YIGIL 15

Pot u bak nkwoog nkaa

1 Tésalônika 1:5

I SEM KWEP: Unda le u nhémle yaga maliga, ni le u nyi mahee ma mam u mpot.

Kôôba loñge loñge. Nigil nkwel woñ loñge letee u pémés balôm ba matode, u nok ki lelaa ndoñi i Bitilna i ñunda le matode ma, ma yé yaga maliga. Noode pôdôl balôm ba matode ba nkwel woñ ni bibuk bi ntomb. U yéñék téntén umbe nseñ baemble ba nla ôt. Soohe inyu kôhna mbuu mpubi.

Kôôba nkwel woñ ni kiñ ngii, ngandak ngélé, inyu meya wo ni inyu boñ le u lôôs wo loñge.
Gwélél bibuk bi bi ñunda le u mpot, u bak nkwoog nkaa. Iloole u tiimba ndik bibuk bi bi yé ntilga mu lipep li nkwel woñ tole i kaat, gwélél bibuk gwoñ wemede. Pohol bibuk bi bi ñunda le u nyi ntiik le mam u mpot ma yé maliga.
Pot mam ma nlôl we i ñem ni makénd. Pot ni kiñ i kôli. Nun baemble ngéda u mpot, ibale hala a nene bé béba jam mu libôga joñ.

I pot u bak nkwoog nkaa i nkobla bé le u babaa bôt yañga, u nai ndigi ni litehge joñ li mam, tole u nyégsa bôt i neebe mam u nkal. To ibale jam u mpot li ta bé minjôha, kwélés baemble ni gwéha.