DI NIÑIK KIKI BIKRISTEN
Tehe wemede kiki Yéhôva a ntehe we
“Yéhôva a ngwés litén jé.” (Tjémbi 149:4) To hala kiki di yé bikwéha bi bôt, Yéhôva a ntehe bilem gwés bilam ni i mam malam di nla boñ i dilo di nlo. Ndi, ngim mangéda di ntehe bé bésbomede kiki Yéhôva a ntehe bés. Di nla hoñol le di ta bé to yom inoñnaga ni kiki bôt ba ntehe bés. Ibale di mbok mis més i ngii mahôha més, di nla kahal hoñol le Yéhôva a ngwés bé bés. Kii i nla hôla bés i ngéda di gwé nya mahoñol i?
Bigda le Yéhôva a ntehe bé bés kiki bôt bape ba ntehe bés. (1 Samuel 16:7) Hala wee a ntehe i mam bésbomede di ntehe bé. Bibel i nkal bés lelaa Yéhôva a ntehe bés. Di nla tibil yi hala i ngéda di ñañ miñañ mi bagwélél ba Yéhôva bape ikété Bibel.
BÉÑGE VIDÉÔ I GWÉ ÑO LE, KWÉS WEMEDE NKAA LE YÉHÔVA A NGWÉS WE, I MBUS NI TIMBHE MAMBADGA MANA:
Kii hihéga hi mañge wanda nu a nke ngwéé, ni isañ hi niiga bés inyu Yéhôva?
Kii i nla hôla mut nu a ntam toi béba yé le ñem u kéés ha bañ nye?—1 Yôhanes 3:19, 20
Lelaa ñañ u David bo Yéhôsafat u bi hôla mankéé nunu?