e ôlivé le matam ma kwoo,+

kiki mut a mbada matam ma nkôô wai i ngéda libumbul li mal.+

14 Bôt ba ga bédés makiñ,

ba ga leñ diléla.

15 Inyu hala nyen ba ga ti Yéhôva lipém i nkoñ u mapubi;*+

ba ga ti jôl li Yéhôva Nyambe nu Israel lipém i biôn bi tuye.+

Ngoo ni me! Bôt ba nliba ba nliibana bôt;

ni malôga bôt ba nliba ba nliibana bôt.”+

18 I mut a ga ke mbimba i i nkônha woñi ngwéé, a ga kwo ikété bee,

i mut a ga nyodi ikété bee, a ga gwiya* i hiandi.+

I ngéda makôga ma ngii ma ga yibla,

dikuu di loñ di ga nyeñg.

19 Loñ i mbugi ngéñ ngéñ;

loñ i nyeñg;

loñ i nkwo lihiô.+

20 Loñ i ndiñg kiki mut le a nhiôô maok,

i ndeñg ini pes ni ii kiki lap le mbebi i mpôgôs.

Béba yé i nyidil yo,+

i ga kwo kayéle y’a telep ha bé.

21 I kel i, Yéhôva a ga kogse ntôñ gwét u ngii,

yak ni bikiñe bi hisi.

22 A ga kot bo

kiki ba nkot bôt ba mok ikété bee,

a ga kwéhne bo i ndap mok;

i mbus ngandak dilo, a ga kogse bo.

23 Sôñ i i nyon libôñ y’a wo nyuu,

yak hiañgaa hi hi mbai hi ga kon hison,+

inyule Yéhôva nu mintôñ mi gwét a nyila Kiñe+ i hikôa Siôn+ ni i Yérusalem,

mimañ mi litén+ jé mi ga ti nye lipém.*

Me nti we lipém, me mbégés ki jôl joñ,

inyule u bi boñ mam ma hélha,+

u bi kit le u mboñ i mam ma ibôdôl behee,*+

u nyônôs ki bañga yoñ,+ u kôli le ba bôdôl we ñem.

 2 Inyule u bi yilha tison nwind u ngok,

u yilha tison i gwé mapénd ma ngui likund.

Nkum ndap u nkén mut u ta ha bé tison;

w’a ôña ha bé kekikel.

 3 Inyu hala nyen litén li li gwé ngui li ga ti we lipém;

tison i biloñ bi bi ntét bôt i ga kon we woñi.+

 4 Inyule u nyila lisolbene li ngui inyu nu a gwééba bé,

lisolbene inyu hiyeyeba hi hi yé ikété njiiha,+

homa mut a nla solbene mbuk mbebi,

yiye inyu mut a nsolop hiañgaa.+

I ngéda nhébék u bôt ba ba ntét bape u yé kiki mbuk mbebi nu a nkumul libap,

 5 kiki lék i ntagbe i nnumuk nkoñ,

hala nyen u mômôs liyôgbe li bakén ba bôt.

Kiki lék i mal i ngéda ond i nhô ngii,

hala nyen hiémbi hi bôt ba ntét bape hi mom nwee.

 6 Munu hikôa hini,+ Yéhôva nu mintôñ mi gwét a ga naña matén momasôna

i ngand bijek bilam,+

i ngand wai ilam,*

bijek bilam bi bi gwé binuga bilam,*

wai ilam le ba mbaa.

 7 Munu hikôa hini, a ga héya* i ntendi u nhô matén momasôna,

ni i libadô li yé i ngii biloñ gwobisôna.

 8 A ga mélés* nyemb i boga ni boga,+

Nwet Bayemlikok le Yéhôva a ga sas gwiiha i masu momasôna.+

A ga héya wonyuu i litén jé kayéle y’a ba ha bé hana hisi hiosôna,

inyule Yéhôva nyemede nyen a mpot hala.

Di bi bôdôl nye ñem,+

a ga tohol bés.+

10 Inyule woo u Yéhôva w’a kahap i ngii hikôa hini,+

ndi ba ga tidbe Môab i homa wé,+

kiki ba ntidbe minumuk mi bikai inyu pôdna nwo ni tjibi di binuga.

11 A ga sambal moo mé,

kiki mut a leñ moo i ngéda a nhok

a ga mélés ngôk wé*+

lôñni moo, ma a nleñ.

12 Tison i i gwé mapénd ma ngui, mapénd ma ma yé i ngii inyu sôñ yo,

a ga bôk yo;

a ga bes yo ’isi; ñ, i lipum li biték.

 2 Yiblana manwemel ma tison+ inyu boñ le loñ i i téé sép i jôp,

loñ i i nôgôl Nyambe.

 3 W’a sôñ i bôt ba nigbene we ni ñem wap wonsôna;*

w’a ti bo nsañ ngéda yosôna,+

inyule wen ba mbôdôl ñem.+

 4 Bôdlana Yéhôva ñem i boga ni boga,+

inyule Yah* Yéhôva a yé Liaa li boga.+

A nsuhus i tison i,

a nsuhus yo letee ni ’isi;

a nleñ yo ikété lipum li biték.

 6 Makôô ma bôt ba nok ndutu ma ga tidbe yo,

ñ, mabal ma bôt ba ba gwééba bé.”

Hala kiki u téé sép,

w’a boñ le njel i mut a téé sép i tegep.

 8 A Yéhôva, di noñ njel i mbagi sép yoñ,

di mbôdôl we ñem.

 9 Ni juu, ñem wem wonsôna u gwé ngôñ ni we,

ñ, me nhoñol we ibabé waa;+

inyule i ngéda u nkéés hisi,

bôt ba loñ ba nigil telepsép.+

10 To ibale ba mbôñôl béba mut loñge,

a ga nigil bé telepsép.+

To ibale a nyééne i loñ i telepsép, a ga kônde ndik boñ béba,+

a ga tehe bé lipém li Yéhôva.+

12 A Yéhôva, u ga ti bés nsañ,+

inyule i mam momasôna di bi boñ,

wen u bi bôñôl bés mo.

13 A Yéhôva Nyambe wés, handugi we, bet bape ba bi ane bés,+

ndi jôl joñ jotama jon di nsima.+

Inyule u bi kogse bo,

u tjé bo, u sas bo kayéle mut a nsima ha bé bo.

15 U bi kéñbaha loñ, a Yéhôva,

u bi kéñbaha loñ;

u bi ti wemede lipém.+

16 A Yéhôva, i ngéda ndutu, i weeni nyen ba bi hielba i bat mahôla;

i ngéda u bi kodol bo, ba bi yible we miñem nwap ikété masoohe, ba soogaga.+

17 Kiki muda jém nu a yé bebee ni gwal,

nu a nkôôga, a nogok njôghe, a londok,

hala nyen u bi yilha bés, a Yéhôva.

18 Di bé jém, di bi kôôga,

ndi a yé wengoñle mbebi yon di bi gwal.

Di bi tohol bé loñ,

man nye ki nye a bi gwéé bé le a yééne mu loñ.

