Watchtower KOBOT BIKAAT I INTERNET
Watchtower
KOBOT BIKAAT I INTERNET
Basaa (Kamerun)
Ñ
  • É
  • é
  • Ñ
  • ñ
  • BIBEL
  • BIKAAT
  • MAKODA
  • lff hiémbi 29
  • Kii i ntagbe i mbus nyemb?

Vidéô yo ki yo i nene bé mu lipohlak lini.

Di mbat nwéhél, hihôha hi mbôña i mayibil ma vidéô.

  • Kii i ntagbe i mbus nyemb?
  • Niñ ilam i boga ni boga!—Yigil Bibel kiki nkwel
  • Bon ba miño
  • Minkwel mi mpôna
  • KÔNDE TÉM
  • I SEM KWEP
  • KÔNDE YÉÑ
  • Imbe botñem i yé inyu bawoga?
    Miñañ minlam mi nlôl ni Djob!
  • Baa hee di nke ngéda di nwo?
    Kii Bibel i niiga bés?
  • Ki i ntagbe i ngéda nyemb?
    U Nla Ba Liwanda Li Djob!
  • Kinje bot ñem iyé inyu bagwéha bés ba ba bi wo
    Kinje bot ñem iyé inyu bagwéha bés ba ba bi wo
Jôga ipe
Niñ ilam i boga ni boga!—Yigil Bibel kiki nkwel
lff hiémbi 29
Pes 29. Babiina ba yé soohe kotoo soñ.

PES 29

Kii i ntagbe i mbus nyemb?

Kiki kaat i mapep
Kiki kaat i mapep
Kiki kaat i mapep

Baa u ma nimis mut nu u gwéhék ngandak? Hala a yé jam li ndutu kiyaga. Bebek u nla badba le: ‘Kii i ntagbe i mbus nyemb? Baa kel yada, di ga tiimba tehe bôt bés ba ba bi wo?’ I yigil ini ni i i noñ, bi ga ti mandimbhe ma ma nhôgbaha we.

1. Kii i ntagbe i mbus nyemb?

Yésu a bi hégha nyemb ni ndip hilo. Hala wee, mut nu a nke ’ilo, a nyi bé i yom i ntagbe nye ipañ. Inyuki ba nhégha nyemb ni hilo? I ngéda mut a nwo, a nok ha bé njôghe yo ki yo. A nôgda bé binyuu, nyemede a nla ha bé gwés mawanda mé to lihaa jé. Bibel i nkal le: “Bawoga ba nyi bé to jam.”—Añ Ñañal 9:5.

2. Inyuki i yé nseñ i yi maliga inyu nyemb?

Ngandak bôt i nkon nyemb woñi, i nkon yak bawoga woñi! Ndi i jam Yésu a bi kal inyu nyemb li nla hôgbaha we. Yésu a bi kal le: “Maliga m’a kobol bé.” (Yôhanes 8:32) Maselna ni jam ngandak bibase i niiga, Bibel i nkal bé le i ngéda mut a nwo, ngim yom i nyodi i nyuu yé inyu ke niñ homa numpe. I ngéda mut a nwo, a nok ha bé ndutu, a nla ha bé boñ bés to loñge to béba. Jon, di nla bé bégés bawoga, di nla bé ki to soohe inyu yap.

Ngim bôt i nhoñol le i nla pot ni bawoga. Ndi bitembee bi. Di ntip nigil le, bawoga “ba nyi bé to jam.” Maliga ma yé le i bet ba nhoñol le ba nkwel ni bawoga ba nkwel ni mimbuu mimbe mi mi nyoñ manyuu ma bôt ba bi wo. I yi maliga inyu bawoga i nsôñ bés, i mboñ ki le bitembee bi mimbuu mimbe bi yumus bañ bés. Yéhôva a mbéhe bés le di kwel bañ ni bawoga inyule a nyi le i ngéda di mpot ni bawoga, wee di yé kwel ni mimbuu mimbe.—Añ Ndiimba Mbén 18:10-12.

KÔNDE TÉM

Kee ni bisu i nigil i yom Bibel i nkal inyu nyemb, u kônde ki lédés hémle yoñ ipañ Djob li gwéha li li ntééñga bé i bôt ba bi wo.

Mut wada a yii ni bon bé iba. Nwaa a nwo. Mawanda mé ma nlo i hôgbaha nye.

3. Nigil maliga inyu bawoga

I nkoñ ’isi wonsôna, bôt ba niiga ngandak mam inyu jam li ntagbe i ngéda mut a nwo. Biniigana bi gwobisôna bi ta bé maliga.

  • I libôga joñ, kii bôt ba nhoñol inyu bawoga?

Inyu tehe jam Bibel i niiga, tuk VIDÉÔ.

