Baa u nyi gwélél lipep inyu yi site yés JW.ORG?

Mu kiki di yé kôôge bebee ni njiiha keñi, nson wés u likalô u nlôôha ba mahee. (Bingéngén 24:11, 12, 20) Inyu hôla bôt i yi Bañga i Djob ni site yés, di nla gwélél mapep inyu yi site yés. Lipep li, li gwé côde i i mboñ le mut a béñge vidéô i i gwé ño le Inyuki di nlama nigil Bibel? ni nsébla inyu kônde yi mam mape, tole inyu bana yigil Bibel. Bôt bahogi ba ba ta bé bebee i neebe bikaat gwés, ba nla neebe i yuuga site yés. Jon, u kon bañ woñi i ti bo lipep li. Ndi, u ti bañ yo i bet ba ndiihe bé ñañ nlam.

Mu kii u mboñ mam moñ ma hiki kel, u yé le u ti mut ngôñ i yoñ yo ni bini bibuk le: “Me gwé jam i ti we. Lipep lini li nkena we i ngim site i i nti we biniigana ibabé i saa, ni bividéô inyu ngandak miño mi minkwel.” (Yôhanes 4:7) Kiki mapep mana ma yé disii, u nla yak tééda ndég mu inyu ti bôt bape ibale pôla i nene.