Mim mi bôt bem* mi ga telep,+

telbana, leña diléla,

a bé ba ni nyééne ikété biték!+

Inyule manwee moñ ma yé kiki manwee ma maye ma kel,*

i bôt nyemb i bi loo ngui, hisi hi ga nwas bo le ba témb ba niñ.*

20 Kenek a litén jem, jôp i bituñ gwoñ bi kétékété,

yip manwemel.+

Solop inyu ndék ngéda

letee hiun* hi tagbe.+

21 Inyule Yéhôva a nyodi i liyééne jé, a yé i lo

i kéés bôt ba nyééne ikété loñ inyu bibéba gwap;

i matjél ma nkuba i loñ ma ga yeli,

loñ i ga sôô ha bé i bôt ba bi nôla.”

27 I kel i, Yéhôva a ga gwélél pansoñ yé ikeñi i i nhoo, i kônhaga woñi,+

inyu kogse Léviatan,* nyoo i i ñôdba,

Léviatan, nyoo i i nkiiba,

a ga nol nuga ikeñi i i yé ikété tuye.

Me ntat nye juu ni njamuha,

mut nye ki nye a mboñ bé nye béba.+

A kôp nsañ ni me;

ñ, a kôp yaga nsañ ni me.”

 6 I dilo di nlo, Yakôb a ga o minkañ,

Israel a ga too, a pémés mbônji,+

b’a yônôs loñ ni matam.+

 9 Haana nyen béba i Yakôb i ga nwéhlana,+

i mam mana mon a ga boñ i ngéda béba yé i nséha:

a ga nyugut ngok yosôna i juu li bisesema,

kiki ba nyugut pem,

a ga yék bé mbiñ ipubhaga* to juu li binjinjiñ jo ki jo.+

10 Inyule bôt ba ga tjôô tison i i gwé mapénd ma ngui;

bahoma binuga bi njél bikai ba ga yégle hôlô kiki ñoñ.+

Nyoo nyen man nyaga a ga kehel bikai, a nañal ki,

a je ki tjai di mintjep.+

11 I ngéda mintjep nwé mi ga kôt,

bôda ba ga lo, ba tjap nwo,

ba kodna nwo hié.

Inyu hala nyen Nhek wap a ga kônôl bé bo ngoo,

Nu a bi uñgus bo a ga bôñôl bé bo loñge.+

28 Ngoo ni ntut ane* u lipamal* u bôt ba lihiua ba Éfraim,+

mbônji i ntut wé i ga yuyi, i nimis bilama gwé,

yon i yé i ngii hikôa hi hi nha bijek, nyoo nyen i bôt wai i nloo ngui ba nyééne!

Kiki nop matan-ga nu a nlo ni mbambat, ni mbuk mbebi nu a mbôk gwom,

kiki ôôm nop i i mboñ le malép ma hôl, ma yon homa nyensôna,

hala nyen a ga bes ntut ane ’isi ni ngui.

 3 Bôt ba ga tidbe

mintut mi ane mi lipamal* mi bôt ba lihiua ba Éfraim.+

 4 Mbônji i ntut wé i ga yuyi, i nimis bilama gwé,

yon i yé i ngii hikôa hi hi nha bijek,

i ga yila kiki litam li faigé li bisu, sép ngi bôdôl.

 7 Wai i nyumus yak i bôt bana;

maok ma mboñ le ba ndiñg.

Prisi ni mpôdôl, liumb li nyumus bo;

wai i mboñ le ba gwé ha bé yi,

liumb li mboñ le ba kahal ndiñg;

biyiinda gwap bi nteembene bo;

ba mbaage i ngéda ba nkéés.+

 8 Bitéblé gwap bi yé nyonok ni bilôô

homa nye ki nye a mpôp bé.

 9 Njee ba ga niiga,

njee ba ga toñle nwin?

10 Ba nkal le: “Ndik mambén ni mambén, ndik mambén ni mambén,

ndik bikila ni bikila, ndik bikila ni bikila,*+

ndék hana, ndék nyoo.”

“Ndik mambén ni mambén, ndik mambén ni mambén,

ndik bikila ni bikila, ndik bikila ni bikila,*+

ndék hana, ndék nyoo,”

kayéle i ngéda b’a kee,

b’a baage, ba kwoo ni mbus,

ba bugi, ba gwiya* i hiandi, ba gwel ki bo.+

14 Jon emblana lipôdôl li Yéhôva, a bôt ba bikadba,

a baane ba litén lini, ba ba yé i Yérusalem.

“Di bi boñ malômbla ni nyemb,+

di bi nôgla* ni Soñ.*

I ngéda malép ma ga hôl, ma hô homa nyensôna,

ma ga tihba bé bés,

inyule di bi yilha bitembee lisolbene jés,

di bi solbene ikété malôga.”+

“Me yé i tek hikuu i Siôn ni ngok i i bi noodana,+

tik ngok likas+ li ndap inyu bañga hikuu.+

17 Me ga gwélél mbagi sép kiki méta,*+

me gwélél telepsép kiki nkôô lipidô.+

Matan-ga ma ga bôk masolbene ma malôga,

malép ma ga bet, ma hô lisolbene.

18 Malômbla manan ni nyemb ma ga sôyi,

manôgla manan ni Soñ* ma ga nom bé.+

I ngéda malép ma ga hôl, ma hô homa nyensôna,

ma ga kulna bé.

19 Hiki ngéda ma mba ma ntagbe,

ma ga kulna bé:+

inyule ma mba ma ntagbe hiki kel,

juu ni njamuha.

20 Inyule nañi i yé ititigi ngandak inyu boñ le mut a tibil sambla mu,

yak mboñ u yé kidik le u nla bé hô mut nyuu yosôna.

21 Inyule Yéhôva a ga boñ i jam a bi boñ i hikôa Pérasim;

a ga nyamnda kiki a bi boñ i nsôsôgô* u u yé bebee ni Gibéôn,+

inyu gwel nson wé, nson u u yé nkén jam,

ni inyu meehe bôlô yé, bôlô i i yé hélha.+

22 Nano, ni jôha ha bañ,+

tiga le ba kônde sude minkôô minan,

inyule me nok Nwet Bayemlikok le Yéhôva nu mintôñ mi gwét

a nkit le a ntjé loñ yosôna.*+

23 Sédna maôô, emblana me;

lega maôô, emblana ki i jam me mpot.

25 I ngéda a mal sal hisi,

baa a nwes bé hinda kumin, a bel ki kumin?

Baa a mbel bé blé, mil ni kôn* i bahoma bap,

a bel yak ntén blé umpe* i mapañ ma wom?+

26 Inyule Nyambe wé a niiga* nye loñge;

a nti nye biniigana.+

27 Inyule ba ngwélél bé kak ba ntidil kôn inyu tét hinda kumin,+

to makôô ma kak ma ntagbe bé i ngii kumin.

Ndi ba mbép hinda kumin ni kék,

ba mbép kumin ni mboñgo kék.

