JESAYA
1 On ma parnidaan ni si Jesaya*+ anak ni si Amos taringot tu Juda+ dohot Jerusalem di tikki ni akka raja ni Juda, i ma si Usia,+ si Jotam,+ si Ahas,+ dohot si Hiskia:+
2 Ale langit, tangihon ma, jala ho tano, parrohahon ma,+
Songon on ma didok Jahowa,
3 Ditanda lombu do panuhorna,
Jala ditanda halode do inganan panggagatan na pinarade ni tuanna,
Alai anggo halak Israel dang ditanda Au,*+
Dang diattusi bangsokki manang aha.”
4 Marjea ma hamu bangso na mardosa,+
Akka halak na mangulahon godang hajahaton,
Punguan na jahat, akka dakdanak naung sega!
Nungnga ditinggalhon nasida Jahowa,+
Dang dipasangap nasida Debata Nabadia ni Israel i,
Ditadikkon nasida do Ibana.
5 Dang adong be sian dagingmu na so hona pukkul, alai boasa dope hamu sai mangalo?+
Nungnga haccit be sude ulumuna,
Jala nungnga hona sahit be sude ate-atemuna.+
6 Dang adong be na sehat, mulai sian ujung ni patmuna sahat tu ujung ni ulumuna.
7 Tarulang do tanomuna.
Matutung do akka kotamuna.
Diallang halak na sian bangso na asing do hasil ni ladangmuna.+
Tandus do tanomuna i, dos songon na dihancurhon halak na sian bangso na asing.+
8 Nungnga ditadikkon be kota* Sion dos songon sopo-sopo di ladang anggur,
Songon sopo-sopo di ladang accimun,
Songon kota na dikepung.+
9 Autsura dang dipasombu Jahowa Pamimpin ni Akka Tentara* i adong deba na malua,
Pasti nungnga songon Sodom hita,
Pasti nungnga songon Gumora hita.+
10 Bege hamu ma hata ni Jahowa, hamu akka na mangarajai* Sodom.+
Parrohahon hamu ma patik* ni Debatanta, hamu akka halak Gumora.+
11 “Aha ma guna ni peleanmuna na godang i di Au?”+ ninna Jahowa.
“Dang di Au be biru-biru jantan+ pelean situtungonmuna i, dohot tabo-tabo ni binatangmuna na mokmok i.+
Dang lomo be rohakku tu mudar+ ni anak ni lombu,+ anak ni biru-biru, dohot hambing.+
13 Unang pola boan hamu be pelean sipanganon* na so marguna i.
Magigi do Au tu dupamuna i.+
Dirayahon hamu do perayaan bulan baru,+ Sabat,+ jala dibahen hamu do akka parpunguan na balga,+
Alai dang tarpaida-ida Au be hamu mamakke ilmu sihir+ di akka parpunguan na binahenmuna i.
14 Sogo do rohakku tu perayaan bulan baru dohot akka perayaanmuna i.
Gabe boban do di Au sudena i.
Nungnga loja Au mamboan-boan i.
15 Tikki dipaherbang hamu tanganmuna doppak ginjang lao martangiang,
Dang olo Au mangida hamu.+
16 Maridi ma hamu, paias hamu ma dirimuna,+
Bolokkon hamu ma hajahatonmuna i sian jolokku,
Unang be ulahon hamu na jahat.+
17 Marsiajar ma hamu mangulahon na denggan, ulahon hamu ma na tigor,+
Pasingot hamu ma halak na mambahen susa,
Partahatton hamu ma hak ni dakdanak na so marama,*
Jala patigor hamu ma hukum lao mambela akka ina na mabalu.”+
18 “Beta, ro ma hamu, asa tapasae akka parsoalatta,” ninna Jahowa.+
“Nang pe songon merah ni mudar dosamuna,
Bottar do i bahenokku songon salju.+
Nang pe songon merah ni kain na massai merah dosamuna,
Bottar do i bahenokku songon wol.
19 Molo rade do rohamuna mangoloi,
Panganonmuna ma akka hasil na denggan sian luat on.+
20 Alai molo dang olo hamu jala mangalo,
Dipamate ma hamu sude pakke podang,+
Ai pamangan ni Jahowa sandiri do na mandok i.”
21 Kota na setia i,+ nungnga gabe songon boru-boru na so hasea!+
Akka na tigor hian do diulahon,+
Hatigoran hian do maringanan disi,+
Alai saonari akka pambunu nama disi.+
23 Akka sijogal rukkung do pamimpinmuna, mardongan do nasida dohot panakko,+
Lomo do roha ni nasida manjalo suap, jala dipangido do asa disogok nasida.+
Dang tikkos dibahen nasida hukum tu dakdanak na so marama,*
Jala dang olo nasida pasaehon parsoalan ni ina na mabalu.+
24 Alani i Tuan na sittong, Jahowa Pamimpin ni Akka Tentara,
Debata ni Israel na Gogo i mandok,
“Ida ma! Palaookku nama sude akka musukku,
Jala balosokku ma sude na mangalo Au.+
25 Hukumokku nama hamu,
Paiasokku ma sude kotoranmuna* mamakke garam alkali,
Jala bolokkonokku ma nasa na mambahen hamu kotor.+
26 Lehonokku ma muse tu hamu akka hakim
Dohot akka penasehat songon najolo i.+
Dung i digoari ma hamu Kota Hasittongan dohot Kota na Setia.+
27 Ditobus ma Sion di bagasan hatigoran,+
Dohot akka pangisina na mulak di bagasan hasittongan.
29 Maila ma hamu alani akka hau na balga na dihalomohon hamu,+
30 Dos ma hamu songon hau na balga na malos bulungna,+
Jala songon ladang na so adong aekna.
31 Gabe songon ramba na koring* ma halak na gogo,
Jala akka ulaonna songon percikan ni api,
Rap tartutung ma duassa,
Jala dang adong na boi pamatehon apina.”
2 On ma na niida ni si Jesaya anak ni si Amos taringot Juda dohot Jerusalem:+
Dibahen ma hot dolok inganan ni jabu ni Jahowa,
Jala dibahen ma i untimbo sian pussu ni akka dolok,+
Dibahen ma i untimbo sian akka dolok-dolok.
Jala tusi ma marroan akka bangso.+
3 Marroan do akka bangso jala didok do,
“Beta, nakkok ma hita tu dolok ni Jahowa,
Tu jabu ni Debata ni si Jakkob.+
Ajaranna ma hita taringot akka dalanna,
Jala taihutton ma akka dalanna i.”+
4 Ibana do hakim ni akka bangso,
Jala Ibana do na patikkosson parsoalan ni godang bangso.
Dang buaton ni akka bangso be podang lao mangalo bangso na asing,
Jala dang marsiajar marporang be nasida.+
5 Hamu ale akka pinoppar ni si Jakkob, ro ma hamu,
Beta ma hita mardalan mangihutton sinondang na sian Jahowa.+
6 Nungnga ditadikkon Ho nasida, pinoppar ni si Jakkob i,+
Ai nungnga diihutton nasida gok hasomalan na sian Timur,
Dipakke nasida do ilmu gaib+ songon na niula ni halak Palistim,
Jala gok do pinoppar ni halak na sian bangso na asing di tonga-tonga ni nasida.
7 Gok do perak dohot mas di luat ni nasida,
Jala dang haetongan godang ni arta ni nasida.
Gok do hoda di luat ni nasida,
Jala dang habilangan godang ni kareta hoda+ ni nasida.
8 Gok do akka debata na so marguna di luat ni nasida.+
Marsomba do nasida tu akka na ditukkangi tangan ni nasida sandiri,
Tu akka na binahen ni jari-jari ni nasida sandiri.
9 Marsomba ma jolma i, mambahen dirina marlea,
Jala dang tagamon disesa Ho dosa ni nasida.
10 Masuk ma hamu tu lubang na di dolok batu, jala martabuni ma hamu di toru ni tano,
Ai parohon biar do muruk ni Jahowa,
Dohot hamuliaonna na massai balga i.+
11 Bahenonna ma marlea akka siginjang roha,
Jala patundukonna ma ulu ni* halak na mangasahon dirina sandiri.
Holan Jahowa ma na dipasangap di ari i.
12 Ai ari ni Jahowa Pamimpin ni Akka Tentara* do di tikki i.+
Di ari i masa ma sudena i tu akka siginjang roha dohot na mangasahon dirina sandiri,
Masa ma i tu sude halak, tu na dipasangap dohot tu na dileai,+
13 Masa ma i tu sude hau ares na timbo jala na balga na sian Libanon,
Dohot tu sude hau ek* na sian Basan,
14 Masa ma i tu sude dolok na bolon,
Dohot tu sude dolok na timbo.
15 Masa ma i tu sude menara na timbo dohot tu tembok na togu.
16 Masa ma i tu sude kapal Tarsis,+
Dohot tu sude parau na uli.
17 Bahenonna ma marlea akka siginjang roha,
Jala patundukonna ma ulu ni* halak na mangasahon dirina sandiri.
Holan Jahowa ma na dipasangap di ari i.
18 Sudahononna ma sude akka debata na so marguna.+
19 Masuk ma akka jolma tu lubang na di dolok batu,
Dohot tu lubang na di toru ni tano,+
Ai parohon biar do muruk ni Jahowa,
Dohot hamuliaonna na massai balga i,+
Tikki na jongjong i Ibana na mambahen humutur tano on.
20 Di ari i buaton ni akka halak ma akka debata ni nasida na so marguna i, na dibahen sian perak dohot mas,
Na dibahen nasida lao sombaon ni nasida.
Disappatton nasida ma sudena i tu bagudung* dohot tu kelelawar.+
21 Masuk ma nasida tu lubang na di dolok batu,
Dohot tu lubang na di toru ni tano,
Ai parohon biar do muruk ni Jahowa,
Dohot hamuliaonna na massai balga i,
Tikki na jongjong i Ibana na mambahen humutur tano on.
22 Asa denggan ngolumuna, unang ma porsea hamu tu jolma na lao salpu i,
Ai ikkon na dilehon do hosa tu nasida asa boi toktong mangolu.*
Alani i, boasa pola ikkon porsea hamu tu nasida?
3 Ida ma! Jahowa Pamimpin ni Akka Tentara* jala Tuan na sittong
Padaohon sude akka pangurupion sian Jerusalem dohot Juda,
Padaoonna do sude sipanganon dohot siinumon sian nasida,+
2 Bawa na gogo dohot tentara,
Hakim dohot panurirang,*+ peramal, dohot pamimpin,
3 Pamimpin ni 50 halak,+ pejabat, dohot penasehat,
Na malo mamakke ilmu sihir, dohot na malo mamakke ilmu gaib.+
4 Bahenonna* ma dakdanak gabe pamimpin ni nasida,
Dohot halak na so hot pendirianna mamaretta nasida.
5 Bahenon ni nasida ma donganna susa,
Ganup halak manusai donganna be,+
Mangalo ma dakdanak tu na matua,
Jala dang diargai halak na so marguna halak na sangap.+
6 Tiopon ni ganup halak ma tangan ni keluargana na di jabu ni bapakna. Dokkononna ma,
“Adong do jubahmu, ho ma na gabe pamimpinnami.
Urus ma inganan naung hancur on.”
7 Alai dohononna ma na so olo ibana di ari i. Didok ma,
“Dang olo au pamaluppon lukkamuna,
Haru baju dohot sipanganon dang adong di jabukku.
Unang ma au bahen hamu gabe pamimpin ni bangso on.”
8 Nungnga dabu Jerusalem,
Jala nungnga maruppak Juda,
Ai dialo nasida do Jahowa marhite hata dohot pangalaho ni nasida,
Jala di jolo ni Debata na marmulia i, mangalo do nasida.+
9 Sian bohi ni nasida tarida do akka na binahen ni nasida,
Dipaboa-boa nasida do dosa ni nasida songon halak Sodom,+
Dang ditabunihon nasida i.
Marjea ma nasida, ai na parohon jea tu dirina sandiri do nasida disi!
10 Paboa ma tu halak na tigor roha, sai na denggan do ngolu ni nasida,
11 Marjea ma akka na jahat!
Ai ro nama hasusaan tu ibana,
Songon dia dibahen ibana tu halak na asing, songon i ma dibahen tu ibana!
12 Alai taringot tu bangsokku, jahat do akka mandor ni nasida.
Borua do na mamaretta nasida.
Ale bangsokku, lilu do hamu dibahen pamimpinmuna,
Jala dang diboto hamu dalan na ikkon sidalananmuna.+
13 Nungnga rade be Jahowa lao gabe hakim,
Jongjong do Ibana lao paboahon hukuman tu akka bangso.
14 Diadili Jahowa ma akka pamimpin dohot akka pejabat ni bangsona, ninna ma,
“Nungnga ditutung hamu be sude ladang anggur sappe habis,
Jala disippan hamu do di jabumuna sude na ditakko hamu sian na pogos.”+
15 Didok Jahowa Tuan Natumimbul jala Pamimpin ni Akka Tentara i ma muse,
“Boasa barani hamu manusai bangsokki?
Jala boasa disiksa hamu halak na pogos?”+
16 Didok Jahowa ma, “Ai ginjang do roha ni boru Sion,
Diangkat do uluna doppak ginjang* tikki mardalan,
Main mata do nasida jala asing do dibahen pangeol ni patna tikki mardalan,
Asa tarbege soara ni golang ni patna i,
17 Bahenon ni Jahowa ma korengon ulu ni boru Sion,
Jala bahenon ni Jahowa ma dang tubu obuk di ulu ni nasida.*+
18 Di ari i, buaton ni Jahowa ma akka perhiasan ni nasida, i ma golang ni patna,
Ikkat ni uluna, perhiasan na songon bulan sabit,+
19 Anting-anting,* golang, dohot tudung ni uluna,
20 Hiasan na di uluna, golang ni patna, ikat pinggangna,
Inganan ni miak na angur, dohot jimat,*
21 Cincin dohot anting na di igung,
22 Jubah tu pesta, rompi, jubah, dohot tas na gelleng,
23 Kaca+ na gelleng, dohot baju linen,*
Sorban, dohot tutup ni ulu na ganjang.
24 Nang pe saonari songon miak balsam*+ na angur nasida, bahenonna ma nasida gabe uap na busuk,
Nang pe saonari marikkat pinggang nasida, haduan tali nama pakkeonna,
Nang pe saonari bagak obuk ni nasida, haduan botak+ do nasida,
Nang pe saonari marbaju na arga nasida, haduan abit goni+ nama pakkeonna,
Nang pe saonari uli nasida, haduan adong do bekas lukka* di daging ni nasida.
25 Marmatean ma akka bawa di kotam dibahen podang,
Jala mate ma akka tentaram di parporangan.+
4 Di ari i, ro ma pitu borua maniop sahalak bawa.+ Didok nasida ma,
“Bahen ma hami gabe istrim jala loas ma hami dijou mamakke goarmu,
Hami pe na mangalului sipanganonnami
Dohot pakkeannami.”
2 Di tikki i, bahenon ni Jahowa ma lomak jala denggan tunas ni akka suan-suanan. Bangga jala marlas ni roha ma halak Israel na malua i alani hasil ni ladang na sian luat i.+ 3 Manang ise na tinggal dope di Sion, jala na tinggal dope di Jerusalem, didok ma nasida halak na badia. Nasida ma halak na tinggal di Jerusalem naung disurat lao mangolu.+
4 Tikki disussi Jahowa kotoran ni boru Sion,+ marsigorgor do murukna tu Jerusalem,+ jala dihukum ma ibana. Marhite i gabe ias ma mudar na birsak tu ibana. 5 Bahenon ni Jahowa ma tu atas ni Dolok Sion dohot tu atas ni inganan parpunguanna ombun dohot timus di tikki arian, jala api na marsigorgor di tikki borngin.+ Ai adong do parlinggoman di atas ni sude inganan na marmulia i. 6 Jala adong do disi sopo-sopo lao inganan marlinggom sian las ni ari di tikki arian,+ inganan marlinggom sian haba-haba dohot sian udan.+
5 Marende ma au tu Ibana na huhaholongi,
Ende taringot tu Ibana dohot ladang anggurna.+
Adong do ladang anggur ni halak na huhaholongi i di dolok na subur.
2 Diombak Ibana do tanona i jala dibolokkon akka batuna.
Disuan Ibana ma disi anggur merah na dumenggan,
Dipajongjong Ibana do menara di tonga-tonga ni ladang i,
Jala digali Ibana do inganan pamoroan ni anggurna.+
Dipaima Ibana do torus andigan marparbue anggurna i,
Hape anggur na roa do na tubu.+
3 “Saonari hamu ale penduduk ni Jerusalem dohot hamu halak Juda,
Adili hamu ma Au dohot ladang anggurhi.+
4 Aha dope na ikkon huulahon tu ladang anggurhi?
Adong dope na hurang?+
Anggur na denggan do na hupaima,
Alai boasa anggur na roa na tubu?
5 Saonari, hupaboa ma tu hamu
Aha na lao bahenokku tu ladang anggurhi:
Ruppakkonokku nama pagarna
Jala tutungokku nama i sappe habis.+
Ruppakkonokku ma tembokna,
Jala pasombuonku nama i didegei.
6 Bahenokku nama i tarulang,+
Dang dipangkas manang dang diombak be i.
Martubuan ma akka ramba dohot hau na marsuga disi,+
Jala hudok ma tu akka ombun asa unang diparo udan tusi.+
7 Ai halak Israel do ladang anggur ni Jahowa Pamimpin ni Akka Tentara* i,+
Halak Juda ma ladang* haholonganna.
Sai tarpaima do Ibana asa adil nasida mangadili,+
Alai dang diihutton nasida patik i.
Sai tarpaima do Ibana asa diulahon nasida na sittong,
Alai sai dibege Ibana dope mangandungi halak na susa.”+
8 Marjea ma hamu akka halak na mambuat godang jabu+
Dohot na mambuat akka ladang+
Sappe dang adong be inganan ni halak na asing
Jala holan hamu ma na tinggal di luat i!
9 Hubege ma marsumpa Jahowa Pamimpin ni Akka Tentara,
Didok Ibana do, nang pe godang jabu na balga jala na bagak,
Alai dang adong na mangingani i,+
Jala mabiar do halak mangida i.
11 Marjea ma halak na tibu dungo manogot lao manginum siinumon na maralkohol,+
Marjea ma halak na hundul-hundul sappe tonga borngin sahat tu na mabuk nasida!
12 Adong do harpa dohot alat musik ni nasida na martali,
Rebana,* suling, dohot anggur di akka pesta ni nasida.
Alai dang diparrohahon nasida na binahen ni Jahowa,
Jala dang diida nasida ulaon ni tanganna.
13 Alani i, diboan ma bangsokki tu inganan ni musu,
Ai hurang do parbinotoan ni nasida.+
Haraparon+ ma akka na sangap ni nasida,
Jala mauas ma sude rakyat ni nasida.
14 Lam bidang ma dibukka Kuburan* i babana
Dibukka ibana ma i sabidang ni bidangna,+
Jala turun ma tu bagasan i
Hasangapon* ni Jerusalem, rap dohot akka halak na gaor, dohot halak na marpesta pora.
15 Marsomba ma sude jolma,
Dipatutoru ma dirina,
Jala akka siginjang roha pe dipatutoru do.
16 Dipasangap ma Jahowa Pamimpin ni Akka Tentara alani hatigoranna,
Debata na sittong jala Nabadia i+ patuduhon na badia Ibana marhite hasittonganna.+
17 Songon na manjappal di ladang ni nasida sandiri ma akka anak ni biru-biru disi,
Mangan ma akka halak na sian bangso na asing di inganan na tarulang na diingani binatang na mokmok.
18 Marjea ma akka pargabus,
Dang tarpalua be dosa dohot hasalaan sian nasida, dos songon binatang naung ditali tu padati.
19 Akka na mandok, “Lok ma hatop dibahen Ibana ulaonna i,
Jala lok ma hatop i masa asa boi diida hami.
20 Marjea ma halak na mandok na denggan i jahat, jala na jahat i denggan,+
Na mandok na golap i tiur, jala na tiur i golap,
Na mandok na paet i manis jala na manis i paet!
21 Marjea ma halak na mandok dirina marbisuk,
Jala na mandok dirina pistar!+
22 Marjea ma halak na jago minum anggur
Jala na malo mancampur akka siinumon na maralkohol,+
23 Na mandok halak na jahat dang marsala alani suap,+
Jala na mandok halak na sittong marsala!+
24 Songon durame na ditutung api sappe habis,
Dohot ramba na koring na ditutung api,
Busuk ma akka urat ni nasida,
Jala marserak ma akka bungana songon orbuk,
Ai dang dijalo nasida patik* ni Jahowa Pamimpin ni Akka Tentara
Jala dang diargai nasida hata ni Debata Nabadia ni Israel i.+
25 Alani i ma marsigorgor muruk ni Jahowa tu bangsona,
Diangkat Ibana ma tanganna lao manghukum nasida.+
Humutur ma akka dolok,
Marragean ma bakke ni nasida songon sampah di akka dalan.+
Alani i ma toktong muruk Ibana,
Toktong do diangkat Ibana tanganna lao manghukum nasida.
26 Diangkat Ibana do tanda* tu sada bangso na dao,+
Marsiul do Ibana manjou nasida asa ro sian ujung ni tano on,+
Jala ida ma! Tibu do nasida ro.+
27 Dang adong sian nasida na loja manang tartuktuk.
Dang adong na mondok-ondok manang na tarpodom.
Dang longgar ikat pinggang ni nasida,
Jala dang putus tali ni solop ni nasida.
28 Tajom do sude panah ni nasida,
Jala rade do panahna lao manembak.
Kuku ni hoda ni nasida karas songon batu api,
Jala roda ni kareta nasida songon halisuksung.+
29 Marauang do nasida songon singa,
Marauang do nasida songon singa na gogo.+
Marauang do nasida jala ditakkup do mangsana,
Diboan do i jala dang adong na boi paluahon i sian nasida.
30 Marauang ma nasida tusi
Songon soara ni galumbang ni laut na gogo.+
Molo diida doppak luat i, idaonna ma haholomon dohot hasusaan,
Jala akka langit pe golap do alani akka ombun.+
6 Di taon tikki na mate i Raja Usia,+ huida ma Jahowa hundul di tahta na massai timbo.+ Jala jubah na ganjang na dipakkena i manutupi bagas joro. 2 Jongjong do akka serapim* di sakalilingna. Adong onom habong ni ganup serapim i. Dua habong lao manutupi bohi ni nasida,* dua habong lao manutupi pat ni nasida, jala habong na dua nai dipakke lao habang.
3 Didok nasida ma sama nasida,
“Badia, badia, badia do Jahowa Pamimpin ni Akka Tentara.*+
Gok hamuliaonna do saluhut tano i.”
4 Humutur ma kusen ni pintu ni jabu i alani soara na jou-jou i.
Jala gok ma timus di jabu i.+
5 Dung i hudok ma, “Marjea ma au!
Ai ramun* do hata na kaluar sian pamanganku,
Jala maringanan do au di tonga-tonga ni halak na ramun hatana,+
Mate nama au,*
Ai nungnga huida Raja i, i ma Jahowa Pamimpin ni Akka Tentara!”
6 Dung i, habang ma sada sian serapim i mandapotton au. Diboan ibana do di tanganna gara ni api,+ na dibuat sian langgatan+ mamakke penjepit ni sumbu. 7 Didaisson ma tu bibirhu gara na galak i huhut didok,
“Nungnga dais be on tu bibirmu.
Nungnga disalpuhon be hasalaanmu,
Jala nungnga disesa be dosam.”
8 Hubege ma muse soara ni Jahowa mandok, “Ise ma na lao suruokku? Ise ma na lao pasahatton tona sian hami?”+ Hualusi ma, “Au ma! Suru ma au!”+
9 Dung i didok Ibana ma, “Lao ma ho, dok ma tu bangso i,
‘Mulak-ulak do i begeonmuna,
Alai dang marna diattusi hamu,
Mulak-ulak do i idaonmuna,
Alai dang na lao botoonmuna manang aha.’+
10 Bahen ma tutup roha ni bangso on,+
Bahen ma nengel pinggol ni nasida,+
Bahen ma mapitung mata ni nasida,
Asa unang marnida mata ni nasida
Jala dang boi mambege pinggol ni nasida,
Asa unang mangattusi roha ni nasida
Asa unang mulak nasida jala asa unang malum nasida.”+
11 Alani i, hudok ma, “Sadia leleng ma masa i ale Jahowa?” Didok Ibana ma,
“Sahat tu na hancur akka kota jala dang adong be pendudukna,
Sahat tu na so adong be na mangingani akka jabu,
Sahat tu na sega jala tarulang+ tano i,
12 Sahat tu na dipalao Jahowa akka jolma tu inganan na dao,+
Jala sahat tu na massai bidang luat i tarulang.
13 “Adong dope na tinggal saparsappulu sian bangso Israel i. Alai ditutung ma nasida sude. Ai dos songon hau na balga do bangso i jala songon hau ek. Molo dung ditaba, tinggal ma pakkalna. Dung i, kaluar ma tunas* na badia sian pakkalna i.”
7 Di tikki ni si Ahas,+ anak ni si Jotam, pahoppu ni si Usia, raja ni Juda i, ro ma si Resin raja ni Siria rap dohot si Peka+ anak ni si Remalia raja ni Israel. Ro ma nasida marporang mangalo Jerusalem. Alai dang boi ditaluhon ibana* i.+ 2 Sahat ma barita tu istana harajaon* ni si Daud. Didok ma, “Nungnga marsada Siria dohot Epraim.”
Gabe mabiar jala makkahitir ma roha ni si Ahas dohot roha ni bangso i, songon hau na di tombak na humutur alani alogo.
3 Dung i didok Jahowa ma tu si Jesaya, “Lao ma ho rap dohot anakmu si Sear-jasub.*+ Juppangi hamu ma si Ahas di ujung ni saluran ni aek na sian kolam parginjang,+ na di dalan lao tu inganan ni akka panussi. 4 Ikkon dohononmu do songon on tu ibana, ‘Tenang ma ho. Unang pola ganggu roham. Ai nang pe muruk si Resin raja ni Siria dohot anak ni si Remalia,+ songon dua batang ni hau na lao habis tartutung do nasida. 5 Ai nungnga marsada raja ni Siria dohot Epraim, dohot anak ni si Remalia lao mambahen na jahat tu ho. Didok nasida do, 6 “Beta! Lao ma hita mangalo Juda. Tahancurhon* ma kota i jala tataluhon.* Tapillit ma anak ni si Tabel gabe rajana.”+
7 “‘Songon on ma didok Jahowa Tuan Natumimbul i,
“Dang na lao marhasil nasida,
Dang na lao saut i.
8 Ai Damaskus do ibukota ni Siria,
Jala si Resin do raja ni Damaskus.
Di bagasan 65 taon,
Dihancurhon ma Epraim jala dang tarpapungu be nasida gabe sada bangso.+
Alai molo dang togu haporseaonmuna,
Dang na lao selamat hamu.”’”
10 Didok Jahowa ma muse tu si Ahas, 11 “Pangido ma tanda sian Jahowa Debatam.+ Tanda i boi do songon bagas ni Kuburan* manang songon timbo ni langit.” 12 Alai didok si Ahas ma, “Dang olo au mangido tanda. Jala dang olo au manguji Jahowa.”
13 Didok si Jesaya ma, “Ale pinoppar ni si Daud, tangihon hamu ma. Dang cukkup dope di hamu holan manguji hasabaron ni jolma? Ikkon dohot do ujionmuna hasabaron ni Debata?+ 14 Alani i, lehonon ni Jahowa ma tu hamu sada tanda: Ida ma! Hamil ma sahalak anak boru.* Ditubuhon ibana ma sada anak,+ jala dibahen ma goarna si Immanuel.*+ 15 Allangon ni dakdanak i ma mentega dohot madu, molo dung diboto ibana pasidikkon na jahat dohot mamillit na denggan. 16 Andorang so diboto dakdanak i cara pasidikkon na jahat dohot mamillit na denggan, tarulang do sude luat ni dua raja na mambahen hamu mabiar i.+ 17 Pasombuon ni Jahowa ma susa hamu, bangsomuna, dohot keluarga ni bapakmuna. Ditaon hamu ma akka hasusaan na so hea dope masa mulai sian na sirang halak Epraim sian halak Juda.+ Suruonna ma raja ni Asiria+ mangalo hamu.
18 “Di ari i marsiul ma Jahowa manjou akka lanok sian na dao, i ma sian akka saluran ni aek Sunge Nil na di Mesir. Jala dijou do akka loba* sian luat na di Asiria. 19 Ro ma sudena i jala tinggal di akka rura* na rahis, di akka liang na di dolok batu, di sude ramba na marsuga, dohot di sude inganan panginuman ni binatang.
20 “Di ari i, pakkeon ni Jahowa ma raja ni Asiria,+ na dipatudos songon piso cukkur na disewa sian luat na di Sunge Euprat mancukkur obukmu dohot ibbulu ni patmu. Jala dicukkur do muse janggutmu sappe habis.
21 “Di ari i, pasombuon ni halak ma mangolu sada anak ni lombu dohot dua biru-biru. 22 Ala massai godang susu, gabe mangallang mentega ma akka jolma. Sude halak na adong dope tinggal di luat i, allangonna ma mentega dohot madu.
23 “Di ari i, di ladang na biasana tubu 1.000 batang anggur na argana 1.000 keping perak, holan ramba dohot hau na marsuga nama na tubu. 24 Mamboan panah dohot anak panah ma halak na ro tusi. Ai nungnga gok ramba dohot hau na marsuga di sude luat i. 25 Dang barani be hamu jonok tu akka dolok naung somal diula hamu. Ai nungnga godang ramba dohot hau na marsuga disi. Sude luat i gabe inganan ni lombu mangallang rumput, jala gabe tano na didege-dege akka biru-biru.”
8 Didok Jahowa ma tu au, “Buat ma sada batu panuratan+ na balga dohot sada pulpen.* Suratton ma di batu i ‘Maher-syalal-khasy-bas’.* 2 Lomo do rohakku asa dijou saksi na boi dihaporseai, i ma si Uria+ malim i dohot si Sakaria anak ni si Jeberekia. Nasida ma na manurat molo nasida gabe saksi tikki disurat i.”
3 Dung i mangulahon seks ma au dohot panurirang* borua* i. Hamil ma ibana, jala ditubuhon ma sada anak.+ Didok Jahowa ma tu au, “Bahen ma goar ni dakdanak i si Maher-syalal-khasy-bas. 4 Ai andorang so boi dope didok dakdanak i, ‘Bapa!’ dohot ‘Omak!’ tu jolo ni raja ni Asiria+ do sude diboan hamoraon ni Damaskus dohot arta na binuat ni Samaria.”
5 Didok Jahowa ma muse tu au,
6 “Ai dang dijalo bangso on aek na tenang mardalan sian Syiloa,*+
Jala las do roha ni nasida tu si Resin dohot tu anak ni si Remalia,+
7 Alani i, ida ma! Aupon ni Jahowa ma nasida,
Marhite aek ni Sunge Euprat na massai balga jala na doras,
I ma raja ni Asiria+ rap dohot sude hamuliaonna.
Aekna pola mangalewati sude saluran ni aek,
Mangalewati batas ni pinggirna,
8 Jala pola do masuk sahat tu Juda.
Songon banjir na balga ma ibana, timbo ni aekna sahat tu rukkung,+
Habongna hembang manutupi sude luatmi,
9 Ale akka bangso, bahen ma na haccit tu nasida, alai hancur do bahenonna hamu.
Hamu sude na sian ujung ni tano on, bege hamu ma!
Parade hamu ma dirimuna marporang,* alai suda do bahenonna hamu!+
Parade hamu ma dirimuna marporang, alai suda do bahenonna hamu!
10 Bahen hamu ma rencanamuna, alai dang na lao saut i!
11 Tangan ni Jahowa na gogo i maniop au. Makkatai do Ibana lao pasingotton au asa unang huihutton dalan ni bangso on. Ai didok Ibana do,
12 “Unang ma didokkon hamu, ‘Rencana na jahat do on!’ ala didok bangso i, ‘Rencana na jahat do on!’
Unang mabiar hamu tu na dihabiari nasida,
Unang makkahitir hamu alani i.
13 Holan Jahowa Pamimpin ni Akka Tentara i do na ikkon badia di hamu,+
Ibana do na ikkon sihabiaranmuna,
Jala holan Ibana do na ikkon pasangaponmuna.”+
14 Gabe songon inganan na badia ma Ibana,
Alai gabe songon sada batu na mambahen tartuktuk+
Jala songon batu na mambahen madabu
Dua harajaon ni Israel,
Jala songon jaring dohot jorat
Tu akka penduduk ni Jerusalem.
15 Godang ma na gabe tartuktuk, madabu jala gabe lukka,
Tarjorat ma nasida jala tartakkup.
16 Molo dung sae disurat ho na huhatahon i di sada harotas, gulung ma i.
Bahen ma materai ni patik* i di tonga-tonga ni siseanku!
