Djob a yé liwanda li nlôôha loñge u yé le u bana

Li yila liwanda li Djob li yé jam li nlôôha loñge li nla pémél we. Djob a’ niiga we lelaa u ba masé ni nwee; a’ kobol we i biniigana bi bitembee ni maboñog mabe. A’ emble masoohe moñ. A’ hôla we le u bana nsañ ikété yoñ ni botñem. (Hiémbi 71:5; 73:28) Djob a’ nit we i mangéda ma mandutu. (Hiémbi 18:18) Djob a nti ki we likébla jé li niñ boga.—Rôma 6:23.

Kii w’a kôôge bebe ni Djob, hala ki nyen w’a kôôge bebe ni mawanda mé. Yak bo b’a yila mawanda moñ. Ni maliga, b’a ba kiki bilôg bi nyuñ gwoñ bi bôlôm ni bi bôda. B’a ba masé i niiga we i yi Djob, b’a hôla ki we ni ti we makénd.

Di kôli bé ni Djob. Kii u nyéñ liwanda ni Djob, u nlama tibil nok le : liwanda ni Djob li ta bé kiki liwanda i pôla biséga. A nlôôha loo bés bimañ ni pék ni ngui. A kôli ane bés. Jon ibale di nsômbôl ba mawanda mé, di nlama emble nye ni boñ i yom a nkal bés le di boñ. Hala a’ ba hikii ngéda inyu loñge yés.—Yésaya 48:18.