To! A ntét bé yo, tét ni tét;+

i ngéda a ntégbaha kôô kak le hosi i ñôt i ngii blé,

a nkok bé yo.+

29 Yak i jam lini, Yéhôva nu mintôñ mi gwét nyen a mboñ jo,

bitééne* gwé bi yé bilam,

maboñok mé ma yé hélha.*+

nwii wada u ntagbe, umpe u noñ;

hala nyen yak mangand ma ntagbe, ngand yada i ntagbe,+ ipe i noñ.

 2 Ndi m’a nôgha Ariel ndutu,+

maéya ni minlénd nwon mi ga ba nyoo,+

inyule a ga yilna me kiki homa ba nkuine juu li bisesema inyu Nyambe.+

 3 Me ga hige we bipes gwobisôna,

me kéña we ni lipénd li bikék,

me bédés ki mangund ma biték inyu jôs we gwét.+

 4 Ba ga bes we ’isi, ba wéha we nyuu;

ikété biték nyen u mba u mpôdôl,

biték bi ga boñ le i yom u mpot i nôga bañ.

Kiñ yoñ i mba i nlôl ’isi+

wengoñle kiñ i mut makañ,

kiki u mba u mpôdôl ikété biték, hop woñ u mba ndigi kiki minhuñbe.

 5 Baoo* boñ ba ga ba ngandak kiki minluñ mi biték,+

yak limut li bôt li li ntééñga we li ga ba kiki bikôgôô le mbebi i nkena.+

 6 Yéhôva nu mintôñ mi gwét a ga yoñ ngéda ni we,

a sôñ we ni mbambat, ni nyeñg hisi ni manyiñgha makeñi,

ni mbuk mbebi, ni nop nkeñi, ni lindômbôô li hié likeñi.+

 7 Hala nyen limut li biloñ gwobisôna li li njôs Ariel gwét,+

hala wee i bôt bobasôna ba nlo i jôs nye gwét,

ba ba nkéña nye ni bikak bi gwét,

ba ba nlona nye njiiha,

ba ga yila kiki eem, kiki yiinda i juu.

 8 Ñ, hala a ga ba kiki mut nu njal i gwé, ndi a emel le a yé i je,

i ngéda a ntôde, a nkoba le njal i ngi gwé nye,

tole hala a ga ba kiki mut le nyus i gwé, ndi a emel le a yé i nyo,

i ngéda a ntôde, a nkoba le a yé nwaak, yak nyus i ngi gwé nye.

I jam li jon li ga pémél limut li biloñ gwobisôna

li li njôs hikôa Siôn gwét.+

 9 Hala a hélés bé, ni yôm ki;+

kwona ndim le ni tehna ha bañ.+

Ba nhiôô, ndi wai bé yon i nhiuus bo;

ba nke ba ndiñg, ndi maok bé mon ma mboñ le ba ndiñg.

10 Inyule Yéhôva a bi boñ le ni kee ndip ’ilo;+

a bi yip mis ma bapôdôl,+

a bi hô miño mi batehemam.+

13 Yéhôva a nkal le: “I litén lini li mbégés me ni nyo wap,

ba nti me lipém ni bibép gwap,+

ndi miñem nwap mi yé yaga haa ni me;

ba nkal le ba nkon me woñi, ndi ba noñ mambén ma bôt ba binam ma ba bi niiga bo.+

14 Inyu hala nyen memede me ga témb me boñ bihélha bi mam inyu litén lini,+

hélha ni hélha;

pék i bôt bap ba pék i ga mal,

yi i bôt bap ba gwé yi i ga nene ha bé.”+

Ba mboñ mam i jiibe,

ba kalak le: “Njee a ntehe bés?

17 Ndék ngéda, Libañ a ga yila wom u u num matam,+

yak i wom u, u ga pôna lipan.+

18 I kel i, bôt ba ndok ba ga nok bibañga bi kaat,

yak bôt ba ndim ba ga tehna, ba ga ba ha bé ikété jiibe.+

19 Yéhôva a ga boñ le bôt ba suhulnyuu ba kon maséé ngandak,

Numpubi nu Israel+ a ga boñ le diyeyeba di ba maséé.

20 Inyule nu a ntét bôt a ga ba ha bé,

to mut bikadba a ga ba ha bé,

i bôt bobasôna ba yé bebee i boñ béba ba ga tjiba,+

21 ñ, i bôt ba mpot bitembee inyu ôm bape nsohi,

ba ñamb tjandi i nwemel u tison inyu mut nu a nlo i minkaa,*+

ba mpopoda inyu boñ le mut telepsép a kôhna bañ mbagi sép.+

“Yakôb a ga kon ha bé hison,

to su wé u ga unda ha bé le a nwo nyuu.+

23 Inyule i ngéda a ga tehe bon bé ikété loñ yé,+

ba ba yé minson mi moo mem,

ba ga pubus jôl jem;

ñ, ba ga pubus jôl li Numpubi nu Yakôb,

ba ga ti ki Nyambe nu Israel lipém.*+

24 I bôt ba nyôm ikété mahoñol map ba ga bana yi,

yak i bôt ba ntjelel ba ga neebe le ba niiga bo.”

30 Yéhôva a nkal le: “Ngoo ni bon ba ndok,+

ba ba ñôô bipék bi bi ta bé bipék gwem,+

ba ba mboñ malômbla* ma ma ta bé sômbôl yem,*

le ndi ba boñok ndik béba ni béba.

 2 Ba nsôs i Égiptô+ ibabé i bat me,+

inyu bat Faraô le a sôñ bo,*

ni i yéñ lisolbene i Égiptô.

 3 Ndi lisolbene yak Faraô li ga yilna bé jam li hison,

i yéñ lisolbene i Égiptô li ga wéha bé nyuu.+

 4 Inyule baane bé ba yé i Zôan,+

balegelnwin bé ba mbol i Hanes.

 5 Bobasôna ba ga wo nyuu

inyule bôt ba Égiptô ba nla bé bane bo nseñ wo ki wo,

ba nla bé hôla bo, to bane bo mahee mo ki mo,

ndik hison ni wonyuu.”+

ba nlôô i loñ i njiiha ni i mandutu,

loñ i mbondo njéé, i mbondo njéé i i nkônd,

loñ i péé ni nyoo i i gwé mbôñ i nhoo nola,*

ba mbeglene lingwañ jap i ngii magas,

yak ni nkus wap i ngii matut ma kamél.

 8 “Nano, kenek, tila bibañga bini i ngii libam i bisu gwap,

tila ki gwo i kaat,+

le bi bok mbôgi ngéda yosôna,+

i dilo di nlo.

 9 Inyule ba yé litén li bôt ba ndok,+ bôt ba bitembee,+

bon ba ba ngwés bé emble mbén* Yéhôva.+

“Kiki ni ntjél i lipôdôl lini,+

ni noñ malôga ni bitembee,

ni bôdlak ki gwo ñem,+

13 wee i béba ini i ga yilna bé kiki libap li li yé mbôak,

kiki libap likeñi li li nsedep, li bak bebee ni kwo.