17 Sai maima-ima do au tu Jahowa,+ na manabunihon bohina sian pinoppar ni si Jakkob,+ sai hupaima-ima do Ibana.
18 Ida ma! Dison do au rap dohot akka dakdanak na nilehon ni Jahowa tu au.+ Jahowa Pamimpin ni Akka Tentara* na maringanan di Dolok Sion, mambahen hami gabe songon sada tanda+ dohot mukjizat tu halak Israel.
19 Jala molo didok nasida tu hamu, “Sukkun hamu ma halak na boi makkatai tu halak na mate, manang tu peramal na marhusip-husip jala na mangubit-ubit tikki makkatai.” Patut do bahenonmuna songon i? Sasittongna ikkon tu Debatana do sada bangso manukkun. Boasa ma pola tu na mate sukkunon ni nasida taringot aha na lao masa tu halak na mangolu?+ 20 Ikkon sian patik ni Debata do luluan ni nasida tudu-tudu, dohot sian hata naung tarsurat i!
Molo dang sadalan na nidok ni nasida tu hata ni Debata, dang adong sinondang di nasida.+ 21 Male do nasida jala marsak tikki mamolus sian luat ni nasida. Alani murukna dohot malena,+ diburai ganup halak ma rajana dohot Debatana tikki diida tu ginjang. 22 Tikki diida nasida tu humaliang holan na susa jala na golap do diida, na dangol, na haccit, na porsuk jala dang adong na tiur.
9 Haporsuhon na masa tu nasida dang songon hasusaan na hea masa tu luat i. Jala dang songon luat Zebulon dohot luat Naptali tikki na dipasombu nasida marlea.+ Alai di pudian ni ari, dibahen Ibana ma luat i gabe sangap, i ma dalan na di topi laut, di luat na di Sunge Jordan, luat Galilea na diingani akka bangso na asing.
2 Akka halak na mardalan di na holom
Nungnga mangida sinondang na tiur.
Akka penduduk na tinggal di luat na massai holom
Nungnga ro be na tiur tu nasida.+
3 Nungnga dibahen Ho balga bangso i,
Dibahen Ho do massai las roha ni nasida.
Marlas ni roha do nasida di jolom,
Songon las ni roha ni halak di tikki panen,
Songon las ni roha ni halak tikki dibagi arta na dibuat sian musu.
4 Nungnga diponggolhon Ho auga* na diboan nasida,
Jala diponggolhon Ho do tukkot ni akka mandor na dipakke lao mangattuk bahu ni nasida,
Songon tikki na ditaluhon i Midian.+
5 Sipatu ni akka tentara makkutur tano on tikki mardalan nasida,
Jala sude baju ni nasida naung gok mudar
Habis tutungon ni api.
Digoari ma ibana Penasehat na Marbisuk,+ Debata na Massai Gogo,+ Ama na Saleleng ni lelengna, Pamimpin ni Hadameon.
7 Lam balga ma torus huasona,
Jala dang adong ujung ni hadameon+
Di tahta ni si Daud+ dohot di harajaonna
Hot do i dipajongjong jala dibahen togu+
Marhite hatigoran+ dohot hasittongan+
Sian saonari sahat tu saleleng ni lelengna.
Ai pasti ulahonon ni Jahowa Pamimpin ni Akka Tentara* do i.
8 Dipaboa Jahowa ma barita panguhuman tu si Jakkob,
Jala masa ma i tu halak Israel.+
9 Botoon ni sude halak ma i,
Epraim dohot penduduk ni Samaria
Na ginjang rohana jala na leas rohana mangida halak, ai didok do,
10 “Nungnga ruppak jabu na sian batu bata,
Alai pajongjongonnami do muse jabu na sian batu.+
Nungnga ditaba hau ara na di tombak,
Alai gattionnami ma i dohot hau ares.”
11 Pasombuon ni Jahowa ma monang musu ni si Resin mangalo ibana,
Jala dijujui ma akka musu ni Israel ro mangalo,
12 Ro ma Siria sian timur, jala Palistim sian barat,*+
Bukkaon ni nasida ma baba ni nasida jala boddutonna ma Israel.+
Alani i ma toktong muruk Ibana,
Toktong do diangkat Ibana tanganna lao manghukum nasida.+
13 Ai dang mulak bangso on tu Debata na manghukum nasida,
15 Ulunai ma halak na matua dohot na sangap,
Ihurna i ma panurirang na mangajarhon na so sittong.+
16 Nasida ma na mamimpin bangso on, na mambahen lilu,
Jala gabe bingung do akka halak na mangihutton nasida.
17 Alani i ma dang las roha ni Jahowa mangida akka doli-doli ni bangso on,
Dang asi rohana mangida akka dakdanak na so marama* dohot ina na mabalu,
Ai nungnga manimbil nasida sude sian Debata jala diulahon nasida do na jahat,+
Jala ganup hata na kaluar sian nasida mangaliluhon halak do.
Alani i ma toktong muruk Ibana,
Toktong do diangkat Ibana tanganna lao manghukum nasida.+
18 Songon api na marsigorgor do hajahaton ni nasida,
Na manutung akka ramba dohot hau na marsuga,
Sahat do apina i manutung akka ramba na di tombak,
Nakkok ma timusna, marpungu songon ombun.
19 Alani muruk ni Jahowa Pamimpin ni Akka Tentara i,
Matutung ma luat i,
Jala akka jolma na disi habis ditutung api.
Dang adong nanggo sahalak pe na marasi ni roha, nang pe tu haha anggina.
20 Adong do na manggotap na sabola kanan,
Alai male dope,
Adong do na manggotap na sabola kiri,
Alai dang butong dope.
Ganup halak ma mangallang jagal ni tanganna sandiri.
21 Bodduton ni Manasse ma Epraim
Jala Epraim mamboddut Manasse.
Rap ma nasida mangalo Juda.+
Alani i ma toktong muruk Ibana,
Toktong do diangkat Ibana tanganna lao manghukum nasida.+
10 Marjea ma na mambahen aturan lao parohon jea tu halak,+
Na toktong mambahen paretta lao mambahen susa,
2 Na so olo manangihon parsoalan ni na pogos,
Na mangabbati halak na pogos na sian tonga-tonga ni bangsokku mandapot hukum na tigor,+
Na mangarampas arta ni ina na mabalu,
Jala na mangarampas+ arta ni dakdanak na so marama!*
Tudia ma hamu lari, ise ma pangidoonmuna lao mangurupi hamu?+
Jala tu ise ma ditadikkon hamu artamuna* i?
4 Dang adong be na boi ulahononmuna asing ni unduk di tonga-tonga ni akka na tartakkup,
Manang peak di tonga-tonga ni halak naung dibunu.
Alani i ma toktong muruk Ibana,
Toktong do diangkat Ibana tanganna lao manghukum nasida.+
5 “Ida ma! Halak Asiria+ do tukkot na hupakke lao patuduhon murukku,+
Jala hau na di tanganna do na hupakke lao mambahen hukuman!
6 Suruokku ma ibana lao mangalo+ bangso naung manimbil i,
Mangalo bangso na mambahen Au muruk,
Huparettahon ma asa dipambuati jala dirampas ibana godang arta ni nasida,
Jala asa didegei nasida songon gambo na di dalan.+
7 Alai dang songon i anggo pikkiranna,
Jala dang songon i sakkap ni rohana,
Anggo di rohana, naeng sudahononna do sude bangso,
Dang holan saotik naeng sudahononna, alai godang do.
8 Didok ibana do,
‘Akka raja do sude pejabattu.+
9 Ai dang na sarupa Kalno+ tu Karkemis?+
10 Nungnga hutaluhon akka harajaon na manomba debata na so marguna,
Unggodang do patung ni nasida sian na di Jerusalem dohot Samaria!+
11 Bahenokku nama tu Jerusalem dohot tu akka debatana,
Dos songon na hubahen tu Samaria dohot tu akka debatana na so marguna i.’+
12 “Dung sae Jahowa mangulahon ulaonna di Dolok Sion dohot di Jerusalem, hukumonna* ma raja ni Asiria. Ai ginjang do rohana, sombong, jala teal.+ 13 Didok raja i do,
‘Gogo ni tanganku sandiri do mangulahon i sude,
Ai malo do au jala marbisuk.
Pamagookku ma parbatasan ni akka bangso+
Jala buatokku ma akka arta ni nasida,+
Jala songon halak na gogo, bahenokku ma tunduk pendudukna.+
14 Songon sahalak bawa na mambuat asar ni pidong,
Songon i ma au mambuat arta ni akka bangso,
Songon na papunguhon tolor ni pidong naung ditadikkon,
Songon i ma au papunguhon sude na adong di tano on!
Dang adong na mamaspas habongna, manurbing, manang na pangangang babana.’”
15 Boi do kampak mandok na unjago ibana sian na mamakke?
Manang dohonon ni gargaji ma na unjago ibana sian na mamakke?
Boi do tukkot+ mangayun halak na mangangkat ibana?
Manang boi do huroha tukkot mangangkat halak na maniop ibana?
16 Alani i, Jahowa Tuan na sittong, Pamimpin ni Akka Tentara,*
Mambahen tentara ni Asiria na mokmok gabe kurus,+
Dang adong be hamuliaon ni Asiria.
Dos songon na habis ditutung api na marsigorgor.+
17 Songon api+ ma sinondang+ ni Israel,
Songon api na marsigorgor ma Debata na Badia ni Israel,
Marsigorgor ma i jala tutungonna ma sappe habis akka rambana dohot hauna na marsuga di bagasan sadari.
18 Disudahon Debata ma sude tombak dohot ladangna na uli,
Suda ma i dos songon sahit na mambahen mate sasahalak.+
19 Holan saotik nama tinggal hau di tombakna
Dakdanak pe boi mangetong sadia godang hau i.
20 Di ari i, akka halak Israel na tinggal dope,
Dohot akka pinoppar ni si Jakkob na malua
Dang olo be mangasahon bangso na mangalo nasida,+
Alai mangasahon Jahowa nama nasida,
Jala setia tu Debata Nabadia ni Israel.
21 Holan akka na tinggal i ma na mulak tu Debata na Massai Gogo i,+
I ma na tinggal sian pinoppar ni si Jakkob.
22 Nang pe godang halak di bangsom, ale Israel,
Songon godang ni pasir di topi ni laut,
Alai holan saotik do sian nasida na mulak.+
Nungnga ditottuhon+ Debata lao pamateonna nasida,
Dos songon banjir, masa ma panguhuman na tigor tu nasida sude.+
23 Nungnga ditottuhon Jahowa Pamimpin ni Akka Tentara, Tuan Natumimbul i, na lao pamateonna nasida sude,
Ulahononna ma i di sude luat.+
24 Alani i, songon on ma hata ni Jahowa Pamimpin ni Akka Tentara, Tuan Natumimbul i, “Ale bangsokku na tinggal di Sion, unang pola mabiar hamu tu halak Asiria na mamakke tukkotna lao mangattuk+ jala mangalo hamu, dos songon na binahen ni halak Mesir.+ 25 Satokkin nai, sae nama panguhumakki tu hamu. Tu nasida nama Au muruk, asa hancur nasida.+ 26 Na lao dicambuk Jahowa Pamimpin ni Akka tentara i nama ibana.+ Dos songon tikki na ditaluhon i Midian di Dolok Batu Oreb.+ Bahenokku ma tukkottu tu atas ni laut jala angkatokku ma i, dos songon tikki na hutaluhon i Mesir.+
27 Di ari i, angkatokku ma sian bahumuna boban na dibahen ibana,+
Jala auga* na dibahen ibana buatokku sian rukkungmuna,+
Jala ponggol ma auga i+ alani miak.”
29 Ditaripari ibana do aek,
Marborngin do ibana di Geba,+
Mabiar ma Rama, lari ma penduduk ni Gibea+ kota ni si Saul.+
30 Marsurak jala mangandungi ma ho ale boru ni Gallim!
Toktong ma parrohahon hamu ale Laisia!
Asi nai roha mangida hamu ale Anatot!+
31 Nungnga lari be Madmena.
Nungnga lao halak Gebim mangungsi.
32 Di ari i so ma ibana di Nob.+
Digolom ibana ma tanganna doppak dolok ni kota Sion,
Doppak dolok ni Jerusalem.
33 Bege ma soara na parohon biar i!
Nungnga ditaba Jahowa Pamimpin ni Akka Tentara, Tuan na sittong i dakka ni hau,+
Tabaonna ma akka hau na untimbo sian hau na asing,
Jala ruppak ma akka hau na timbo.
34 Rambasonna ma akka ramba na di tombak i mamakke kampak,*
Ruppakkonon ni halak na gogo ma akka hau na di Libanon.
2 Gok do tondi parbadia ni Jahowa di ibana,*+
Alani i ma gabe marbisuk+ ibana, jala gok do na diattusi ibana,
Dilehon ibana ma poda na denggan, gabe gogo+ ma ibana,
Gok do parbinotoanna jala massai sangap do dibahen ibana Jahowa.
3 Lomo do rohana pasangappon* Jahowa.+
Tikki mangadili, dang holan sian na niidana ibana mambahen keputusan,
Jala dang mamissang ibana holan alani na binegena.+
4 Adil* do ibana mangadili halak na pogos,
Marhite cara na sittong, dipasingot ibana do halak na asing asa mandapot laba halak na lambok roha di tano on.
Diattuk ibana do tano on marhite tukkot na sian babana+
Dipamate ibana do halak na jahat marhite hosa na sian pamanganna.+
6 Mardongan ma serigala dohot anak ni biru-biru,+
Rap modom ma harimau dohot anak ni hambing,
Jala rap tinggal+ do anak ni lombu, singa, dohot binatang na mokmok,*
Dakdanak na metmet ma na marmahan i sude.
7 Rap mangan do lombu dohot beruang,
Rap modom do akka anak ni nasida.
Mangallang duhut-duhut ma singa songon lombu.+
8 Marmeami ma dakdanak na manusu dope di labbung ni asar ni ulok kobra,
Jala dakdanak naung sirang susu mambahen tanganna tu liang ni ulok na marbisa.
9 Dang adong manang aha pe sian nasida na mambahen marjea+
Manang na mambahen sega di sude dolokku na badia i,+
Ai gok parbinotoan taringot Jahowa do saluhut tano on,
Dos songon aek na manggohi laut.+
10 Di ari i, ro ma sahalak sian pinoppar* ni si Isai+ gabe tanda tu akka bangso.+
11 Di ari i, patuduhonon ni Jahowa ma muse gogona* na paduahalihon lao mangurupi bangsona na tinggal i. Boanonna ma nasida mulak sian Asiria,+ Mesir,+ Patros,+ Kus,+ Elamit,+ Sinear,* Hamat, dohot sian akka pulo na di laut.+ 12 Angkatonna ma sada tanda* tu akka bangso jala papunguonna ma halak Israel na marserak.+ Papunguonna do muse halak Juda na marserak di sude liat portibi on.+
13 Dang cemburu be Epraim,+
Mate ma sude na marmusu tu Juda.
Dang cemburu be Epraim tu Juda,
Jala dang sogo be roha ni Juda tu Epraim.+
14 Hatop ma nasida lao doppak barat tu rura na di Palistim
Rap ma nasida mangarampok arta ni akka halak na sian Timur.
Marhite hosana, bahenonna ma mahiang pitu sungena na gelleng i,*
Alani i, boi ma nasida manaripar jala mardalan mamakke solop ni nasida.
16 Sian Asiria, adong ma dalan na bidang+ tu akka halak na tinggal i dope,+
Dos songon tikki kaluar halak Israel sian Mesir.
12 Di ari i, dohononmuna ma,
2 Ida ma! Debata do Sipalua au.+
Porsea do au tu Ibana jala dang mabiar au,+
Ai Jahowa,* Jahowa do Silehon gogo dohot na mangalinggomi au,
Nungnga dipalua Ibana au.”+
3 Marlas ni roha ma hamu manimba aek
Sian mata mual na parohon haluaon.+
4 Di ari i dohononmuna ma muse,
“Mandok mauliate ma hamu tu Jahowa, jou ma goarna,
Paboa ma akka ulaonna tu akka halak!+
Baritahon ma na mulia goarna i.+
5 Endehon ma puji-pujian* tu Jahowa,+ alani sude ulaon na balga na binahenna.+
Baritahon ma i di sude liat portibi on.
6 Marsurak ma hamu marlas ni roha ale penduduk ni* Sion,
Ai mulia situtu do Debata Nabadia ni Israel i na adong di tonga-tongamuna.”
13 On ma barita panguhuman tu Babel+ na niida ni si Jesaya+ anak ni si Amos marhite parnidaan:
2 “Angkat ma sada tanda*+ di dolok batu naung gundul.
Jou ma nasida jala bahen ma tanganmu songon tanda lao mangarahon nasida,
Asa masuk nasida tu pintu ni akka na sangap.
3 Nungnga hulehon paretta tu akka halak na hupillit.*+
Nungnga hujou akka tentarakku lao patuduhon murukku,
Akka halak na marlas ni roha jala na hubanggahon.
4 Tangihon ma! Adong soara ni halak na rame di dolok,
Soarana songon soara ni halak na marpungu!
Tangihon ma! Nungnga gaor akka harajaon,
Nungnga marpungu akka bangso!+
Jahowa Pamimpin ni Akka Tentara* mangatur tentarana lao marporang.+
5 Jahowa dohot akka halak* na dipakke Ibana lao patuduhon murukna,
Ro sian luat na dao,+
Sian inganan na undao di toru ni langit on,*
Lao mambahen hancur portibi on.+
6 Gogo ma hamu mangangguki, ai nungnga jonok ari ni Jahowa!
Di ari i, hancur ma bahenon ni Pargogo na So Hatudosan i sude na adong di luatmuna.+
7 Alani i ma gabe gale-gale sude tangan ni jolma,
Jala gabe mabiar roha ni ganup halak.+
8 Tarsonggot ma akka halak jala busisaon.+
Kejang-kejang ma nasida jala haccit ma dihilala,
Dos songon borua na naeng partus.
Marsiberengan ma nasida jala mabiar,
Marmera do bohi ni nasida alani haccit ni sitaonon i.
9 Ida ma! Nungnga ro ari ni Jahowa,
Muruk do Ibana jala marsigorgor do rimasna,
Di ari i, dang asi rohana manang tu ise pe.
Bahenonna ma luat i gabe inganan na seram,+
Jala pamateonna ma sude halak na mardosa sian luat i.
10 Ai dang marsinondang be akka bintang na di langit,+
Dohot sude punguan ni bintangna,*
Holom nama mataniari di tikki bissar,
Jala dang marsinondang be bulan.
11 Hukumokku ma pangisi ni tano on alani hajahaton ni nasida,+
Dohot akka parjahat alani dosa ni nasida.
Bahenokku ma marujung ginjang ni roha ni halak na lancang,
Jala patutoruokku ma ginjang ni roha ni halak na kejam.+
13 Alani i ma hubahen humutur langit,
Humutur tano on jala meret sian ingananna+
Ai muruk situtu do Jahowa Pamimpin ni Akka Tentara di ari rimasna na marsigorgor i.
14 Songon kijang na dilele, jala songon biru-biru na so marparmahan,
Songon i ma ganup halak mulak tu bangsona,
Jala ganup halak lari tu luatna be.+
15 Manang ise na dapot ditusuk do,
Jala manang ise na tartakkup dipamate do pakke podang.+
16 Dibunu ma akka anak ni nasida di jolo ni mata ni nasida,+
Dipambuati ma arta sian jabu ni nasida,
Jala diperkosa ma akka istri ni nasida.
17 Hujujui ma halak Media ro mangalo nasida,
Dang arga perak di halak Media,+
Jala dang lomo roha ni nasida tu mas.
18 Hancur ma akka doli-doli bahenon ni panah ni nasida,+
Dang parduli nasida tu poso-poso
Jala dang asi roha ni nasida tu dakdanak.
19 Jala Babel, harajaon na ussangap* sian sude harajaon,+
Luat na uli jala na dibanggahon halak Kasdim,+
Gabe songon Sodom dohot Gumora ma tikki dihancurhon Debata nasida.+
20 Dang adong be halak na olo maringanan disi,
Jala dang diingani be i sahat tu saleleng ni lelengna.+
Dang pajongjongon ni halak Arab kemahna disi,
Jala dang pasombuon ni parmahan maradi binatang ni nasida disi.
21 Binatang na di padang pasir ma na modom disi,
Gok ma burung hantu di jabu ni nasida.
22 Marauang ma akka binatang di menarana,
Jala marauang ma anjing hutan di istanana na uli.
Nungnga jonok be tikki ni Babel lao dihancurhon, jala dang palelengonna be i.”+
14 Asi nama roha ni Jahowa tu si Jakkob,+ jala pillitonna ma muse Israel.+ Bahenonna ma nasida tinggal di luat ni nasida.+ Jala ro do akka halak na sian bangso na asing marpungu rap dohot akka pinoppar ni si Jakkob.+ 2 Boanon ni akka halak na sian bangso na asing ma nasida, jala ditaruhon ma nasida tu inganan ni nasida sandiri. Bahenon ni bangso Israel ma nasida gabe parkarejo bawa manang parkarejo borua di luat ni Jahowa.+ Dibahen bangso Israel ma gabe hatoban ni nasida halak na hea mambahen nasida gabe hatoban. Jala diparetta nasida ma akka mandor ni nasida hian.*
3 Di ari tikki dipalua Jahowa hamu sian na haccit, sian sitaononmuna, dohot sian ulaon na borat na dipaksahon tu hamu,+ 4 dohononmuna ma uppasa* on tu raja ni Babel:
“Nungnga marujung be akka mandor* i!
Nungnga salpu be sitaonon na binahenna i!+
5 Nungnga diponggolhon Jahowa be tukkot ni parjahat,
Tukkot ni akka parhuaso,+
6 Na kejam jala na so marnaso mangattuki akka bangso,+
Na muruk situtu manaluhon akka bangso, jala na toktong mambahen porsuk ngolu ni nasida.+
7 Gabe dame ma sude liat portibi on, dang adong na manggugai,
Marsurak ma akka jolma alani las ni rohana.+
8 Dohot do hau juniper marlas ni roha alani hamu,
Songon i nang hau ares na di Libanon.
Dohonon ni nasida ma, ‘Dung madabu ho,
Dang adong be halak na ro manaba hami.’
9 Kuburan* na di toru ni tano pe guttur
Paima-imahon harorom.
Alani ho, hehe do sude pamimpin na kejam* na di tano on,
I ma akka na so margogo dibahen hamatean i.
Jala hehe do sude raja ni akka bangso sian tahta ni nasida.
10 Sude do nasida mandok tu ho,
‘Ai gale do ho hape songon hami!
Nungnga sarupa be ho dohot hami!
Akka gilok-gilok nama podomanmu,
Jala akka cacing nama salimutmu.’
12 Nungnga madabu be ho sian langit,
Ale bintang manogot na marsinondang!
Nungnga diruppakkon be ho tu tano on,
Ho na manaluhon akka bangso!+
13 Ai didok ho do di bagas roham, ‘Nakkok nama au tu langit.+
Angkatokku nama tahtakku untimbo sian akka bintang ni Debata,+
Jala hundul nama au di atas ni dolok parpunguan,
Di inganan na undao di sabola utara.+
14 Nakkok nama au tu pussu ni akka ombun,
Bahenokku nama au dos songon Natumimbul i.’
15 Alai tu Kuburan* nama ho turun boanonna,
Tu bagian na ubbagas di kuburan.
16 Panotnotan ni na mangida ho ma ho,
Manat ma ho diparrohahon, jala didok ma,
‘Ai ibana do kan halak na makkutur tano i,
Jala na mambahen mabiar akka harajaon,+
17 Ibana do kan na mambahen tano on gabe songon padang gurun,
Na manghancurhon akka kota,+
Jala na so paloasson akka na tartakkup mulak tu jabuna?’+
18 Sude raja ni akka bangso na asing,
Sangap do nasida sude dibahen tikki dikuburhon,
Dibahen tu kuburan* ni nasida be.
19 Alai anggo ho, dibolokkon do bakkem, dang dikuburhon,
Songon tunas* ni suan-suanan na so dihalomohon,*
Didondoni bakke ni akka halak na ditikkam podang do ho,
Na madabu tu akka batu na di lubang,
Songon bakke na didege-dege.
20 Dang kuburonna ho rap dohot akka raja i,
Ai dihancurhon ho do luatmu sandiri,
Dibunu ho do rakyatmu.
Dang na lao diingot be goar ni pinoppar ni akka parjahat salelengna.
21 Parade hamu ma dirimuna lao pamatehon akka anakna,
Alani dosa ni ompuna,
Asa unang jongjong be nasida lao mangarajai tano on,
Jala asa unang dipajongjong nasida kota ni nasida manggohi luat i.”
22 “Ro nama Au mangalo nasida,”+ didok Jahowa Pamimpin ni Akka Tentara.*
“Sesaokku ma goar ni Babel. Pamateonku ma sude pendudukna na mangolu dope, songon i nang anakna, pahoppuna, nini, dohot nonona,”+ ninna Jahowa.
23 “Gabe appuna ni landak ma bahenokku Babel i, jala gabe tano rawa-rawa. Hancurhonokku ma ibana sappe so adong be na tinggal,”+ ninna Jahowa Pamimpin ni Akka Tentara.
24 Marsumpa ma Jahowa Pamimpin ni Akka Tentara,
“Aha na huhalomohon, ikkon i do na masa,
Jala aha naung hutottuhon, ikkon i do na lao saut.
25 Bahenokku ma hancur Asiria di luatti,
Jala hudege-dege ma ibana di akka dolok appunakki.+
26 On ma naung ditottuhon lao masa tu sude liat portibi on,
Jala on ma tangan naung rade lao mangalo sude bangso.
27 Jahowa Pamimpin ni Akka Tentara i do na manottuhon i,
Ise ma na boi manundati i?+
Nungnga rade tanganna lao mangalo,
Ise ma na boi mangabbati i?+
28 Di taon tikki mate Raja Ahas,+ dipaboa ma barita on:
29 “Unang ma las roham, sude hamu halak Palistim,
Nang pe naung maponggol tukkot na naeng mangattuk ho.
Ai sian pinoppar ni ulok,+ ro do muse ulok na marbisa,+
Jala sian pinopparna ro do ulok na marbisa na boi habang.*
30 Mangan do anak siakkangan ni halak na so sangap,
Jala tenang do modom anak ni halak na pogos,
Alai anggo bangsom, bahenokku ma mate haraparon,
Jala hona bunu do akka na mangolu dope.+
31 Mangangguki ma hamu na di gerbang! Tangis ma hamu na di kota!
Mabiar ma hamu sude, ale Palistim!
Ai nungnga ro sian utara akka tentara na songon timus,
Jala dang adong nanggo sahalak pe sian tentara ni musu na tinggal di hutana.”
32 Songon dia ma alus ni nasida tu akka halak na sinuru ni bangso i?
Paboaon ni nasida ma naung dibahen Jahowa fondasi ni Sion,+
Jala tusi do marlinggom akka halak na so sangap na sian bangso ni Debata.
15 Barita panguhuman tu Moab:+
Dang tardok ni Ar+ na di Moab be manang aha,
Ai di bagasan saborngin do ibana dihancurhon.
Dang tardok ni Kir-Moab+ be manang aha,
Ai di bagasan saborngin do ibana dihancurhon.
2 Lao do ibana tu inganan pamelean* dohot tu Dibon,+
Tu inganan na timbo* lao mangandungi.
Mangandungi ma Moab alani na masa tu Nebo+ dohot tu Medeba.+
Sude do nasida mancukkur obuk na di ulu ni nasida,+ jala digusting nasida do janggut ni nasida.+
3 Akka halak na di dalan mamakke abit goni.
Tangis do nasida sude di atap dohot di lapangan ni nasida,
Turun ma nasida sian inganan i huhut tangis.+
Alani i ma torus tentara ni Moab marsurak.
Makkahitir do ibana alani biarna.
5 Malala do ate-atekku alani Moab.
Lari do pendudukna sahat tu Zoar+ dohot tu Eglat-selisia.+
Sai tangis do nasida huhut nakkok tu pussu ni Luhit,
Sai mangandungi ma nasida tikki mardalan di dalan na tu Horonaim alani sitaonon na massai borat i.+
6 Marsik ma aek na di Nimrim,
Malos ma sude akka duhut-duhut,
Ramba pe nungnga habis jala dang adong be na ijo.
7 Alani i ma diboan nasida akka barang na disippan nasida dohot arta ni nasida,
Ditaripari nasida do rura* na gok hau poplar.
8 Tarbege do andung-andung ni nasida sahat tu luat Moab.+
Sahat do andung-andungna i tu Eglaim,
Jala sahat do i tu Beer-elim.
9 Gok mudar ma mata mual ni Dimon,
Jala godang nai dope hasusaan na lao bahenon ni Debata tu Dimon,
Allangon ni singa ma akka halak Moab na malua
Dohot akka halak na tinggal dope di luat i.+
16 Kirim ma sada biru-biru jantan tu parhuaso di luat i,
Boan ma i sian Sela jala mangalewati gurun,
Boan ma i tu dolok ni kota* Sion.
2 Songon pidong na lari maninggalhon asarna,+
Songon i ma akka penduduk ni Moab di inganan manaripar na di Sunge Arnon.+
3 “Lehon ma poda jala ulahon ma naung ditottuhon.
Di tikki arian, bahen ma bayanganmu* gabe holom songon di tikki borngin.
Tabunihon ma halak na marserak jala unang menghianat ho tu halak naung lari.
4 Sai anggiat ma akka halak na marserak tinggal di ingananmu, ale Moab.
Gabe inganan partabunian ni nasida ma ho, nasida na martabuni sian akka panegai.+
Marujung nama akka na mambahen sitaonon i,
Salpu nama tikkina hamu dibahen hancur,
Jala mate nama akka halak na mandege-dege halak na asing sian tano on.
5 Alani holong na manoktong,* dipajongjong ma sada tahta na togu.
Setia do halak na hundul di atas ni tahta i, i ma na di kemah ni si Daud,+
Adil do ibana tikki mangadili jala pittor diulahon ibana do na sittong.”+
6 Nungnga hubege hami songon dia muruk ni Moab i, sombongna, dohot tealna,+
Taringot tu ginjang ni rohana, ginjang situtu do rohana,+
Alai dang marlapatan akka hatana na so marguna i.
7 Mangandungi ma Moab alani hasusaan na masa tu nasida,
Sude ma nasida mangandungi sagogo ni gogona.+
Sai tangis ma akka halak naung ditaluhon i tikki diingot nasida kue kismis na sian Kir-hareset.+
8 Koring ma akka ladang na di Hesbon,+
Songon i nang ladang anggur na di Sibna.+
Didegei akka parhuaso ni bangso i do dakka ni hau na digohi parbue ni anggur,
Sahat hian do akka dakkana i manjirir tu Jaser,+
Jala sahat hian do i manjirir sahat tu gurun.
Mangissir do rattingna i hian pola sahat tu laut.
9 Alani i do huandungi anggur na di Sibnah dos songon mangandungi Jaser,
Siramokku ma hamu mamakke ilu-ilukku, ale Hesbon dohot ho Eleale,+
Ai nungnga marujung las ni roha di* tikki panen buah musim panas dohot tikki musim panenmuna.
10 Dang adong be las ni roha di akka ladangmuna,
Jala dang adong be ende silas ni roha dohot soara ni na marsurak di ladang anggurmuna.+
Dang adong be na mandege-dege anggur di inganan pamoroan ni anggurmuna,
Ai nungnga hupaso be soara na marsurak i.+
11 Dos songon tali ni harpa na dipiltik do rohakku
Songon i do marsakku mangida Moab,+
Jala malala do ate-atekku alani Kir-hareset.+
12 Nang pe sai loja Moab lao tu inganan na timbo,* jala lao martangiang tu ingananna na badia, alai dang adong guna ni i.+
13 Songon i ma hata ni Jahowa najolo taringot tu Moab. 14 Saonari didok Jahowa ma, “Di bagasan tolu taon, songon leleng ni masa kerja ni sahalak parkarejo,* marlea ma hamuliaon ni Moab i. Ai godang do na gaor di luat i. Holan saotik ma nasida na tinggal, jala gale do nasida.”+
17 Barita panguhuman tu Damaskus:+
“Ida ma! Dang gabe kota be Damaskus,
Gabe kota na maruppak nama i.+
2 Tarulang nama akka kota na di Aroer,+
Modom nama akka binatang disi,
Jala dang adong be na mambahen nasida mabiar modom disi.
3 Mago nama kota na marbenteng sian Epraim,+
Dohot harajaon sian Damaskus,+
Jala hasangapon ni akka halak na mangolu dope sian Siria
Mago dos songon hasangapon ni halak Israel,” didok Jahowa Pamimpin ni Akka Tentara.*
4 “Di ari i, moru ma hasangapon ni si Jakkob,
Jala dagingna na mokmok i gabe marniang.
5 Dos songon ladang gandum na di Rura Repaim+ nama pinoppar ni si Jakkob,
Nungnga dipanen hasil ni ladang i,
Jala holan saotik nai nama na tinggal lao dipanen.
