PES 5

Ntida malép—Njee a emble Djob? Njee a tjél emble?

Libim li bôt dilo di Nôa li bé boñ béba. Bibôdle 6:5

Bibéba biañgel bi nyoñ manyu ma bôt le ndi bi la bii bôda

Adam bo Éva ba gwal bon, ni bôt ba bôl hana isi. Mbus ngéda, biañgel bihogi bi adba ni Satan ikété ngolba yé.

Bi lo hana isi, bi yoñ manyu ma bôt le ndi bi la bii bôda. I bôda ba ba gwal mimpémba mi bon mi mi bé nyai kiyaga.

A woman holds a baby as a boy hits her; the Nephilim, sons of the wicked angels, act violently

Nkoñ isi u yon ni bôt ba bé boñ mam mabe. Bibel i nkal le: “Béba i mut i ba keñi hana isi, ni le hégda yosôna i mahoñol ma ñem wé i ba ndik béba ngéda yosôna.”

Nôa a emble Djob, ni nye a bañ nkuu. Bibôdle 6:13, 14, 18, 19, 22

Nôa a bé loñge mut. Yéhôva a kal Nôa le a ga tjé bibéba bi bôt ni njel ntida malép.

Djob a kal ki Nôa le a bañ soso sitima ba bé sébél le nkuu, mu nyen a jubus lihaa jé ni ndôñ nuga yosôna.

Nôa a mbéhe bôt inyu malo ma ntida malép, ndi ba yé ndegle nye

Nôa a béhe bôt inyu malo ma ntida malép, ndi ba bé emble bé. Jôga li ndegle Nôa; bape ba oo nye.

Nôa ni lihaa jé ba njubus binuga mu ikété nkuu

Ngéda a mal maoñ ma nkuu, Nôa a jubus binuga mu ikété.