14 Li ga bugi kiki hibee hi biték hi mma dibee,

hi hi nyugda kayéle pes to yada y’a yégle bé

le mut a nla yôñôl likalak i juu,

tole a nla ébél malép i sesep.”*

“Ibale ni ntémb i meeni, ni yén ki nwee, ha nyen n’a tohlana;

ngui nan y’a ba le ni yén nwee, ni bôdôl ki me ñem.”+

17 Hikôô hi bôt hi ga sehla i bisu bi mut wada;+

bôt batan ba ga boñ le ni kon woñi, ni kahal ke ngwéé

letee i bôt ba ga yégle i weeni ba yila wengoñle jél li li téé i ngii hikôa,

tole kiki kék i i gwé yimbne, i bak i téé i ngii man hikôa.+

18 Ndi Yéhôva a yé i bem* le a bôñôl bé loñge,+

a ga telep inyu kon bé ngoo.+

27 Nuna-ki! Yéhôva* a nlôl haa,

a nloñ ni hiun, a bak ikété ond i i gwé mbibi.

Bibép gwé bi yé nyonok ni liyot,

hilémb hié hi yé kiki hié hi hi nloñ ni ngui.+

28 Mbuu* wé u yé kiki lép u u nhôl ipam i joo,

inyu seghe biloñ ikété segesege nu tjiba;*

a ga som kei i manyo ma matén kiki hosi+ le ndi a boñ le ba nimil njel.

29 Ndi bé n’a tôp hiémbi hi hi yé kiki hiémbi mut a ntôp ni juu

i ngéda a nkôôba* ngand,+

miñem minan mi ga ba maséé kiki mut nu

a nke, a hemek hikos*

i njel i nke i hikôa hi Yéhôva, Liaa li Israel.+

30 Yéhôva a ga boñ le lipémba li kiñ yé li nôga,+

a ga sambal ki woo wé+ inyu bép ikété hiun hikeñi,+

ni lindômbôô li hié li li nloñ ni ngui,+

ni soso nop,+ ni ôôm nop ni matan-ga.+

31 Inyule Asiria a ga nok kiñ Yéhôva, a kon woñi;+

a ga bép nye mboñgo kék.+

32 Hiki ngéda Yéhôva a mba a bép Asiria

mboñgo kék inyu kogse nye,

bôt ba mba ba nkôt dingoma ni diluñ,+

a ga sambal woo wé i jôs bo gwét.+

33 Inyule Tôfet*+ wé a yé nkôôbaga;

a yé yak nkôôbaga inyu kiñe.+

A mal koda juu li li yé likeñi, li bak ndip,

lôñni ngandak tjéé ni hié hi hi nloñ ni ngui.

Nhébék u Yéhôva u u yé kiki lép u solfa,

won u ga kuye Tôfet.

31 Ngoo ni bôt ba nsôs i Égiptô i bat mahôla,+

ba ba mbôdôl bihosi ñem,+

ba ba mbôdôl bikak bi gwét ñem inyule bi yé ngandak,

ba bôdlak yak bihosi bi gwét* ñem inyule bi gwé ngui.

Ndi ba mbat bé Numpubi nu Israel mahôla,

ba nyéñ bé to Yéhôva.

 2 Ndi yak nye a gwé pék, a ga lona ki bikuu,

a ga héñha bé i yom a nkal.

A ga telep i jôs ntôñ u bibéba bi bôt,

ni i jôs i bôt ba nhôla baboñ mam mabe.+

 3 Ngo bôt ba Égiptô ba yé ndigi bôt ba binam, ba ta bé Nyambe;

bihosi gwap bi yé minsôn, bi ta bé mbuu.+

I ngéda Yéhôva a ga sambal woo wé,

nu a nlo i ti mahôla a ga baage,

nu ba nlo i hôla a ga kwo;

bobasôna ba ga tjiba i nlélém ngéda.

“Kiki mbondo njéé tole man mbondo njéé a nhum inyu sôña nuga a ngwel

i ngéda ntôñ u batééda mintômba u nkodba inyu jôs nye,

i nkon bé makiñ map woñi,

to minlondok nwap mi nséhlaha bé yo;

hala nyen Yéhôva nu mintôñ mi gwét a ga sôs i jo gwét,

inyu sôñ Siôn ni hikôa hié.

A ga sôñ nye, a tohol ki nye

A ga yoñ ngéda ni nye, a péyés ki nye.

 8 Pansoñ yon i ga nol man Asiria, ndi pansoñ i mut binam bé;

pansoñ yon i ga tjé nye, ndi pansoñ i mut binam bé.+

A ga ke pansoñ ngwéé,

ba nyégsa ki boñge bé ba wanda i sal bôlô njok.

 9 Liaa jé li ga ke ngwéé inyule li nkon woñi,

baane ba ntôñ wé gwét ba ga sehla inyule ba ntehe yimbne,”*

hala nyen Yéhôva nu mapubi* mé ma yéne i Siôn, yak juu jé li hié i Yérusalem, a mpot.

32 Nuna-ki! Kiñe+ i ga ane ni telepsép,+

yak baane ba ga kéés ni mbagi sép.

 2 Hiki wada wap a ga ba lisolbene i ngéda mbuk mbebi a nhôñ,

ni homa mut a nsolop* ôôm nop,

kiki diléléba i nnumuk nkoñ,+

ni kiki yiye i liaa likeñi i nkoñ u u nlék ngandak.

 3 Ha nyen mis ma bôt ba ba ntehna ma ga ba ha bé nkwéhék,

yak maôô ma bôt ba ba noga ma ga kônde emble.

 4 Miñem mi bôt ba ba mpabla i boñ mam mi ga yi jam,

yak dilémb di bôt ba nkigbe di ga pahal bibuk loñge.+

 5 Ba ga sébél ha bé jôñ mut le mut likap,

to mut nu a mbôk mambén, ba ga sébél ha bé nye le ntôô mut.

 6 Inyule jôñ mut i ga pot ndigi bijôñ bi mam,

ñem wé u nhek ndigi bipék bibe,+

inyu tinde bôt i yan* Nyambe ni i pot mam ma ma nkolba Yéhôva,

i nim mut njal i gwé bijek,

ni i nim mut nyus i gwé yom le a nyo.

 7 Manjel ma mut nu a mbôk mambén ma yé mabe;+

a ntinde bôt i boñ mam ma nwéhna nyuu;

ni bitembee, a nkadal gwom bi mut a nok ndutu,+

to ibale hiyeyeba hi mpot maliga.

 8 Mahoñol ma mut likap ma yé ndik le a kap,

a ntéñbe ki ni lem yé likap.*

10 A bé ba ni ndiihe bé jam jo ki jo, i ngi yii nwii wada ni jam, ni ga sehla;

inyule litam li nkôô wai to jada li ga ba bé i ngéda libumbul li ga mal.+

Héyana mambot,

téña minsugut i bibôbôk binan.+

12 Siidana, ni béglak inyu

nwom mi bijek minlam ni nwom mi minkôô mi wai mi mi num ngandak matam.