6 Na tinggal i pe holan akka na madabu sian hasil panen i do,
Dos songon hau jetun naung diattuk ma nasida,
Holan dua manang tolu nama jetun i na tinggal, i pe di ujung ni dakkana nama,
Holan opat manang lima nama dakka ni jetun i na marparbue,”+ ninna Jahowa Debata ni Israel.
7 Di ari i, idaon ni akka halak ma tu ginjang, tu Sitoppa ibana, jala ditatap ma tu Debata Nabadia ni Israel. 8 Dang idaonna be langgatan+ na binahen ni tanganna+ jala dang tataponna be na pinature ni tanganna, dohot ma i tiang sisombaon,* manang inganan manutung dupa.
9 Di ari i gabe songon inganan na tarulang na di tombak ma akka kotana na martembok,+
Dos songon dakka ni hau na dipasombu di jolo ni halak Israel,
Gabe tano na harsang ma i.
Alani i do dibahen ho porlak na uli*
Jala disuani ho do disi akka tunas na sian halak na so ditanda.*
11 Di tikki arian, denggan do dibahen ho pagar ni porlakmi,
Di tikki manogot, dibahen ho do martunas boni ni suan-suananmi,
Alai tikki ro sahit na so boi malum, habis ma sude hasilna, dang adong na boi dipanen.+
12 Bege ma! Gaor do akka halak,
Tarbege do soarana songon panoppas ni galumbang ni laut!
Gaor do akka bangso,
Soarana tarbege songon pardalan ni aek na doras!
13 Tarbege ma soara na gaor sian akka bangso, dos songon soara ni pardalan ni aek na doras.
Disonggak Debata ma nasida jala lari ma nasida tu inganan na dao.
Makkudus do nasida lari dos songon lapung ni eme* na niullus ni alogo sian dolok,
Dos songon ramba na marsuga na margulung diullus halisuksung.
14 Di tikki borngin masa ma akka na parohon biar.
Alai dung naeng manogot salpu ma nasida sude.
Songon i ma bagian ni halak na mangarampas artatta,
Dohot upa ni halak na mangarampok hita.
2 Disuru luat i do akka utusan marhite laut,
Markapal na sian hau papirus do nasida, didok do,
“Hamu akka utusan na hatop, borhat ma hamu,
Tu bangso na timbo halakna jala na mulus kulitna,*
Tu bangso na dihabiari manang na didia pe,+
Na gogo jala na manaluhon bangso na asing,*
Tu luat na maup dibahen akka sunge.”
3 Hamu sude penduduk ni tano on jala na maringanan di akka luat,
Idaonmuna ma adong na songon sada tanda* diangkat di atas ni akka dolok,
Jala begeonmuna ma sada soara na songon soara ni tarompet na sian tanduk.
4 Songon on do didok Jahowa tu au,
“Toktong do au tenang jala manatap* inganakku na manoktong i,
Songon las ni ari na massai mohop,
Jala songon ombun di musim panen na mohop.
5 Ai andorang so musim panen,
Di tikki marbunga anggur i jala malamun parbuena,
Diponggoli ma akka tunasna mamakke sasabi,
Jala diponggoli ma akka dakkana, dung i dibolokkon.
6 Ditadikkon ma sudena i lao di akka lali siallang bakke
Dohot di akka binatang buas na di tano on.
Saleleng musim panas, disi do akka lali siallang bakke,
Jala disi do akka binatang buas na di tano on saleleng musim panen.
7 Di tikki i dilehon ma silehon-lehon tu Jahowa Pamimpin ni Akka Tentara,*
Sian bangso na timbo halakna jala na mulus kulitna,*
Sian bangso na dihabiari manang na didia pe,
Na gogo jala na manaluhon bangso na asing,*
Sian luat na maup dibahen akka sunge,
Tu Dolok Sion,+ tu inganan na dipillit Jahowa Pamimpin ni Akka Tentara lao pasangappon goarna.”
19 Barita panguhuman tu Mesir:+
Ida ma! Nungnga ro Jahowa tu Mesir di atas ni ombun na massai hatop.
Makkahitir do di jolona akka debata ni halak Mesir na so marguna i,+
Jala mabiar do roha ni halak Mesir.
2 “Bahenokku ma halak Mesir mangalo halak Mesir,
Marbada ma na sada tu donganna,
Ganup halak mangalo haha anggina dohot donganna jolma,
Marporang ma kota na sada tu kota na sada nai, harajaon na sada tu harajaon na sada nai.
3 Gabe maoto ma Mesir,
Bahenokku ma sursar sude rencana ni nasida.+
Mangido tolong ma nasida tu akka debata na so marguna,
Tu tukkang sihir, tu datu, dohot tu panjujur nasib.+
4 Pasahatonku ma Mesir tu tuan na kejam,
Jala raja na jahat ma na mamaretta nasida,”+ ninna Jahowa Pamimpin ni Akka Tentara,* Tuan na sittong.
5 Marsik ma aek na di laut,
Mahiang ma aek ni akka sunge jala gabe harsang ma tanona.+
6 Bau busuk ma aek ni akka sunge,
Gabe jeppek jala mahiang ma aek ni bondar* ni Sunge Nil na di Mesir.
Busuk ma akka hau tolong dohot arung.*+
7 Akka suan-suanan na di topi ni Sunge Nil, na di muara ni Sunge Nil,
Dohot sude tano na di topi ni Sunge Nil+ na disabur boni, gabe koring ma.+
Mago ma i sude diombus alogo.
8 Sai tangis ma akka panakkup dekke,
Mangandungi ma akka pakkail na di Sunge Nil,
Jala dang sadia godang be halak na manjala dekke di akka sunge.
10 Mandele ma roha ni akka partonun,
Jala marsak ma roha ni sude parkarejo na digaji.
11 Maoto do akka pamimpin ni Zoan.+
Akka penasehat ni si Firaun na marbisuk pe mangalehon poda na so masuk akkal.+
Barani do hamu mandok songon on tu si Firaun,
“Pinoppar ni akka na marbisuk do au,
Pinoppar ni akka raja najolo do au”.
12 Jadi, didia do akka penasehatmu na marbisuk i?+
Molo diboto nasida do aha na lao bahenon ni Jahowa Pamimpin ni Akka Tentara i tu Mesir, lok ma dipaboa nasida i tu ho.
13 Nungnga diulahon pamimpin ni Zoan akka ulaon ni halak na oto,
Nungnga dioto-otoi be akka pamimpin ni Nop,*+
Nungnga dililuhon akka kepala suku ni Mesir nasida.
14 Dibahen Jahowa ma nasida bingung,+
Jala lilu ma halak Mesir dibahen akka pamimpinna di sude ulaon ni nasida,
Dos songon halak na mabuk na tarsulandit dibahen uta-utana sandiri.
15 Dang adong be karejo na boi diulahon halak Mesir,
Nang di ulu manang di ihur, di tunas manang di ramba.*
16 Di ari i, gabe songon borua ma halak Mesir. Makkahitir jala mabiar ma nasida. Ai digolom Jahowa Pamimpin ni Akka Tentara i do tanganna lao mangancam Mesir.+ 17 Mabiar ma Mesir alani luat Juda. Holan dibege nasida taringot tu luat i, nungnga mabiar nasida. Ai nungnga ditottuhon Jahowa Pamimpin ni Akka Tentara i keputusan taringot tu nasida.+
18 Di ari i, penduduk ni lima kota di Mesir mamakke bahasa Kanaan.+ Marsumpa ma nasida lao setia tu Jahowa Pamimpin ni Akka Tentara. Sada sian akka kota i digoari Kota na Maruppak.
19 Di ari i, adong ma di tonga-tonga ni luat Mesir langgatan tu Jahowa. Jala adong ma sada tiang tu Jahowa di parbatasan ni luat i. 20 Gabe tanda ma i di Mesir, asa diingot nasida Jahowa Pamimpin ni Akka Tentara i. Mangangguki ma nasida tu Jahowa alani akka halak na mambahen sitaonon tu nasida. Dung i, suruonna ma sipalua na sangap lao paluahon nasida. 21 Paboaon ni Jahowa ma dirina tu halak Mesir jala tandaon ni halak Mesir ma Jahowa di ari i. Dilehon nasida ma pelean dohot silehon-lehon tu Ibana. Marjanji ma nasida tu Jahowa jala diulahon nasida do janji i. 22 Attukon ni Jahowa ma Mesir.+ Diattuk ma nasida jala dipamalum. Mulak ma nasida tu Jahowa. Ditangihon Ibana ma pangidoan ni nasida. Jala dipamalum ma nasida.
23 Di ari i, adong ma jalan raya+ sian Mesir tu Asiria. Ro ma halak Asiria tu Mesir. Jala ro ma halak Mesir tu Asiria. Rap manomba Debata ma halak Mesir dohot halak Asiria. 24 Di ari i, marsada ma Israel dohot Mesir rap dohot Asiria.+ Jala gabe pasu-pasu ma nasida di tonga-tonga ni tano on, 25 ai dipasu-pasu Jahowa Pamimpin ni Akka Tentara i do nasida. Didok do, “Dipasu-pasu ma ho ale Mesir bangsokku, dohot ho na binahen ni tanganku ale Asiria, jala hamu ale halak Israel appunakki.”+
20 Disuru Raja Sargon na sian Asiria ma sahalak Tartan* lao mangalo jala manaluhon Asdod.+ Di taon tikki na ditaluhon i Asdod,+ 2 makkatai ma Jahowa tu si Jesaya+ anak ni si Amos. Didok ma, “Palua ma abit goni na di gottingmi dohot solopmi.” Diulahon ibana ma songon i. Mardalani ma ibana tusan tuson. Holan mamakke pakkean dalam* do ibana jala dang marsolop.
3 Didok Jahowa ma muse, “Saleleng tolu taon, mardalani do si Jesaya tusan tuson holan mamakke pakkean dalam, jala dang marsolop. On ma na gabe tanda+ dohot sipasingot taringot tu na lao masa tu Mesir+ dohot tu Etiopia.+ 4 Songon i ma na masa tu akka halak na ditakkup sian Mesir,+ tu akka halak na ditakkup sian Etiopia, tu dakdanak dohot tu akka na matua. Diboan raja ni Asiria ma nasida holan mamakke pakkean dalam jala dang marsolop, sappe tarida do ihur ni nasida. Sasittongna, bahenonna nama maila* Mesir. 5 Mabiar jala maila ma nasida alani na masa tu Etiopia. Ai diasakkon nasida do Etiopia i jala dibangga-banggahon nasida do Mesir.* 6 Dohonon ni akka penduduk na di topi ni laut ma, ‘Ida ma na masa tu bangso na taasakkon i. Hape, lari do hita tu bangso i, tapangido do asa diurupi nasida hita malua sian raja ni Asiria! Attong songon dia nama asa boi hita malua saonari?’”
21 Barita panguhuman tu gurun pasir na di topi ni laut:*+
Ro do parmaraan sian gurun pasir, sian luat na parohon biar,
Songon halisuksung na mangullus tu sabola selatan do harorona.+
2 Dipatudu do tu au parnidaan na parohon biar on:
Menghianat ma bangso penghianat,
Manegai ma bangso na manegai.
Ale Elamit, nakkok ma ho! Ale Media,+ serang ma!
Bahenokku ma marujung sude hasusaan na binahen ni ibana.*+
3 Alani i ma marsak situtu au.+
Massai haccit do huhilala,
Songon borua na naeng partus.
Mabiar do au lao mambege,
Jala makkahitir do au lao mangida.
4 Sai busisaon do au jala makkahitir alani biarna.
Najolo masihol do au mangida parbonom ni mataniari, alai saonari nga mabiar au.
5 Parade ma meja jala susun ma kursi!
Mangan ma hamu jala minum!+
Hehe ma hamu akka pamimpin, miahi ma perisaimuna!
6 Ai songon on do didok Jahowa tu au:
“Lao ma ho, suru ma sahalak panjaga manjaga, jala suru ma ibana paboahon na niidana.”
7 Idaonna ma sada kareta porang na ditarik dua hoda,
Sada kareta porang na ditarik ni akka halode,
Dohot sada kareta porang na ditarik akka unta.
Manat jala takkas situtu do diparrohahon ibana i.
8 Dung i, jou-jou ma ibana songon singa, didok ma,
“Ale Jahowa, toktong do au jongjong di menara inganakku manjaga di tikki arian,
Jala ganup borngin jongjong do au di pos jagakki.+
9 Ida ma! Adong halak na ro,
Markareta porang do nasida na ditarik ni dua hoda!”+
Didok ibana do muse,
“Nungnga madabu be ibana! Nungnga madabu be Babel!+
Nungnga dihancurhon be tu tano sude patung ni akka debatana!”+
10 Ale bangsokku na didege-dege songon eme
Hamu eme na di inganan pardegeakku,+
Nungnga hupaboa tu hamu aha na hubege sian Jahowa Pamimpin ni Akka Tentara,* Debata ni Israel i.
11 Barita panguhuman tu Duma:*
Adong na manjou au sian Seir,+ na mandok,
“Ale panjaga, sadia leleng nai asa manogot?
Ale panjaga, sadia leleng nai asa manogot?”
12 Didok panjaga i ma,
“Nungnga naeng manogot, jala naeng ro nama muse borngin.
Molo naeng sukkunonmu muse, sukkun ma.
Ro ma ho muse!”
13 Barita panguhuman tu gurun pasir:
Di tombak na di gurun pasir ma hamu marborngin,
Ale rombongan na sian Dedan.+
14 Boan ma aek tikki manjuppangi halak na mauas,
Ale hamu penduduk ni luat Tema,+
Jala boan ma roti tu akka halak na lari.
15 Ai nungnga lari nasida sian podang, podang na lao mambunu nasida,
Sian panah, panah na lao ditembakkon tu nasida, dohot sian parporangan na jorbut.
16 Ai songon on do didok Jahowa tu au, “Di bagasan sataon, songon leleng ni masa kerja ni sahalak parkarejo,* marujung ma sude hasangapon ni Kedar.+ 17 Holan saotik nama na tinggal tentara ni Kedar na mamakke panah. Ai songon i do didok Jahowa Debata ni Israel.”
22 Barita panguhuman tu rura inganan ni Debata patuduhon parnidaan,*+
Ai aha do na masa tu ho umbahen na nakkok sude pendudukmu tu atap?
2 Digohi soara na gaor do kotam,
Kota na gaor na marsonang-sonang.
Mate do akka pendudukmu alai dang alani podang,
Jala dang alani mate di parporangan.+
3 Rap lari do sude pamimpinmu na kejam i,+
Alai dang pola porlu panah lao manakkup nasida.
Nang pe lari nasida sadao ni daona,+
Alai dapot do nasida sude jala ditakkup.
4 Alani i ma hudok, “Unang pola ida hamu au,+
Pasombu hamu ma au mangandungi.
5 On ma ari ni Tuan Natumimbul Jahowa Pamimpin ni Akka Tentara,*
Dibahen Ibana do nasida gaor, talu, jala busisaon+
Di rura inganan ni Debata patuduhon parnidaan i.
Maruppak ma akka tembok+
Jala tarbege ma angguk-angguk sahat tu dolok.
7 Gok kareta porang ma akka ruram na dumenggan i
Jala nungnga rade akka siboan hoda* di akka gerbang,
8 Diruppakkon ma tembok partahanan* ni Juda.
“Di ari i, ditatap ho ma tu inganan ni sinjata na di Jabu Tombak Libanon.+ 9 Jala idaonmu ma akka lubang di akka tembok Kota ni si Daud.+ Jala papunguonmu ma aek sian kolam na di toru.+ 10 Dipareso ho ma akka jabu di Jerusalem, jala ruppakkononmu ma deba sian i asa lam togu tembok ni kota. 11 Bahenonmu ma sada inganan di holang-kolang ni dua tembok lao manampung aek sian kolam na ulleleng. Alai dang diida ho doppak Debata na sangap na mambahen i, jala dang diida ho Debata naung paradehon i di tikki naung salpu.
12 Di ari i suruon ni Jahowa Pamimpin ni Akka Tentara Tuan Natumimbul i ma ho,
Suruonna ma ho tangis jala mangandungi,+
Mancukkur obuk na di ulum jala mamakke abit goni.
13 Alai mekkel-ekkel jala marpestai do hamu,
Diseati hamu do lombu jala dipotong hamu do biru-biru,
Mangallang jagal jala minum anggur do hamu.+
Didok hamu do ‘Beta mangan minum ma hita, ai mate do hita marsogot.’”+
14 Dung i dipaboa Jahowa Pamimpin ni Akka Tentara i ma songon on tu pinggolhu, “Dang na lao disesa hasalaanmuna i sahat tu na mate hamu,’+ didok Tuan Natumimbul Jahowa Pamimpin ni Akka Tentara i.”
15 Songon on ma hata ni Tuan Natumimbul Jahowa Pamimpin ni Akka Tentara i, “Lao ma ho manjuppangi si Sebna+ pangurus ni istana* i. Dokkon ma tu ibana, 16 ‘Ai marhua ho tuson? Ai adong huroha hakmu mambahen kuburanmu dison?’ Dibahen ibana do kuburanna di inganan na timbo.* Dipahat ibana do dolok batu lao mambahen kuburan* di ibana. 17 ‘Ida ma, sappattonon ni Jahowa ma ho massai gogo tu toru. Jala gomakonna ma ho. 18 Gulungonna ma ho gomos, jala disappatton ma ho songon bola tu tano na bidang. Mate disi ma ho jala marujung ma hasangapon ni kareta porangmi. Gabe maila ma keluarga ni tuanmu alani i. 19 Dipecat ma ho sian jabatanmu jala dipaturun ma ho sian pangkatmi.
20 “‘Di ari i, jouokku ma naposokku si Eliakim+ anak ni si Hilkia, 21 pakkehonokku ma jubahmu tu ibana, talihonokku ma gomos ikat pinggangmu tu ibana,+ jala lehonokku ma luat na diparetta ho* tu tanganna. Ibana ma na gabe ama tu akka penduduk ni Jerusalem dohot tu halak Juda. 22 Bahenokku ma kucci harajaon ni si Daud+ di bahuna. Manang aha pe na dibukka ibana, dang boi ditutup manang ise pe. Jala manang aha naung ditutup ibana, dang boi dibukka manang ise pe. 23 Pattikkonokku ma ibana songon patok di inganan na hot saleleng ni lelengna. Songon tahta na mamboan hasangapon ma ibana tu keluarga ni bapakna. 24 Tu ibana ma digattukkon nasida sude hamuliaon ni keluarga ni bapakna, anakna, dohot sude akka pinoppar ni nasida, sude inganan na gelleng, sude makkuk, dohot sude inganan na balga.
25 “‘Di ari i, didok Jahowa Pamimpin ni Akka Tentara ma, “Cabuton ma patok na dipattikkon di inganan na adong saleleng ni lelengna i.+ Dung i diponggolhon ma i jala didabuhon. Gabe madabu ma sude boban na adong di atasna jala hancur. Ai Jahowa sandiri do naung mandok i.”’”
23 Barita panguhuman tu Tirus:+
Mangandungi ma ho sagogo ni gogona ale akka kapal ni Tarsis!+
Ai nungnga dihancurhon be pelabuhanmuna jala dang boi be hamu masuk tusi.
Jala nungnga dipaboa i tikki di Kittim.+
2 Sip ma hamu ale akka na tinggal di topi ni laut.
Dohot akka partiga-tiga Sidon+ na manaripari laut na mambahen ho mamora.
3 Diboan marhite laut do gandum* na sian Sihor,*+
Dohot hasil panen na sian Sunge Nil,
Mandapot uttung ma Tirus sian i,
Jala parohon laba ma i tu akka bangso.+
4 Maila ma ho ale Sidon, partahanan ni laut,
Ai didok laut do songon on,
“Dang hea huhilala haccit ni na partus, ai so hea dope au partus,
Jala dang hea dope hupagodang-godang doli-doli manang anak boru.”*+
5 Busisaon do akka halak mambege barita taringot tu Tirus,+
Dos songon tikki dibege nasida barita taringot tu Mesir.+
6 Manaripar ma hamu tu Tarsis!
Mangandungi ma hamu sagogo ni gogona ale akka na tinggal di topi ni laut!
7 Ai on do kotamuna na toktong marlas ni roha sian najolo, mulai sian na dipajongjong?
Jotjot hinan do lao pat ni akka penduduk ni kota i tu inganan na dao jala tinggal disi.
8 Ise do na manottuhon masa on sude tu kota Tirus,
Kota na mamillit akka pamaretta,
Na partiga-tigana akka pamimpin,
Jala na panuhorna akka na sangap?+
9 Jahowa Pamimpin ni Akka Tentara* do na manottuhon i,
Lao pailahon sude halak na sangap di tano on,+
Asa unang ginjang be rohana alani haulionna i.
10 Ale boru Tarsis, taripari hamu ma luatmuna i songon Sunge Nil.
Ai dang adong be disi inganan paturehon kapal.*+
11 Ai nungnga dipatoltol Debata tanganna doppak laut,
Dihutur Ibana do akka harajaon.
Jala diparettahon Jahowa do asa dihancurhon benteng ni Penisia.*+
12 Didok Ibana do, “Ale ho naung hona tindas, anak boru ni Sidon,
Dang marsonang-sonang be ho.+
Hehe ma ho, manaripar ma ho tu Kittim.+
Alai disi pe dang adong dapotmu hasonangan.”
13 Ida ma luat ni halak Kasdim.+
Nasida do hape halak na disi, dang akka halak Asiria.+
Nasida do na mambahen luat i gabe inganan ni binatang na di gurun.
Dipajongjong nasida do menara parporangan,
Diruppakkon nasida do menara partahananna,+
Jala dibahen nasida do kota i gabe hancur.
14 Mangandungi ma ho sagogo ni gogona, ale akka kapal ni Tarsis!
Ai nungnga dihancurhon be benteng partahananmu.+
15 Di ari i, dilupahon ma Tirus saleleng 70 taon,+ songon leleng* ni sahalak raja mangolu. Di ujung ni na 70 taon i, na masa tu Tirus i dos ma songon pelacur na di ende on:
16 “Ale boru-boru na so hasea naung dilupahon, buat ma harpa jala lao ma ho makkalilingi kota.
Denggan ma piltik harpami,
Endehon ma godang ende,
Asa diingot nasida ho.”
17 Di ujung ni na 70 taon i, diparrohahon Jahowa ma muse kota Tirus. Gabe songon pelacur na manjalo upa ma muse kota i. Dijual ibana do dirina tu sude harajaon na di liat portibi on. 18 Alai uttung dohot upa na dijalo ibana, gabe bagian na badia do i di Jahowa. Dang na lao disippan i, manang na lao dipapungu-pungu. Ai dilehon do upana i tu akka naposo ni Jahowa, asa mangan nasida sappe butong jala mamakke baju na arga.+
24 Ida ma! Dipakosong Jahowa do luat* i jala dibahen tarulang.+
Disursari* Ibana do luat i+ jala marserak dibahen pendudukna.+
2 Dos do sitaonon ni ganup halak,
Rakyat dohot malim,
Hatoban bawa dohot tuanna,
Hatoban borua dohot tuanna borua,
Panuhor dohot panggadis,
Na papinjappon dohot na maminjam,
Na pautangkon dohot na marutang.+
4 Mangandungi* ma luat i,+ jala gabe harsang.
Tano na subur gabe harsang jala koring.
Jala lam otik ma halak na sangap di luat i.
5 Nungnga sega luat i alani pendudukna,+
Ai dilanggar nasida do patik,+
Digatti nasida do aturan,+
Jala dang diulahon nasida parjanjian+ na marlakku saleleng ni lelengna.*
6 Alani i do diburai luat i jala gabe sega,+
Jala pendudukna didok marsala.
Alani i do lam moru penduduk ni luat i,
Jala otik nama na tinggal.+
7 Koring ma anggur na baru, jala malos ma hau anggur,+
Jala marsak ma sude halak na marlas ni roha hian.+
8 Dang adong be na marlas ni roha alani soara ni rebana,*
Dang adong be soara ni na marsurak marlas ni roha,
Jala dang tarbege be soara ni harpa na parohon las ni roha.+
9 Dang adong be halak na minum anggur huhut marende,
Jala paet nama dai ni alkohol di halak na manginum i.
10 Nungnga maruppak+ be kota na tarulang i,
Nungnga ditutup be sude jabu asa unang adong na boi masuk.
11 Marsurak do nasida di akka dalan lao mangido anggur.
Nungnga salpu be sude las ni roha i,
Nungnga marujung be las ni roha ni luat i.+
12 Dipasombu do kota i hancur,
Marropangan do sude gerbangna jala hancur.+
13 Songon on ma na ikkon masa tu bangsokku di luat na di tonga-tonga ni bangso na asing:
Dos ma nasida songon parbue ni hau jetun na tinggal dung diattuk hauna,+
Dos songon parbue ni anggur na tinggal dung sae musim panen anggur.+
14 Gogo ma soara ni nasida,
Marsurak ma nasida marlas ni roha.
Mulai sian barat,* dibaritahon nasida ma hamuliaon ni Jahowa.+
15 Jala dipasangap nasida ma Jahowa di timur,*+
Dipasangap nasida ma goar ni Jahowa Debata ni Israel+ di akka pulo na di laut.
16 Sian akka ujung ni tano on, tarbege ma halak marende:
“Hamuliaon* ma tu Debata Natigor!”+
Alai dohonokku ma, “Na dangol do au, na dangol do au!
Marjea ma au! Manghianat do halak jala mangoto-otoi donganna,
Tutu, torus do nasida manghianat jala dioto-otoi do donganna.”+
17 Hamu penduduk ni akka luat, adong do ancaman, lubang, dohot jorat na paima-imahon hamu.+
18 Akka na lari sian soara na parohon biar madabu tu lubang,
Jala halak na kaluar sian lubang hona jorat.+
Bukka ma akka pintu ni aek na di langit,
Jala humutur ma tano on.
20 Goyang ma tano on songon halak na mabuk,
Dos songon sopo-sopo na niullus ni alogo.
Dabu ma ibana alani borat ni hasalaanna,+
Jala dang tolap be ibana jongjong.
21 Di ari i diparrohahon Jahowa ma akka tentara na di ginjang,
Dohot akka raja na di tano on.
22 Dipapungu ma nasida sude,
Songon halak na tarhurung na dipapungu tu lubang,
Dipenjarahon ma nasida di toru ni tano,
Jala leleng do asa diparrohahon nasida.
23 Maila ma bulan purnama,
Jala maila ma mataniari na marsinondang,+
Ai nungnga gabe raja+ Jahowa Pamimpin ni Akka Tentara* di Dolok Sion+ dohot di Jerusalem,
Jala dipatuduhon do hamuliaonna di jolo ni akka pangituai* ni bangsona.+
25 Ale Jahowa, Ho do Debatakku.
Hupasangap do Ho, jala hupuji do goarmu,
Ai nungnga dibahen Ho akka tanda halongangan,*+
Akka naung direncanahon* Ho sian najolo,+
Dipasaut Ho do hatami jala dipatuduhon Ho do na boi Ho dihaporseai.+
2 Ai dibahen Ho do kota gabe batu na martimbun-timbun,
Jala hancur do dibahen Ho kota na martembok.
Dang adong be benteng partahanan ni bangso na asing,
Jala dang na lao dipajongjong be i muse.
3 Alani i do dipasangap bangso na gogo Ho,
Jala mabiar do kota ni akka bangso na kejam tu Ho.+
4 Gabe benteng partahanan do Ho tu akka na lea,
Benteng partahanan ni halak na pogos di tikki susa,+
Inganan parlinggoman sian udan haba-haba,
Jala inganan marlinggom sian las ni ari.+
Dilehon Ho do parlinggoman tikki muruk situtu halak na kejam na dos songon haba-haba na manombom tembok,
5 Jala songon mohop ni ari di luat na harsang,
Dipasip Ho do songgak-songgak ni bangso na asing.
Dos songon ombun na mangorui mohop ni ari,
Dipaso Ho do ende ni halak na kejam.
6 Di dolok on+ do dibahen Jahowa Pamimpin ni Akka Tentara* i
Pesta na gok sipanganon na massai tabo tu sude bangso,+
Sipanganon na tabo, na gok jagal na dumenggan,*
Pesta na paradehon anggur na dumenggan,*
Anggur na disaring.
7 Di dolok on ma dibolokkon* Ibana kain* na mambukkus sude bangso
Dohot kain na manutupi sude bangso.
8 Boddutonna* ma hamatean saleleng ni lelengna,+
Jala apusan ni Jahowa Tuan Natumimbul i ma ilu-ilu sian sude bohi.+
Padaoonna ma sian liat portibi on sude na mambahen marlea bangsona
Ai Jahowa sandiri do na mandok i.
9 Di ari i didok nasida ma,
“Ida ma! Ibana do Debatanta!+
Ibana do Jahowa!
Marhaposan tu Ibana do hita.
Marlas ni roha jala marolop-olop ma hita, ai Ibana do na paluahon hita.”+
10 Tangan ni Jahowa ma na mangalinggomi* dolok on,+
Didege-dege ma Moab di luatna sandiri+
Songon durame na didege-dege di inganan ni pupuk.
11 Diattuk Ibana ma tanganna tu Moab
Songon pangattuk ni tangan ni parlange tikki marlange
Patutoruonna ma ginjang ni roha+ ni Moab
Mamakke tanganna na gogo i.
12 Diruppakkon Ibana ma akka kotamuna na martembok,
Tembok partahanan na massai timbo,
Hancur ma i bahenonna sappe songon orbuk ni tano.
26 Di ari i diendehon ma ende on+ di luat ni Juda:+
“Togu do kotatta on.+
Dibahen Ibana do haluaon gabe tembok dohot benteng ni kota i.+
2 Bukka ma gerbangna i,+ asa masuk bangso na sittong tusi,
Bangso na toktong mangulahon lomo ni roha ni Debata.
3 Dijaga Ho do halak na mangasahon Ho sian nasa rohana,*
Toktong do dilehon Ho tu nasida hadameon,+
Ai porsea do nasida tu Ho.+
4 Porsea ma hamu tu Jahowa saleleng ni lelengna,+
Ai Jahowa,* Jahowa i do Dolok Batu+ na hot saleleng ni lelengna.
5 Dipatutoru Ibana do halak na sombong dohot kota na ginjang roha.
Dipatutoru Ibana do kota i,
Dibahen Ibana do i madabu tu tano,
Disappatton Ibana do i tu orbuk.
6 Dege-degeon ni pat ma i,
Pat ni akka halak na susa, dohot pat ni akka halak na dibahen marlea.”
7 Tigor do dalan ni halak na tigor marroha.
Dipadosdos Ho do dalanna,
Ai tigor do roham.
8 Saleleng diihutton hami dalan hatigoranmi ale Jahowa,
Tu Ho do hami marpos ni roha,
Lomo do rohanami toktong mangingot Ho dohot goarmi.*
9 Di tikki borngin masihol do rohakku tu Ho,
Sai dilului rohakku do Ho,+
Ai tikki diuhumi Ho tano on,
Diparsiajari penduduk ni luat i ma akka na sittong.+
10 Nang pe dipatudu asi ni roha tu halak na jahat,
Dang na lao parsiajaranna na sittong.+
Nang pe di luat hasittongan ibana tinggal, toktong do ulahononna na jahat,+
Jala dang na lao idaonna hasangapon ni Jahowa.+
11 Ale Jahowa, nungnga diangkat Ho tanganmu lao mangalo nasida, alai dang diida nasida i.+
Gabe maila ma nasida tikki diida nasida balga ni holongmu tu bangsomi.
Pasudaon ni apimu na marsigorgor i ma akka musum.
12 Ale Jahowa, Ho do na mangalehon dame tu hami,+
Ho do na mangalehon gogo di hami
Lao mangulahon sude ulaonnami.
13 Ale Jahowa Debatanami, asing ni Ho hea do hami dirajai halak na asing,+
Alai holan goarmu do na dipuji hami.+
14 Mate do nasida, jala dang na lao mangolu be nasida.
Dang margogo nasida mangalo+ hamatean, jala dang na lao hehe be nasida.
Ai nungnga ditottuhon Ho lao manguhumi nasida jala pamatehon nasida sude,
Asa unang adong be na mangingot nasida sude.
15 Ale Jahowa, lam godang do dibahen Ho bangsomi,
Lam tamba godang do dibahen Ho bangso i,
Dibahen Ho do mulia dirim.+
Dibahen Ho do tamba bidang akka parbatasan ni luat i.+
16 Ale Jahowa, dilului nasida do Ho di tikki susa,
Tikki dihukum Ho nasida, martangiang do nasida sappe mangubit-ubit lao paboahon nasa na di roha ni nasida.+
17 Songon halak na naeng partus ma hami,
Na sai mangangguki alani haccitna,
Songon i ma na huhilala hami ala na binahenmi, ale Jahowa.
18 Hamil do hami, jala haccitan ala naeng partus,
Alai songon na naeng manubuhon alogo do hami.
