Yigil 1
Lelaa u nla léba yom Djob a mbat
Kinje nwin ñkeñi u yé ikété Bibel? (1)
Njee a yé nwet matila Bibel? (2)
Inyuki u nlama nigil Bibel? (3)
1. Bibel i yé tik likébla i nlôl yak Djob. I yé kii kaat le isañ nu gwéha a ntilna bon bé. I nkal bés maliga inyu Djob—nje a yé ni kii i yé matéak mé. I ntoñle bés lelaa di nla hônba mandutu ni lelaa di nla léba bañga masé. Ndik Bibel yotama yon i nkal bés jam di nlama boñ inyu lémél Djob.—Tjémbi 1:1-3; Yésaya 48:17, 18.
2. Bibel i bi tilbana ni bebee le 40 bôt i pôla 1 600 ñwii, i bôdôl i nwii 1513 ki Yésus a yé ngi gwéé. I gwé 66 ma bikaat. I bôt ba bi tila Bibel ba bé nyonok ni mbuu Djob. Ba bi tila mahoñol mé, ha map bé. Jon Djob nu a yé ngi nyen a yé Nwet matila Bibel ha mut binam bé.—2 Timôtéô 3:16, 17; 2 Pétrô 1:20, 21.
3. Djob a bi yoñ matat le Bibel i bôl ni le i téédana loñge. Bibel i mbôl iloo bikaat gwobisô. Ha hi mut bé nyen a’ kon masé i tehe le u nigil Bibel, ndi hala a boñog bañ we le u nwas yigil. U ga kôs niñ boga ndik ibale u ntéñbe yéñ i yi Djob ni boñ sômbôl yé to i ba ya le bôt ba nkolba we.—Matéô 5:10-12; Yôhanes 17:3.