13 Inyule biloo ni bie bi biloo bi ga hô hisi hi litén jem;

bi ga hô mandap momasôna ma ma bééna maséé,

ñ, tison i mahak.+

14 Inyule bôt ba ntjôô nkum ndap u u gwé ngui;

tison i i bé ikété liyôgbe i nyégle hôlô.+

Ôfel*+ ni nkum ntat bi ga yégle ngi bôt,

bi nyila paradis i magas ma bikai,

ni bahoma ba bikai inyu bémba.+

15 Mam ma ga yégle hala letee Nyambe a kôp bés mbuu wé,+

yak ñoñ u yila wom,

wom u nuk kiki lipan.+

16 Ha nyen mbagi sép i ga yééne i ñoñ,

yak telepsép i yééne i wom.+

17 Bañga telepsép i ga lona nsañ,+

litam li bañga telepsép li ga ba le bôt ba ba nwee ntandaa ngéda, ibabé i kon jam jo ki jo woñi.+

18 Litén li ga yééne i homa nsañ u yé, ibabé nduña;

i mayééne ma yé nwee, ibabé i kon jam jo ki jo woñi.+

19 Ndi matan-ga ma ga tjé lipan,

tison yosôna i ga tjiba.

20 Maséé ni bé ba ni mbel mbôô bahoma bobasôna malép ma yé,

yak ni bé ba ni ntiñil* nlôm nyaga ni jagas.”+

33 Ngoo ni we, a ntjé-bôt nu a yé ngi tjiba;+

a mut nliba nu ba yé ngi liibana!

Yila ngui* yés+ hiki kegla,

ñ, nu a ntohol bés i ngéda ndutu.+

 4 Kiki bitandi bi nsas hiki yom mu njel yap, hala nyen bôt ba ga kena nkus woñ;

bôt ba ga ôñla wo kiki liuñ li bitandi.

 5 Yéhôva a ga kôhna lipém,

inyule a nyééne i bahoma ba nyôgi.

 6 Nyen di nla bôdôl ñem ngéda yosôna;

tohi ikeñi,+ pék, yi, ni likon Yéhôva woñi+

gwon bi yé masôô mé ma nkus.*

 7 Nuna-ki! Bajogwét bap bakeñi ba mbégél i minloñ;

balegel manwin ma nsañ ba ñee ngandak.

 8 Minloñ mi yé hôlô;

mut to wada a nôñôl bé i manjel.

A* mbôk malômbla;

a ntjél bitison;

a nkônôl bé mut binam nye ki nye ngoo.+

Sarôn a nyila kiki ñoñ,

tjai di Basan ni di Karmel di nkudi.+

10 Yéhôva a nkal le: “Nano, me ga telep;

nano, me ga ti memede lipém;+

nano, me ga unda ngui yem.

14 Baboñbéba ba Siôn ba yé ikété woñi;+

bakolba Nyambe* ba yé i sehla:

15 I mut a noñ telepsép hiki ngéda,+

a mpot i jam li téé sép,+

a ntjél gwélél malôga ni bitembee inyu kôhna yéñe,

moo mé ma nleege bé bitek, a nyoñ bé gwo,+

a nlô maôô mé le a emble bañ bipék bi manola,

a nyip mis le a tehe bañ mam mabe;

16 i nya mut i, i ga yééne i bahoma ba nyôgi;

bañga yé lisolbene* i ga ba ikété maaa,

a ga bana bret,

yak malép ma ga héñél bé nye.+

17 Mis moñ ma ga tehe kiñe ikété bilama gwé;

u ga tehe loñ i i yé haa.

19 U ga tehe ha bé litén li bôt ba lipamal,

litén li li gwé hop u u yé ndutu* i nok,

litén li bôt ba ba nkigbe kayéle u nla bé nok bo.+

Mis moñ ma ga tehe Yérusalem, liyééne li li yé nwee,

lap le ba ga héya ha bé.+

Ba ga nup ha bé bikék gwé,

nkôô wé to wada u ga tiñla ha bé.

21 Nyoo nyen Yéhôva Nu lipémba,

a ga bane bés kiki nkoñ u u gwé balom ni diléléba dikeñi,

i het môñgô ba nluk ni bipagô u nke bé,

to sitima ikeñi yo ki yo i ntagbe bé.

22 Inyule Yéhôva a yé Nkéés+ wés,

Yéhôva a yé Ntéé-mambén+ wés,

Yéhôva a yé Kiñe+ yés;

nyen a ga tohol+ bés.

23 Minkôô nwoñ mi ga hohla;

jél li sitima li ga yégle bé bitétéé, to mabadô mé ma ga wandla bé.

Ha ngéda i, ba ga kabna ngandak nkus u baoo bap;

yak bibôk bi bôt bi ga kôhna ngaba ikeñi.+

34 A biloñ, tiigana bebee inyu emble,

yak bé a matén, sédna maôô.

Hisi ni gwom gwobisôna bi yé mukété bi emble,

yak loñ ni gwom gwobisôna bi nyééne mu.

 2 Inyule Yéhôva a ñunbene biloñ gwobisôna,+

a ñunbene yak ntôñ wap gwét wonsôna.+

A mal téé le a ntjé gwo;

a ga sem gwo le bi tjiba.+

 3 Ba ga lep mim,

njiñ mim i ga bet homa nyensôna;+

matjél map ma ga nyimbi* dikôa.+

 4 Ntôñ gwét u ngii wonsôna u ga ôbi,

ba ga hôt ngii kiki nhôôk kaat.

Ntôñ wap wonsôna u ga kudi

kiki hiai hi nkôô wai hi hi nkôt ndi hi kwo,

kiki litam li faigé li li mbol ndi li sodla, li kwo.

I ga sôs inyu kogse Édôm,+

ñ, litén me nkit le li ntjiba.

mahoñ ma ga hô pansoñ,+

yak ni matjél ma bon ba mintômba ni ma kembee,

ni mahoñ ma ditam di balôm ba mintômba.

Inyule Yéhôva a nke i sem sesema i Bôzra,

a ga kôp ngandak matjél i loñ Édôm.+

 7 Yak balôm ba nyaga ba bikai ba ga ba mu nsoñgi u binuga bi,

bon ba nyaga yak ni minhôôlak mi nyaga mi mi gwé ngui.

Ndi hisi hi loñ yap hi ga nyo matjél,

biték gwap bi ga ba mpôdnaga ni mahoñ.”

 8 Inyule Yéhôva a ntéé hilo hi mapuna,+

nwii u kogse inyu mam mabe ba bi boñ Siôn.+

 9 Balom bé* ba ga yila hitjo,*

biték gwé bi yila solfa,

loñ yé i ga yila kiki hitjo le ba yé i ligis.

10 Juu to njamuha, hié hi ga lém bé;

hiida hié hi ga tu i boga ni boga.

Tjiba yé i ga nom tjai ndi tjai;

mut nye ki nye a ga lôô ha bé mu kekikel.+

11 Lolo lom ni nyik gwon bi ga yééne nyoo,

makuñ ma ma gwé mimbôñgô mi maôô ni biboboñ bi ga yééne nyoo.

Nyambe a ga hek yo ni méta inyule a nkit le i nlama yégle hôlô,

yak ni nkôô lipidô* inyule a nkit le i ga tjiba.

12 Ntôô wé mut to wada u ga yila bé kiñe,

baane bé bobasôna ba ga yila yañga.