Dang adong na boi huulahon hami lao paluahon luat i,
Jala dang adong na hutubuhon hami na lao tinggal di luat i.
19 Didok Debata ma, “Mulak mangolu do muse akka jolma naung mate.
Na lao hehe do bakke ni akka bangsokki.*+
Hamu akka na tinggal di orbuk!+
Dungo ma hamu jala marsurak ma marlas ni roha,
Nambur na dabu tu hamu dos songon nambur di tikki manogot,*
Jala pasombuon ni tano i ma mulak mangolu muse akka halak na so margogo mangalo hamatean.*
21 Au Jahowa, na lao kaluar nama Au sian inganakku,
Lao manjou penduduk ni luat i jala manghukum nasida alani hasalaan ni nasida,
Patuduhonon ni luat i ma mudar naung diusehon di atasna,
Jala dang buni be akka jolma naung dibunu i.”
27 Di ari i, dipakke Jahowa ma podangna+ na balga, na tajom jala na parohon biar,
Pakkeonna ma i lao pamatehon Lepiatan,*
Ulok na hatop mangissir i jala na margellok-gellok.
Pamateonna ma ulok raksasa na mangolu di laut i.
2 Di ari i, endehon ma sada ende tu borua* i:
“Ladang anggur na parohon anggur siinumon!*+
3 Au do Jahowa na manjaga ibana.+
Ganup tikki do husiram ibana.+
Hujaga do ibana arian nang borngin,
Asa unang adong na manegai ibana.+
4 Dang muruk be Au tu ibana.+
Molo adong musu na mangalo Au marhite suga-suga dohot ramba,
Hudege-dege ma i jala tutungokku sudena.
5 Lok ma dilului ibana parlinggoman tu bentengku.
Lok ma mardame ibana dohot Au,
Tutu, lok ma mardame ibana dohot Au.”
6 Di ari na naeng ro marurat ma si Jakkob jala togu songon hau,
Songon hau na balga ma Israel na gok bungana,+
Jala parbue ni hau i manggohi sude tano on.+
7 Alai boasa ma ikkon borat hukuman na dibahen tu ibana?
Manang boasa ma songon i kejamna lao mambunu ibana?
8 Gogo do Ho marsuraki tikki maralo dohot ibana, jala tikki disuru Ho ibana lao.
Muruk situtu do Ho tikki dipalao Ho ibana dos songon alogo na mangullus sian timur.+
9 Marhite songon i, disesa ma dosa ni pinoppar ni si Jakkob,+
Jala on ma hasilna molo nungnga disesa sude dosana i:
Dibahen Ibana ma sude batu na di langgatan
Gabe songon batu kapur na digiling halus,
Jala dang adong be tiang sisombaon* manang inganan manutung dupa.+
10 Tarulang ma kota na marbenteng i,
Ditinggalhon ma inganan panjappalan na disi jala dipasombu gabe songon tombak.+
Disi ma anak ni lombu mangallang ramba jala modom,
Diallangi ma sude akka dakkana.+
11 Molo dung koring akka rattingna,
Ro ma akka borua jala diponggoli ma i,
Dibahen ma i gabe soban.
Ai dang adong parbinotoan ni bangso on.+
Alani i do dang asi roha ni Sitoppa nasida mangida nasida,
Jala dang marpamuati roha ni Debata Panoppa i tu nasida.+
12 Ale Israel,+ di ari i attukon ni Jahowa ma parbue ni hau i jala dipapungu ma i sada-sada. Papunguonna ma hamu, akka naung marserak mulai sian Sunge Euprat sahat tu Wadi* Mesir.+ 13 Di ari i, diombus ma tarompet na balga na sian tanduk.+ Ro ma sude akka halak na naeng mate na adong di luat Asiria,+ jala na marserak di Mesir.+ Ro ma nasida marsomba tu Jahowa di dolok na badia na di Jerusalem.+
28 Marjea ma mahkota* na dibangga-banggahon* akka parmabuk na sian Epraim,+
Kota na di atas ni rura na subur, inganan ni akka halak na mabuk dibahen anggur,
Ai na lao salpu nama haulion ni mahkotana i, dos songon bunga na naeng malos!
2 Ida ma! Suruon ni Jahowa ma sasahalak na gogo jala na jago.
Disappatton Ibana ma mahkota i massai gogo tu tano on,
Dos songon udan es na mardongan ronggur na gogo dohot alogo halisuksung,
Jala songon udan na doras na mambahen banjir na mardongan sillam.
3 Didege-dege nama mahkota i di toru ni pat,+
Akka mahkota na dibangga-banggahon* ni akka parmabuk na sian Epraim.
4 Nang pe di atas ni rura na subur kota i,
Alai gabe songon bunga na naeng malos nama haulionna,
Jala gabe songon parbue ni hau ara na parjolo malamun andorang so musim panas nama i,
Disi diida halak, pittor diputikkon ma i jala diboddutton.
5 Di ari i, Jahowa Pamimpin ni Akka Tentara* i gabe songon mahkota hamuliaon dohot songon hiasan ni ulu na uli di akka bangsona na tinggal dope.+ 6 Bahenonna ma akka hakim i mangadili marhite cara na sittong. Jala Ibana ma na gabe Silehon gogo tu akka halak na mangusir akka musu na ro tu gerbang.+
7 Dohot do nasida gabe lilu alani anggur,
Siinumon na maralkohol mambahen nasida mirdong.
Malim dohot panurirang* nungnga lilu alani alkohol,
Dang boi be nasida marpikkiran na denggan* alani anggur,
Mirdong ma nasida alani siinumon na maralkohol,
Parnidaan ni nasida pe mambahen nasida gabe lilu,
Gabe marpilitan ma nasida mambahen keputusan tikki mangadilii.+
8 Gok uta-uta do meja ni nasida,
Dang adong inganan na so hona uta-uta.
9 Dohonon ni nasida ma, “Tu ise do diajarhon ibana parbinotoan i?
Jala tu ise do naeng dipatorang ibana barita i?
Na songon poso-poso na baru sirang susu do hita di ibana?
Na songon dakdanak na baru sae manusu do hita di ibana?
10 Ai didok ibana do, ‘Ihutton paretta on dung i paretta an, ihutton paretta on dung i paretta an,
Tali di ginjang ni tali, tali di ginjang ni tali,*+
Otik dison, otik disan.’”
11 Marhite halak na gagap* dohot halak na makkatai di bahasa na asing ma Ibana makkatai tu bangso on.+ 12 Hea do didok Debata tu nasida, “On ma inganan lao maradi. Lok ma maradi halak na loja dison, on do inganan lao mambahen hamu margogo muse.” Alai dang olo nasida manangihon hata i.+ 13 Ai songon on do didok roha ni nasida hata ni Jahowa i:
“Ihutton paretta on dung i paretta an, ihutton paretta on dung i paretta an,
Tali di ginjang ni tali, tali di ginjang ni tali,*+
Otik dison, otik disan.”
Alani i, tikki mardalan nasida,
Tartuktuk ma nasida jala tunggaling tu pudi
Lukka ma nasida, tarjorat, jala ditakkup.+
14 Alani i, tangihon hamu ma hata ni Jahowa, hamu ale siginjang roha,
Hamu ale akka pamimpin ni bangso on na di Jerusalem,
15 Didok hamu do,
Molo ro banjir na balga,
Dang na lao sahat i tu hami
Ai gabus do hubahen hami inganan parlinggomannami,
Jala martabuni do hami di na so sittong.”+
16 Alani i, songon on ma didok Jahowa Tuan Natumimbul i,
“Hupeakkon do di Sion batu naung diuji gabe fondasi,+
Manang ise na porsea di ibana dang na lao busisaon.+
Ro ma udan es pasudahon parlinggomanmuna, i ma gabus i,
Jala hona banjir ma ingananmuna martabuni i.
Molo ro banjir na balga,
Hancur ma hamu bahenonna.
Molo dung mabiar, attusan ni nasida ma aha naung binege ni nasida.”*
20 Ai podoman i pe papendekku do gabe inganan ni nasida peak,
Jala hurang bidang do kain na ditonun i lao gabe salimut.
21 Ai ro nama Jahowa songon na masa di Dolok Perazim,
Bahenonna ma dos songon na masa di rura na jonok tu Gibeon,+
Asa boi dibahen Ibana akka ulaonna, i ma akka ulaonna na so somal.
Asa dipasaut Ibana akka ulaonna, i ma akka ulaonna na palongang roha.+
22 Saonari unang leas rohamuna,+
Asa unang lam gomos pangikkatmuna i,
Ai nungnga hubege sian Tuan Natumimbul Jahowa Pamimpin ni Akka Tentara i,
Naung ditottuhon Ibana lao pamatehon sude penduduk ni luat i.*+
23 Patinggil hamu ma pinggolmuna jala tangihon ma soarakku,
Parrohahon jala tangihon hamu ma hatakku.
24 Ai ganup ari do partani mambajak tanona?
Torus do disarsari ibana tanona jala dang disabur ibana boni tu tano i?+
25 Ai molo dung dipadosdos ibana tano na dibajak i,
Saburonna do boni ni jintan na birong* dohot jintan na bottar,
Jala suanonna do gandum, sekoi, dohot barli* di ingananna be
27 Ai dang papan na dipakke lao mardege+ dibahen lao manghancurhon jintan na birong,
Jala dang dipakke roda ni padati lao mandege-dege jintan na bottar.
Alai anggo jintan na birong, diattuki do i pakke hau.
Jala jintan na bottar mamakke tukkot.
28 Tikki mardege gandum halak di inganan pardegean,
Torus do i didege-dege ibana sappe lamot?
Daong, dang didege-dege i sappe lamot.+
Tikki dipakke ibana roda ni padati na ditarik hoda lao mardege gandum,
Pastihononna do asa unang sappe hancur gandum i.+
29 Sian Jahowa Pamimpin ni Akka Tentara do sudena i,
Sude sipasingot na nilehonna* palongang roha,
29 “Marjea ma kota Ariel,* kota Ariel inganan ni si Daud markemah!+
Sian taon tu taon,
Toktong ma bahen perayaan.+
2 Parookku ma hasusaan tu kota Ariel,+
Mangangguki jala mangandungi ma disi akka jolma,+
Gabe songon inganan panutungan di langgatan ni Debata ma kota i.+
3 Markemah ma Au di sakalilingmuna lao mangalo hamu,
Hukepung ma hamu mamakke akka hau na dipatajom,
Jala hupajongjong ma akka pagar lao mengepung hamu.+
4 Didabuhon ma ho jala dipaila,
Jala makkatai ma ho sian tano,
Gabe hurang takkas ma soaram alani orbuk.
Tarbege ma soaram sian tano+
Songon soara ni datu,
Jala hatam na kaluar sian orbuk i, songon soara ni na marhusip-husip.
5 Gabe songon orbuk ma sude musum,*+
Gabe songon lapung ni eme*+ na niullus ni alogo ma akka halak na kejam,
Toppu do i masa, jala holan sakkidop mata.+
6 Linggoman ni Jahowa Pamimpin ni Akka Tentara* ma ho
Marhite ronggur, gempa, dohot soara na gogo,
Marhite halisuksung, badai, dohot api na marsigorgor.”+
7 Dung i gabe songon nipi di tikki borngin nama sude bangso na marpungu lao marporang mangalo Ariel,+
Dohot sude na marporang mangalo ibana,
Sude menara parporangan na dipajongjong mangalo ibana,
Songon i nang akka halak na mambahen ibana susa.
8 Tutu, dos ma i songon halak na male na marnipi mangan ibana,
Hape tikki dungo, male do ibana,*
Jala dos songon halak na mauas na marnipi minum ibana,
Hape tikki dungo, loja jala mauas do ibana.*
Songon i ma na lao masa tu sude bangso na godang i,
Akka na marporang mangalo Dolok Sion.+
9 Tarsonggot jala longang+ ma hamu ale akka penduduk ni Ariel,
Bahen ma mapitung matamuna asa unang boi marnida.+
Mabuk do akka pamimpinmuna, alai dang alani anggur,
Mirdong do nasida, alai dang alani alkohol.
10 Ai nungnga dibahen Jahowa hamu renges modom,+
Tutuponna do mata ni akka panurirang,*+
Jala tutuponna do ulu ni akka na mangida parnidaan.+
11 Songon hata na sian bukku na disegel ma sude parnidaan i di hamu.+ Tikki dipangido nasida asa gogo i dijahahon sasahalak na boi manjaha, dohononna ma, “Dang boi hujaha i, ai disegel dope bukku on.” 12 Jala tikki dipangido nasida asa dijaha sasahalak na so boi manjaha bukku i, dohononna ma, “Dang boi au manjaha, buta huruf do au.”
13 Didok Jahowa ma, “Didok pamangan ni bangso on do na disomba nasida Au,
Jala didok nasida do na dipasangap bibir ni nasida Au,+
Alai dao do roha ni nasida sian Au,
Jala dihabiari nasida pe Au, holan alani paretta ni jolma na diajarhon tu nasida do.+
14 Alani i, bahenokku ma muse akka mukjizat tu bangso on,+
Akka ulaon na hebat na palongang roha,
Jala mago ma sude habisukon ni akka halak na marbisuk,+
Jala dang jalookku pangattusion ni halak na pistar.”
15 Marjea ma halak na marsitutu manabunihon sakkap* ni nasida sian Jahowa.+
Diulahon nasida do i di inganan na golap,
Huhut didok nasida, “Ai ise ma huroa na mangida hita?
Jala ise ma huroha na mamboto aha na taulahon?”+
16 Ai malo do hamu mangaliluhon halak!*
Ai boi do huroha dipatudos sitopa hudon tu tano liat?+
Tama do dohonon ni barang na ditopa tu panopana songon on?
“Dang ibana na mambahen au.”+
Tama do dohonon ni barang na dibahen tu na mambahen songon on?
“Ai so diboto ibana agia aha.”+
18 Di ari i, begeon ni halak na nengel ma hata na sian bukku i,
Malua ma halak na mapitung sian na golap dohot na holom, jala marnida ma nasida.+
19 Marlas ni roha situtu ma halak na lambok roha alani Jahowa,
Jala marlas ni roha situtu ma halak na pogos alani Debata Nabadia ni Israel.+
20 Ai dang adong be halak na kejam,
Dipamate nama sude akka siginjang roha,
Jala dipamate nama sude halak na sai naeng mangulahon na jahat,+
21 Didok nasida do hata na so tutu lao mambahen halak na asing marsala,
Dibahen nasida do jorat tu halak na mambela na so marsala* di gerbang ni kota,+
Jala dibahen nasida do tuduhan na so sittong lao mangabbati halak mandapot hukum na tigor.+
22 Songon on ma hata ni Jahowa na manobus si Abraham+ tu pinoppar ni si Jakkob,
23 Ai tikki diida ibana akka anakkonna,
Na binahen ni tanganku di tonga-tongana,+
Pasangapon ni nasida ma goarhu,
Tutu, pasangapon ni nasida ma Debata Nabadia ni si Jakkob,
Jala jongjong ma nasida mamuji Debata ni Israel.+
24 Luluan ni akka halak na so mamboto aturan ma cara asa mangattusi,
Jala jaloon ni halak na marungut-ungut ma tudu-tudu.”
30 “Marjea ma akka anak sijogal rukkung,”+ ninna Jahowa,
“Na mangulahon sakkapna sandiri, dang sakkappu,+
Na mambahen parjanjian dohot na asing,* alai maralo tu lomo ni rohakku,
Alani i, gabe martamba-tamba ma dosa ni nasida.
2 Lao do nasida tu Mesir,+ so jolo disukkun Au,*+
Dipangido nasida do tu si Firaun asa dilinggomi nasida,
Marlinggom do nasida di toru ni Mesir!*
3 Alai gabe maila do hamu alani parlinggoman na sian si Firaun,
4 Di Zoan+ do akka pamimpinna,
Jala akka halak na disuru nungnga sahat di Hanes.
5 Pailaon ni bangso Mesir ma nasida sude,
Ai dang dilehon bangso i manang aha tu nasida,
Dang sanggup bangso i mangurupi jala dang parohon uttung,
Holan mambahen maila jala marlea do bangso i.”+
6 Barita panguhuman tu akka binatang na sian selatan:
Mamolus do nasida sian luat na gok hasusaan dohot sitaonon
Sian luat inganan ni singa, singa na marauang,
Sian inganan ni ulok, ulok na boi habang jala na marbisa,*
Diboan nasida do arta ni nasida di tanggurung ni halode,
Jala diboan nasida do akka na porlu di nasida di tanggurung ni unta.
Alai dang marguna i sude tu bangso Israel.
7 Ai dang adong guna ni parlinggoman ni Mesir.+
Hugoari ma ibana, “Rahab,*+ na sai holan na hundul.”
8 “Saonari, lao ma ho, suratton ma sudena i di sada batu panuratan* di jolo ni nasida,
Suratton ma i di sada bukku,+
Asa marguna i tu ari na naeng ro,
Lao gabe bukti na adong sahat tu saleleng ni lelengna.+
10 Didok nasida ma tu akka na boi mandapot parnidaan, ‘Unang be ida parnidaan,’
Jala tu akka na mangida parnidaan didok do, ‘Unang pola paboa tu hami parnidaan na sittong.+
Holan akka na mambahen las ni roha* ma paboa, jala akka parnidaan na so sittong ma baritahon.+
11 Lao ma hamu sian dalan na sittong i, manirpang ma hamu tu dalan na asing.
Unang be hatai hamu taringot tu Debata Nabadia ni Israel i tu hami.’”+
12 Alani i didok Debata Nabadia ni Israel i ma songon on,
“Dang dioloi hamu hatakku,+
Hata na mangoto-otoi jala na manipu do na dihaporseai hamu,
I do na diasakkon hamu,+
13 Alani i, gabe songon tembok na retak ma hasalaan i di hamu
Dos songon tembok naung retak sahat tu ginjang, na naeng maruppak.
Toppu nama i ruppak, di bagasan satokkin.
14 Diropukkon nama i dos songon gucci na balga na sian tano liat,
Diropukkon nama i sagogo ni gogona, sappe dang adong be na tinggal
Lao dipakke mambuat gara ni api sian inganan panutungan
Manang mambuat aek sian pambuangan ni aek.”*
15 Ai songon on do didok Jahowa Tuan Natumimbul Debata Nabadia ni Israel,
“Molo mulak hamu tu Au, pos rohamuna tu Au, jala toktong hamu tenang, malua do hamu,
Molo torus do hamu porsea jala dang busisaon, lam margogo ma hamu.”+
Alai dang olo hamu.+
16 Didok hamu do, “Dang olo hami. Tumagon nama lari hami marhoda!”
Molo songon i, lari ma hamu.
“Hoda na hatop marlojong do pakkeonnami!”+
Alai boto hamu ma na mangalele hamu pe hatop do marlojong.+
17 Mabiar do saribu halak holan alani ancaman ni sahalak musu,+
Lari do hamu sude holan alani ancaman ni lima halak
Holan saotik nama hamu na tinggal, dos songon tiang na di pussu ni dolok,
Dos songon tiang na dibahen gabe tanda di sada dolok.+
18 Alai sabar do Jahowa paima-imahon lao patuduhon asi ni rohana tu hamu+
Ro nama Ibana lao patuduhon asi ni rohana tu hamu.+
Ai Debata na adil do Jahowa.+
Marlas ni roha do sude na marhaposan tu Ibana.*+
19 Ai molo tinggal bangso on di Sion di Jerusalem,+ dang na lao tangis be ho.+ Pasti patuduhononna do asi ni rohana tu ho tikki mangangguki ho mangido asa diurupi Ibana. Pittor alusanna do ho disi dibege Ibana pangidoanmi.+ 20 Nang pe dilehon Jahowa hasusaan tu hamu gabe sipanganonmu, dohot sitaonon gabe siinumonmuna,+ alai dang ditabunihon Gurum na Sangap i be bohina sian hamu. Idaonmuna nama Gurum na Sangap i.+ 21 Molo manirpang hamu tu kanan manang tu kiri,+ begeonmuna ma hata sian pudimuna na mandok, “On do dalan i.+ Ihutton ma i.”
22 Disegai hamu ma akka patung na disomba hamu, i ma akka patung+ na dilappis dohot perak, dohot patung* na dilappis mas. Dibolokkon hamu ma i dos songon na mambolokkon kain na kotor na dipakke tikki haid. Dohononmuna ma, “Magigi au mangida ho!”*+ 23 Paroonna ma udan tu akka boni na disuan hamu.+ Godang situtu* ma hasil panenmuna.+ Jala di ari i, mangan ma akka binatangmuna di inganan na bolak na gok duhut-duhut.+ 24 Lombu dohot halode na dipakke mambajak pe dohot do mangallang sipanganon na tabo. Sipanganon ni nasida campuranna denggan jala nungnga jolo ditampi. 25 Di ari tikki dibunu godang halak, tikki maruppak akka menara, mardalan do aek na doras dohot sunge di sude dolok na timbo.+ 26 Di ari tikki dibukkus Jahowa lukka ni bangsona i,+ jala tikki na dipamalum lukka ni nasida* ala diattuk Debata nasida,+ marsinondang ma bulan purnama dos songon sinondang ni mataniari. Jala pitu hali loppit ma torang ni mataniari+ dos songon sinondangna saleleng pitu ari.
27 Ida ma! Nungnga ro Jahowa* sian na dao,
Mardongan muruk na marsigorgor do Ibana dohot ombun na tobal.
Hata na patuduhon muruk do na kaluar sian pamanganna,
Jala dos songon api na marsigorgor do dilana.+
28 Songon aek na doras do hosana, timbo ni aekna sahat tu rukkung,
Dihutur do akka bangso dos songon na mamiari lao mambolokkon akka na so marguna,
Jala dibahen do tali kokkang tu osang-osang ni akka bangso i+ lao mamboan nasida tu dalan na so sittong.
29 Songon ende ni halak di tikki borngin ma akka endemuna
Dos songon halak na paradehon* dirina lao tu perayaan,+
Jala marlas ni roha ma hamu
Songon halak na mardalan huhut diiringi soara ni suling,
Tikki mardalan tu dolok ni Jahowa, Dolok Batu ni Israel.+
30 Dibahen Jahowa ma tarbege soarana na marmulia i+
Di bagasan muruk,+ dipaturun Ibana ma tanganna+
Mardongan api na marsigorgor,+
32 Diayunhon Jahowa nama tanganna lao marporang mangalo halak Asiria.
Ganup diayunhon Ibana tukkot panguhuman i+
Lao manghukum nasida,
Diiringi soara ni rebana* dohot harpa+ do Ibana mangattukkon i.
Disusun do akka hauna di lubang na bagas jala na bidang,
Godang do disi dibahen hau jala adong do disi api na marsigorgor.
Tutungonna ma i sude,
Marhite hosa ni Jahowa na songon sunge belerang.
31 Marjea ma halak na lao tu Mesir lao mangido asa diurupi nasida,+
Na marpos ni roha tu kareta porang na godang,
Dohot tu hoda na gogo na dipakke lao marporang.
Alai dang mangasahon Debata Nabadia ni Israel i nasida,
Jala dang dilului nasida Jahowa.
2 Hape marbisuk do Debata, paroonna ma jea,
Pasautonna do akka hata naung nidokna.
Aloonna do akka parjahat
Jala hukumonna do akka halak na mangurupi parjahat.+
3 Ai jolma do halak Mesir, dang Debata,
Akka hoda ni nasida pe binatang do, dang suru-suruan.+
Molo dipatudu Jahowa huasona,*
Manang ise pe na ro mangurupi tartuktuk do,
Jala manang ise pe na diurupi madabu do,
Dung i rap mate ma nasida sude.
4 Ai songon on do didok Jahowa tu au,
“Songon singa na marauang, singa na poso na gogo na manjaga mangsana,
Na so mabiar tu akka parmahan na dijou lao mangalo ibana
Jala na so olo mundur
Nang pe nungnga marpungu nasida jala gaor lao mangalele singa i,
Songon i ma Jahowa Pamimpin ni Akka Tentara* molo dung turun lao marporang,
Lao mampartahatton Dolok Sion dohot pussuna.
5 Songon pidong na hatop habang, songon i ma hatop ni Jahowa Pamimpin ni Akka Tentara ro lao mampartahatton Jerusalem.+
Dilinggomi Ibana do i jala jagaonna.
Urupanna do i jala paluaonna.”
6 “Ale bangso Israel, nungnga takkas hamu mangalo Debata. Mulak ma hamu tu Ibana.+ 7 Di ari i, dibolokkon ganup halak ma akka debata ni nasida na so marguna jala na so mararga i. Dibolokkon nasida ma akka patung na sian perak dohot na sian mas, i ma akka patung na dibahen tangan ni nasida na mambahen nasida mardosa.
8 Mate ma halak Asiria dibahen podang, alai dang podang ni jolma,
Podang na pamatehon nasida dang podang ni jolma.+
Lari ma nasida alani podang i,
Jala dipaksa ma akka doli-doli ni nasida gabe hatoban.
9 Alani biarna, lari ma parlinggoman ni nasida na songon dolok batu i
Mabiar ma akka pamimpinna alani tiang na gabe tanda i,” ninna Jahowa,
Nappunasa api* di Sion jala nappunasa inganan panutungan di Jerusalem.
32 Ida ma! Adong nama sada raja+ na mangarajai di bagasan hasittongan,+
Jala akka pamimpin na mamaretta di bagasan hatigoran.
2 Ganup ma sian nasida gabe songon inganan partabunian sian alogo,
Songon inganan parlinggoman sian udan haba-haba,
Songon aek na mardalan di tonga-tonga ni luat na koring,+
Jala songon batu na balga* na boi inganan parlinggoman di tano na harsang.
3 Mata ni halak na marnida dang ditutup be,
Jala pinggol ni halak na marbinege, manangihon ma.
4 Gabe mamikkirhon parbinotoan ma halak na so manat marpikkir,
Jala dila ni halak na gagap, lancar jala takkas ma makkatai.+
5 Dang dohonon be halak na oto i halak na las rohana mangalehon,
Jala dang dohonon be halak na so hasea i halak na sangap,
6 Ai dohonon ni halak na oto do hata na so marguna,
Dirancang do akka na jahat di roha ni nasida,+
Asa manimbil akka halak* jala lomo do roha ni nasida mandok hata na so tutu taringot tu Jahowa,
Lomo do roha ni nasida toktong male halak na male,
Jala halak na mauas toktong dang dapot siinumon.
7 Akka na jahat do dirancang halak na so hasea,+
Dijujui nasida do halak na asing mangulahon ulaon na parohon ila,
Lao mambahen jea tu halak naung susa marhite hata gabus+
Nang pe halak na pogos i makkatahon hata na sittong.
8 Halak na las rohana mangalehon, dijujui do halak asa marlas ni roha mangalehon tu na asing,
Jala toktong do ibana marlas ni roha mangalehon.
9 “Hamu akka borua na sonang ngoluna, dungo ma hamu jala tangihon hamu ma soarakku!
Hamu akka anak boru na so parduli tu manang aha pe,+ parrohahon hamu ma hatakku!
10 Piga-piga ari dung salpu sataon, makkahitir ma ngolumuna, hamu akka na so parduli,
Ai sahat tu na salpu musim panen, dang na lao adong anggur na dipapungu hamu.+
11 Makkahitir ma hamu, ale akka borua na sonang!
Mabiar ma hamu akka na so parduli!
Bukka hamu ma pakkeanmuna,
Jala pakkehon ma abit goni di gottingmuna.+
12 Pukkuli hamu ma andoramuna jala mangandungi ma hamu
Andungi hamu ma ladang dohot porlak anggurmuna na marparbue i.
13 Ai ditutupi suga-suga dohot ramba na marsuga nama tano ni bangsokku,
Tutupanna do akka jabu na gok las ni roha hian,
Tutu, kota na gok las ni roha i.+
14 Ai nungnga ditinggalhon be kota na martembok i,
Nungnga ditinggalhon be kota na rame i.+
Opel+ dohot menara panjaga nungnga tarulang saleleng ni lelengna,
Gabe inganan na dihalomohon zebra,
Dohot inganan panjappalan ni biru-biru,+
15 Sahat tu na diusehon tondi ni Debata tu hita,+
Di tikki i gabe ladang ma akka gurun,
Jala alani lomakna, dirippu halak ma ladang i tombak.+
16 Di sude inganan i adong ma hatigoran dohot hasittongan,
Di gurun songon i nang di ladang.+
17 Hasil sian hasittongan, i ma hadameon+
Jala parbue ni hasittongan, i ma dame dohot hasonangan na saleleng ni lelengna.+
18 Toktong do bangsokku maringanan di inganan na dame,
Di inganan na aman jala na dame.+
19 Alai hancur ma tombak bahenon ni udan es
Jala diruppakkon ma kota i rata sahat tu tano.
20 Marlas ni roha ma halak na manabur boni di tano na di labbung ni aek,
33 Marjea ma ho, halak na mambahen hancur na so dihancurhon dope,+
Penghianat na so dihianati dope!
Dung sae dibahen ho hancur na asing, dihancurhon ma ho.
Dung sae dihianati ho na asing, dihianati ma ho.+
2 Ale Jahowa, patudu ma asi ni roham tu hami.+
Marhaposan tu Ho do hami.
3 Tikki tarbege soaram na gogo i, lari ma akka bangso.
Molo hehe Ho, marserak ma akka bangso.+
4 Rampason ni halak ma artamuna songon sihapor* na mokkus na pahabisson manang aha pe,
Hatop do i buaton ni nasida, dos songon pangallang ni sapunguan sihapor.
5 Dipasangap ma Jahowa,
Ai maringanan di inganan na timbo do Ibana.
Bahenonna do hasittongan dohot hatigoran manggohi Sion.
6 Di tikki i, bahenonna ma dame ngolum.
Paluaonna ma ho marhite cara na palongang roha, bisuk,+ parbinotoan, dohot biar mida Jahowa,+
I ma na gabe artana.
7 Ida ma! Marsurak ma di dalan akka tentara ni nasida* na barani,
Jala mangangguki ma sappe mokkik-hokkik akka halak na disuru lao mangalului pardamean.
8 Tarulang ma akka dalan,
Jala dang adong na mardalan sian i.
Dilanggar musu i do parjanjian,
Nungnga dileai ibana akka kota,
Dang parduli ibana manang na tu ise pe.+
9 Marsak situtu* ma luat i jala gabe harsang.
Maila ma Libanon, jala nungnga busuk be i.+
Nungnga songon gurun be Saron,
Jala marurus ma akka bulung-bulung di Basan dohot di Karmel.+
10 “Saonari, hehe nama Au,” ninna Jahowa,
“Bahenokku nama mulia Au,+
Jala bahenokku nama sangap dirikku.
11 Akka halak na jahat do hamu, dang marguna sude na di rohamuna i dohot na diulahon hamu.
Dos songon ramba na koring dohot durame do sudena i.
Suda ma hamu bahenon ni pangalahomuna na roa i, dos songon na disudahon api.+
12 Gabe songon sisa ni panutungan ni batu kapur ma akka halak.
Dos songon ramba na marsuga-suga na dirambas, na lao ditutung tu api.+
13 Sude hamu na dao, bege hamu ma aha na lao huulahon!
Jala hamu na jonok, akkui hamu ma na massai gogo Au!
14 Mabiar+ ma akka halak na mardosa di Sion.
Hitir-hitir ma akka halak na manimbil:
‘Ise ma sian hita na boi tahan tinggal di inganan ni api na marsigorgor?+
Ise ma sian hita na boi tinggal di labbung ni api na torus galak?’
15 Halak na toktong mardalan di dalan na sittong,+
Halak na makkatahon na tikkos,+
Na so olo manjalo uttung marhite manipu,
Na so olo mangido manang mambuat sogok,+
Na manutup pinggolna asa unang mambege rencana ni pambunu,
Jala na manutup matana asa unang mangida akka na roa,
16 Ibana ma na lao tinggal di inganan na timbo,
Di dolok batu na togu do inganan parlinggomanna na aman,
Sai diparade do rotina,
Jala dang hea habis aek siinumonna.”+
17 Idaonmuna ma sahalak raja na sangap,
Idaon ni nasida ma luat na dao.
18 Tikki diingot* hamu akka hasusaan na hea masa i, didok hamu ma di bagasan rohamuna:
“Didia do sekretaris i?
Didia do halak na mangido asa tagarar pajak tu ibana?+
Didia do halak na mangetong akka menara i?”
19 Dang idaonmuna be bangso na mangaleai hamu,
Bangso na maol taattusi bahasana,
Na asing pakkulingna, jala na so boi attusanmuna bahasana.+
20 Ida hamu ma doppak kota Sion, inganatta mambahen perayaan!+
Idaonmuna ma Jerusalem sada kota na aman lao diingani,
Tung na so hea be kemah i dipapinda.+
Dang na lao dicabut be akka patok ni kemah i,
Jala dang na lao digotap akka talina.
21 Disi do Jahowa Debata na Gogo i,
Linggomanna ma hita dos songon sunge manang bondar na bidang na mangalinggomi sada luat,
Dang na lao masuk kapal tusi,
Jala dang na lao mamolus kapal na balga sian i.
