YIGIL 17

I yi niiga i nya i nôôga loñge

1 Korintô 14:9

I SEM KWEP: Hôla baemble le ba tibil nok i mam u niiga bo.

Tibil kôôba nkwel woñ. Tibil nok nkwel woñ kayéle u laa toñol wo i nya i ntomb, u gwéélak bibuk gwoñ wemede.
Gwélél ndék bibuk, u gwélél ki bibuk bi bi ntomb i nok. I ta bé béba le u gwélél ngandak bibuk, ndi to hala, gwélél ndik ndék bibuk inyu yigye balôm ba matode.

U jubus bañ matode ma ma ta bé nseñ, ma ma nla yumus tole ma ma nla wéés baemble. U gwélél bañ to mbôm bibuk, ndi pohol bibuk bi bi ntomb i nok.
Toñol bibuk bôt ba nyi bé. Ibale hala a nla bôña, u gwélél bañ bibuk bi baemble ba nyi bé. Ibale u nyéñ pot inyu mam ma yé bôt nkén, toñol mo; mam kiki bo nkén buk, mut Bibel i mpôdôl nu a nyiba ngandak, nlômbi hégél i kilô, tole nlômbi lem i loñ.