Lelaa Mbôgi Yéhôva i ntégbaha bôt yigil i Bibel?
Mbôgi Yéhôva i yé maséé i ñunda bôt lelaa ba nla ôt nseñ ni yigil i Bibel. Yigil yés i Bibel i nla hôla we i:
Bana niñ i maséé
Yila liwanda li Djob
Nigil kii Bibel i mbôn inyu dilo di nlo
Munu nkwel unu
Ibale me neebe yigil Bibel, baa me mba nyégsaga i yila Mbôgi Yéhôva?
Ibale me bi bôk me nigil Bibel behee ni Mbôgi Yéhôva, baa me ntémb me nigil?
Lelaa yigil Bibel i ntagbe?
I mut a niiga we Bibel a ga hôla we i meya ni biniigana bi Bibel, ndék ni ndék. Mu kaat ini le Niñ ilam i boga ni boga! yigil i Bibel i ntagbe ndik kiki nkwel ipôla bôt iba; ndék ni ndék, yigil i ga hôla we i yi nwin u Bibel, ni lelaa u nla toi bane we nseñ. Soho, béñge i vidéô ini.
Baa me nlama saa inyu nigil Bibel?
To. Mbôgi Yéhôva i noñ biniigana Yésu a bi ti banigil bé, le: “Ni bi kôs yañga, tina yañga.” (Matéô 10:8) Yak bikaat bi di ngwélél, kiki bo Bibel yomede, ni Niñ ilam i boga ni boga!, di nti gwo yañga.
Yigil i nom ngeñ yañen?
Yigil yosô i gwé 60 ma minkwel. Wemede nyen u nkit lelaa u ga nigil. Ndi, ngandak bôt kiki we, i ngwés i nigil nkwel wada hiki sonde.
Kii me nlama boñ inyu bôdôl yigil i Bibel?
1. Yônôs lipep i internet. Di ga gwélél i mam u nyônôs ndigi inyu boñ le Mbôgi Yéhôva yada i loo i yuuga we, he inyu njom ipe bé.
2. Nniga wada a ga sébél we, tole a ga boma we. A ga toñle we lelaa yigil i, i ntagbe, i mbus, a ga timbhe mambadga moñ.
3. We ni nniga woñ, ni ga tjek ngéda nan. U nla pohol i tégbaha yigil i weeni, homa numpe, ni njel téléfôn, ni internet, tole ni njel léta. Yigil i nom bebee le ngeñ yada, ndi i nla ki nom ndék manut inoñnaga ni ntjega woñ.
Baa me nla ndugi noode, inyu tehe lelaa yigil i ntagbe?
Ñ. Yônôs lipep i internet. I ngéda nniga wada a ga sébél we, yis nye le u nsômbôl ndigi tehe lelaa yigil Bibel i ntagbe. Inyu noode ni tehe too yigil i nla lémél we, ni ga gwélél i man kaat nunu le Niñ ilam i boga ni boga!, nu a gwé ndik minkwel maa mi bibôdle bi yigil.
Ibale me neebe yigil Bibel, baa me mba nyégsaga i yila Mbôgi Yéhôva?
To. Mbôgi Yéhôva i ngwés i niiga bôt Bibel, ndi di nyégsa bé mut nye ki nye i jôp i base yés. Ni suhulnyuu yosôna, di ñunda ndik bôt kii Bibel i niiga, di neebege ki le hiki mut nyen a nlama pohol i yom a ga hémle.—1 Pétrô 3:15.
Baa me nla gwélél Bibel yem?
Ñ, u nla gwélél to imbe ngobol i Bibel u ngwés. I yé ntiik le di ngwés di ngwélél Bitilna Bipubi. Ngobol mbok yondo inyule ngobol yé i téé, i tombok i añ. Ndi di neebe ki le ngandak bôt i ngwés i gwélél Bibel ba meya ba ngwélél.
Baa me nla naña bôt bape i yigil?
Ñ. U nla naña lihaa joñ tole mawanda moñ.
Ibale me bi bôk me nigil Bibel behee ni Mbôgi Yéhôva, baa me ntémb me nigil?
Ñ. Bebek le u ga gwés i yigil i mondo ini, iloo gwigil gwoñ bi bisu, mu kiki i nyônôs toi ngôñ i bôt munu ngéda yés. Kaat yigil yomede i yé ilam ngandak, ni bititiii, bividéô, ni mam mape hala, bi bi nti we pôla i kwel ngandak ni nniga woñ, iloo bini bikaat bi bisu u bi nigil.
Ibale me nsômbôl nigil Bibel metama, baa pôla i yé?
Ñ. Tolakii libim li banigil li mbat mahôla ma ngim mut inyu niiga bo, bape ba ngwés nigil botama. Homa wés wada a nkot ngim Bisélél inyu nigil Bibel, mu nyen u nla kôhna bisélél yañga, ibabé i saa, inyu hôla we i nigil Bibel. Ndék ini:
Bividéô bi mpôdôl Bibel. Bividéô bini bi yé kidik, ndi bi nti ndimbhe i Bibel inyu mambadga bôt ba mbéna badba.
Mambadga Bibel i ntimbhe. Minkwel mini, mi ntimbhe ngandak mambadga Bibel i ntimbhe.
Mambok Bibel i mpôdôl. Inyu tehe atlas i Bibel, i i ñéba mambok Bibel i mpôdôl; u nla gwélél yo inyu kéñbaha nogna yoñ ngéda u nigil Bibel.