YIGIL 11

Makénd

Rôma 12:11

I SEM KWEP: Pot ni makénd inyu ti bôt ngui ni i tinde bo i bii mam ba nok i bisélél.

Nwas le biniigana bi tihba ndugi ñem woñ. I ngéda u nkôôba nkwel woñ, tibil hoñol nseñ u mam u nke niiga. Yéñ le u tibil nok i mam u nke niiga inyu boñ le mam u mpot ma lôlak we i ñem.
Hoñol baemble we. Yoñ ngéda i hoñol lelaa i mam w’a añ tole w’a niiga ma nla lona bape bisai. Yéñ manjel i ti biniigana i nya i ntinde baemble i diihe toi gwo.
Boñ le nkwel woñ u kiha bañ ’ilo. Pot ni makénd. Ba wemede mu kiki u nyiñgha moo ni nyuu, gwélél ki su woñ inyu unda yom u nôgda.

Yoñ yihe le baemble ba bok bañ mis map i ngii yoñ inyule u nlôôha gwélél ngim linyiñghak li nyuu. Nyiñgis nyuu i nya i kôli. Gwélél makénd téntén inyu niiga balôm ba mam ni inyu tinde baemble we i bii mam ba nok i bisélél. U lôôha bañ yônôs makénd mu nkwel woñ wonsôna kayéle u wéés baemble.