22 Ai Jahowa do Hakim+ di hita,
Jahowa do Silehon Patik+ tu hita,
Jahowa do Rajatta,+
Jala Ibana do na lao paluahon hita.+
23 Digattukkon ma akka tali ni kapal ni musu,
Dang boi tigor jongjong tiangna jala dang boi herbang layarna.
Di tikki i, alani godangna, dibagi-bagi ma akka barang na dibuat sian musu
Haru halak na pakpang pe godang do dapotna.+
24 Dang adong nanggo sahalak pe na maringanan* disi na mandok, “Marsahit do au.”+
Ai disesa nama hasalaan+ ni akka halak na tinggal di luat i.
34 Hamu akka bangso, pajonok hamu ma jala tangihon hamu ma,
Hamu akka bangso, parrohahon hamu ma.
Hamu akka tano dohot nasa isina,
Sude luat dohot hasilna, tangihon ma.
Dihancurhon nama nasida,
Jala pamateonna ma nasida sude.+
3 Dibolokkon ma akka bakke ni na mate i,
Jala bau busuk ma bakke ni nasida i,+
4 Busuk ma sude akka tentara ni langit,
Digulung ma langit i songon na manggulung harotas.
Songon bulung-bulung na malos na mardabuan sian hau anggur,
Songon parbue ni hau ara na kisut na mardabuan sian hauna,
Songon i ma akka tentara ni langit i mardabuan.
5 “Gok mudar ma podangku di atas ni langit.+
Lao turun nama i mangadili Edom,+
Ai nungnga hutottuhon lao pamatehon bangso i sudena.
6 Au, Jahowa, adong do podangku, jala gok mudar nama i.
Ditutupi tabo-tabo ma podang i,+
Dohot mudar ni biru-biru jantan dohot hambing,
Dohot tabo-tabo ni ginjal ni biru-biru jantan.
Ai diparade Jahowa do pelean di Bosra,
Dipamate Ibana do massai godang binatang di Edom.+
7 Mardabuan ma akka lombu jantan liar rap dohot nasida,
Songon i nang akka lombu jantan na poso rap dohot lombu na gogo.
Gok mudar ma luat ni nasida,
Jala gok ma tabo-tabo di tano ni nasida.”
8 Ai nungnga ditottuhon Jahowa andigan ari lao mambalos+ akka musuna,
Taon piga Ibana mambalos na jahat na binahen ni nasida tu Sion.+
9 Muba ma aek ni akka sunge na di Edom* gabe miak ter,
Gabe belerang ma akka tanona,
Jala luat ni nasida gabe songon miak ter na ditutung.
10 Arian nang borngin, dang na lao mate apina i,
Sai nakkok do timusna saleleng ni lelengna.
Toktong do ibana hancur sian tikki tu tikki,
Dang adong na mamolus sian i sahat tu saleleng ni lelengna.+
11 Burung pelikan dohot landak ma na maringanan disi.
Jala burung hantu na pinggolna ganjang dohot burung gagak ma na tinggal disi.
Pakkeon ni Debata ma tali pangukkur dohot batu lot* tu luat i,
Lao patuduhon na lao kosong jala hancur nama inganan i.
12 Dang adong sian akka halak na sangap na disi gabe raja,
Jala dang na lao adong be akka pamimpinna.
13 Suan-suanan na marsuga nama na tubu di akka menarana,
Ramba dohot suga-suga nama na tubu di bentengna.
Gabe asar ni anjing hutan ma ibana,+
Dohot inganan ni burung unta.
14 Pajuppang ma akka binatang na sian padang pasir dohot binatang na marauang,
Jala dijou hambing liar* ma akka donganna sapunguan.
Disi ma pidong siborngin* modom jala tinggal disi.
15 Marasar jala martolor ma disi ulok dari,
Diporpori ma i sappe menetas jala dijaga do i sude.
Jala marpungu ma lali disi rap dohot akka pasanganna be.
16 Lului hamu ma sudena on di bukku ni Jahowa, jala gogo ma jaha:
Dang adong sian akka i na lao mago,
Adong do pasangan ni nasida be,
Ai pamangan ni Jahowa do na mambahen paretta on,
Jala tondi parbadiana do na papunguhon nasida.
17 Ibana sandiri do na manappatton undi di nasida,
Jala tanganna sandiri do na manottuhon inganan ni nasida be.*
Gabe appuna ni nasida ma i sahat tu saleleng ni lelengna,
Jala disi ma nasida maringanan sian tikki tu tikki.
35 Marlas ni roha ma gurun pasir dohot tano na harsang,+
Marlas ni roha ma gurun jala gok ma akka bunga disi.+
2 Marsurak jala marlas ni roha ma gurun pasir,
Pasti marbunga do i,+
Idaon ni akka jolma ma hamuliaon ni Jahowa dohot hasangapon ni Debatanta.
3 Pargogoi ma tangan na gale,
Jala patogu ma lutut na hitir-hitir.+
4 Dokkon ma songon on tu halak na mabiar:
“Pos ma roham. Unang hamu mabiar.
Ida ma! Na lao ro do Debatamuna mambalos musumuna,
Na lao ro do Debata manghukum nasida.+
Na lao ro do Ibana jala paluaonna do hamu.”+
6 Di tikki i, boi ma halak na pakpang mangakkati songon rusa,+
Jala marsurak marlas ni roha ma dila ni halak na bisu.+
Godang ma aek kaluar di gurun,
Jala godang ma sunge di gurun pasir.
7 Tano na harsang alani mohop ni ari gabe songon kolam,+
Jala tano na koring gabe songon mata mual.
Di asar ni anjing hutan,+
Tubu ma duhut-duhut, ramba, dohot papirus.
Dang lewat sian i halak na ramun.*+
Holan tu halak na dipaloas mandalani dalan i do i diparade,
Dang boi halak na oto mamolus sian i.
9 Dang adong disi singa,
Jala dang adong binatang buas na ganas na ro tusi.
10 Marsurak jala marlas ni roha+ ma akka halak naung ditobus Jahowa mulak+ tu Sion.
Marlas ni roha ma nasida saleleng ni lelengna.+
Appuna ni nasida ma hasonangan dohot las ni roha,
Salpu ma lungun ni roha dohot arsak ni roha.+
36 Di taon na pasappulu opatton di pamarettaon ni Raja Hiskia, ro ma si Sanherib raja ni Asiria+ mangalo akka kota na marbenteng di Juda. Ditaluhon ibana ma sude kota i.+ 2 Disuru raja ni Asiria ma Rabsake*+ dohot massai godang tentarana. Disuru ma nasida sian Lakis+ lao tu Jerusalem mandapotton Raja Hiskia. Marbaris ma nasida sude di labbung ni saluran ni aek na sian kolam parginjang,+ na di dalan lao tu inganan ni akka panussi.+ 3 Dung i kaluar ma si Eliakim+ anak ni si Hilkia na mangurus istana ni raja, rap dohot si Joa anak ni si Asap juru tulis ni raja, dohot si Sebna+ sekretaris i mandapotton ibana.
4 Didok Rabsake i ma tu nasida, “Dokkon ma tu si Hiskia, ‘On ma didok raja ni Asiria na sangap i, “Aha huroha na diasakkon+ ho? 5 Didokkon ho malo ho marporang jala jago do akka tentaram. Alai holan hata do i. Ise ma dipangasahon ho umbahen na barani ho mangalo au?+ 6 Dos songon bulu na maropuk do Mesir na dipangasahon hamu. Molo dibahen sasahalak i gabe tukkotna, maropuk ma i jala laos rusuk ma i tu tanganna. Songon i ma bahenon ni si Firaun raja ni Mesir tu sude halak na mangasahon ibana.+ 7 Molo didok hamu tu au, ‘Jahowa Debatanami do na dipangasahon hami,’ kan nungnga diruppakkon+ si Hiskia inganan panombaon* dohot langgatanna? Hape disuru ibana do muse halak Juda dohot halak Jerusalem asa marsomba di jolo ni langgatan na adong disi.”’+ 8 Saonari martaru ma hamu dohot tuanku raja ni Asiria:+ Hulehon pe tu hamu 2.000 hoda molo boi dapotmuna nasa i godang ni halak na boi makkunduli hoda i. 9 Nang pe dilehon Mesir tu hamu akka kareta porang dohot akka tentara na marhoda, dang taralo hamu sada gubernur na ummetmet sian sude pejabat ni tuanku. 10 Na dirippu hamu do dang diloas Jahowa au mangalo jala manaluhon luat on? Jahowa do na mandok tu au, ‘Lao ma ho mangalo jala manaluhon luat i.’”
11 Gabe didok si Eliakim, si Sebna,+ dohot si Joa ma tu Rabsake i,+ “Marbahasa Aram*+ ma ho makkatai tuan, ai huattusi hami do i. Unang ma pakke bahasa ni halak Jahudi, asa unang dibege akka halak na adong di tembok an.”+ 12 Alai didok Rabsake i ma tu nasida, “Na dirippu hamu do holan tu hamu dohot tu tuanmuna disuru tuanku au makkatai? Dohot do au disuru makkatai tu akka halak na hundul di tembok an, i ma akka halak na lao mangallang kotoranna dohot manginum kossingna rap dohot hamu.”
13 Dung i jongjong ma Rabsake i jala gogo ma soarana makkatai di bahasa ni halak Jahudi.+ Didok ibana ma, “Tangihon ma hata ni raja ni Asiria na sangap i.+ 14 On ma na didok raja i, ‘Unang ma olo hamu dioto-otoi si Hiskia. Ai dang tolap ibana paluahon hamu.+ 15 Unang ma olo hamu disuru si Hiskia asa marhaposan tu Jahowa,+ nang pe didok ibana, “Paluaon ni Jahowa do hita. Jala dang pasahatonna kota on tu raja ni Asiria.” 16 Unang ma tangihon si Hiskia. Ai on ma na nidok ni raja ni Asiria, “Mardame ma hamu dohot au jala menyerah ma hamu. Boi ma allangonmuna parbue ni hau anggur dohot hau aramuna. Jala boi ma inumonmuna aek sian panampungan ni aekmuna. 17 Dung i ro ma au mangalap hamu, jala boanokku ma hamu tu sada luat na dos songon luatmuna on.+ Adong do di luat i gandum, barli,* dohot hau anggur lao mambahen roti dohot anggur siinumon. 18 Unang olo hamu dioto-otoi si Hiskia, tikki didok na lao paluaon ni Jahowa hamu. Ai adong huroha sian debata ni akka bangso na asing na boi paluahon nasida sian raja ni Asiria?+ 19 Didia ma akka debata ni halak Hamat dohot halak Arpad?+ Didia ma akka debata ni halak Separwaim?+ Boi do nasida paluahon Samaria sian tanganku?+ 20 Dang adong akka debata na boi paluahon akka bangso on sian tanganku. Jadi boasa ma dirippu hamu boi paluaon ni Jahowa Jerusalem sian tanganku?”’”+
21 Alai sai sip do nasida jala dang olo nasida mangalusi. Ai nungnga disuru Raja Hiskia hian asa unang dialusi+ nasida halak na ro i. 22 Diribak si Eliakim anak ni si Hilkia pangurus ni istana ni raja i ma bajuna, rap dohot si Joa anak ni si Asap juru tulis ni raja, dohot si Sebna+ sekretaris i. Lao ma nasida manjuppangi Raja Hiskia jala dipaboa nasida ma hata ni Rabsake i.
37 Dung dibege Raja Hiskia na pinaboa ni nasida, diribak ibana ma bajuna. Dipakke ibana ma abit goni jala lao ma ibana tu jabu ni Jahowa.+ 2 Dung i disuru si Hiskia ma si Eliakim na mangurus istana, si Sebna sekretaris i, dohot akka pamimpin ni malim manjuppangi Panurirang* Jesaya+ anak ni si Amos. Marabit goni do nasida manjuppangi ibana. 3 Didok nasida ma tu si Jesaya, “On ma na nidok ni si Hiskia, ‘Ari hasusaan do sadari on, disonggak* do hita, jala dipaila. Ai dos do hita songon ina na lao partus, na so margogo lao manubuhon+ hape nungnga dapot tikkina. 4 Alani i, tangiakkon+ ma akka na tinggal on.+ Sai anggiat ma dibege Jahowa Debatam hata ni Rabsake* i. Ai disuru raja ni Asiria do ibana mangaleai Debata na mangolu i.+ Jala anggiat ma ibana dihukum alani akka hata na binege ni Jahowa Debatami.’”
5 Dung i borhat ma akka pejabat ni Raja Hiskia manjuppangi si Jesaya.+ 6 Didok si Jesaya ma tu nasida, “Dokkon ma songon on tu tuanmuna, ‘On ma na nidok ni Jahowa, “Unang ma mabiar+ ho alani akka hata na binegemi, i ma akka hata ni pejabat ni raja ni Asiria+ na mangaleai Au. 7 Bahenokku ma guga pikkiranna. Adong ma barita begeonna jala gabe mulak ma ibana tu hutana.+ Bahenokku ma ibana mate alani podang di hutana sandiri.”’”+
8 Dibege Rabsake i ma naung lao raja ni Asiria sian Lakis. Lao ma ibana manjuppangi raja ni Asiria. Tikki i marporang do raja ni Asiria mangalo kota Libna.+ 9 Dibege raja ni Asiria ma naung ro si Tirhaka raja ni Etiopia naeng mangalo ibana. Gabe disuru ibana ma muse akka halak manjuppangi si Hiskia.+ Didok ma, 10 “Songon on ma dokkon tu si Hiskia raja ni Juda, ‘Unang ma olo ho dioto-otoi Debata na dipangasahonmi, na mandok, “Dang na lao lehonokku Jerusalem tu tangan ni raja ni Asiria.”+ 11 Nungnga dibege ho naung ditaluhon akka raja ni Asiria sude luat.+ Dirippu ho, boi ho malua? 12 Nungnga godang bangso naung ditaluhon akka ompukku. Boi do debata ni nasida paluahon nasida?+ Didia ma saonari halak Gozan, halak Haran,+ halak Resep, dohot halak Eden na tinggal di Tel-asar? 13 Didia ma saonari raja ni Hamat dohot raja ni Arpad? Jala didia ma saonari raja ni akka kota na di Separwaim,+ di Hena, dohot di Iwa?’”
14 Dibuat si Hiskia ma surat i sian akka halak na disuru raja ni Asiria i, jala dijaha ibana ma surat i. Dung i lao ma ibana tu jabu ni Jahowa jala dipahembang ma surat i di jolo ni Jahowa.+ 15 Martangiang ma si Hiskia di jolo ni Jahowa.+ Didok ibana ma, 16 “Ale Jahowa Pamimpin ni Akka Tentara,*+ Debata ni Israel, na hundul di tahta na di ginjang* ni akka kerubim.* Holan Ho do Debata na sittong, Debata ni saluhut harajaon na di tano on. Ho do na mambahen langit dohot tano on. 17 Parrohahon ma ale Jahowa jala tangihon ma!+ Parrohahon ma ale Jahowa jala ida ma!+ Tangihon ma sude hata ni si Sanherib na mangaleai Debata na mangolu i.+ 18 Ale Jahowa, huboto hami do nungnga dihancurhon akka raja ni Asiria be sude luat+ dohot sude luat ni nasida sandiri. 19 Jala ditutung halak Asiria do akka debata ni bangso i.+ Ai dang tutu i Debata, sian batu dohot hau do i dibahen jolma.+ Alani i do boi dihancurhon nasida sudena i. 20 Alani i palua ma hami sian Asiria ale Jahowa Debatanami, asa sude harajaon na di tano on mamboto holan Ho do Debata na sittong, ale Jahowa.”+
21 Dung i, disuru si Jesaya anak ni si Amos ma halak mandok tu si Hiskia, “On ma na nidok ni Jahowa Debata ni Israel, ‘Ala nungnga ditangiakkon ho tu Au taringot tu si Sanherib raja ni Asiria,+ 22 Au, Jahowa, songon on ma dohonokku taringot tu ibana:
“Dileai jala direhei anak boru Sion do ho.
Mangupir do boru ni Jerusalem mangida ho.
23 Ise do na nialom+ jala ise do na nileaanmu?
Tu ise do gogo soaram?+
Jala tu ise do leas pamerengmu?
Tu Au do i, Debata Nabadia ni Israel!+
24 Dileai ho do Jahowa+ marhite akka pejabatmu jala didok ho do,
‘Pakkeokku nama kareta porangku na massai godang i,
Nakkok nama au tu akka dolok na timbo,+
Tu akka inganan na undao di Libanon.
Tabaokku ma akka hau ares na timbo dohot akka hau juniper na dumenggan na disi.
Ro nama au tu akka ingananna na untimbo sahat tu tonga-tonga ni tombakna.
25 Galiokku ma akka sumur jala inumokku ma aek,
Pakoringokku ma akka sunge* na di Mesir mamakke talapak ni pattu.’
26 Na so hea do dibege ho? Nungnga hutottuhon* i mulai sian najolo.
Nungnga huparade* i sian najolo.+
Saonari pasautokku nama i.+
Bahenonmu ma gabe maruppak akka kota na marbenteng jala pasombuonmu ma hancur akka kota i.+
27 Gabe dang margogo be pangisi ni kota i.
Gabe mabiar jala dipaila ma nasida.
Ai doshon suan-suanan na di ladang ma nasida jala songon akka duhut-duhut,
Songon duhut-duhut na tubu di ginjang ni atap, na gabe koring alani alogo na mohop na sian timur.
28 Alai takkas do huboto sude na niulahonmu,+
Tikki hundul ho, tikki lao ho, tikki ro ho,
Dohot tikki muruk ho tu Au,+
29 Ai nungnga sahat be tu pinggolhu murukmi+ dohot soaram na mangamuk i.+
Alani i, bahenokku ma hait-hait tu igungmu dohot kokkang+ tu babami.
Jala boanokku ma ho mulak sian dalan haroroanmi.”
30 “‘On ma na gabe tanda di ho Hiskia: Taon on, allangonmu ma hasil ni suan-suanan na tubu sandiri, jala songon i ma sahat tu taon na paduahon. Alai taon na patoluhon, manabur boni ma ho jala panenonmu ma i. Suanonmu ma hau anggur jala allangonmu ma parbuena.+ 31 Jala songon suan-suanan na marurat jala na marparbue ma halak Juda na malua dohot na tinggal dope.+ 32 Ai na lao kaluar do sian Jerusalem akka halak na mangolu dope. Jala kaluar do sian Dolok Sion+ akka halak na malua. Ai pasti ulahonon ni Jahowa Pamimpin ni Akka Tentara* do i.+
33 “‘On ma na nidok ni Jahowa taringot tu raja ni Asiria,+
“Dang na lao ro be ibana tu kota on,+
Manang manembakkon anak panah tuson,
Manang mamboan perisai tuson,
Manang mambahen benteng lao makkaliangi kota on.”’+
34 ‘Na lao mulak ma ibana sian dalan haroroanna.
Dang na lao ro ibana tu kota on,’ ninna Jahowa.
36 Di borngin i ro ma suru-suruan ni Jahowa. Dipamate suru-suruan i ma 185.000 tentara na adong di perkemahan ni halak Asiria. Tikki dungo akka halak manogotna i, diida nasida ma marpeakan sude bakke i.+ 37 Gabe mulak ma si Sanherib raja ni Asiria tu Ninive+ jala disi ma ibana tinggal.+ 38 Di sada tikki lao ma si Sanherib tu inganan manomba Nisrok debatana. Tikki marsomba ibana disi, ro ma anakna si Adramelek dohot si Sareser mambunu ibana mamakke podang.+ Jala lari ma nasida tu luat Ararat.+ Dung i, anakna si Esar-haddon+ ma na gabe raja manggattihon ibana.
38 Di sada tikki marsahit ma si Hiskia jala naeng mate ma ibana.+ Ro ma Panurirang* Jesaya+ anak ni si Amos manjuppangi ibana. Didok ma, “On ma na nidok ni Jahowa, ‘Lehon ma tona tu keluargam, ai dang malum be ho,+ na lao mate nama ho.’” 2 Gabe diida si Hiskia ma tu tembok jala martangiang ma ibana tu Jahowa, 3 “Ale Jahowa, asi ma roham tu au. Ingot ma+ songon dia au toktong setia mangihutton akka dalanmu sian nasa rohakku.+ Jala ingot ma akka na denggan na huulahon.” Dung i, tumatangis ma si Hiskia.
4 Didok Jahowa ma tu si Jesaya, 5 “Juppangi ma muse si Hiskia,+ dokkon ma, ‘On ma na nidok ni Jahowa Debata ni si Daud ompumi, “Nungnga hubege tangiangmu,+ jala nungnga huida ilum.+ Paganjangokku ma umurmu* 15 taon nai.+ 6 Paluaokku ma ho dohot kota on sian tangan ni raja ni Asiria. Jala linggomakku ma kota on.+ 7 On ma tanda na sian Jahowa na patuduhon na lao pasauton ni Jahowa do hatana i:+ 8 Bahenokku ma mundur tu pudi bayangan na di tangga* ni si Ahas sappulu anak ni tangga.”’”+ Alani i, mundur ma bayangan ni mataniari i sappulu anak ni tangga.
9 Surat na dibahen si Hiskia raja ni Juda tikki marsahit ibana jala dung malum sian sahitna i.
10 Nungnga hudok hian, “Dang dope matua au,
Alai ikkon masuk au tu gerbang ni Kuburan.*
Dibuat nama sian au ari-ari ni ngolukku na tinggal i.”
11 Hudok do, “Dang idaokku be Jahowa,* dang idaokku be Jahowa di luat ni halak na mangolu.+
Dang na lao idaokku be jolma
Ai na lao rap nama au dohot halak na mate.
12 Dos songon tenda ni sahalak parmahan do inganakku
Nungnga dibongkar jala dibuat i sian au,+
Nungnga hugulung ngolukku songon partonun na manggulung tonunna,
Nungnga digotap Ibana be au dos songon bonang na digotap sian alat tonun.
Sian arian sahat tu borngin naeng marujung do dibahen Ho ngolukku.+
13 Hupasonang do dirikku sahat tu manogot.
Songon singa na mangaropuki holi-holi, songon i ma Ibana mangaropukkon holi-holikku,
Sian arian sahat tu borngin naeng marujung do dibahen Ho ngolukku.+
14 Sai tangis+ do au songon burung walet manang burung anis,*
Sai marungut-ungut do au alani haccitna songon darapati.+
Nungnga tung massai loja matakku sai mamereng doppak langit:+
15 Ai aha ma na boi dohonokku?
Nungnga didok Ibana hatana jala pasautonna do i.
Saleleng mangolu au, toktong nama au marserep ni roha*
Alani paet ni na masa tu au.
16 ‘Ale Jahowa, alani Ho* do umbahen na mangolu akka jolma,
Jala alani Ho do umbahen na toktong au marhosa.
Bahenonmu do au malum jala bahenonmu do au toktong mangolu.+
17 Ida ma! Dame na huhilala nungnga gabe hasusaan,
Alai alani holong ni roham tu au,
Dipalua Ho do au sian lubang hamatean.+
Nungnga disappatton Ho be sude dosakki tu pudim.*+
Halak naung turun tu lubang i dang boi be mangida saut janjimi jala dang paimaonna i.*+
19 Halak na mangolu, halak na mangolu i do na boi mamuji Ho,
Dos songon na hubahen sadari on.
Boi do sahalak ama mangajarhon tu anakna taringot tu Ho.*+
20 Ale Jahowa palua ma au,
Asa diendehon hami akka endekku huhut mamakke alat musik na martali+
Diendehon hami ma i di jabu ni Jahowa+ saleleng mangolu hami.’”
21 Didok si Jesaya ma, “Boan ma tuson parbue ni hau ara naung koring jala naung digiling. Bahen ma i tu bisul ni si Hiskia asa malum ibana.”+ 22 Nungnga disukkun si Hiskia hian, “Aha ma tandana na boi au lao tu jabu ni Jahowa?”+
39 Dibege raja ni Babel ma na marsahit raja Hiskia jala nungnga malum.+ Si Merodak-baladan anak ni si Baladan do raja i. Disuru ibana ma halak mangalehon surat dohot hadiah tu si Hiskia.+ 2 Las do roha ni si Hiskia di haroro ni* nasida. Dipatudu ibana ma sude na adong di inganan panimpanan ni artana.+ Dipatudu ibana ma perak, mas, miak balsam,* akka miak na arga na asing, sude sinjatana, dohot sude barang na adong di panimpanan ni arta i. Dipatudu si Hiskia do sude na adong di istanana dohot sude na adong di harajaon i.
3 Dijuppangi Panurirang* Jesaya ma Raja Hiskia. Disukkun ma ibana, “Aha do na nidok ni akka halak on jala sian dia do nasida?” Dialusi si Hiskia ma, “Sian huta na dao do nasida, sian Babel.”+ 4 Disukkun si Jesaya ma muse, “Akka aha ma naung diida nasida di istanamon?” Dialusi si Hiskia ma, “Diida nasida do sude na adong di istana on. Jala hupatudu do sude tu nasida na adong di inganan panimpanan ni artakku.”
5 Dung i didok si Jesaya ma tu si Hiskia, “Tangihon ma hata ni Jahowa Pamimpin ni Akka Tentara i, 6 ‘Ida ma! Na ro ma tikkina, boanonna ma sude na adong di istanam tu Babel. Boanonna do muse sude na pinapungu ni akka ompum sahat tu sadari on. Jala dang adong be na tinggal manang aha,’+ ninna Jahowa.+ 7 ‘Boanonna ma deba pinopparmu jala bahenonna ma nasida gabe pejabat istana ni raja ni Babel.’”+
8 Didok si Hiskia ma tu si Jesaya, “Denggan do hata ni Jahowa na pinaboami.” Didok ibana ma muse, “Ai na lao toktong do adong na denggan* di luat on dohot hadameon saleleng ni ngolukku.”*+
40 “Apuli, apuli hamu ma bangsokki,” ninna Debatamuna.+
2 “Pasonang ma roha* ni penduduk ni Jerusalem,
Paboa ma naung marujung masa hasusaan ni nasida,
Nungnga lunas digarar hasalaan ni nasida.+
Ai nungnga dijalo nasida dua hali loppit hukuman sian tangan ni Jahowa alani sude dosa ni nasida.”+
3 Adong ma soara na jou-jou di padang gurun:
“Parade hamu ma dalan ni Jahowa!+
Parade hamu ma dalan na tigor+ di gurun lao tu Debatanta.+
4 Timbun hamu ma sude rura,
Parata hamu ma sude dolok.
Padosdos hamu ma tano na marbatu-batu,
Jala bahen hamu ma tano na marbuttul-buttul gabe tano na dosdos.+
5 Pataridaonna ma hamuliaon ni Jahowa,+
Jala sude ma jolma mangida i,+
Ai pamangan ni Jahowa do na mandok i.”
6 Tangihon ma! Adong na mandok, “Marsurak ma ho!”
Na sada nai mandok, “Aha ma dohonokku?”
“Dos songon duhut-duhut do sude jolma.
Dos songon bunga na di ladang do holong* ni nasida.+
7 Gabe koring do akka duhut-duhut,
Jala malos do akka bunga,+
Ala nungnga diombusson Jahowa hosana tu nasida.+
Tutu, dos songon duhut-duhut do jolma i.
8 Koring do akka duhut-duhut,
Jala malos do akka bunga,
Alai martahan do hata ni Debatanta ro di saleleng ni lelengna.”+
9 Hamu akka borua na mamboan barita na uli tu Sion,+
Nakkok ma hamu tu dolok na timbo.
Pagogo hamu ma soaramuna,
Ale hamu akka borua na mamboan barita na uli tu Jerusalem.
Pagogo hamu ma soaramuna i, unang mabiar hamu.
Songon on ma dokkon hamu tu akka kota na di Juda, “On do Debatamuna.”+
10 Ida ma! Na lao ro nama Jahowa Tuan Natumimbul i patuduhon huasona,
Ida ma! Nungnga diboan Ibana upa,
Jala nungnga rade be Ibana lao manggarar upa.+
11 Songon parmahan do Ibana na mangurus akka binatang na diparmahan Ibana.+
Dipapungu Ibana do anak ni biru-biru,*
Diboan Ibana do nasida di andorana,
Jala manat do ditogu-togu Ibana akka biru-biru na manusui anakna.+
12 Ise ma na boi mambahen sude aek ni laut tu talapak ni tanganna,+
Jala na boi manjokkal* langit lao mamboto sadia bidangna?
Ise ma na boi mambahen sude tano na di portibi on di sada takkar,+
Manang na boi manimbang borat ni dolok,
Dohot akka dolok-dolok marhite timbangan?
13 Ise ma na hea mangukkur* sadia godang tondi parbadia ni Jahowa,
Jala ise ma na boi mangalehon poda tu Ibana dohot na mangalehon tudu-tudu?+
14 Tu ise do Ibana hea mangido tudu-tudu lao mangattusi,
Manang ise do na hea mangajari Ibana taringot dalan na tigor,
Manang na hea mangajari Ibana taringot tu parbinotoan,
Manang ise do na hea patuduhon tu Ibana dalan na sittong lao mangattusi?+
15 Ida ma! Dos songon sattetek aek na sian timba do akka bangso,
Jala dos songon orbuk na lokkot di timbangan do nasida.+
Ida ma! Boi do diangkat Ibana akka pulo dos songon na mangangkat orbuk na massai halus.
16 Haru akka hau na di Libanon pe dang sae lao mambahen api toktong galak,*
Jala sude binatang liar na adong disi pe dang sae lao gabe pelean situtungon di Ibana.
18 Ise ma na boi dipatudos hamu tu Debata?+
Aha ma na boi disarupahon hamu tu Ibana?+
19 Sahalak tukkang mambahen patung,*
Tukkang logam mangalappis patung i mamakke mas,+
Jala ditopa ibana do ratte na sian perak.
20 Dipillit ibana do sada hau lao gabe peleanna,+
Hau na so busuk.
Dilului ibana ma tukkang na malo
Lao mambahen i gabe patung na so mura ponggol.+
21 Na so diboto hamu do?
Na so hea dope dibege hamu?
Na so hea dope i dipaboa tu hamu mulai sian najolo?
Na so hea do dipikkiri hamu akka bukti na adong mulai sian na dibahen fondasi ni tano on?+
22 Adong do Debata na tinggal di atas ni portibi na bulat* on,+
Jala songon sihapor* do akka pangisina di Ibana.
Dipahembang Ibana do langit dos songon kain na tipis,
Dipahembang Ibana do sudena i dos songon tenda na lao diingani.+
23 Dibahen Ibana do akka pejabat tinggi gabe dang marlapatan,
Jala dibahen Ibana do akka hakim* na di tano on gabe dang marguna.
24 Songon suan-suanan na baru disuan do nasida,
Baru dope nasida disabur,
Baru marurat dope tu tano batang ni nasida,
Nungnga diullus alogo nasida jala gabe koring,
25 “Tu ise ma tarpatudos hamu Au lao mandok na sarupa Au dohot ibana?” ninna Debata Nabadia.
26 “Bereng ma doppak langit, jala ida ma.
Ise do na manoppa sudena i?+
Debata, Ibana do na manjou nasida kaluar dos songon manjou tentara mangihutton bilanganna be.
Dijou Ibana do goar ni nasida sada-sada.+
Dang adong nanggo sada pe sian nasida na so ro,
Ai massai balga situtu do huasona jala massai gogo situtu do Ibana.+
27 Ale Jakkob, boasa ma didok ho, ale Israel boasa didok ho songon on,
‘Dang diida Jahowa parngoluokku,
Dipasombu Debata do au susa’?+
28 Na so diboto ho do? Na so dibege ho do?
Debata na toktong adong sahat tu saleleng ni lelengna do Jahowa Sitoppa saluhut na di tano on.+
Dang hea Ibana loja manang gale.+
Dang adong nanggo sahalak pe na boi mamboto aha na diattusi Ibana.*+
30 Nang pe gabe gale jala loja akka doli-doli,
Tartuktuk jala madabu akka na poso,
31 Alai halak na marhaposan tu Jahowa margogo do muse.
Dos songon na marhabong ma nasida songon lali+ na boi habang timbo.
Marlojong ma nasida alai dang marnaloja,
Mardalan do nasida torus alai dang habis gogona.”+
41 “Ale hamu akka pulo, sip ma hamu, tangihon ma Au,
Ale akka bangso, margogo ma hamu muse.
Pajonok ma jala hatahon ma.+
Beta, rap lao ma hita, asa huadili hamu.
2 Ise do na manuru sasahalak ro sian timur,*+
Na manjou ibana ro tu patna* lao mangulahon hukum na tigor,
Lao pasahatton akka bangso i tu tanganna,
Jala lao mambahen ibana manaluhon akka raja?+
Ise do na paserakkon nasida songon orbuk mamakke podangna,
Jala na mambahen nasida songon lapung ni eme* na niullus ni alogo mamakke panahna?
