Inyuki ni nyoñ bé ngaba i ngand Paska?

Bitembee

Tembee: Mbôgi Yéhôva i nyoñ bé ngaba i ngan Pasa inyu njom le ba ta bé Bikristen.

Maliga: Di nhémle le Yésu a yé ntohol wés, di mboñ ki biliya gwés gwobisôna inyu “odop mu mabal mé.”—1 Pétrô 2:21; Lukas 2:11.

Tembee: Ni nhémle bé le Yésu a bi tuge.

Maliga: Di neebe le Yésu a bi tuge; inyu yés, bitugne gwé bi yé hikuu hi hémle i kristen, di yigye ki jam li ikété likalô jés.—1 Korintô 15:3, 4, 12-15.

Tembee: Hala a nkal bé bé jam le bon banan ba nséé bé ngéda noi i Paska.

Maliga: Di ngwés bon bés—di nti ki ngéda yés inyu niiga bo, ni hôla bo i ba maséé.—Titô 2:4.

Inyuki Mbôgi Yéhôva ba nyoñ ni bé ngaba i ngand Paska?

Ngand i noi Paska i nlôl bé Bibel.
Yésu a bi ti oda le di bigda nyemb yé, he bitugne gwé bé. Di mbigda ki nyemb yé hiki ñwii hilo hi kwo i kel a bi wo inoñnaga ni kalénda i sôñ i Bibel.—Lukas 22:19, 20.
Di nhoñol le bilem bi Paska, bi nlôl i minlômbi mi matiñ ma ngand gwal, jon ngand Paska i nlémél bé Djob. Djob a mbat le di “gwélél” ndik nyetama, a unup ki ngéda bibégés bi mut bi gwé bilem ni maboñok ma a ñoo.—Manyodi 20:5; 1 Bikiñe 18:21.

Di yé nkwook nkaa le makidik més i tjél yoñ ngaba i Paska i nigne i Bibel, i i nti bés makénd i gwélél “bañga pék ni i bagal mam” iloo le di noñ ndigi matiñ ma bôt ba binam. (Bingéngén 3:21; Matéô 15:3) Ngéda di ntimbhe bôt ba mbat bés inyuki di nyoñ bé ngaba i ngand Paska, di énél bé bo i tehe mam kiki bés.—1 Pétrô 3:15.