Kii tjémbi di nla niiga bés?

Baa ni gwé tjémbi di nlôôha nlémél bé? Inyuki? Baa ni ntehe le maada ma yé ipôla tjémbi ti ni yom ni mboma hiki kel? Ño nsik ni makeñge ba ngwélél inyu tuk nsik mi nlémél mintén mi bôt nwominsôna. Ndi tjémbi ni bividéô bi nhôla ndik bé i tégbaha loñge ngéda.

Hiki hiémbi hi gwé biniigana bi di nla bii bisélél i niñ yés ni nson wés u bikristen. Ngim tjémbi i nyigye lem i leege bôt, adna, i bana bañga mawanda, ñem ngui, gwéha ni hémle. Dipe di nti makénd i témb yak Yéhôva, i nwéhél, i téñbe hiki kel ikété maliga, ni i ke ni bisu i yônôs ngim mam i pes mbuu. Di gwé yak ngim hiémbi hi hi nhôla bés i tibil gwélél téléfôn. Bimbe biniigana bipe ni ma léba mu tjémbi ti?

BÉÑGE HIÉMBI HI GWÉ ÑO LE MA YÉ TOI NDIK BEBEE, I MBUS TIMBHE MAMBADGA MANA:

• Babiina bana ba ba yé mimañ mi bôt, ba nhoñol bimbe bisai bi bi ga yon i dilo di nlo?​—Bibôdle 12:3

• Lelaa ngui Yéhôva a gwé i yônôs mimbônga nwé i nla hôla bés i lédés hémle yés?

• Bambe bôt di ga ba maséé i tiimba tehe ndék ngéda?

• Lelaa botñem i Ane i nhôla bés i hônba mandutu i len ini?​—Rôma 8:25