3 Dilele ibana do torus nasida, dang adong na mangabbati,
Dilewati ibana do dalan na so hea dope didalani ibana.
4 Ise ma na patupahon i jala na mambahen i,
Na manjou akka jolma* sian mulana?
Au, Jahowa do na mambahen i, nungnga adong Au sian mulana i,+
Jala sahat tu sundut na parpudi pe, toktong do Au Debata.”+
5 Mabiar ma akka pulo mangida i.
Jala makkahitir ma akka ujung ni tano on.
Marroan ma nasida jala manjonok.
6 Diurupi nasida ma akka donganna be
Jala didok ma tu haha anggina, “Patogu ma roham.”
7 Tukkang ukir hau patoguhon roha ni tukkang logam;+
Halak na manopa mamakke tokkok
Patoguhon roha ni halak na manopa bosi mamakke tokkok.
Didok ibana ma taringot tu hasil naung dipadomu i, “Denggan do i.”
Dung i dipakku ma i asa hot jala dang maponggol.
8 “Alai anggo ho ale Israel, naposokku do ho,+
Naung hupillit+ do ho ale Jakkob,
Pinoppar ni si Abraham ale-alekki,+
9 Huboan do ho sian ujung ni tano on,+
Jala hujou do ho sian inganan na undao di tano on.
10 Unang ho mabiar, ai hudongani do ho.+
Unang ganggu roham, ai Au do Debatam.+
Jagaokku do ho jala urupanku,+
Tiopokku do ho gomos marhite tangan kananku na mangulahon na sittong.’
11 Ida ma! Bahenon ma maila jala marlea sude halak na muruk tu ho.+
Dipamate ma sude na mangalo ho jala dipasuda ma nasida sude.+
12 Luluanmu ma halak na marbada dohot ho, alai dang juppangmu be nasida,
Halak na marporang mangalo ho dang tarida be, nungnga mate nasida sude.+
13 Ai Au do Jahowa Debatam na maniop tangan kananmu,
Jala Au do Debata na mandok tu ho, ‘Unang ho mabiar. Urupanku do ho.’+
14 Unang ho mabiar, ale Jakkob, cacing na dangol,*+
Ale halak Israel, urupanku do hamu,” ninna Jahowa na manobus* hamu,+ Debata Nabadia ni Israel.
15 “Ida ma! Bahenokku ma ho songon papan pardegean,+
Songon alat mardege na tajom.
Didege-dege ho ma akka dolok jala ropukkononmu ma i
Jala bahenonmu ma dolok-dolok gabe songon lapung ni eme.*
16 Dipiari ho ma nasida,
Jala diullusson alogo ma i dao,
Marserak ma i bahenon ni alogo na gogo.
Marlas ni roha ma ho alani Jahowa+
Jala bangga ma ho makkatahon taringot tu na binahen ni Debata Nabadia ni Israel.”+
17 “Dilului halak na susa dohot halak na pogos ma aek, alai dang dapot ni nasida.
Koring ma dila ni nasida alani uasna.+
Au, Jahowa alusakku ma nasida.+
Au, Debata ni Israel, dang tadikkonokku nasida.+
18 Bahenokku ma sunge mardalan di akka dolok-dolok na gundul,+
Jala mata mual na doras mardalan di akka rura.+
Bahenokku ma gurun pasir gabe kolam
Jala tano na harsang gabe inganan ni akka mata mual.+
19 Bahenokku ma tubu hau ares di gurun pasir,
Hau akasia, hau mirtel, dohot pinus.+
Bahenokku ma tubu hau juniper di gurun pasir,
Rap dohot hau as dohot hau cemara,+
20 Asa sude halak mangida jala mamboto,
Mamparrohahon jala mangattusi,
Tangan ni Jahowa do na mangulahon i,
Jala Debata Nabadia ni Israel do na manoppa i.”+
21 “Paboa hamu ma parsoalanmuna,” ninna Jahowa.
“Patudu hamu ma akka buktimuna,” ninna Raja ni si Jakkob.
22 “Patudu ma akka buktimuna jala paboa ma tu hami aha na lao masa.
Manang paboa ma tu hami akka na lao masa.+
23 Paboa ma tu hami na lao masa di ari na naeng ro,
Asa huboto hami na tutu hamu debata.+
Bahen ma manang aha sibahenonmu, na denggan pe taho manang na roa,
Asa longang rohanami mangida i.+
24 Ida ma! Dang marguna hamu,
Dang adong hasil ni ulaonmuna.+
Dihagigihon do manang ise pe na manomba hamu.+
25 Nungnga hehe sasahalak sian utara, jala ro nama ibana,+
Didege-dege ibana ma akka pamaretta,* ai dos songon tano liat do nasida,+
Didege-dege ma nasida dos songon sitopa hudon na mandege-dege tano liat na matonu.
26 Ise do na sian mulana paboahon on, asa boi huboto hami,
Manang ise do na sian mulana mandok i asa hudok hami, ‘Sittong do ibana’?+
Tutu, dang adong na paboahon i!
Dang adong na makkatahon i!
Jala dang adong halak na hea mambege manang aha sian hamu!”+
27 Au do na parjolo sahali mandok tu Sion, “Ida ma aha na lao masa!”+
Jala suruokku ma akka siboan barita na uli+ tu Jerusalem.
28 Torus do hulului, alai dang adong dapottu,
Dang adong sian nasida na boi mangalehon poda.
Torus do nasida husukkun, alai dang adong na mangalusi.
29 Ida ma! Dang marguna nasida sude.
Dang boi nasida mangulahon manang aha pe,
Jala songon alogo do akka patung logam ni nasida, dang marguna.+
42 Ida ma! On do naposokku+ na huurupi!
Naposokku na hupillit,+ las situtu do rohakku mangida ibana!+
2 Dang olo ibana marsurak manang mambahen gogo soarana,
Jala dang olo ibana tarbege soarana di akka dalan.+
Jala pos do roha tu ibana na boi patuduonna hukum na tigor.+
4 Dang na lao mandele ibana manang gale rohana sahat tu na dibahen ibana hukum na tigor di tano on,+
Jala sai dipaima akka pulo do hukum* na sian ibana.
5 On ma na nidok ni Jahowa Debata na sittong,
Sitoppa langit jala Debata na Sangap na pahembangkon langit+
Debata na mambahen tano on dohot sude hasilna,+
Debata na mangalehon hosa tu sude jolma na di tano on,+
Jala na mangalehon ngolu tu akka na mardalan disi:+
6 “Au Jahowa manjou ho lao mangulahon na tigor,
Hutiop do tanganmu.
Hujaga do ho jala hubahen do ho gabe songon sada jaminan* tu bangso i,+
Jala songon sinondang tu akka bangso,+
7 Ai bahenonmu ma marnida mata ni halak na mapitung,+
Paluaonmu ma akka na tarhurung sian penjara na di toru ni tano,
Jala boanonmu ma kaluar sian penjara halak na hundul di na holom.+
8 Au do Jahowa, i do goarhu,
Dang lehonokku* hamuliaokku tu manang ise pe,
Manang pujian na dilehon tu Au gabe tu akka patung.+
9 Ida ma, akka naung hupaboa na parjolo i nungnga masa,
Saonari paboaokku ma muse akka na baru.
Andorang so mulai masa dope i, nungnga hupaboa tu hamu.”+
10 Hamu akka na lao tu laut dohot sude na adong di laut,
Hamu akka pulo dohot akka pendudukna,+
Endehon ma sada ende na baru+ tu Jahowa,
Marende ma hamu sian akka ujung ni tano on mamuji Ibana.+
Marsurak ma marlas ni roha akka penduduk na di dolok batu,
Marsurak ma nasida sian pussu ni akka dolok.
12 Sai dipasangap nasida ma Jahowa,
Jala dipuji nasida Ibana di akka pulo.+
13 Borhat ma Jahowa songon halak na gogo.+
Las situtu rohana lao marporang, dos songon sahalak tentara.+
Marsurak ma Ibana, marsurak ma Ibana lao paboahon porang,
Patuduonna ma na umgogo Ibana sian akka musuna.+
14 “Nungnga leleng Au sai sip.
Sai hohom do Au jala sai huorom do dirikku.
Dos songon borua na naeng partus,
Marsurak nama Au massai gogo, jala hosa-hosa.
15 Hubarbar ma akka dolok,
Jala hubahen ma koring akka suan-suanan na tubu disi.
16 Togu-toguokku ma halak na mapitung mardalan di dalan na so diboto nasida+
Bahenokku ma nasida mardalan di dalan na so ditanda nasida.+
Bahenokku ma na holom na di jolo ni nasida i gabe tiur+
Jala bahenokku ma tano na marbuttul-buttul gabe tano na dosdos.+
On ma na lao bahenokku tu nasida, jala dang tadikkonokku nasida.”
17 Akka na porsea tu patung,
Akka na mandok tu patung na sian logam, “Hamu do debatanami,”+
Ditaluhon jala dibahen maila situtu.
18 Hamu akka na nengel, tangihon ma,
Hamu akka na mapitung,+ ida hamu ma.
19 Ise dope na mapitung na songon naposokku,
Na nengel songon halak na husuru i?
Ise dope na mapitung songon halak na manjalo upa,
Na mapitung songon naposo ni Jahowa?+
20 Godang do na diida ho, alai dang diparrohahon ho.
Dibukka ho do pinggolmu alai dang ditangihon ho.+
21 Alani hatigoranna i,
Las do roha ni Jahowa lao patuduhon hukumna* jala mambahen i denggan situtu.
22 Alai on ma akka bangso na dirampok jala na dibuat akka artana,+
Tarjorat do nasida sude di akka lubang jala ditabunihon di akka penjara.+
Dirampok do nasida jala dang adong na paluahon nasida,+
Dipambuati do arta ni nasida jala dang adong na mandok, “Paulak i!”
23 Ise ma sian hamu na manangihon on?
Ise ma sian hamu na mamparrohahon jala na manangihon asa mandapot laba di ari na naeng ro?
24 Ise do na pasombuhon dirampas arta ni si Jakkob,
Jala na pasahatton Israel tu akka pangarampok?
Jahowa do na mangulahon i, ai mardosa do nasida tu Ibana.
25 Alani i, torus ma diusehon Ibana murukna tu nasida,
Rimasna dohot porangna na massai kejam i.+
Suda ma sude na di sakaliling ni nasida dibahen i, alai dang diparrohahon nasida.+
Marsigorgor do i songon api na manutung nasida, alai dang diparate-atehon nasida i.+
43 Songon on ma hata ni Jahowa,
Sitoppa ho, ale Jakkob, jala Debata na manoppa ho ale Israel,+
“Unang ho mabiar, ai nungnga hutobus* ho.+
Goarmu do hupakke manjou ho.
Appunakku do ho.
2 Tikki ditaripari ho laut, donganakku do ho,+
Tikki ditaripari ho sunge, dang maup ho bahenon ni aekna.+
Tikki dibolus ho api, dang mosok ho bahenonna,
Jala dang matutung ho dibahen apina na marsigorgor.
3 Ai Au do Jahowa Debatam,
Debata Nabadia ni Israel, Sipalua ho.
Hulehon do Mesir lao manobus ho,
Jala hulehon do Etiopia dohot Seba lao gabe gattimuna.
Alani i, lehonokku ma akka halak gabe gattim,
Jala lehonokku ma akka bangso gabe gatti ni hosam.
5 Unang pola mabiar ho, ai hudongani do ho.+
Boanokku nama pinopparmu sian timur,
Jala papunguokku ma hamu sian barat.+
6 Dohonokku ma tu utara, ‘Paulak nasida!’+
Jala dohonokku ma tu selatan, ‘Unang tahan nasida.
Boan ma akka anakku sian inganan na dao, dohot akka borukku sian ujung ni tano on,+
7 Akka halak na dijou mamakke goarhu,+
Akka halak na hutoppa lao pasangappon Au,
Dohot akka halak na hubahen i.’+
8 Boan ma bangso i kaluar, ai adong do mata ni nasida alai dang marnida,
Marpinggol do nasida alai dang marbinege.+
9 Papungu ma sude bangso di sada inganan,
Jala suru ma asa marpungu sude halak.+
Ise ma sian akka debata i na boi paboahon on,
Manang na boi paboahon tu hita akka na parjolo masa?*+
Suru ma diboan nasida saksi ni nasida lao patuduhon na sittong nasida,
Manang asa dibege na asing jala didok, ‘Sittong do i!’”+
10 “Hamu do akka saksikku,”*+ ninna Jahowa,
“Tutu, hamu do naposokku na hupillit,+
Asa boi ditanda hamu jala dihaporseai hamu Au,
Jala asa diattusi hamu molo Au Debata na so muba-uba.+
Andorang so Au dang adong Debata na asing,
Jala dukkon Au pe dang adong.+
11 Au, Au do Jahowa,+ jala holan Au do na boi paluahon hamu.”+
12 “Au do na paboahon aha na lao masa, na paluahon hamu, jala na paboahon on tu hamu
Tikki dang adong debata na asing di tonga-tongamuna.+
Alani i hamu ma akka saksikku,” ninna Jahowa, “jala Au do Debata+ na sittong.
Ro nama Au jala dang adong na boi mangabbati Au.”+
14 Songon on ma hata ni Jahowa na manobus*+ hamu, Debata Nabadia ni Israel:+
“Alani hamu, suruokku ma akka tentara tu Babel jala hancurhonokku ma akka palang ni gerbangna,+
Jala gogo ma mangandungi akka halak Kasdim na di akka kapal ni nasida.+
15 Au do Jahowa, Debatamuna Nabadia,+ Au do na manoppa hamu ale Israel,+ jala Au do Rajamuna.”+
16 Jahowa do na mambahen dalan di tonga-tonga ni laut
Jala na mambahen dalan di tonga-tonga ni aek na margalumbang,+
17 Ibana do na mamboan kaluar kareta porang dohot hoda,+
Jala na mamboan akka tentara dohot akka halak na gogo.
Didok Ibana do:
“Marpeakan ma nasida sude jala dang lao dungo be.+
Mate ma nasida sude songon sumbu na mittop.”
18 “Unang be sai ingot akka naung salpu,
Jala unang be sai pikkiri akka najolo.
19 Ida ma! Bahenokku ma na imbaru, na so hea dope masa.+
Nungnga mulai masa i saonari.
Na so diida hamu do i?
20 Dohot do binatang liar pasangappon Au,
Songon i nang anjing hutan dohot burung unta,
Ai huparade do aek di padang gurun,
Dohot akka sunge di gurun pasir,+
Asa adong inumon ni bangsokku na hupillit i.+
21 Bangso na hubahen lao gabe appunakku,
Asa dipuji nasida akka na hubahen.+
22 Alai dang olo ho manjou Au, ale Jakkob,+
Ai nungnga bosan ho tu Au ale Israel.+
23 Dang diboan ho biru-biru lao gabe pelean situtungon di Au,
Manang dang dipasangap ho Au marhite peleanmu.
Dang hea hupaksa ho lao mamboan silehon-lehon tu Au,
24 Dang dipakke ho hepengmu manuhor jarango* na manis di Au,
Jala dang dibahen ho las rohakku ala dang dilehon ho tabo-tabo ni peleanmu.+
Gariada, dibahen ho do boban tu Au marhite akka dosam,
Jala dibahen ho do Au loja alani hasalaanmu.+
25 Au, Au do Debata na manesa hasalaanmu,+ ai lomo ni rohakku do i,+
Jala dang huingot-ingot be akka dosam.+
26 Beta, rap ma hita tu pengadilan, paingot ma Au,
Paboa ma akka hatoranganmu na patuduhon na sittong do ho.
28 Alani i, dang badia be di Au akka pamimpin na di inganan na badia,
Pasahatokku ma pinoppar ni si Jakkob lao dihancurhon,
Jala pasahatokku ma Israel lao dileai.+
44 “Saonari, ale Jakkob naposokku, tangihon ma,
Jala ho ale Israel, na hupillit.+
2 Songon on ma hata ni Jahowa,
Na mambahen ho jala Debata na manoppa Ho,+
Na mangurupi ho mulai sian na tubu:*
Huusehon ma tondi parbadiakku tu akka pinopparmu,+
Jala huusehon ma pasu-pasu tu akka anakkonmu.
4 Jala martunas ma nasida di tonga-tonga ni duhut-duhut,+
Songon hau poplar na tubu di labbung ni sunge.
5 Adong ma na mandok, “Appuna ni Jahowa do au.”+
Na asing mambahen goarna sandiri si Jakkob,
Jala disurat na asing ma muse di tanganna, “Appuna ni Jahowa.”
Jala dibahen ibana ma gelarna Israel.’
6 Songon on ma hata ni Jahowa,
Raja ni Israel+ jala na manobus*+ ibana, Jahowa Pamimpin ni Akka Tentara,*
‘Au do na parjolo jala Au do na parpudi.+
Dang adong Debata asing ni Au.+
7 Ai adong huroa na songon Au?+
Lok ma makkatai ibana jala dipatudu tu Au!+
Lok ma dipaboa ibana aha na lao masa satokkin nai,
Jala aha na lao masa di ari na naeng ro,
Dos songon na huulahon mulai sian na hupillit bangso on najolo.
Ai nungnga hudok hian tu hamu, andorang so masa dope on.
Hamu do akka saksikku.+
Adong do Debata na sittong asing ni Au?
Dang adong, dang adong Dolok Batu+ na asing na hutanda asing ni Au.’”
9 Dang hasea sude halak na mambahen patung i,
Jala dang marlapatan+ akka barang na dihaholongi nasida.
Ai tung gabe saksi pe akka patung i, dang adong na diida nasida dohot na diboto nasida,+
Alani i gabe maila+ ma akka na mambahen i.
10 Tung ise ma na olo mambahen debata manang patung sian logam
Na so adong gunana?+
11 Ida ma! Pailaonna ma sude na marsada dohot akka na mambahen patung i!+
Ai jolma do na mambahen patung i.
Lok ma marpungu nasida sude jala jongjong di ingananna be.
Ai bahenonna ma nasida mabiar jala rap dipaila ma nasida sude.
12 Tukkang bosi manutung bosi mamakke alatna* di atas ni gara.
Ditopa do i mamakke tokkok,
Diattuk do i mamakke tanganna na gogo.+
Male ma ibana jala habis ma gogona,
Dang minum ibana jala gabe loja.
13 Ditarik tukkang hau ma tali pangukkurna, dibahen ma tandana pakke kapur na merah,
Dibentuk ma i mamakke pahat jala ditandai mamakke jangka.
14 Adong do halak na karejona manaba hau ares.
Dipillit ibana ma sada jenis ni hau, i ma hau ek,*
Dipasombu ibana ma i tubu sappe balga di tonga-tonga ni tombak.+
Disuan ibana ma hau salam, jala lam balga ma i alani udan.
15 Dung i dibahen ma hau i gabe soban lao pagalakkon api.
Na deba nai ditutung ibana ma lao palashon dagingna,
Ditutung ma muse i lao mamanggang roti.
Alai dibuat ibana do i muse lao mambahen debatana jala marsomba tusi.
Dipahat ibana ma i gabe patung, jala marsomba ma ibana tu jolo ni patung i.+
16 Satonga sian hau i ditutung ibana ma tu api,
Lao mamanggang jagal, diallang ibana ma jagal i sappe butong.
Ditutung ibana ma i muse lao palashon dagingna, jala ninna,
“Ah, tabo nai, nungnga las huhilala dibahen apina i.”
17 Alai na satonga nai dipahat ibana ma i gabe patung lao gabe debata.
Marsinggang ma ibana jala disomba ma patung i.
Martangiang ma ibana tusi jala ninna,
“Palua ma au, ai ho do debatakku.”+
18 Dang diboto nasida manang aha, dang diattusi nasida agia aha,+
Ai ditutup do mata ni nasida asa unang boi nasida marnida,
Jala asa unang mangattusi pikkiran ni nasida.
19 Dang adong na mangarimangi i di bagasan rohana
Dang adong na mamboto i manang na mangattusi i lao mandok,
“Ai hututung do satonga hau i tu api,
Tu ginjang ni garana i do hupanggang roti dohot jagal lao allangokku.
Tama do au mambahen na satonga nai tu ulaon na dihagigihon?+
Tama do au marsomba tu hau na koring?”
20 Songon halak na mangallang abu do ibana.
Lilu do ibana dibahen rohana.
Dang tolap ibana paluahon dirina, jala dang diboto ibana mandok,
“Dang adong guna ni sude na hutiop on.”
21 “Ingot hamu ma sudena on, ale Jakkob, dohot ho ale Israel,
Ai ho do naposokku.
Au do na mambahen hamu gabe sada bangso jala ho do naposokku.+
Ale Israel, dang lupahonokku ho.+
22 Sesaokku ma akka hasalaanmu songon na manabunihon i di balik ni ombun+
Sesaokku ma akka dosam, songon na manutup i mamakke ombun na tobal.
Mulak ma hamu tu Au, asa hutobus hamu.+
23 Marsurak ma ho ale langit jala marlas ni roha,
Ai nungnga diulahon Jahowa songon i!
Marsurak ma ho ale tano, paboa naung monang ho!
Marsurak ma ho jala marlas ni roha ale akka dolok,+
Songon i nang ho ale tombak dohot sude hau na disi!
Ai nungnga ditobus Jahowa pinoppar ni si Jakkob,
Jala nungnga dipatudu Ibana hamuliaonna marhite na binahenna tu Israel.”+
“Au do Jahowa na manoppa sudena.
Adong do di tikki i na mangurupi Au?
25 Hupatudu do na so sittong akka tanda na binahen ni panurirang na palsu,*
Hubahen do akka datu gabe songon halak na oto,+
Au do na mambahen halak na marbisuk gabe bingung
Jala Au do na mambahen parbinotoan ni nasida gabe haotoon,+
26 Au do na pasautton hata ni naposokku,
Au do na mambahen saut sude hata na pinaboa ni halak na husuru,+
Jala Au do na mandok songon on taringot tu Jerusalem, ‘Diingani nama kota i,’+
Taringot tu kota Juda hudok do, ‘Dibangun do kota i muse,+
Jala pajongjongokku do muse akka naung maruppak,’+
27 Au do na mandok tu aek na bagas, ‘Koring ma hamu,
Jala bahenokku ma koring sude sungemuna,’+
28 Au do na mandok taringot tu si Sirus,+ ‘Ibana do parmahan na hupillit,
Jala ibana ma na pasautton sude lomo ni rohakku,’+
Au do na mandok songon on taringot tu Jerusalem, ‘Dibangun do kota i muse,’
Jala taringot tu bagas joro hudok do, ‘Dipadenggan do muse fondasim.’”+
45 On ma hata ni Jahowa tu si Sirus+ halak na pinillitna,
Ditiop Ibana do tangan kananna+
Asa ditaluhon akka bangso di jolona,+
Asa dibuat akka sinjata* ni raja,
Asa dibukka akka pintu di jolona,
Jala asa bukka sude gerbang,
Huhancurhon ma akka pintu tombaga,
Jala huponggolhon ma akka palang na sian bosi.+
3 Lehonokku ma tu ho arta na adong di inganan na holom
Jala arta na buni di akka inganan na buni,+
Asa ditanda ho Au do Jahowa,
Debata ni halak Israel, na manjou ho mamakke goarmu.+
4 Alani naposokku si Jakkob jala alani Israel bangso na hupillit i,
Hujou do ho mamakke goarmu.
Hulehon do tu ho goar na sangap, nang pe dang ditanda ho Au.
5 Au do Jahowa, dang adong na asing.
Dang adong Debata asing ni Au.+
Hupatogu do ho,* nang pe dang ditanda ho Au,
6 Asa diboto akka halak
Mulai sian barat sahat tu timur
Dang adong na asing, asing ni Au.+
Au do Jahowa, dang adong na asing.+
7 Au do na mambahen na torang+ dohot na golap,+
Au do na mambahen dame+ dohot hasusaan,+
Au do Jahowa na mambahen i sude.
8 Ale langit paro ma hatigoran dos songon udan,+
Pasombu ma hatigoran manetek sian ombun na di langit.
Pasombu ma bukka tano on, asa marparbue haluaon disi,
Asa martunas disi hatigoran.+
Au do Jahowa na mambahen i sude.”
9 Marjea ma manang ise pe na marsoal dohot Sitoppa ibana,
Ai dos songon ropuk-ropuk ni hudon tano na maputtar do ibana
Na peak di tano di tonga-tonga ni ropuk-ropuk ni hudon tano!
Patut do dohonon ni tano liat tu Sitopa ibana, “Ai aha do dibahen ho?”+
Manang, patut do dohonon ni na ditopami, “Dang adong tangan ni i”?*
10 Marjea ma halak na mandok tu bapakna, “Boasa ma ho gabe bapakku?”
Dohot halak na mandok tu omakna, “Boasa ma ditubuhon ho au?”
11 Songon on do hata ni Jahowa, Debata Nabadia ni Israel,+ Sitoppa ibana,
“Patut do hamu marsoal dohot Au taringot aha na lao masa
Jala mangatur-atur Au taringot tu anakku+ manang taringot ulaon ni tanganku?
12 Au do na mambahen tano on+ dohot akka jolma.+
Tanganku sandiri do na pahembangkon langit,+
13 “Ala sittong do Au,+ hupillit do sasahalak,
Jala bahenokku ma tigor sude dalanna.
Diulahon ibana do i dang alani upa manang sogok,”+ ninna Jahowa Pamimpin ni Akka Tentara.*
14 Songon on ma hata ni Jahowa,
“Gabe appunam ma sude uttung* ni Mesir dohot akka tiga-tiga* ni Etiopia rap dohot halak Seba na timbo,
Ro ma nasida sude tu ho.
Mardalan ma nasida di pudim huhut diratte.
Ro ma nasida jala marsomba tu ho.+
Marsomba ma nasida tu ho jala sangap ma ho dibahen nasida didok ma, ‘Tutu, didongani Debata do ho,+
Dang adong na asing, dang adong Debata na asing.’”
15 Ho do Debata na manabunihon akka dalanmu,
Ale Debata ni Israel, Sipalua.+
16 Lao ma sude akka na mambahen patung jala gabe maila,
Gabe dipaila ma nasida jala dibahen marlea.+
17 Alai paluaon ni Jahowa ma Israel sahat tu saleleng ni lelengna.+
Dang dipaila be hamu jala dang marlea be hamu sahat tu saleleng ni lelengna.+
18 Ai songon on do hata ni Jahowa,
Sitoppa langit,+ Debata na sittong,
Debata na manoppa tano on, jala na mambahen tano on togu,+
Dang na lao marisuang* i ditoppa Ibana, alai ditoppa do i lao diingani,+
“Au do Jahowa, dang adong na asing.
19 Dang di inganan na buni+ jala dang di luat na golap au makkatai,
Dang hudokkon tu pinoppar ni si Jakkob,
‘Lului ma Au nang pe dang dapotmuna.’*
Au do Jahowa, na paboahon akka na sittong dohot na tigor.+
20 Hamu akka halak na malua sian akka bangso.+
Marpungu jala ro ma hamu.
Dang diboto nasida manang aha, diboan nasida do patung tusan tuson,
Jala martangiang do nasida tu debata na so boi paluahon.+
21 Makkatai ma hamu jala paboa ma akka bukti na adong di hamu.
Marpungu ma hamu asa dihatai hamu na lao sidohononmuna.
Ise do na paboahon on sian tikki na salpu
Jala na paboahon i sian najolo?
Au do Jahowa na paboahon i.
Dang adong Debata na asing, holan Au do.
Au do Debata na tigor jala Sipalua,+ dang adong na asing, asing ni Au.+
22 Mulak ma hamu tu Au asa malua hamu,+ sude na adong di tano on,
Au do Debata, dang adong na asing, asing ni Au.+
23 Au sandiri do na marsumpa,
Jala sittong do hata na kaluar sian pamanganku,
Pasti saut+ do akka na hudok on:
Na lao marsomba ma sude halak tu Au,
Jala marsumpa ma sude halak na lao setia do nasida tu Au,+
24 Dohonon ni nasida ma, ‘Sai akka na sittong do na diulahon Jahowa jala gogo do Ibana.
Ro ma tu jolona sude halak na muruk tu Ibana huhut maila.
25 Alani Jahowa gabe didok ma sittong sude pinoppar ni Israel,+
Jala bangga ma nasida alani sude pambahenanna tu nasida.’”
46 Marsinggang ma debata Bel+ dohot debata Nebo.
Nungnga dibahen patung ni nasida di atas ni binatang, binatang siboan boban,+
Diboan do i dos songon na mamboan barang di atas ni binatang naung loja.
2 Rap do nasida marsinggang,
Dang boi diselamatton nasida akka patung i,
Jala nasida sandiri pe diboan nama tu luat ni musu.
3 “Hamu ale akka pinoppar ni si Jakkob dohot akka pinoppar ni Israel na tinggal dope, tangihon ma Au,+
Hamu na huoppa mulai sian na tubu jala na hujaga mulai sian kandungan.+
4 Sahat tu na matua ho, dang muba Au,+
Sahat tu na ubanon pe ho, toktong do urupanku ho.
Songon naung huulahon saleleng on, hutogu, huurupi jala hupalua do ho.+
5 Tu ise ma huroha dipatudos hamu manang dipasuman hamu Au?+
Adong do debata na asing na dos songon Au?+
6 Adong do halak na pakaluarhon godang mas sian tasna,
Ditimbang nasida ma muse akka perak.
Digaji ma tukkang logam lao mambahen i gabe debata,+
Dung i marsinggang ma nasida tusi, jala i ma na disomba nasida.*+
7 Dibahen nasida ma i tu bahu ni nasida,+
Diboan ma i jala dipeakkon di ingananna, dipajongjong ma i disi.
Alai dang na lao meret i sian i.+
Tangis do nasida mangalu-alu tusi, alai dang dialusi,
Dang boi paluaonna manang ise pe sian hasusaan.+
8 Hamu akka pangalo, pikkirhon ma i.
Ingot ma on jala barani ma hamu.
9 Ingot ma akka na masa di tikki naung salpu,*
Au do Debata jala dang adong na asing.
Au do Debata, jala dang adong na songon Au.+
10 Sian mulana nungnga hupaboa hian songon dia ujungna,
Jala mulai sian najolo nungnga hupaboa akka na so masa dope.+
11 Hujou do pidong siallang bakke sian timur,+
Jala hujou do sasahalak sian luat na dao lao mangulahon akka na hutottuhon.*+
Nungnga hupaboa i, jala ulahonokku do i.
Nungnga hurencanahon i, jala ikkon pasautokku do i.+
12 Tangihon ma Au, hamu akka sijogal rukkung,*
Hamu akka na dao sian patikku na tigor.
Paluaokku do Sion, jala lehonokku do hasangapokku tu Israel.”+
47 Ale anak boru ni Babel,+
Turun ma ho jala hundul di tano.
2 Buat ma batu gilingan* jala giling ma topung.
Bukka ma panutup ni ulum.
Bukka ma jubahmu jala angkat ma rokmu.
Taripari ma akka sunge i.
3 Idaon ni akka halak ma na salang-salang ho.
Tarida ma hailaonmu.
Balosokku+ ma ho jala dang adong na boi mangabbati Au.*
4 “Debata Nabadia ni Israel
Ibana do na manobus hita,
5 Ale boru Kasdim,+
Hundul ma ho disi jala sip ma ho, lao ma ho tu na golap,
Dang digoari be ho Ratu ni Akka Harajaon.+
6 Muruk do Au tu bangsokku.+
Alai laos so dipatudu ho do asi ni roha tu nasida.+
Gariada dibahen ho do boban na borat tu akka na matua.+
7 Didok ho do, “Toktong do au gabe Ratu saleleng ni lelengna.”+
Dang dipikkiri ho akka pambahenanmi,
Jala dang dipikkirhon ho boha do ujungna.
8 Saonari, tangihon ma Au, ale na makkalomohon hasonangan,+
Na hundul tenang jala na mandok di rohana,
“Dang adong na ussangap sian au.+
Dang na lao mabalu au.
Jala dang na lao tilahaon au.”+
9 Hape toppu ma masa na dua on tu ho di bagasan sadari,+
Mate ma anakkonmu jala mabalu ma ho.
10 Diulahon ho do na jahat jala dirippu ho do dang na lao masa hasusaan tu ho.
Didok ho do, “Dang adong na mangida au.”
Parbinotoan dohot bisukmi do na mambahen ho gabe lilu.
Jala didok ho do di bagasan roham, “Dang adong na ussangap sian au.”
11 Alai ro nama hasusaan tu ho,
Jala dang boi jimatmi pasohon i.*
Ro ma akka hasusaan i tu ho jala dang boi diabbati ho.
Toppu ma ho hancur jala dang dirippu ho na lao masa i tu ho.+
12 Bahen, pakke ma ilmu sihirmi dohot jampi-jampim na godang i,+
I do na mambahen ho susa sian mulai poso.
Atik boha gabe marguna i tu ho,
Atik boha gabe mabiar akka halak tu ho.