13 Biloo bi ga o mu minkum nwé mi mandap,

disañla* ni bikai bi biloo bi ga o mu mapénd mé ma ngui.

A* ga yila hôk i dibaa di njéé,+

ni liyééne inyu njok dinuni.

14 Nyoo nyen binuga bi ñoñ bi ga bomna ni binuga bi bi mbégél,

yak kembee bikai* i mba i nséblana yo ni yo.

15 Nyoo i ga yén mu, i nyee ki matjee mé,

i kek mo, i kot ki mo isi yiye yé.

nuga to yada mu i ga hañ bé;

to yada mu i ga hañ bé nlôm,

inyule nyo u Yéhôva won u nti oda,

mbuu wé ki won u nkot gwo.

17 Nyen a nleñ mbam inyu yap,

woo wé won u nhek i homa ba nlama yén.*

Bi ga kôdôl i nkoñ u, i boga ni boga;

bi ga yééne nyoo tjai ndi tjai.

35 Ñoñ ni nnumuk nkoñ bi ga kon maséé,+

yak tegep ñoñ i ga kon maséé, i ti ki mbônji bikai.*+

 2 Ibabé set, u ga too;+

u ga kon maséé, u leñ ki diléla.

Lipém jé li ga ba kiki lipém li Libañ,+

yak bilama gwé bi ga ba kiki bi Karmel+ ni bi Sarôn.+

 3 Lédhana moo ma ma ntomb,

lédhana yak maboñ ma ma nsehla.+

Nuna-ki! Nyambe nan a ga lona mapuna,

Nyambe a ga lona kogse.+

 5 Ha ngéda i, bôt ba ndim ba ga tehna,+

maôô ma bôt ba ndok ma ga yibla.+

 6 Ha ngéda i, bôk mut i ga pind kiki nlôm ngôlôñ,*+

hilémb hi bôt ba mbuk hi ga lond ni maséé.+

Inyule malép ma ga puhul i ñoñ,

yak diléléba i tegep ñoñ.

 7 Hisi hi hi nlék hi ga yila kiki titimba i i yôni ni makai,

nnumuk nkoñ u yila mangen ma malép.+

Bikai, makai ni biloloo bi ga ba

mu bihôk bi dibaa di njéé,+ i het di nañlene.

 8 Nloñ nkeñi u ga ba nyoo,+

ñ, nloñ u u gwé jôl le Nloñ mpubhaga.

U yé ndigi inyu mut a kôli kil mu;

jôñ mut yo ki yo i ga lôô bé mu.

 9 Mbondo njéé i ga ba bé mu,

to nuga bikai yo ki yo i ga kil bé mu.

Mut a ga boma bé gwo mu;+

ndik i bôt Nyambe a nkobol, bon ba ga kil mu.+

Ba ga ba ndik ikété maséé ni mahak,

ndutu ni njiiha bi ga ba ha bé.+

‘M’a bet i ngii dikôa+

ni ngandak yem bikak bi gwét,

nyoo i bahoma ba Libañ ba ba nlôôha haa.

25 M’a tém bibee bi malép, me nyo ki malép;

ni mabal mem, m’a boñ le balom* ba Égiptô bobasôna ba sa.’

27 I bôt ba nyééne nyoo, ngui i ga mal bo;

ba ga kon woñi, ba wo ki nyuu.

Ba ga yila kiki bikai bi wom, ni kiki bikai bi bi yé yômi,

kiki bikai bi minyôl le mbebi i nlôl i pes likôl i nkudus.

28 Ndi me nyi yaga i ngéda u nyén, i ngéda u mpam, i ngéda u njôp,+

ni i ngéda u ñunbene me,+

29 inyule hiun+ hioñ ni minyayak nwoñ bi mpam i maôô mem.+

Jon m’a som nlop wem mu mben yoñ môl, me som yak hikoba+ hiem mu bibép gwoñ,

me boñ ki le u timbil mu njel u bi lôl.”

“A’ jôp bé munu tison ini,+

a’ leñ bé likoñ to jada mu,

a’ lona bé to ben inyu jôs yo,

a’ kéña bé tison ni mangund ma biték inyu jôs yo.”’+

34 ‘A’ timbil mu njel a bi lôl;

a’ jôp bé munu tison ini,’ hala nyen Yéhôva a mpot.

35 ‘M’a sôñ i tison ini,+ me tohol ki yo inyu jôl jem+

ni inyu ngwélél wem David.’”+

10 Me bi kal le: “Me yé ngi un

ndi me nlama yap manwemel ma Soñ.*

Me ga béñge ha bé bôt ba binam

i ngéda me ga ba ni bôt ba nyééne i homa mam momasôna ma mal.

12 Ba nhéya liyééne jem, ba kena jo haa ni me+

kiki lap i ntééda mintômba.

Me mal hôt niñ yem kiki mbañ mabadô nu a mal bañ libadô ndi a hôt jo;

a nhubus niñ yem kiki mbañ mabadô nu a mal bañ libadô ndi a kit bôñgô.

Kiki mbondo njéé, a nkônde nyugut bihés gwem gwobisôna;

ibôdôl maye ma kel letee ni i masudne ma u, u yé i kena me i lisuk.+

14 Kiki ngañ-njok tole ntat-mbai,* me nkwai ibabé waa;+

me nsiida kiki hibeñ.+

“A Yéhôva, me yé ikété njiiha;

hôla me!’*+

M’a niñ ikété suhulnyuu nwii nwem nwominsôna

inyule me nok ndutu.*

16 ‘A Yéhôva, i gwom* bini gwon bi mboñ le mut binam a niñ,

gwon bi mboñ ki le me ngi hébék.*

17 Nun-ki! Iloole me bana nsañ, me bé siida ngandak;

ndi kiki u ngwés me,

u bi sôñ me le me jôp bañ i bee tjiba.+

18 Inyule Soñ* i nla bé ti we lipém,+

nyemb i nla bé ti we bibégés.+

19 Mut nu a niñ, ñ, mut nu a yé yômi nyen a nla bégés we,

kiki me yé i boñ i len ini.

20 A Yéhôva, tohol me,

di ga kôt nsik ni bikôkôda bi manganda+

i ndap Yéhôva dilo di niñ yés tjodisôna.’”+

 2 “Bôôhana ñem* u Yérusalem,

ni añle nye le nson wé njonok u mal,

ni le a mal saa béba yé.+

 4 Hiki nsôsôgô u nlama yônhana,

hiki hikôa ni hiki homa a nyôgi a nlama yila homa a tégi.

Hisi hi hi gwé dikuu hi nlama sendlana,

yak njel maaa i nlama yila tegep mbok.+

 5 Lipém li Yéhôva li ga nene,+

bôt ba binam bobasôna* ba ga tehe jo,+

inyule nyo u Yéhôva won u mpot hala.”

 7 Bikai bi nkôt,

mbônji i nkudi,+

inyule nhébék* u Yéhôva u nhue gwo.+

 8 Bikai bi nkôt,

mbônji i nkudi,

ndi bañga i Nyambe i nom i boga ni boga.”+

 9 Bet i ngii hikôa hi nyôgi,

a muda nu a ñañal ñañ nlam inyu Siôn.+

Bédés kiñ ni ngui,

a muda nu a ñañal ñañ nlam inyu Yérusalem.

