Gwélél miñañ mi hiki kel i likalô joñ

Mu nson wé likalô, Yésu a bi gwélél miñañ mi hiki kel inyu niiga. (Lukas 13:1-5) Nlélém jam, yak we u nla gwélél i mam ma ntagbe i libôga joñ inyu tihba miñem mi bôt u ñañle ñañ nlam. I mbus le u mpôdôl ngim ndutu kiki bo liyep, ngim kuu i i nkwo, yubda i loñ, hibañga bôt ba ñôt tole mam mape, bat ngim mbadga i i ntinde nye i ti mahoñol mé. U nla bat le: “Baa u nhoñol le i jam lini le . . . li ga mal kel yada?” “Tole u nhoñol le njee a ga mélés jo?” I mbus, éba nye nlôñ Bibel u u mpôdôl i jam li. Ibale nkwel u nlémél nye, u nla éba nye vidéô tole u nla ti nye kaat mu Nkuu wés bisélél. Kiki di mboñ biliya i tihba miñem mi bôt ba libôga jés, “di mboñ mam momasôna inyu ñañ nlam.”—1 Korintô 9:22, 23.

Mambe mam ma nlémél bôt ba libôga joñ?