DI NIÑIK KIKI BIKRISTEN
A boñge ba wanda—Baa Yéhôva a yé bañga nan liwanda?
Ibale u nyéñ le mut a ba we liwanda, bimbe bilem u nsômbôl le a bana? Bebek u nsômbôl le a téñbe ni we, a bana loñgeñem, a bana ki lem likap. Yéhôva a gwé bilem bi gwobisôna. (Manyodi 34:6; Minson mi baôma 14:17) A ñemble we ngéda u nkwélés nye. Hiki ngéda u gwé ngôñ ni mahôla, a nhôla we. (Tjémbi 18:20, 36) Ibale u mboñ hihôha, Yéhôva a nwéhél we. (1 Yôhanes 1:9) Kinje loñge liwanda Yéhôva a yé!
Nano, kii u nla boñ inyu yila liwanda li Yéhôva? Añ Bibel inyu yi umbe ntén mut a yé. Bôdôl nye ñem. (Tjémbi 62:9; 142:3) Unda le i mam ma yé nseñ i mis ma Yéhôva ma yé yak nseñ i mis moñ, mam kiki bo Man wé, Ane yé, ni mimbônga nwé. Kal bôt bape njee a yé. (Ndiimba Mbén 32:3) Ibale u mbon biliya i bana maada ma bas bas ni Yéhôva, a ga ba liwanda joñ i boga ni boga.—Tjémbi 73:25, 26, 28.
TUK VIDÉÔ I GWÉ ÑO LE A BOÑGE BA WANDA—“NOODANA NI TEHE LE YÉHÔVA A YÉ LOÑGE,” I MBUS, TIMBHE MANA MAMBADGA:
Mambe mam u nla boñ inyu ba bebee i ti wemede nkikip ni i kôs sôble?
Ikété likoda, lelaa bôt bape ba nla hôla we i gwélél Yéhôva?
Lelaa i añal ñañ nlam i mboñ le u kôôge Yéhôva bebee?
U nla ba liwanda li Yéhôva i boga ni boga!
Mimbe minson u nla gwel ikété ntôñ Yéhôva?
Kii i nlémél we yak Yéhôva?