10 Nuna-ki! Nwet Bayemlikok le Yéhôva a ga lo ni lipémba jé,

woo wé u ga ane inyu yé.+

Nuna-ki! A nlona bibom,

nsaa a nti bôt u yé nye bisu.+

A ga kot bon bé ba mintômba ni woo wé,

a begee ki bo i tôl yé.

12 Njee a nla gwel malép ma tuye momasôna i libai jé li woo,+

a hek ntel* u ngii ni nsamblak wé libai li woo?*

Njee a nla ha biték bi hisi gwobisôna i kop inyu hek gwo,+

tole a nla hek dikôa

ni bon ba dikôa i kilô?

13 Njee a nla hek bikeñi bi* mbuu u Yéhôva,

njee a nla niiga nye tole a nla ti nye maéba?+

14 A bi kwel bo njee inyu boñ le a yi jam,

njee a bi unda nye njel i téé sép,

njee a bi niiga nye inyu boñ le a bana yi,

njee a bi unda nye njel i bañga yi?+

15 Nuna-ki! Biloñ bi yé kiki litôi li malép ikété nlôñga,

bi nene kiki lipum li biték i ngii kilô.+

16 To ibale mut a nkit bie bi Libañ inyu koda hié hi juu li bisesema,*

to ibale a nol binuga bi bikai bi yé nyoo inyu ti nye sesema i ntul i hié; hala a ga kola bé nye.

17 Biloñ gwobisôna bi yé i bisu gwé kiki yom i i niñ bé;+

a ntehe gwo kiki to jam, yom i i ta bé.+

19 Mut nu a gwé likeñge a mbañ ñôôk sat,*

mut nu a ñôô bikei, a hoo yo gôl,+

a bôñôl ki yo minsañ mi silba.

20 Mut a mpohol e inyu likébla jé,+

e i i mbol bé.

A yéñ mut nu a gwé likeñge

inyu tjo ôñgba i i ga kwo bé.+

22 Ngo Nyambe a nyééne i ngii ngiiña hisi,+

i bôt ba nyééne hana ’isi ba yé kiki bitandi.

A nsambal ngii kiki libadô li li nehna,

a nhudul ki yo kiki ndap libadô le mut a nyééne.+

23 A nyilha bangomin bakeñi kiki to jam,

a nyilha yak bakéés* ba nkoñ ’isi yañga jam.

24 Ba yé kiki bie le, mut nye ngi to mal bel gwo,

mut nye ngi to mal nwes mbôô yap,

minkañ nwap mi yé ngi to mal ôm ’isi,

ndi mbebi i nhue bo, ba kôt,

i tagbana bo kiki minumuk mi bikai.+

Nu a ñéga gwo kiki ntôñ gwét, hiki yada mu inoñnaga ni nomba yé;

a nsébél ki gwo, hiki yada mu ni jôl jé.+

Kiki a gwé ngui ikeñi ni lipémba li li nhélhana,+

to yada i nhañ bé.

‘Yéhôva a ntehe bé i mam ma mpémél me,

Nyambe wem a mpémhene bé me mbagi i téé sép’?+

29 I mut a yé nwaak, a nti nye ngui,

i bôt ba gwééba ha bé, a nyônôs bo ni lipémba.+

30 Boñge bôlôm ba ga waa, ba tomb ki,

boñge ba wanda ba ga baage, ba kwoo ki,

31 ndi i bôt ba mbôdôl Yéhôva ñem ba ga témb ba kôhna ngui.

Ba ga ke ngwéé ibabé le ba tomb;

ba ga ke liké ibabé le ba waa.”+

41 “A biôn, moma nwee, ni emble me;*

yak biloñ bi témbna ngui yap.

 2 Njee a bi sébél mut a nlôl i likôl,*+

a sébél nye le a loo a ba ngwélél wé,* inyu boñ mam ni telepsép,

le ndi a sem biloñ i moo mé,

ni le a suhus bikiñe+ isi yé?

Njee a nsand bo kiki minluñ mi biték i bisu bi pansoñ yé,

a nsand bo i bisu bi mpihlôñgô wé kiki minumuk mi bikai le mbebi i ntagbana?

 3 A noñ bo ngi ndutu yo ki yo

i manjel le a bi bôk bé a kil.

 4 Njee a bi boñ i jam li, a yônôs ki jo,

ibôdôl i bibôdle, a séblak tjai i mbus tjai?

Me Yéhôva, me yé Nu Bisu;+

yak ni bôt ba tjai di nsôk, me yé nlélém.”+

 6 Hiki wada a nhôla maasañ,

a nkal nye le: “Lédés.”

 7 Hala nyen i mut a nsal ni likeñge a nlédés i mut a ñôô bikei;+

nu a mbamb kei ni hama

a nlédés nu a yé i sal i bibil bikei.

 8 “Ndi we a Israel, u yé ngwélél+ wem,

a Yakôb, we nu me bi pohol,+

mbôda* Abraham, liwanda+ jem,

 9 we nu me bi yôñôl i makas ma ’isi,+

we nu me bi sébél, u bak minkoñ mi yé haa.

Me kal we le: ‘U yé ngwélél+ wem;

me bi pohol we, me bi tjél bé we.+

M’a lédés we; ñ, m’a hôla we,+

m’a nit we ni woo wem walôm u telepsép.’

12 W’a yéñ i bôt ba bé jôs we sañ, ndi w’a tehe ha bé bo;

i bôt ba bé jôs we gwét ba ga yila to jam, ba ga ba ha bé.+

13 Inyule me Yéhôva Nyambe woñ, memede nyen me ngwel woo woñ walôm,

men me nkal we le: ‘U kon bañ woñi. M’a hôla we.’+

14 U kon bañ woñi a Yakôb,+ we nu u yé kiki nsoñ;*

we a litén li Israel, m’a hôla we,” hala nyen Yéhôva, Nkobol+ woñ, Numpubi nu Israel a mpot.

15 “Nun-ki! Me nyilha we kiki kak ba ntidil blé,+

kak i mondo ba ntidil blé, i i gwé masoñ ma nhoo ngandak.

W’a nyugut dikôa, u kok ki tjo,

w’a yilha ki dikôa dititigi kiki bikôgôô.

16 U ga pep tjo,

mbebi i kena tjo;

mbuk mbebi a ga sand tjo.

Ndi we, Yéhôva+ a ga boñ le u ba maséé,

w’a kadba ki inyu Numpubi nu Israel.+

18 M’a boñ le balom ba kulne i dikôa di di yé nnumuk,+

me pémhene ki mangen i tegep mbok.+

M’a yilha ñoñ kiki titimba

malép i i yé nyonok ni makai,

me yilha yak nnumuk nkoñ mangen ma malép.+

19 M’a bel e sidar i ñoñ,

e akasia, e myrte ni e môô.*+

M’a bel e junipa* i tegep ñoñ,

lôñni e ashi* ni e+ sipré.

