Boñ biliya i tihba ñem

Bingéngén 3:1

I SEM KWEP: Hôla baemble i diihe ni i boñ mam ba nigil.

KII U NLAMA BOÑ:

• Hôla baemble we i wanba. Bat mambadga ni likeñge inyu hôla bôt ba ñemble we i wanba mukété mahoñol map.

• Tinde bo i bana mahoñol malam. Tinde baemble i yéñ yi inyuki i yé nseñ le ba boñ minson minlam. Hôla bo i hôlôs mana mahoñol ma nlôôha malam​—le ba gwés Yéhôva, ba gwés bôt bap ba libôk, ba gwés ki biniigana bi Bibel. Hôla baemble i ôt pék; gwélél bañ nkwel woñ inyu kéés bo ni i ôm bo nsohi. U boñ bañ le ba wo nyuu, ndi boñ le mamélél ma nkwel woñ ma ti bo makénd, ma tinde ki bo i boñ mam ni ñem wap wonsôna.

• Ti bo makénd i lémél Yéhôva. Unda lelaa biniigana, matiñ ni mambén ma Bibel bi ñunda bilem bilam bi Djob ni gwéha yé inyu yés. Tinde baemble i hôlôs ngôñ i yéñ yi mahoñol ma Yé- hôva, ni kii a nôgda, inyu lémél nye.