Watchtower KOBOT BIKAAT I INTERNET
Watchtower
KOBOT BIKAAT I INTERNET
Basaa (Kamerun)
Ñ
  • É
  • é
  • Ñ
  • ñ
  • BIBEL
  • BIKAAT
  • MAKODA
  • jy pes 57 lipep 138-lipep 139 liben 8
  • Yésu a mbuubaha hingonda ni mut ndok

Vidéô yo ki yo i nene bé mu lipohlak lini.

Di mbat nwéhél, hihôha hi mbôña i mayibil ma vidéô.

  • Yésu a mbuubaha hingonda ni mut ndok
  • Yésu: Njel, maliga, ni niñ
  • Minkwel mi mpôna
  • Ba ntjél hémle Yésu i Nasaret
    Yésu: Njel, maliga, ni niñ
  • A mbôôp inyule a ntihba mbot Yésu
    Yésu: Njel, maliga, ni niñ
  • Yésu a mbuubaha hiloga hi gwé mbuu mbe
    Yésu: Njel, maliga, ni niñ
  • Yésu a nkéñbaha nson wé i Galiléa
    Yésu: Njel, maliga, ni niñ
Yésu: Njel, maliga, ni niñ
jy pes 57 lipep 138-lipep 139 liben 8
Muda Fénikia a yé soohe Yésu; Yésu a ñéde dinoo tjéé ikété maôô ma mut ndok

PES 57

Yésu a mbuubaha hingonda ni mut ndok

MATÉÔ 15:21-31 MARKÔ 7:24-37

  • YÉSU A MBUUBAHA NGOND I MUDA FÉNIKIA

  • A MBUUBAHA MUT NU A YÉ NDOK NI MBUK

I mbus le a nkônd Farisai mu kiki i ngwélél mambén map inyu gwéñe gwap, Yésu a nke ni banigil bé. A nke i Fénikia libôga li Tir ni li Sidôn, ngandak kilôméta i ñombok.

Yésu a nléba ndap inyu yén ndi, a nsômbôl bé le bôt ba yi le a yé ha. To hala, a nla bé solop. Muda Lôk Grikia wada a ntehe Yésu, a mbôdôl soohe nye le: “Kônôl me ngoo, a Nwet, a Man David. Ngond yem i nok njôghe iloo héga inyule mbuu mbe u ntééñga nye ngandak.”​—Matéô 15:22; Markô 7:26.

I mbus ndék ngéda, banigil ba Yésu ba nkal nye le: “Kal nye le a kenek, inyule a nwaa bé lond i mbus yés.” Yésu a ntoñle banigil bé inyuki a mboñ wengoñle a ñemble bé nye: “Ba ñom bé me inyu hôla matén momasôna, ndigi minimlak mi mintômba mi ndap Israel.” Muda a ntomb bé, a nkôôge Yésu ipañ, a kwoo nye makôô, a soohege le: “A Nwet, hôla me!”​—Matéô 15:23-25.

Bebek inyu noode hémle i muda nu, Yésu a mpôdôl ngi manôgla i yé ipôla Lôk Yuda ni bet ba ta bé Lôk Yuda: “I ta bé loñge i yoñ bret bi boñge inyu leñ gwo bon ba ngwo.” (Matéô 15:26) Ngéda a nsima “bon ba ngwo,” Yésu a ñunda gwéha a gwé inyu bet ba ta bé Lôk Yuda. Su wé ni kiñ yé bi ñunda ki hala.

Iloole a unup, muda a ngwélél hihéga hi inyu yigye ni suhulnyuu le: “Ndi yak bon ba ngwo ba nje yaa minluñ mi nkwo isi téblé i bet bap.” Yésu a ntehe loñge yé ñem, a nkal le: “Éé, a muda, hémle yoñ i yé keñi; i bôña we kiki u nsômbôl.” (Matéô 15:27, 28) Hala nyen i mbôña, to ibale ngond i muda nu i ta bé ha! Ngéda muda a ntémb i ndap, a nkoba le ngond yé i niñi i nañ i ma mbôôp​—“mbuu mbe u ma ke”!​—Markô 7:30.

Yésu ni banigil bé ba nyodi libôga li Fénikia, ba nlela tison inyu ke i ño Lom Yordan. Ba nlel tuye Galiléa i ño mbok, i mbus ba njôp i Dékapôli, ba mbet hikôa ndi limut li nkoba bo. Ba nlona nye bôt ba ndim ni bôt ba mbuk, ba niñ bakokon ba makôô mé, Yésu a mbuubaha bo. Nhelek, bôt ba nti Djob li Israel lipém.

Yésu a nyoñ ngéda téntén inyu mut wada nu a yé ndim a bak ki ndok. Yimbe jam mut nu a nla nôgda mu ipôla limut. Bebek Yésu a nyimbe le a ta bé nwee, jon a nkena nye ipañ. I ngéda ba yé botama, Yésu a toñle nye i jam a nke i boñ. A nha dinoo tjé maôô ma mut, i mbus a tjo matai, a tihba hilémb hi mut nu. A béñge ngii, a kal le: “Yibla.” Bitéé bilôñi, mut a mbôdôl nok, a nla yak pot. Yésu a gwé bé ngôñ le bôt ba hémle nye inyule ba nok miñañ, ndi a nsômbôl le bôt ba hémle inyu mam ba ntehe ba nok ki.​—Markô 7:32-36.

Mu kiki ba nyimbe le Yésu a gwé hélha ngui, “ba hel iloo héga.” Ba kal le: “Mam mé momasôna ma yé hélha. A mboñ ki le bôt ba ndok ba noga, yak mbuk bôt i pot.”​—Markô 7:37.

  • Inyuki Yésu a mpala bé mbuubaha ngond i muda Fénikia?

  • I mbus le ba nyodi i tison i Fénikia, hee Yésu ni banigil bé ba nke?

  • Lelaa Yésu a ñunda konangoo ngéda a mbuubaha mut mbuk, a bak ki ndok?

    Bikaat ni hilémb Basaa (1996-2024)
    Mapémél
    Lijubul
    • Basaa (Kamerun)
    • Kap
    • Pohol libamblak
    • Copyright © 2025 Watch Tower Bible and Tract Society of Pennsylvania
    • Matéak inyu ligwélél
    • Matiñ ma nsôñ biniñ bi bôt
    • Paramètres de confidentialité
    • JW.ORG
    • Lijubul
    Kap