Hôlôs likeñge joñ inyu likalô​—Gwélél bividéô inyu niiga

INYUKI HALA A YÉ NSEÑ:

Bividéô bi nla tihba miñem mi bôt, bi tin-ge bo i gwélél maôô map ni mis map. Hala a nhôla i emble loñge loñge ni i tééda biniigana inyu ntandaa ngéda. Yéhôva a nti ndémbél i nlôôha ba lam inyu liyi gwélél bititii inyu niiga.​—Minson mi baôma 10:9-16; Masoola 1:1.

Bividéô kiki bo Baa Djob a gwé ngim jôl?, Njee a yé Nwet matila i Bibel? ni Kii i nyis bés le Bibel i mpot maliga? bi nla gwéélana mbus yigil 2 ni 3 bi man kaat le Miñañ Minlam. Bividéô kiki bo Inyuki di nlama nigil Bibel?, Yigil i Bibel i ntagbe lelaa? ni Kii i ntagbe i Ndap Ane? bi nti bôt makénd i nigil Bibel ni bés tole i lo makoda més. Di gwé yak ngim mimbôñgô mi bisinima mi mi nla gwéélana ngéda di ntégbaha gwigil bi Bibel.​—km-F 5/13 3.

LELAA U NLA BOÑ:

• I bisu bi ngéda, yoñ bividéô u nsômbôl unda nwet ndap

• Kôôba mbadga yada tole ima ma u nyi le vidéô i ga timbhe

• Ni béñge vidéô ntôñ

• Ni kwélél ngim matode ma tôbôtôbô mu

NOODE KI JAM LINI:

• Yoñ lipep li nsôk li man kaat wés wada, u unda nye côde i a nla ôt inyu tehe vidéô le Inyuki di nlama nigil  Bibel?

• Unda vidéô ini le Kii i nyis bés le Bibel i mpot maliga?, u ti ki nye man kaat nunu le Miñañ Minlam, i i nyigye yigil i nyônôs 3