YIGIL 12

Hôgbaha miñem, bana ki ñem ngôô

1 Tésalônika 2:7, 8

I SEM KWEP: Pot ni loñge ñem, unda ki baemble le u ntôñ toi bo.

Hoñol baemble we. Hoñol mandutu ba mboma le ndi u kôôba ñem woñ. Noode hégda lelaa ba nôgda.
Tibil pohol bibuk gwoñ. Boñ biliya le u lédés baemble, u ti bo hogbe, u ti ki bo ngui. Keñgle bibuk bi bi nla babaa bo yañga, u pot bañ i nya i ñunda le u ndiihe bé bôt ba ta bé ikété maliga tole u nyan mam ba nhémle.
Unda le u ntôñ bôt. Gwélél loñge kiñ, nyiñgis ki nyuu i nya i kôli inyu unda baemble le u ntôñ bo. Yoñ ngéda i sañgal su woñ; u bén-ga nwemla.

U unda bañ ñem ngôô i nya i nlôôha. I ngéda u ñañ, unda le yom u ñañ i ntihba toi ñem woñ, ndi u undba bañ. Ligwéélak li bibañga bi bi nkit nhébék li mboñ le nkwel u bana makénd, ndi i gwélél bibañga bi ntomb i mboñ le nkwel u kuli tetee.