13 Nungnga loja ho ala ni godang ni penasehatmu.
Saonari suru ma nasida jongjong lao paluahon ho,
Nasida na manomba akka langit* jala na mamparrohahon akka bintang,+
Na mangajari ho di tikki bulan baru,
Lao paboahon akka na lao masa tu ho.
14 Ida ma! Songon durame do nasida.
Lao ditutung nama nasida di api.
Dang boi dipalua nasida dirina sian api na marsigorgor.
Api na marsigorgor i dang songon gara ni api na dipakke lao palashon daging,
Jala dang songon api na dipakke lao marsisulu.
15 Songon i ma na lao masa tu akka parkarejom na mamakke ilmu gaib,
Na mambahen ho susa mulai sian na poso.
Lao ma nasida mambuat dalanna be.*
Dang adong na lao paluahon ho.+
48 Tangihon ma on ale pinoppar ni si Jakkob,
Hamu na dijou Israel,+
Jala na ro sian pinoppar ni si Juda,*
Na marsumpa di bagasan goar ni Jahowa,+
Jala na manjou Debata ni Israel,
Alai dang sian ias ni rohamuna hamu mangulahon i jala dang diulahon hamu na sittong.+
2 Ai didok nasida do tinggal di kota na badia nasida+
Jala marhaposan tu Debata ni Israel do nasida,+
Pamimpin ni Akka Tentara, na margoar Jahowa.
3 “Nungnga hupaboa hian akka na masa na parjolo i.
Sian pamanganku sandiri do i kaluar,
Jala au do na paboahon i.+
Toppu do i hubahen jala saut do i masa.+
4 Ai huboto sijogal rukkung do ho,
Sian bosi do urat ni rukkungmu jala sian tombaga do dahim,+
5 Nungnga hupaboa i sian najolo.
Andorang so masa i, hubahen do asa dibege ho i,
Asa unang didok ho, ‘Akka debatakku do na mambahen on sude,
Akka patung na diukir dohot patung na sian logam appunakki do na mamarettahon i.’
6 Nungnga dibege jala diida ho sudena on.
Paboaonmu do i tu na asing?+
Saonari hupaboa ma tu ho akka na baru,+
Akka rahasia na buni na so diboto ho dope.
7 On dope i adong, dang adong dope i sian najolo.
Dang hea dope dibege ho taringot i sahat tu sadari on,
Asa unang didok ho, ‘Ida ma! Nga diboto hami sudena i.’
8 Daong, dang hea dope i dibege ho,+ dang hea dope i diboto ho,
Di tikki naung salpu dang bukka dope pinggolmu.
9 Alai asa unang marlea goarhu hutahan ma murukku,+
Alani hasangapokku huorom ma dirikku,
Jala dang pamateonku ho.+
10 Ida ma! Hupaias do ho, alai dang songon na paiasson perak.+
Hupasombu do ho susa lao paiasson ho dos songon logam na ditutung asa malala.+
11 Asa unang marlea do goarhu umbahen na huulahon on,+
Tung na so jadi do pasombuonku marlea goarhu.+
Dang lehonokku hasangapokku tu manang ise pe.
12 Tangihon ma Au ale Jakkob dohot ho ale Israel naung hupillit i.
Dang muba-uba Au.+ Au do na parjolo jala Au do na parpudi.+
13 Tanganku sandiri do na mameakkon fondasi ni tano on,+
Jala tangan kananku do na pahembangkon akka langit.+
Tikki hujou nasida, ro do nasida sude.
14 Marpungu ma hamu sude, jala tangihon hamu ma.
Ise ma sian akka debata i na paboahon on?
Holong do roha ni Jahowa tu ibana.+
Ibana do na pasautton sakkap ni Debata taringot tu Babel,+
Jala tanganna do na lao mangalo halak Kasdim.+
15 Au sandiri do na mandok i, jala nungnga hujou ibana.+
Nungnga huboan ibana jala sai na marhasil do dalanna.+
16 Ro ma hamu, pajonok ma tu Au jala tangihon ma on.
Sian mulana takkas do hupaboa jala dang adong na hutabunihon.+
Mulai sian na masa i, nungnga adong Au disi.”
Saonari, disuru Tuan Jahowa Natumimbul i do au, jala dilehon do tondi parbadiana tu au.*
17 Songon on do hata ni Jahowa, na manobus* ho, Debata Nabadia ni Israel:+
“Au do Jahowa Debatam,
Debata na mangajarhon na denggan* tu ho,+
Debata na manogu-nogu ho di dalan sidalananmu.+
Jala songon galumbang ni laut ma akka pambahenanmu na denggan.+
19 Dos songon godang ni pasir na di laut ma anakkonmu dohot pinopparmu,+
Tung na so jadi disesa manang mago goar ni nasida sian jolokku.”
20 Kaluar ma hamu sian Babel!+
Lari ma hamu sian Kasdim!
Marsurak marlas ni roha ma hamu paboahon i! Gogo ma soaramuna paboahon i!+
Paboa ma i sahat tu ujung ni tano on.+
Dok ma, “Nungnga ditobus Jahowa be si Jakkob naposona i.+
21 Dang na lao mauas nasida tikki ditogu Ibana sian gurun.+
Bahenonna do aek mardalan sian dolok batu lao di nasida,
Dibola Ibana do dolok batu asa kaluar aek sian i.”+
22 Didok Jahowa do, “Dang adong dame di halak na jahat.”+
49 Hamu ale akka pulo, tangihon ma au,
Hamu ale akka bangso+ na dao, parrohahon hamu ma.
Andorang so tubu*+ dope au nungnga dijou Jahowa au.
Tikki di bortian* ni omakku dope au nungnga dijou Ibana goarhu.
2 Dibahen Ibana do babakku dos songon piso na tajom,
Ditabunihon Ibana do au di toru* ni tanganna,+ lao mangalinggomi au.
Dibahen Ibana do au gabe songon panah naung dipatajom,
Jala ditabunihon Ibana do au di inganan ni panahna.
4 Alai hudok ma, “Marisuang do halojaokki.
Nungnga hupakke gogokku tu na so marlapatan.
5 Jahowa do na mambentuk au mulai sian kandungan lao dibahen gabe naposona,
Didok Ibana do tu au asa huboan mulak si Jakkob,
Asa dipapungu halak Israel tu Ibana.+
Dipasangap ma au di jolo ni Jahowa,
Jala Debatakki ma na mangalehon gogo di au.
6 Jala didok Ibana do, “Ale naposokku,
Dang holan lao paulakkon akka marga ni si Jakkob ho husuru,
Jala dang na holan paulakkon halak Israel na mangolu i dope,
Alai bahenokku ma ho gabe sinondang tu akka bangso,+
Asa sahat haluaon na sian Au i tu akka ujung ni tano on.”+
7 Songon on ma hata ni Jahowa Debata Nabadia,+ na manobus* Israel, tu halak na dileai,+ tu halak na dihagigihon akka bangso, tu naposo ni akka parhuaso:
“Alani Jahowa na setia i,+
Debata Nabadia ni Israel, na mamillit ho+
Jongjong ma akka raja, huhut mangida,
Jala marsomba ma akka pamimpin.”
8 Songon on ma hata ni Jahowa,
“Di tikki hupatudu asi ni rohakku, hualusi do ho,+
Jala huurupi do ho di ari haluaon i,+
Sai hujaga do ho lao mambahen ho gabe songon sada jaminan* tu bangso i,+
Lao padenggatton luat i,
Lao paulakkon parbagianan ni nasida naung tarulang i,+
9 Lao mandok tu akka na tarhurung, ‘Kaluar ma hamu!’+
Tu akka halak na di inganan na golap,+ ‘Patudu ma dirim!’
Dos songon biru-biru ma nasida, mangan di topi ni dalan.
Jala saleleng di pardalanan* adong do akka duhut-duhut lao di nasida.
11 Bahenokku ma sude dolokki gabe dalan,
Jala hupatimbo ma akka dalanku.+
12 Ida ma! Ro do nasida sian na dao,+
Jala parrohahon ma! Adong na sian utara dohot sian barat,
Jala adong do na sian luat Sinim.”+
13 Marsurak marlas ni roha ma ho ale langit, jala marlas ni roha ma ho ale tano.+
Marsurak marlas ni roha+ ma ho ale akka dolok-dolok.
14 Alai sai didok Sion do,
“Nungnga ditinggalhon+ Jahowa au, jala nungnga dilupahon Jahowa au.”+
15 Boi do lupahonon ni sahalak borua anakkonna na manusu dope?
Manang boi do dang holong rohana tu anak na ditubuhon ibana?
Nang pe boi ibana lupa, alai dang hea lupa Au tu ho.+
16 Ida ma! Nungnga huukir be goarmu di talapak ni tanganku.
Jala sai toktong do di jolokku akka tembokmi.
17 Ida ma, hatop nama akka ianakkonmu ro.
Lao nama akka halak na manghancurhon ho dohot akka halak na mangaropukkon ho.
18 Ida ma jala tatap ma tu sakalilingmu.
Nungnga marpungu be nasida sude.+
Nungnga ro nasida sude tu ho.
“Songon pastina Au mangolu,”* ninna Jahowa,
“Pakkeonmu ma nasida sude songon mamakke perhiasan,
Pakkeonmu ma nasida dos songon na binahen ni pengantin.
19 Nang pe najolo tarulang jala hancur luatmuna i,+
Alai saonari, nungnga hurang bidang i di akka pangisina,+
Jala akka halak na mambahen ho hancur+ nungnga dao be sian ho.+
20 Dohonon ni anakmu ma tu ho, i ma anakmu na tubu dung tilahaon ho,
‘Masoppittu do inganan on di au.
Lului ma muse inganan asa tinggal au dison.’+
21 Jala dohononmu ma di bagasan roham,
‘Ise do bapak ni dakdanak on?
Ise do na pagodang-godangkon on?+
Ida ma! Holan sasada au do na tinggal,+
Nungnga mate ianakkokku jala mandul do au,
Diboan do au tu luat ni musu,
Jadi sian dia do akka dakdanak on?’”+
22 Songon on ma na didok Jahowa Tuan Natumimbul i,
“Ida ma! Angkatokku ma tanganku tu akka bangso,
Jala angkatokku ma tiang na gabe tanda tu akka bangso.+
Boanon ni nasida ma akka anakmu di abingan* ni nasida,
Jala boanon ni nasida ma akka borum di bahu ni nasida.+
23 Jagaon ni akka raja ma ho,+
Jala akka boru ni raja ma na gabe parorotmu.
Marsomba ma nasida tu ho,+
Jala dilaton ni nasida ma orbuk na di patmu,+
Dung i, botoonmu ma Au do Jahowa,
Manang ise na marpos ni roha tu Au, dang na lao dipaila.”+
24 Boi do malua halak na ditakkup sian tangan na gogo?
Manang boi do malua sasahalak sian halak na kejam?
25 Alai songon on do didok Jahowa,
“Malua do halak na ditakkup halak na gogo,+
Jala selamat do manang ise pe na ditakkup halak na kejam.+
Alookku do halak na mangalo hamu,+
Jala paluaokku do akka anakmuna.
26 Bahenokku ma halak na jahat tu ho mangallang sibukna sandiri,
Jala mabuk ma nasida manginum mudarna sandiri, dos songon manginum anggur na manis.
Alani i, botoon ni sude halak ma Au do Jahowa,+
Na paluahon+ hamu dohot na manobus* hamu,+
Debata na Gogo, Debata ni si Jakkob.”+
50 Songon on ma hata ni Jahowa,
“Ai adong huroha hulehon surat sirang+ tu omakmuna tikki na hupalao i ibana?
Manang tu parutangan na dia huroha hamu hujual?
Alani dosamuna sandiri+ do umbahen na dijual hamu,
Jala ala ni hasalaanmuna sandiri do umbahen na dipalao+ omakmuna.
2 Boasa ma tikki ro Au dang adong manang ise dison?
Boasa ma tikki hujou dang adong na mangalusi?+
Na hurang ganjang do tanganku lao manobus hamu?
Manang na so margogo do Au lao paluahon hamu?+
Busuk ma akka dekke disi, ala dang adong aek,
Jala mate mauas ma nasida.
3 Ida ma, gabe holom+ ma bahenokku akka langit,
Jala hubahen ma abit goni gabe tutupna.”
Didungoi Ibana do au ganup manogot,
Dipatinggil Ibana do pinggolhu asa denggan au manangihon dos songon sahalak murid.+
5 Nungnga dibukka Jahowa Tuan Natumimbul i pinggolhu,
Jala dang mangalo au.+
Dang manimbil au sian Ibana.+
6 Hulehon do tanggurungku tu akka halak na mamukkuli au,
Hutarehon do bohikku tu akka halak na mancabut jangguttu.
Jala dang hutabunihon bohikku tikki dileai jala ditijuri+ halak au.
7 Alai, dang maila au,
Urupan ni Jahowa Tuan Natumimbul i do au.+
8 Di labbungku do Ibana na mandok au sittong.
Ise ma na boi marsoal dohot au?+
Beta, rap jongjong ma hita asa diadili.
Manang ise na mangalo au,
Ro ma tu labbungku.
9 Ida ma! Urupan ni Jahowa Tuan Natumimbul i do au.
Ise na mandok au marsala?
Ida ma! Dos songon pakkean na retes nama nasida,
Pakkean na diallang ngitngit.
10 Ise ma sian hamu na makkabiari Jahowa,
Jala na manangihon soara ni naposona?+
Ise sian hamu na mardalan di inganan na massai golap na so adong hatiuron?
Marpos ni roha ma ibana tu goar ni Jahowa jala mangasahon* Debatana ma ibana.
11 “Sude hamu na pagalakkon api,
Mardalan ma hamu di tonga-tonga ni api naung galak i.
On ma hukuman na lao dapotmuna sian Au:
Peak ma hamu jala taononmuna ma sitaonon na massai haccit.
51 “Tangihon ma Au, ale hamu na marsitutu mangalului na sittong,*
Hamu akka na mangalului Jahowa.
Ida hamu ma dolok batu ingananmuna dibuat,
Jala ida hamu ma lubang ingananmuna dipakaluar.
2 Ida ma si Abraham bapakmi
Dohot si Sara+ na manubuhon ho.
3 Apulon ni Jahowa ma Sion.+
Dipadenggan* ma muse akka ingananna naung hancur i,+
Bahenonna ma akka luatna naung koring i gabe songon Taman Eden,+
Jala bahenonna ma akka gurun gabe songon porlak ni Jahowa.+
Marsurak marlas ni roha ma akka halak disi,
Mandok mauliate jala marende ma nasida disi.+
4 Parrohahon hamu ma, ale bangsokku,+
Jala patinggil hamu ma pinggolmuna tu Au.
Ai paboaokku nama patikku,+
Jala bahenokku nama patik na hutottuhon i gabe sinondang tu akka bangso.+
5 Nungnga jonok+ be na sittong i.
6 Tatap hamu ma doppak langit,
Jala ida hamu ma tano on.
Mago nama langit i dos songon timus
Dos songon abit naung retes nama tano on,
Jala dos songon lanok na mate nama pangisina.
Alai anggo haluaon na sian Au i, toktong do adong saleleng ni lelengna,+
7 Tangihon ma Au, hamu akka halak na mamboto na sittong,
Unang mabiar hamu nang pe direhei jolma,
Unang hamu makkahitir nang pe dileai nasida.
8 Ai dos songon abit na diharat ngitngit nama nasida,
Alai anggo hatigorakki, martahan do saleleng ni lelengna,
Jala haluaon na sian Au, toktong do hot sian tikki tu tikki.”+
9 Sai anggiat ma diangkat Ho, Jahowa tanganmi,+
Sai anggiat ma diangkat Ho tanganmi lao patuduhon hagogoonmu.
Sai anggiat ma diangkat Ho tanganmi dos songon di tikki naung salpu.
10 Ai Ho do kan na mambahen koring laut na bagas, jala na massai bidang i?+
Ai Ho do kan na mambahen dalan di laut na bagas asa boi manaripar akka halak na ditobusmi?*+
11 Mulak ma akka halak na ditobus Jahowa.+
Marsurak marlas ni roha ma nasida mulak tu Sion,+
Jala marlas ni roha ma nasida saleleng ni lelengna.+
Ai appuna ni nasida nama las ni roha dohot sonang ni roha,
Jala salpu nama lungun ni roha dohot arsak ni roha.+
12 “Au sandiri do na mangapuli rohamuna.+
Boasa pola mabiar hamu tu jolma na lao mate i,+
Dohot tu anak ni jolma na dos songon duhut-duhut na malos?
13 Boasa gabe lupa ho tu Jahowa Sitoppa ho,+
Debata na pahembangkon langit+ jala na mambahen fondasi ni tano on?
Ganup ari do ho mabiar ala sai muruk halak na mambahen na jahat tu ho,
Hira na boi ma pamateonna ho.
Saonari, nga didia halak na jahat na sai muruk i tu ho?
14 Na lao dipalua nama halak na diratte,+
Dang na lao mate ibana jala dang na lao masuk tu lubang ni kuburan,
Jala dang hahurangan sipanganon ibana.
15 Au do Jahowa Debatam,
Na mambahen guccang laut jala na mambahen gogo soara ni ombakna,+
16 Bahenokku ma ho paboahon akka hatakku,
Jala marhite tanganku linggomakku ma ho,+
Asa hupaherbang langit jala hupeakkon fondasi ni tano on,+
Jala asa hudok tu Sion, ‘Ho do bangsokku.’+
17 Hehe ma ho! Hehe ma ho! Hehe ma ho ale Jerusalem,+
Ho na minum sian makkuk rimas ni Jahowa na di tanganna.
Minum do ho sian makkuk panginuman i,
Diinum ho do i sappe habis jala gabe mirdong ma ho dibahen i.+
18 Sian sude anak na ditubuhon ibana, dang adong nanggo sada pe na manogu-nogu ibana,
Jala sian sude anak na dipagodang-godang ibana, dang adong nanggo sada pe na maniop tanganna.
19 Masa ma hasusaan na dua on tu ho.
Ise ma na lao marasi ni roha tu ho?
Hancur jala tarulang ma ho, taononmu ma haraparon jala ro ma podang tu ho,+
Ise ma na mangapuli ho?+
20 Pingsan ma akka anakmu.+
Peak ma nasida di sude sippang ni akka dalan,
Dos songon biru-biru liar na di bagasan jaring.
Dihilala nasida ma haccit ni muruk ni Jahowa dohot hukuman na sian Debata.”
21 Alani i, tangihon ma on,
Ale borua na dangol jala na mabuk, alai dang alani anggur.
22 On ma hata ni Tuan Jahowa, i ma Debatam na mambela bangsona,
“Ida ma! Buatokku ma sian tanganmu makkuk panginuman na mambahen ho mabuk,+
I ma galas, makkuk rimashi,
Dang minum be ho sian i.+
23 Lehonokku ma i tu tangan ni akka halak na jahat tu ho,+
Akka halak na mandok tu ho, ‘Manukkap ma ho asa mardalan hami di atasmu!’
Songon i ma ho mambahen tanggurungmu gabe songon tano,
Gabe songon dalan na lao dibolus nasida.”
52 Hehe ma ho! Hehe ma ho! Pargogoi ma dirim,+ ale Sion!+
Pakke ma bajum na bagak i,+ ale Jerusalem, kota na badia!
Ai dang na lao masuk be tu ho halak na so marsunat dohot halak na ramun.*+
2 Jongjong ma ho ale Jerusalem, paspas ma orbuk na sian dagingmi, jala hundul ma ho di inganan na sangap.
Ale boru Sion naung tartakkup, bukka ma tali pangikkat na di rukkungmi.+
3 Songon on ma hata ni Jahowa,
“Tikki targadis hamu, dang adong dilehon gararmuna,+
Jala tikki ditobus* hamu, dang adong hepeng lao lehonon manobus hamu.”+
4 Songon on ma hata ni Jahowa Tuan Natumimbul i,
“Najolo, lao do bangsokku tu Mesir, asa manoppang di inganan i,+
Dung i disiksa halak Asiria ma nasida, so adong alana.”
5 “Alai saonari, aha ma na ikkon hubahen?” ninna Jahowa.
“Nungnga diboan nasida bangsokki, hape so dilehon nasida manang aha gararna.
Akka pamimpin ni nasida marsurak paboa naung monang,”+ ninna Jahowa,
“Jala ganup ari, sai dileai nasida do goarhu.+
6 Alani i, di ari tikki hupasaut hatakki botoon ni bangsokki ma goarhu,+
Botoon ni nasida ma na Au do na makkatai tu nasida.
Tutu, Au do na paboahon i tu nasida!”
7 Las situtu do roha mangida halak* na mamboan barita na uli+ na mardalan di akka dolok,
Na pasahatton barita hadameon,+
Na mamboan barita na uli taringot tu akka na dumenggan,
Na paboahon barita haluaon,
Na mandok tu Sion, “Nungnga gabe Raja+ be Debatam!”
8 Tangihon hamu ma! Nungnga dipagogo panjagamuna be soarana.
Rap marsurak ma nasida,
Ai idaon ni nasida nama takkas papunguon ni Jahowa muse Sion.
9 Marlas ni roha jala rap marsurak ma hamu ale akka inganan na maruppak na di Jerusalem,+
Ai nungnga diapuli Jahowa be bangsona,+ jala nungnga ditobus* Ibana Jerusalem.+
10 Nungnga dipatudu Jahowa tanganna na badia i di jolo ni sude bangso,+
Idaon ni sude halak na di tano on ma haluaon* na sian Debatanta.+
11 Hamu akka na mamboan peralatan ni Jahowa,+
Kaluar ma hamu sian tonga-tongana i,+ jaga hamu ma dirimuna toktong ias.
12 Dang pola makkudus hamu kaluar,
Manang dang pola lari hamu tikki lao sian i,
Ai Jahowa do na mardalan di jolomuna,+
Jala Debata ni Israel do na manjaga hamu sian pudi.+
13 Ida ma! Marbisuk do naposokki.+
Dapotna ma jabatan na timbo,
Dilehon ma tu ibana jabatan na timbo jala massai sangap dibahen.+
14 Dos songon tikki godang halak longang mangida ibana
Ai nungnga urroa ibana sian manang ise pe,
Jala nungnga unjorbut rupana sian jolma na dia pe,
15 Songon i ma akka bangso tarsonggot alani ibana.+
Dang tardok ni akka raja be manang aha di jolona,*+
Ai idaon ni nasida ma akka na so hea dope dipaboa tu nasida,
Jala dipikkirhon nasida ma na so hea dope dibege nasida.+
53 Ise do na porsea tu barita na pinaboanami?*+
Jala tu ise ma patuduhonon+ ni Jahowa huasona?*+
2 Magodang ma ibana songon ratting+ di jolona,* songon urat ni suan-suanan na di tano na koring.
Dang sangap manang mulia ibana idaon,+
Jala tikki huida hami rupana, dang lomo roha naeng jonok tu ibana.*
3 Dileai do ibana jala dipasiding akka jolma,+
Diattusi ibana do haccit ni na marsitaonon, jala jonok do ibana tu halak na marsahit.
Songon na ditabunihon ibana do bohina sian hami.*
Dileai do ibana jala dang marlapatan ibana di hami.+
Alai dirippu halak do ibana na hona kutuk, na hona hukum, jala susa dibahen Debata.
6 Songon biru-biru na lilu+ do hami sude,
Ganup do hami mambuat dalannami be,
Jala tu ibana do diappehon Jahowa sude hasalaannami.+
7 Massai haccit do dibahen tu ibana,+ jala dipasombu ibana do dirina disiksa,+
Alai dang didok ibana manang aha pe.
Songon sada biru-biru na diboan tu inganan pamotongan do ibana,+
Songon anak ni biru-biru na sai hohom di jolo ni na manggusting ibbuluna,
Dang didok ibana manang aha pe.+
Ai dipamate do ibana sian luat ni halak na mangolu.+
9 Disuru do ibana asa dikuburhon* rap dohot akka parjahat,+
Jala dung mate, dikubur do ibana rap dohot na mora,+
Hape dang adong diulahon ibana na sala*
Jala dang hea ibana margabus.+
10 Alai dipaloas* Jahowa do asa disiksa ibana jala dipasombu manaon na haccit.
Ale Debata, molo naeng bahenonmu do ibana gabe pelean hasalaan,+
Idaonna ma pinopparna,* ganjang ma umurna,+
Jala marhite ibana saut ma lomo ni roha ni Jahowa.+
11 Dung marsitaonon, idaonna ma hasil na diulahon ibana, jala puas do ibana.
Marhite parbinotoanna, halak na hudok mangulahon na sittong, i ma naposokki,+
Mangurupi godang halak asa didok mangulahon na sittong,+
Jala sude hasalaan ni nasida appe tu ibana.+
12 Alani i, lehonokku ma parbagiananna rap dohot godang halak,
Jala dibagi-bagi ibana ma arta na dibuat tu akka halak na gogo,
Ai nungnga dilehon ibana dirina tu hamatean+
Jala dirippu halak do ibana parjahat,+
Diusung ibana do dosa ni godang halak,+
Jala ibana ma na mambahen pangidoan tu Debata taringot tu halak na mardosa.+
54 “Ale borua na mandul, na so hea manubuhon anak, marsurak ma ho marlas ni roha!+
Ale ho na so hea manaon haccit ni manubuhon anak,+ marsurak ma ho jala marlas ni roha,+
Ai unggodang nama anak* ni borua na ditadikkon,
2 “Pabidang ma ingananmu mambahen kemah.+
Paherbang ma akka kain kemah ni tabernakelmu na sangap i.
Paganjang ma tali ni kemahmi saganjang ni ganjangna,
Jala gogo ma pattikkon akka patok ni kemahmi.+
3 Ai dipabidang nama akka parbatasanmi tu kiri dohot tu kanan.
Dirajai pinopparmu ma akka bangso,
Jala diingani nasida ma akka kota na tarulang.+
4 Unang pola mabiar ho,+ ai dang pailaonna ho,+
Dang bahenon ni halak ho marlea, ai saut nama na pinaima-imami.
Ai lupa nama ho tu sude na mambahen ho maila di tikki poso,
Jala dang ingotonmu be na mambahen ho marlea ala mabalu.”
5 “Ai Sitoppa ho na Sangap i+ do na gabe songon suamim,*+
Ditanda do Ibana Jahowa Pamimpin ni Akka Tentara,*
Dijou ma Ibana Debata ni saluhut tano on.+
6 Ai dijou Jahowa do ho songon sahalak istri na ditadikkon, jala na marsak,+
Songon sahalak borua na muli tikki poso alai dukkon i dibolokkon,” ninna Debatam.
7 “Holan satokkin do ho hutadikkon,
Alai boanokku do ho mulak muse+ mardongan asi ni rohakku na massai balga i.
8 Di bagasan rimashu na marsigorgor i, hutabunihon do bohikku satokkin sian ho,+
Alai alani holong ni rohakku* na saleleng ni lelengna i, patuduokku do asi ni rohakku tu ho,”+ ninna Jahowa na manobus* ho.+
9 “Dos songon di tikki ni si Noak do on di Au.+
Dos songon tikki marsumpa Au di jaman ni si Noak, na so jadi bahenokku aek manutupi tano on,+
Songon i ma Au muse marsumpa, na so murukakku be ho jala na so hukumokku be ho.+
10 Nang pe pinda akka dolok,
Jala humutur akka dolok,
Alai anggo holong ni rohakki,* dang na lao mago i sian ho,+
Jala hot do toktong parjanjian dame na hubahen i,”+ ninna Jahowa Debata na marasi ni roha tu ho.+
11 “Ale borua na marsitaonon,+ na hona badai, jala na so diapuli,+
Nungnga hubahen akka batumi tu simin naung dicampur,
Jala hubahen do fondasim mamakke batu safir.+
12 Bahenokku ma pagar ni tembok ni kotam sian permata na merah,*
Akka gerbangmu hubahen sian akka batu na marhillong,*
Jala sude parbatasan ni hutam hubahen sian akka batu na arga.
14 Hot ma ho dibangun marhite ulaon na sittong*+
Dipadao ma ho sian akka na mambahen susa,+
Dang adong be na dihabiari ho, jala dang adong na mambahen ho mabiar,
Ai dang na lao ro i tu ho.+
15 Molo adong na mangalo ho,
Dang Au na manuru i.
Manang ise pe na ro mangalo ho, pasti talu do i.”+
16 “Ida ma! Au do na manoppa tukkang logam,
Tukkang na mangombus gara ni api,
Jala halak na mambahen sinjata.
Au do muse na manoppa akka panegai na manghancurhon.+
17 Dang na lao marhasil sinjata manang aha pe na dibahen lao mangalo ho,+
Jala hukumonmu do ganup dila ni halak na mangalo ho di pengadilan.
On ma parbagianan* ni akka naposo ni Jahowa,
Jala Au do na mandok nasida mangulahon na sittong,” ninna Jahowa.+
55 Sude hamu na mauas,+ ro ma tuson, minum ma hamu!+
Hamu na so marhepeng, ro ma hamu, jala buat ma sipanganon di hamu!
Ro ma hamu mambuat anggur dohot susu,+ dang pola garar hamu, gratis.+
2 Boasa sai dipakaluar hamu hepeng lao manggarar na so sipanganon?
Jala boasa dipahabis hamu gajimuna* lao manuhor na so boi mambahen hamu puas?
Tangihon hamu ma Au, allang hamu ma sipanganon na denggan,+
3 Tangihon jala ro ma hamu tu Au.+
Tangihon ma asa toktong hamu mangolu,
Jala bahenokku ma tu hamu parjanjian na saleleng ni lelengna.+
Lehonokku ma tu hamu pasu-pasu naung hujanjihon tu si Daud alani holong ni rohakku* tu ibana,
Boi do dihaporseai janji na hubahen on.+
4 Ida ma! Hubahen ma ibana gabe saksi+ ni akka bangso,
5 Ida ma!* Jouonmuna* ma sada bangso na so ditanda hamu,
Marroan ma tu hamu akka halak na sian bangso na asing na so mananda hamu
Marroan ma nasida alani Jahowa Debatamuna,+ i ma Debata Nabadia ni Israel.
Ai nungnga dibahen Ibana hamu sangap.+
6 Lului ma Jahowa, bissan boi dope dapotmuna Ibana.+
Jou hamu ma Ibana, bissan jonok dope Ibana.+
7 Lok ma ditadikkon parjahat akka dalanna na jahat+
Jala unang be dipikkirhon halak na jahat akka ulaonna na jahat,
Lok ma mulak ibana tu Jahowa, na marasi ni roha tu ibana,+
Mulak ma ibana tu Debatanta, ai rade do Ibana* manesa sude dosana.+
8 “Ai dang songon pikkiranmuna pikkiranku,+
Jala dang songon dalanmuna dalanku,” ninna Jahowa.
9 “Ai songon langit na dao untimbo sian tano on,
Songon i ma dalanku dao untimbo sian dalanmuna
Jala pikkiranku dao untimbo sian pikkiranmuna.+
10 Ai songon udan dohot salju na turun sian langit,
Dang mulak i tu ginjang, anggo so jolo matonu dibahen tano on, na mambahen tubu suan-suanan jala martunas,
Parbuena i gabe boni na lao disabur jala roti na lao dipangan,
11 Dos songon i ma akka hata na kaluar sian pamanganku.+
Dang mulak i tu Au anggo so jolo adong hasilna,+
Pasti pasautonna do lomo* ni rohakku,+
Jala pasti marhasil do na huparettahon.
Marsurak marlas ni roha+ ma sude akka dolok di jolomuna,
Jala martopak ma sude akka hau na di ladang.+
13 Gatti ni ramba na marsuga, tubu ma hau juniper,+
Jala gatti ni hau na marsuga, tubu ma hau mirtel.
56 Songon on ma hata ni Jahowa:
“Ihutton ma hukum na tigor,+ jala ulahon ma na sittong,
Ai ro nama haluaon na sian Au
Jala tarida nama hatigoran na sian Au.+
2 Marlas ni roha ma halak na mangulahon i
Marlas ni roha ma halak na maniop gomos patikku,
Na mambahen ari Sabat songon ari na badia,+
Dohot na so olo mangulahon manang aha pe na jahat.
3 Unang ma didok halak na sian bangso na asing na manomba Jahowa+ songon on,
‘Pasti bahenon ni Jahowa do au asing sian bangsona.’
Jala unang ma didok bawa na mandul,* ‘Songon hau na koring do au.’”
4 Songon on ma hata ni Jahowa tu bawa na mandul* na mangulahon ari Sabathu, na mamillit lomo ni rohakku jala na toktong setia tu parjanjiakku:
5 “Lehonokku ma tu nasida sada inganan di jabukku jala ingotokku ma goar ni nasida,
Dumenggan do i sian akka anak dohot boru.
Bahenokku ma goar ni nasida tarsurat saleleng ni lelengna,
I ma goar na so boi mago.
6 Tu akka halak na sian bangso na asing na dohot manomba Jahowa jala na marhobas tu Ibana,
Na makkaholongi goar ni Jahowa,+
Jala na gabe naposona,
Na mangulahon ari Sabat songon ari na badia,
Jala na torus setia tu parjanjiakku,
7 Dohot do nasida boanokku tu dolokku na badia i,+
Jala bahenokku ma nasida marlas ni roha di jabu partangiangakku.
