Kii i yé hiliba hi maséé ikété ndap lihaa?

KII BIBEL I NKAL

“Maséé ni bôt ba ñemble bañga i Nyambe, ba téédaga ki yo.”​—Lukas 11:​28, Ngobol mbok yondo.

HALA A NLA KOBLA LAA INYU YOÑ

Bañga gwéha.​—Éfésô 5:28, 29.

Lipém li nlôl ni ñem.​—Éfésô 5:33.

Bañga lisolbene.​—Markô 10:6-9.

BAA DI NLA TOI HÉMLE KII BIBEL I NKAL?

Ñ di nla, inyu manjom to ima:

• Djob a yé Mbot niñ lihaa. Bibel i nkal le “hiki lihaa i ngii ni hana ’isi li gwééne jôl” inyu Yéhôva Djob. (Éfésô 3:14, 15) Hala a nkobla le lihaa li yé ntegek inyule Yéhôva a heg yo. Inyuki i yi ini i yé nseñ?

  Hoñol le: Ibale u nôgda line li ngim bijek ndi u nyéñ yi bikule bi ngwéélana mu, w’a bat njee? Ibabé pééna, w’a bat nwet a nlamb gwo.

  Nlélém ni, inyu yi bikule bi mbéda inyu boñ le lihaa li niñ ikété maséé, i yé loñge le di bat Yéhôva, Mbot litéak li lihaa.​—Bibôdle 2:18-24.

• Djob a ntôñ ni we. Mahaa ma ñunda pék ngéda ma nyéñ maéba ma Yéhôva, ma a nti ni njel Bañga yé. Inyuki? “Inyule a ntôñ bé.” (1 Pétrô 5:6,7) Yéhôva a gwé yéñe yoñ ikété yé ñem ​—maéba mé ki ma nsal hiki ngéda!—Bingéngén 3:5, 6; Yésaya 48:17, 18.