Ngii yondo ni hisi hi yondo bi ga lona maséé makeñi

Mbônga u Djob le mam ma ga témb ma ba yondo, u kaat Yésaya pes 65 i mpôdôl, u yé ntiik. Inyu hala nyen Yéhôva a mpot wengoñle ma mal bôña.

Yéhôva a nheg ngii yondo ni hisi yondo, i het mut a ga hoñol ha bé mam ma bisu

65:17

Kii i yé ngii yondo?

• Énél yondo i i ga lona telepsép hana isi

• I bi tééba i ñwii 1914, ngéda Yésu a yila Kiñe i Ane Djob

Kii i yé hisi yondo?

• Ntôñ u bôt ba biloñ gwobisôna, dilémb tjodisôna, ni matén momasôna, ba ba nsuhus bomede ni maséé isi énél yondo, i i yé ngii

Bôt ba ga hoñol ha bé mam ma bisu: Lelaa hala a ga bôña?

• Mam ma bé tinde bo i hoñol mam mabe, ma ga ba ha bé. Kiki bo makon tole mandutu ma ma ntihba nyuu, mahoñol, tole boña

• Bôt ba binam, ba ba bi téñbe i gwés Djob ba ga ba maséé i nya i yôni, ba ga ba ki maséé i bigda hiki loñge kel ba mba ba ntégbaha