VIDÉÔ: Kii ntagbe mbus nyemb?—Dinyo malép (1:19)

Collage: Titii i vidéô ini le ‘Kii ntagbe mbus nyemb?—Dinyo malép?.’ 1. Mim u niéni i nañ dokta. 2. Mut wada a yii ipôla bôt iba, a yé ke ilo.

Añ Ñañal 3:20, i mbus ni kwélél mambadga mana:

  • Inoñnaga ni pes kaat ini, kii i ntagbe i ngéda mut a nwo?

  • Baa ngim yom ikété mut i nke ni bisu i niñ i ngéda mut a nwo?

Bibel i nkal bés le liwanda li Yésu le Lasarô li bi wo. Añ Yôhanes 11:11-14, inyu nok i jam Yésu a bi kal inyu Lasarô. I mbus ni kwélél mambadga mana:

  • Yésu a bi hégha nyemb ni kii?

  • Kii i jam Yésu a bi kal li niiga bés inyu nyemb?

  • Baa u nhoñol le i yom Bibel i niiga inyu nyemb i yé maliga?

4. I yi maliga inyu nyemb i yé nseñ inyu yés

I yi maliga inyu nyemb i nhôla bés i waa kon bawoga woñi. Añ Ñañal 9:10, i mbus ni kwélél mbadga ini:

  • Baa bawoga ba nla tééñga bés?

Ibale di nhémle i mam Bibel i niiga, d’a neebe ha bé biniigana bi bitembee inyu nyemb ni bawoga. Añ Yésaya 8:19 ni Masoola 4:11, i mbus ni kwélél mbadga ini:

  • Kii Yéhôva a nhoñol inyu bet ba nsoohe bawoga tole bet ba mbat bawoga mahôla?

Collage: Mam bôt ba mboñ inyu ti bawoga lipém. 1. Mut wada a ñôm maboñ i bisu i soñ. 2. Bôt baa ba yé sak. 3. Ngandak bôt i yé boñ ngand i bawoga, i bééga kégéé ño mut.

I yi maliga inyu nyemb i nkobol bés ni bilem bi bi nlémél bé Yéhôva

5. I yi maliga inyu bawoga i nhôgbaha bés

Ngandak bôt i nhoñol le i ngéda ba ga wo, Djob a ga kogse bo inyu bibéba bi mam ba bi boñ. Ndi kinje hogbe i yi le i ngéda mut a nwo, a nok ha bé ndutu yo ki yo to ibale a bi boñ bibéba bi mam. Añ Rôma 6:7, i mbus ni kwélél mbadga ini:

  • Bibel i nkal le i ngéda mut a nwo, a mal saa inyu béba yé. We u nhoñol laa?

Kiki w’a ke ni bisu i yi Yéhôva, w’a yi le a nla bé leñ i bôt ba nwo i bee hié inyu kogse bo. Añ Ndiimba Mbén 32:4 ni 1 Yôhanes 4:8, i mbus ni kwélél mambadga mana:

  • Baa i Djob li gwé bilem ba nsima munu minlôñ mini, a nla leñ i bôt ba nwo i bee hié inyu kogse bo?

  • Nano nu u nyi maliga inyu nyemb, baa hala a nhôgbaha we? Inyuki?

BÔT BAPE BA NKAL LE: “I ngéda me nhoñol i jam li ga pémél me i ngéda me ga wo, me nkon woñi.”

  • Mimbe minlôñ mi Bibel u nla éñél i bôt ba inyu hôgbaha bo?

I SEM KWEP

I ngéda mut a nwo, a nyi ha bé to yom. A nla ha bé ki to boñ i bet ba niñ béba.

Mambadga ma mbigda

  • Kii i ntagbe i ngéda mut a nwo?

  • Inyuki i yé nseñ le di yi maliga inyu nyemb?

  • Inyuki i yi maliga inyu nyemb i nhôgbaha bés?

Jam u nla boñ

KÔNDE YÉÑ

Béñge ngobol i buk ini le “mbuu” ikété Bibel.

“Kii Bibel i nsébél Âme?” (Kee i jw.org)

Boñ nyiña inyu tehe ibale Djob a nkogse bôt i bee hié.

Baa bee hié i yé toi? (3:07)

Baa di nlama kon bawoga woñi?

Les esprits des morts: Peuvent-ils vous aider ou vous nuire? Existent-ils vraiment? (brochure)

Béñge lelaa mut wada a bi kôhna hogbe i ngéda a bi yi maliga inyu bawoga.

“J’étais impressionné par les réponses claires et logiques de la Bible” (La Tour de garde, 1er février, 2015)

    Bikaat ni hilémb Basaa (1996-2024)
    Mapémél
    Lijubul
    • Basaa (Kamerun)
    • Kap
    • Pohol libamblak
    • Copyright © 2025 Watch Tower Bible and Tract Society of Pennsylvania
    • Matéak inyu ligwélél
    • Matiñ ma nsôñ biniñ bi bôt
    • Paramètres de confidentialité
    • JW.ORG
    • Lijubul
    Kap