Hôlôs Likeñge Joñ Inyu Niiga​—Tééne bôt ba ndim likalô

INYUKI HALA A YÉ NSEÑ: Ngandak bôt i i yé ndim i nkon woñi i kwel ni bakén. Jon i mbat biliya bi ngui i ‘yéñ’ bo inyu añle bo ñañ nlam. (Matéô 10:11) Yéhôva a ntôñ bôt ba yé ndim. (Lôk Lévi 19:14) Di nla kôna ndémbél yé hiki ngéda di nhôla bôt ba ndim i hol i pes mbuu.

LELAA U NLA BOÑ:

• Yéñ bôt ba ndim. Baa u nyi mut wada nu mut wé lihaa a yé ndim? Baa libôga joñ li gwé ngim suklu, ngim dokta tole homa numpe inyu bôt ba ndim i i ga gwés kôs bikaat inyu bôt ba ndim? Baa ni nla yoñ makidik i boñ likalô li mbamba ngéda ngim jam i i mbéñge bôt ba ndim i ntagbe mu libôga linan?​—km 5/15 2-3

• Unda le u ntôñ toi hiki wada wap. Ibale u ñunda nye le u yé liwanda jé ni le u ntôñ toi ni nye, mut ndim a ga kon bé woñi i kwel ni we. Éñél nye minlôñ mi Bibel mi mi ntoñol i mam Yéhôva a ga boñ inyu bôt ba gwé lem. ​—Tjémbi 146:8; Matéô 20:29-34

• Lona mahôla moñ. Inyu hôla bôt ba ntehna bé loñge, ntôñ u ma pémés bikaat nya ndi nya. Mañ u u ñéga likalô u nlama yi ibale mankéé nu a mbat bikaat a mbat bikaat bi bi nkiha toi ni ngôñ i bôt ba ndim. Mimañ mi nlama yoñ bitel- bene inyu hôla bôt ba ndim i kôhna mahôla ma mbéda bo inyu yoñ bikaat i jw.org