20 Inyu boñ le bôt bobasôna ba tehe, ba yi,

ba béñge, ba nok ki le

woo u Yéhôva won u bi boñ i mam ma,

ni le Numpubi nu Israel nyen a bi hek+ mo.”

Kala bés mam ma ngéda kôba,*

inyu boñ le di hek pék mu,* di yi ki lelaa ma ga sôk.

23 Yeelana bés i mam ma ga bôña i dilo di nlo,

inyu boñ le di yi le ni yé banyambe.+

Ñ, boña jam lilam tole libe,

le ndi i ngéda di ntehe+ jo, di hel.

24 Nuna-ki! Ni yé to jam,

nson nan u yé yañga.+

25 Me bi sébél mut nu a nlôl i ñombok, a ga lo;+

mut nu a nlôl i likôl,*+ a ga lôndôl jôl jem.

A ga tidbe baane* kiki ba ntjo ték lima,+

kiki mma dibee a ntjo ték lima i i gwé malép.

26 Njee a bi bôk a añal i jam li ibôdôl i bibôdle, inyu boñ le di yi jo,

tole ibôdôl ngéda kôba, inyu boñ le di kal le: ‘Maliga+ mon a bi pot’?

28 Ndi me bi béñge homa nyensôna, me bi tehe bé mut to wada;

mut to wada a ta bé ikété yap nu a nla ti maéba.

Me nha nye mbuu wem;+

a ga lona matén+ telepsép.

 2 A ga lond bé, to bédés kiñ,

a ga boñ bé to le bôt ba nok kiñ yé i minloñ.+

 3 A ga bôk bé likai li li sédi,

a ga lém+ bé to nsiñga u u ntu hiida.

 4 A ga waa bé, a ga tomb bé letee a lona telepsép hana ’isi;+

biôn bi mbem mbén* yé.

 5 Haana nyen bañga Nyambe le Yéhôva a mpot,

Nhek ngii ni Nyambe Nunkeñi nu a bi sambal+ yo,

Nu a bi hek hisi ni gwom bi yé mu,+

Nu a nti i bôt ba nyééne hana ’isi nhébék,+

a tinak ki bôt+ ba nkil mu mbuu wé:

 6 “Me Yéhôva, me bi sébél we ikété telepsép;

me bi gwel woo woñ.

Me ga sôñ we le u ba malômbla inyu bôt,+

ni mapubi inyu biloñ,+

 7 le ndi u yibil mis+ ma bôt ba ndim,

u héya bôt ba mok i ngata,

yak i bôt ba yé i jiibe, u pémés bo i ndap mok.+

 8 Men me yé Yéhôva, jôl jem li;

me nti bé mut nye ki nye lipém jem;*

me nti bé to bisat+ bibégés bi kôli ni me.

 9 Nuna-ki! Mam ma bisu ma mal yon;

nano, me ñañal mam ma mondo.

10 Tublana Yéhôva hiémbi hi mondo,+

tublana nye hiémbi hi bibégés ibôdôl i makas ma ’isi,+

a bé ba ni nkil i tuye ni gwom gwobisôna bi yé mu,

a biôn ni bôt ba nyééne mu.+

11 Ñoñ ni bitison gwé bi bédés kiñ,+

yak i mambai Kédar+ a nyééne.

I bôt ba nyééne i maaa ba leñ diléla;

ba tôp tjémbi di maséé i ngii dikôa.

12 Ba ti Yéhôva lipém,

ba añal ki bibégés gwé nyoo i biôn.+

A ga lond; ñ, a ga leñ nlondok u gwét;

a ga unda le a gwé ngui iloo baoo+ bé.

Ndi kiki muda nu a yé i gwal,

me ga siida, me hehel, me kém ki nlélém ngéda.

15 Me ga tjé dikôa dikeñi ni bon ba dikôa,

me numus ki bikai gwap gwobisôna.

Me ga yilha balom biôn,*

me boñ ki le bititimba+ bi bi yé nyonok ni makai bi sa.

16 Me ga éga bôt ba ndim i njel ba nyi bé,+

me ga kena bo i manjel+ le ba maa bé kil.

Me ga boñ le jiibe li yila mapubi+ i bisu gwap,

me sendel ki hisi+ hi hi gwé ngok.

17 I bôt ba mbôdôl mintjok mi biôñgba ñem,

ba kalak bisat bi kei* le: “Ni yé banyambe+ bés,”

18 Emblana, a bé ba ni noga bé;

nuna, ni tehna ki, a bé ba ni yé ndim.+

19 Njee a yé ndim, handugi ngwélél wem,

njee a noga bé kiki nlegelnwim nunu me ñom?

Njee a yé ndim kiki mut me bi bom,

tole a yé ndim kiki ngwélél Yéhôva?+

21 Inyu telepsép yé,

Yéhôva a nkon maséé i unda le mbén* i yé nseñ, i gwé ki lipém.

22 Ndi bôt ba nibil litén lini, ba nkadal ki nkus wap;+

bobasôna ba ngwiya* ikété bibee, ba sôli ki i mandap ma mok.+

Bôt ba nibil bo; mut nu a nsôñ+ bo, a ta bé,

bôt ba nkadal ki nkus wap, mut to wada a ta bé inyu kal le: “Timbhana wo!”

24 Njee a bi sem Yakôb le bôt ba kadal nkus wé,

a sem ki Israel i moo ma mintonba?

Ba bi tjél noñ manjel mé,

ba bi nôgôl+ bé to mbén* yé.

25 Jon a bi kônde kôp bo hiun hié,

ni liyot jé, a boñ le ba nok i ndutu gwét+ bi nlona.

43 Nano, haana nyen Yéhôva a mpot,

Nhek woñ a Yakôb, ni nu a bi uñgus we a Israel:+

 2 I ngéda u mba u nyap malép, me ga ba ni we,+

i ngéda u mba u nyap balom, ba ga mil bé we.+

I ngéda u mba u ntagbene i hié, hi ga ligis bé we,

to lindômbôô li hié li ga tihba bé we.

 3 Inyule men me yé Yéhôva Nyambe woñ,

Numpubi nu Israel, Ntohol woñ.

Me mal sem Égiptô le a ba binoñ inyu yoñ,

yak Étiôpia ni Séba bon me ga sem, ndi we bé.

 4 Inyule u bi yila yom mahee i mis+ mem,

me bi ti we lipém, me ngwés+ ki we.

Inyu hala nyen me ga sem matén inyu yoñ,

me sem ki biloñ inyu sôñ niñ yoñ.

Me ga héya mbôda* yoñ i i yé i pes likôl,

me kot ki mbôda yoñ i i nlôl i pes hiôñg.+

Lona bon bem bôlôm ba ba yé haa, ni bingond gwem bi bi nlôl i makas ma ’isi,+

 7 yak ni hiki mut nu a nséblana ni jôl+ jem,

ni nu me bi hek inyu lipém jem,

me uñgus ki, nu a yé nson wem.’+

 8 Pémhana litén li li yé ndim, to hala kiki li gwé mis,

li li noga bé, to hala kiki li gwé maôô.+

 9 Biloñ gwobisôna bi kodba homa wada,

yak matén ma kodba.+