Jalookku do sude pelean situtungon dohot pelean na asing na ditutung di langgatanku.
Ai didok nama jabukki gabe jabu partangiangan ni sude bangso.”+
8 Didok Jahowa Tuan Natumimbul, na papunguhon halak Israel na marserak i+ ma songon on,
“Asing ni halak Israel naung dipapungu i,+ papunguokku dope akka halak na sian bangso na asing.”
9 Sude hamu akka binatang liar na di ladang, ro ma hamu,
Dohot sude hamu binatang liar na di tombak, ro ma hamu mangan.+
10 Mapitung+ do akka panjagana, dang adong sian nasida na mamparrohahon aha na masa.+
Tudos do nasida sude songon biang na bisu, na so boi mangorong.+
Hosa-hosa do nasida, peak, jala holan na modom.
11 Songon biang na hisap do nasida,
Dang hea nasida butong.
Parmahan na so mangattusi manang aha do nasida.+
Ganup do sian nasida masibahen dalanna be,
Holan naeng mangalului uttung tu dirina sandiri do nasida jala dang jujur, didok nasida do,
12 “Beta, ro ma hamu, buatokku ma anggur,
Beta ma hita minum sappe mabuk.+
Ai songon sadari on do marsogot, gariada undenggan dope!”
57 Nungnga mate halak na sittong,
Alai dang adong na parduli tu ibana.
Nungnga mate halak na setia tu Debata,+
Alai dang adong na mangattusi, mate pe halak na sittong asa unang diida nasida do* hasusaan.
2 Juppangna ma hadameon.
Ganup halak na toktong di dalan na sittong juppangna ma hadameon di kuburan.*
3 “Alai anggo hamu, pajonok ma tuson,
Ale hamu anak ni boru-boru tukkang sihir,
Hamu anak ni pangalakkup dohot boru-boru na so hasea:
4 Ise do na diparekkeli hamu?
Tu ise do dipangangang hamu pamanganmuna lao mangarehei, jala dipahure-hure hamu dilamuna?
Ai anak ni pardosa do hamu kan?
Anak ni pargabus,+
5 Na mangulahon hisap-hisap ni dagingna tu akka debata di tonga-tonga ni hau na balga,+
Di toru ni hau na bolon,+
Na maneat anakkonna di akka rura,*+
Di toru ni akka lubang na di dolok batu.
6 Dipillit ho* do akka batu na landit na sian rura,*+
Tutu, i ma na gabe bagianmu.
Diusehon ho do pelean siinumon tusi dohot pelean na asing.+
Dirippu ho las rohakku* mangida i sude?
8 Dibahen ho do tanda parningotan di balik ni pintu ni jabum dohot di kusen ni pintum.
Ditadikkon ho do Au, jala dibukka ho do sude bajum,
Nakkok ma ho tusi jala dipabidang ho ma podomanmu.
Dibahen ho ma parjanjian dohot akka halletmu.
9 Turun ma ho mamboan miak tu Melek,*
Jala diboan ho do massai godang miak na angur.
Disuru ho do halak* tu inganan na dao,
Asa turun ho tu Kuburan.*
10 Sappe loja do ho mangihutton gok akka dalan,
Alai dang didok ho, ‘Marisuang do i sude!’
Margogo ma ho muse.
Alani i do dang marnaloja ho.
11 Ise do na mambahen ho mabiar jala humitir,
Umbahen na mulai margabus ho tu Au?+
Dang diingot ho Au.+
Dang diparrohahon ho manang aha.+
Jala dang dihabiari ho Au.
Ai sai sip do Au tu ho, jala dang hea huparsoalhon pangalahom.*+
12 Patuduokku ma akka ulaonmu na ‘denggan’ i+ dohot sude pambahenanmu,+
Jala dang adong guna ni i sude di ho.+
13 Tikki marsurak ho mangido asa diurupi,
Dang paluaon+ ni akka debata na pinapungumi ho.
Boanon ni alogo nama i sude,
Habang ma i sude diullus hosa na sangombus.
Alai anggo halak na marlinggom tu Au, teanonna ma tano on,
Jala appuna ni ibana ma dolokku na badia i.+
14 Adong ma na mandok, ‘Bahen ma dalan, bahen hamu ma sada dalan! Parade ma dalan i!+
Bolokkon hamu ma sude na mangabbati dalan ni bangsokku.’”
15 Ai songon on do hata ni Debata Natumimbul jala na sangap,
“Di inganan na timbo jala na badia do Au maringanan,+
Alai rap do Au dohot halak na malala rohana dohot na serep rohana,
Asa mulak muse las ni roha ni halak na serep roha
Jala asa malum roha ni halak na malala ate-atena.+
16 Ai dang alookku be nasida saleleng ni lelengna
Manang sai muruk+ tu nasida,
Ai gabe gale do akka halak alani Au,+
Songon i nang sude na marhosa na hutoppa i.
17 Muruk situtu do Au alani dosana, ai lomo do rohana mangalului uttung marhite ulaon na so jujur,+
Alani i ma hona hukum ibana, hutabunihon do bohikku, jala muruk situtu do Au tu ibana.
Alai toktong do ibana manimbil,+ mangihutton dalanna sandiri.
18 Nungnga huida be akka dalanna,
Alai pamalumokku do ibana,+ jala togu-toguokku+
Apulakku ma ibana*+ muse rap dohot akka halak na marhabot ni roha.”+
19 “Au do na manoppa hata puji-pujian na dilehon tu Au.
Toktong ma lehonokku hadameon tu akka halak na dao dohot na jonok,”+ ninna Jahowa,
“Jala pamalumokku ma ibana.”
20 “Alai halak na jahat i dos songon laut na margalumbang jala na so hea so,
Torus do diboan aekna i rumput laut dohot gambo.
21 Jala dang adong hadameon di halak na jahat,”+ ninna Debatakku.
58 “Marsurak ma ho sagogo ni gogom, unang pola tahan!
Pagogo ma soaram songon soara ni tarompet na sian tanduk.
Paboa ma tu bangsokki naung mangalo nasida,+
Jala paboa ma tu pinoppar ni si Jakkob akka dosa ni nasida.
2 Ganup ari do nasida mangalului Au,
Jala dipatudu nasida do na lomo roha ni nasida mamboto akka dalanku,
Asa songon bangso na mangulahon na sittong nasida,
Na so manadikkon paretta ni Debata ni nasida.+
Dipangido nasida do asa tigor Au tikki mangadili,
Jala didok do na las roha ni nasida jonok tu Debata.+
3 Saonari didok nasida ma, ‘Boasa dang diida Ho hami tikki marpuasa?+
Boasa dang parduli Ho tu hami tikki dipatudu hami na manolsoli hami alani dosanami?’*+
Ai tikki marpuasa hamu, mangalului uttung do hamu tu dirimuna sandiri,*
Jala dipaksa hamu do parkarejomuna mangulahon karejo na borat.+
4 Dung sae hamu marpuasa, marbadai, jala marsipukkulan do hamu,
Sagogo ni gogona do hamu manumbuki.
Sasittongna, dang boi hamu marpuasa songon na binahenmuna sadari on,
Unang dirippu hamu hubege soaramuna sian surgo.
5 Ai songon on do huroa puasa na hupangido:
Holan lao patuduhon na manolsoli do sasahalak sian dosana di ari i,
Lao paundukkon uluna songon ramba na timbo,
Lao mambahen kain goni dohot orbuk gabe podomanna?
Songon i do na didok hamu mangulahon puasa na mambahen las roha ni Jahowa?
6 Dang songon i puasa na hupangido, songon on do:
Lao mambolokkon ratte ni hajahaton do puasa i,
Lao mambukka pangikkat ni auga,*+
Lao paluahon akka halak na hona tindas,+
Jala lao mamonggolhon sude auga,
7 Lao mambagi rotim tu akka na male,+
Lao mamboan tu jabum halak na pogos dohot na so adong jabuna,
Lao mangalehon baju tu halak na so marpakkean,*+
Jala unang manjua ho lao mangurupi keluargam.
8 Marsinondang ma hatiuronmu dos songon parbissar ni mataniari,+
Jala satokkin nai pamalumonna ma ho.
Akka na sittong mardalan di jolom,
Jala hamuliaon ni Jahowa manjaga ho sian pudim.+
9 Tikki jou-jou ho, Au Jahowa mangalusi ho,
Tikki dipangido ho asa huurupi, alusakku ma, ‘Dison do Au!’
Molo dibolokkon ho auga na manusai akka halak,
Dang sai tudu-tudu jari-jarim tu akka halak, jala dang jahat be ho makkatai,+
10 Molo dilehon ho akka na dihalomohon roham tu halak na male,+
Jala dibahen ho sonang roha ni halak na susa,
Marsinondang ma hatiuronmi nang pe di inganan na holom,
Jala gabe tiur ma haholomonmi dos songon tikki arian.+
11 Sai ditogu-togu Jahowa ma ho,
Jala toktong do dilehon Ibana na porlu di ho, nang pe di inganan na harsang,+
Bahenonna do lam gogo holi-holim,
Dos ma ho songon porlak na toktong maraek,+
Songon mata mual na so hea koring.
12 Alani ho, bangunon ni halak ma akka inganan naung leleng hancur,+
Padengganonmu ma fondasi naung adong sian tikki naung salpu.+
Dohonon ni halak ma ho halak na padenggatton tembok na hancur,*+
Halak na padenggatton dalan di inganan na lao diingani.
13 Molo alani ari Sabat i do gabe dang dilului ho uttung tu dirim sandiri, i ma di arikku na badia i,+
Jala didok ho ari na massai sonang do ari Sabat i, ari na badia ni Jahowa, ari na pasangappon Debata,+
Jala uppetting do i di ho sian apala mangalului uttung tu dirim sandiri, dohot makkatahon akka na so marguna,
14 Marlas ni roha situtu ma ho alani Jahowa.
Bahenokku ma ho mangarajai akka inganan na timbo* na di tano on.+
Bahenokku ma allangonmu hasil na sian* parbagianan ni si Jakkob ompumi,+
Ai pamangan ni Jahowa sandiri do na mandok i.”
59 Ida ma! Dang na hurang ganjang tangan ni Jahowa lao paluahon hamu,+
2 Sasittongna, hasalaanmuna i do na mambahen hamu sirang sian Debata,+
Dosamuna i do na mambahen Ibana padaohon bohina sian hamu,
Jala na mambahen Ibana dang olo manangihon hamu.+
3 Kotor do talapak ni tanganmuna alani mudar+
Jala kotor do jari-jarimuna alani dosa.
Gabus do na dihatahon pamanganmuna,+
Jala na so sittong do na dihusippon dilamuna.
4 Dang adong na jou-jou lao mambela na sittong,+
Jala sian sude na lao tu pengadilan, dang adong na makkatahon na sittong.
Porsea do nasida tu akka na so marlapatan+ jala dihatahon nasida do akka na so marguna.
Direncanahon nasida do na jahat gabe tubu ma jea.+
5 Diporpori nasida do tolor ni ulok na marbisa,
Molo puttar tolor i kaluar ma ulok na marbisa.+
Manang ise na mangallang tolor ni nasida pasti mate.
Ditonun nasida do muse sarang ni laba-laba.
6 Alai dang boi sarang ni laba-laba ni nasida i gabe pakkean,
Dang boi ditutupi nasida diri ni nasida mamakke na binahen ni nasida.+
Parohon jea do ulaon ni nasida,
Diulahon tangan ni nasida do akka ulaon na jahat.+
7 Hatop do pat ni nasida marlojong mangulahon na jahat,
Hatop-hatop do nasida lao mandurusson mudar ni halak na so marsala.+
Akka na jahat do na dipikkirhon nasida,
Holan hasusaan dohot hamagoan do di akka dalan ni nasida.+
8 Dang ditanda nasida dalan hadameon,
Dang adong na tigor di dalan ni nasida.+
Dibahen nasida do bengkok akka dalan ni nasida,
Jala dang adong na mardalan sian i na mananda hadameon.+
9 Alani i ma dao hukum na tigor sian hami,
Jala gabe dang sahat akka na sittong i tu hami.
Hupaima-ima hami do ro na tiur, alai ida ma, sai holom do,
Sai hupaima hami do ro na torang, alai sai di haholomon do hami mardalan.+
10 Dadap-dadap do hami mangalului tembok songon halak na mapitung,
Sai dadap-dadap+ do hami songon halak na so adong matana.
Tartuktuk do hami di tikki arian, songon di tikki borngin na golap,
Jala songon halak na mate do hami di tonga-tonga ni halak na gogo.
11 Sai mangorong do hami songon beruang
Songon soara ni darapati do soaranami mangandungi.
Sai hupaima-ima hami do hukum na tigor, alai dang hea adong,
Sai hupaima hami do haluaon alai dao do i sian hami.
Nungnga huboto hami na mangalo hami,
Takkas do huboto hami hasalaannami.+
13 Nungnga marsala hami, jala dang diakkui hami Jahowa,
Marbalik do hami sian Debatanami.
Holan naeng mangalo+ dohot naeng mambahen susa do na huhatai hami,
Holan gabus do na dipikkiri hami, jala holan hata na so sittong do na dihusippon hami sian rohanami.+
14 Nungnga dao hukum na tigor,+
Jala dao do jongjong na sittong,+
Ai nungnga tartuktuk na sittong* di lapangan ni kota,
Jala dang boi masuk na tigor.
16 Nungnga diida Ibana na so adong nanggo sahalak pe na mangurupi
Tarsonggot do Ibana ala dang adong na mangido asa asi roha ni Debata tu nasida,
Alani i, marhite tanganna sandiri ma Ibana paluahon,*
Jala hatigoranna sandiri ma na manjujui Ibana mangulahon i.
17 Dipakke Ibana ma hatigoranna i dos songon baju porang,
Jala takkuluk bosi adong di uluna, i ma janji taringot tu haluaon* i,+
Dipakke Ibana do hatigoran songon bajuna lao manghukum akka musuna,+
Jala las ni rohana lao mangulahon i dos songon jubah* na manutupi dirina.
18 Balosonna do nasida hombar tu pambahenanna,+
Muruk situtu do Ibana tu akka alona, jala hukumonna do akka musuna.+
Dibalos Ibana do akka pangisi ni pulo hombar tu pambahenanna.
19 Halak na di inganan ni parbonom ni mataniari mabiar tu goar ni Jahowa,
Halak na di inganan ni parbissar ni mataniari mabiar tu hamuliaonna,
Ai ro nama Jahowa songon sunge na doras
Na nionjar ni tondi parbadiana.
20 “Ro nama+ na manobus*+ i tu Sion,
Tu pinoppar ni si Jakkob naung muba sian dosana,”+ ninna Jahowa.
21 “Anggo Au, on ma parjanjiakku tu nasida,”+ ninna Jahowa. “Tondi parbadiakku na adong di ho, dohot sude hatakku na hubahen di pamanganmu, dang na lao buatokku i sude sian pamanganmu, sian pamangan ni anakkonmu, manang sian pamangan ni pahoppum, sian saonari sahat tu saleleng ni lelengna,” ninna Jahowa.
60 “Hehe ma ho ale Jerusalem,*+ marsinondang ma ho, ai nungnga ro hatiuronmu.
Hamuliaon ni Jahowa marsinondang do di atasmu.+
2 Ai ida ma! Ditutupi haholomon nama tano on,
Jala golap situtu nama akka bangso,
Alai disondangi Jahowa do anggo ho,
Jala marsinondang do hamuliaonna di atasmu.
4 Tatap ma jala ida ma tu sakalilingmu!
Nungnga marpungu nasida sude, jala nungnga ro nasida tu ho.
5 Di tikki i, idaonmu ma jala las ma roham,+
Sonang situtu ma roham jala digohi las ni roha,
Ai boanonna ma tu ho hamoraon ni laut,
Jala boanonna ma tu ho arta ni akka bangso.+
6 Gok ma unta di luatmu,
Unta na poso na sian Midian dohot na sian Epah.+
Ro ma sude na sian Syeba,
Diboan nasida ma mas dohot haminjon.*
Dipuji nasida ma Jahowa di jolo ni godang halak.+
7 Sude biru-biru na sian Kedar+ papunguonna ma lao di ho.
Jala biru-biru jantan na sian Nebayot+ diboan ma lao di ho.
Las do rohakku manjalo sudena i gabe pelean di langgatanku,+
Jala bahenokku ma lam uli jabukku na mulia i.+
8 Ise do na habang na songon ombun i,
Na songon pidong darapati na habang tu asar* ni nasida?
9 Marhaposan tu Au nama akka pangisi ni pulo,+
Akka kapal na sian Tarsis ma na mardalan di jolo,*
Lao mamboan akka anakmu sian na dao,+
Rap dohot perak dohot mas ni nasida,
Na lao dipakke mamuji goar ni Jahowa Debatam, Debata Nabadia ni Israel,
10 Halak na sian bangso na asing ma na lao mambangun tembokmu,
Jala akka raja ni nasida ma na marhobas tu ho,+
Alani murukku, hona hukum ma ho hubahen,
Alai patuduokku ma asi ni rohakku tu ho,+ jala patuduhonokku ma na lomo rohakku tu ho.
11 Toktong do bukka pintu ni gerbangmu,+
Dang ditutup i arian manang borngin,
Asa diboan tu ho arta ni akka bangso,
Jala akka raja ni nasida ma na parjolo mamboan i.+
12 Ai dipamate do akka bangso dohot harajaon na so mangoloi ho,
Jala hancur situtu do dibahen akka bangso i.+
13 Ro nama hamuliaon ni Libanon tu ho,+
Rap dohot hau juniper, hau as, dohot hau cemara,+
Lao mambahen uli bagas jorokku,
Ai bahenokku nama marmulia sidege-degean ni pattu.+
14 Ro nama akka anak ni halak na manusai ho, jala marsomba ma nasida tu jolom,
Sude halak na so pasangappon ho ikkon ro marsomba tu patmu,
Jala ikkon dohonon ni nasida ma ho kota ni Jahowa,
Sion appuna ni Debata Nabadia ni Israel.+
15 Nang pe ditinggalhon jala dihasogohon halak ho,
Jala dang adong na lewat sian ingananmi,+
Bahenokku do ho dipuji-puji halak saleleng ni lelengna,
Jala marlas ni roha ma halak alani ho sian tikki tu tikki.+
16 Paradeon ni akka bangso dohot akka raja ma sude na porlu di ho,+
Dos songon sahalak ina na manusui anakna,+
Takkas ma botoonmu, na Au do Jahowa Sipalua ho,
17 Boanokku ma mas gatti ni tombaga,
Boanokku ma perak gatti ni bosi,
Tombaga gatti ni hau,
Jala bosi gatti ni batu,
Pillitokku ma hadameon gabe pengawasmu,
Jala hatigoran gabe silehon tugas di ho.+
18 Dang begeonmu be barita hajahaton di luatmu,
Jala dang adong be akka na hancur dohot na maruppak di akka parbatasan ni luatmu.+
Bahenonmu ma goar ni akka tembokmi Haluaon+ dohot akka gerbangmu Pujian.
19 Dang mataniari be na mangalehon hatiuron di ho di tikki arian,
Jala dang bulan be na manondangi ho,
Ai Jahowa nama na mangalehon hatiuron di ho saleleng ni lelengna,+
Jala Debatam nama na gabe haulionmu.+
20 Dang na lao bonom be mataniarim,
Jala dang na lao habis be hatiuron ni bulanmu,
Ai Jahowa nama na mangalehon hatiuron tu ho saleleng ni lelengna,+
Jala marujung nama ari di tikki ho marlungun ni roha.+
21 Mangulahon na sittong* ma akka halak na di luatmi,
Appuna ni nasida ma luat i saleleng ni lelengna.
22 Na otik gabe saribu,
Jala na gelleng gabe bangso na balga.
Au sandiri Jahowa na mambahen i hatop masa di tikkina.”
61 Adong do di au tondi parbadia ni Jahowa Tuan Natumimbul i,+
Ai dipillit Jahowa do au lao marbarita na uli tu halak na lambok roha.+
Disuru Ibana do au pamaluppon roha ni halak na mandele,
Paboahon na lao dipalua nama akka halak na diboan musu,
Jala na lao dibukka nama mata ni akka halak na tarhurung,+
2 Lao paboahon taon na dihalomohon Jahowa,
Dohot ari ni Debatanta lao mambalos akka musuna,+
Lao mangapuli roha ni sude na marsak,+
3 Lao mamparrohahon akka na marsak alani Sion,
Lao mangalehon tu nasida panutup ni ulu na uli gatti ni orbuk,
Miak na parohon las ni roha gatti ni lungun ni roha,
Pakkean na parohon pujian gatti ni roha na mandele.
4 Dibangun nasida ma muse akka inganan naung leleng hancur,
Dipajongjong nasida ma muse akka inganan naung tarulang sian najolo,+
Jala dipadenggan nasida ma muse akka kota naung hancur,+
Akka inganan naung tarulang mulai sian najolo.+
5 “Marroan ma akka halak na sian bangso na asing, jala diparmahan ma biru-birumuna,
Jala halak na sian bangso na asing+ ma na mangula tanomuna dohot porlak anggurmuna.+
6 Alai anggo hamu, digoari ma hamu akka malim ni Jahowa,+
Didok ma hamu parhobas ni Debatanta.
7 Jaloon ni bangsokki ma bagianna dua hali loppit gatti ni na mambahen nasida maila,
Dang marlea be nasida, alai marsurak marlas ni roha ma nasida alani parbagiananna i.
Tutu, dapot ni nasida ma parbagianan ni nasida dua hali loppit di luat ni nasida.+
Las ni roha na saleleng ni lelengna ma na gabe appuna ni nasida.+
8 Ai Au Jahowa, huhaholongi do hukum na tigor,+
Sogo do rohakku mangida na mangarampok, dohot akka na so sittong.+
Adil do Au jala lehonokku do upa ni nasida,
Jala bahenokku ma parjanjian na saleleng ni lelengna dohot nasida.+
9 Tarbarita ma pinoppar ni nasida di tonga-tonga ni bangso,+
Songon i nang akka anakkon dohot pahoppu ni nasida di tonga-tonga ni jolma.
Sude na mangida nasida pasti mananda nasida,
Ditanda do nasida pinoppar ni halak na dipasu-pasu Jahowa.”+
10 Marlas ni roha situtu ma au alani Jahowa.
Marlas ni roha do au sian nasa rohakku alani Debatakku.+
Ai dipakkehon Ibana do tu au baju haluaon,+
Jala dibukkus do au mamakke jubah* hatigoran,
Dos songon pengantin bawa na mamakke sorban songon appuna ni malim,+
Jala songon pengantin borua na mamakke perhiasan asa lam uli ibana,
11 Dos songon tano na mambahen martumbur boni,
Jala songon porlak na mambahen martunas akka boni na disabur disi,
Songon i ma Jahowa Tuan Natumimbul i,
Bahenonna ma hasittongan+ i martunas jala bahenonna ma jolma mamuji Ibana+ di jolo ni akka bangso.
62 Alani holong ni rohakku tu Sion, dang tarbahen Au sai sip,+
Jala alani holongku tu Jerusalem, dang tarbahen Au toktong hohom
Sahat tu na marsinondang ulaonna na sittong i songon sinondang na massai tiur+
Jala haluaonna galak songon api ni obor.+
2 “Ale Jerusalem,*+ idaon ni akka bangso ma ulaonmu na sittong i
Jala idaon ni sude raja ma hasangaponmu.+
Jouonna ma ho mamakke goar na baru,+
Goar naung ditottuhon Jahowa sandiri.
3 Gabe songon mahkota na uli ma ho di tangan ni Jahowa,
Songon sorban harajaon di talapak ni tangan ni Debatam.
Didok ma ho Na Dihalomohon Rohakku,+
Jala didok ma luatmi Borua Naung Muli.
Ai las nama roha ni Jahowa mangida ho,
Jala gabe songon borua naung muli ma luatmi.
5 Dos songon sahalak bawa na mangalap sahalak anak boru gabe istrina,
Songon i ma akka pendudukmu mangalap ho gabe istrina.
Dos songon pengantin bawa na marlas ni roha alani pengantin borua,
Songon i ma las ni roha ni Debatam alani ho.+
6 Ale Jerusalem, nungnga husuru akka panjaga di atas ni tembokmi.
Dang marna so nasida arian nang borngin, ganup ari do nasida karejo.
Hamu akka na paboahon taringot tu Jahowa,
Unang ma hamu so sian ulaonmuna,
7 Unang ma pasombu hamu Ibana maradi sahat tu na dibahen Ibana togu Jerusalem,
Sahat tu na dibahen Ibana i dipuji-puji halak di saluhut tano on.”+
8 Nungnga marsumpa Jahowa marhite tangan kananna dohot marhite tanganna na gogo i,
“Dang lehonokku be gandum manang barli* na sian ho gabe allangon ni musumu,
Jala dang inumon ni halak na sian bangso na asing be anggur na baru hasil ni halojaonmu.+
9 Alai akka halak na papunguhon i ma na mangallang i, jala pujion ni nasida ma Jahowa,
Jala akka halak na papunguhon anggur manginum anggur di alamanku na badia i.”+
10 Mardalan ma hamu, lewat ma sian akka gerbang,
Parade hamu ma dalan lao tu bangso i.+
Bahen hamu ma dalan na balga.
Bolokkon hamu ma akka batu sian dalan i.+
Angkat hamu ma tanda* tu akka bangso.+
11 Ida ma! Nungnga dipaboa Jahowa sahat tu ujung ni tano on,
“Dokkon ma songon on tu boru Sion,
‘Ida ma! Na lao ro nama haluaonmu.+
Ida ma! Nungnga diboan Ibana upa,
Jala nungnga rade be Ibana lao manggarar upa.’”+
12 Digoari ma nasida bangso na badia, naung ditobus Jahowa,+
Jala digoari ma ho sada Kota na Dilului Debata, sada Kota na So Ditadikkon.+
63 Ise do na ro sian Edom,+
Na sian Bosra+ na mamakke baju na cerah,*
Na massai uli bajuna,
Na mardalan di bagasan huaso na massai balga?
“Au do i, Debata na makkatahon na sittong,
Debata na mamakke huasona na massai balga lao paluahon.”
2 Boasa warna merah bajum?
Jala boasa pakkeanmu songon pakkean ni halak na mandege-dege anggur di inganan pamoroan ni anggur?+
3 “Sahalakku do mandege-dege inganan ni anggur,
Dang adong nanggo sahalak pe sian akka bangso na mandongani Au.
Torus do nasida hudege-dege di bagasan murukku,+
Jala sai hudege-dege do nasida di bagasan rimashu.
Marbirsakan ma mudar ni nasida tu bajukku,
Jala gabe gok mudar ma sude bajukku.
4 Nungnga hutottuhon+ andigan ari lao mambalos,
Jala nungnga juppang be taon lao manobus bangsokki.
5 Nungnga huida, alai dang adong na olo mangurupi,
Tarsonggot do Au ala dang adong na olo mangurupi.
Alani i, marhite tanganku sandiri ma Au parohon haluaon,*+
Jala rimashi ma na mangonjar rohakku mangulahon i.
6 Di bagasan murukku, hudege-dege ma bangsokki,
Mabuk ma nasida hubahen alani rimashu+
Jala huusehon ma mudar ni nasida tu tano.”
7 Huhatahon ma taringot tu holong* na pinatudu ni Jahowa,
Akka ulaon ni Jahowa na patut dipuji,
Ai nungnga godang na diulahon Jahowa tu hita,+
Godang do na diulahon Ibana tu halak Israel,
Alani asi ni rohana dohot holongna* na massai balga i.
8 Ai didok Ibana do, “Sasittongna nasida ma bangsokku, akka anak na toktong setia* tu Au.”+
Alani i, Ibana do na gabe Sipalua ni nasida.+
9 Di tikki susa nasida, marsak do pakkilalaanna.+
Suru-suruan na adong di jolona* ro paluahon nasida.+
Alani holongna dohot asi ni rohana, ditobus* Ibana do nasida,+
Toktong do diangkat jala diboan Ibana nasida.+
10 Alai mangalo+ do nasida jala dibahen do lungun rohana.*+
11 Dung i mulai ma diingot nasida na masa najolo,
Na masa di tikki ni si Musa naposona i, jala didok,
“Nungnga didia Debata na mamboan nasida kaluar sian laut+ rap dohot akka parmahan ni bangsona i?+
Didia do Debata na mangalehon tu ibana tondi parbadia?+
12 Didia do Debata na mangurupi tangan kanan ni si Musa+ marhite tanganna na gogo i,
Debata na mambola laut di jolo ni nasida,+
Lao mambahen asa diingot goarna+ i saleleng ni lelengna?
13 Didia do Debata na mambahen nasida boi mardalan di tonga-tonga ni laut na margalumbang,*
Na mambahen nasida dang tartuktuk tikki mardalan,
Songon hoda na mardalan di gurun pasir?
14 Dos songon binatang na diparmahan na turun tu rura lao maradi,
Dibahen tondi parbadia ni Jahowa ma nasida maradi.”+
15 Sai tatap ma sian surgo,
Sian ingananmu na timbo, na badia jala na mulia* i.
Boasa dang diparrohahon Ho be hami?
Jala boasa dang dipatuduhon Ho be huasomi?
Nungnga didia holong ni roham+ dohot asi ni roham+ na massai balga i?
Ditahan Ho do sudena i, dang dilehon Ho tu hami.
16 Ai Ho do Ama di hami.+
Nang pe ra dang ditanda si Abraham hami,
Jala dang diakkui si Israel hami,
Alai Ho do Amanami, ale Jahowa.
Ho do na manobus* hami mulai sian najolo.+
17 Ale Jahowa, boasa dipasombu* Ho hami manirpang sian dalanmi?
Boasa dipasombu* Ho takkang rohanami umbahen gabe dang mabiar hami tu Ho?+
Mulak ma Ho muse humokkop naposomon,
Humokkop akka marga naung gabe appunami.+
18 Holan satokkin do luat i gabe appuna ni bangsom na badia i.
Nungnga didege-dege alonami ingananmu na badia i.+
19 Nungnga tung leleng hami gabe songon halak na so hea diparetta Ho,
Songon akka halak na so hea dijou mamakke goarmu.
64 Autsugari ma diribak Ho langit i asa turun Ho,
Gabe humutur ma akka dolok alani Ho,
2 Dos songon api na manutung ramba na koring,
Jala songon api na mambahen aek gurgur,
Tandaon ni akka alom ma goarmu,
Jala humitir ma akka bangso di jolom!
3 Dibahen Ho do akka na palongang roha, hape so barani hami mangido i sian Ho,+
Turun do Ho jala humutur ma akka dolok di jolom.+
4 Mulai sian najolo, dang adong dope na hea mambege manang na mamparrohahon
Manang na mangida Debata na songon Ho,
Na mambahen sada ulaon humokkop halak na torus marpos ni roha tu Ho.*+
5 Dijuppangi Ho do halak na lomo rohana mangulahon na sittong,+
Akka na mangingot Ho jala na mangihutton dalanmu.
Ida ma! Gabe muruk do Ho ala sai mangulahon dosa hami,+
Nungnga massai leleng hami mangulahon i,
Saonari, patut dope hami paluaonmu?
6 Dos songon halak na ramun* do hami sude,
Jala sude ulaonnami na sittong dos songon kain na kotor na dipakke tikki haid.+
Malos nama hami songon bulung-bulung,
Jala hasalaannami dos songon alogo na mangullusson hami.
7 Dang adong na olo manjou goarmu,
Dang adong na olo mangido pangurupion sian Ho,
Ai nungnga ditabunihon Ho bohim sian hami,+
Jala dibahen Ho do hami hancur* alani dosanami.
8 Saonari, ale Jahowa, Ho do Amanami.+
9 Unang be muruk situtu Ho ale Jahowa,+
Unang be sai ingot salanami sahat tu saleleng ni lelengna.
Tolong ma ingot hami, ai bangsom do hami sude.
10 Nungnga gabe tombak be akka kotam na badia i.
Nungnga gabe gurun be Sion,
Nungnga gabe inganan na tarulang+ be Jerusalem.
11 Bagas joronami* na badia jala na mulia* i,
Inganan ni akka ompunami mamuji Ho,
Nungnga ditutung api,+
Jala nungnga hancur be sude barangnami na arga.
12 Ale Jahowa, dung diida Ho sudena i, toktong dope sai hohom Ho?
Tung so ulahononmu do manang aha?
Pasombuonmu do hami manaon hasusaan na massai haccit on?+
65 “Hupasombu do dirikku dilului akka halak na so hea manukkun taringot tu Au,
Hupasombu do dirikku juppang ni akka halak na mangalului Au.+
Tu bangso na so manjou goarhu hudok do, ‘Dison do Au, Dison do Au!’+
2 Ganup ari do hupaherbang tanganku tu bangso sijogal rukkung i,+
Tu akka halak na mardalan di dalan na so denggan,+
Akka halak na mangihutton pikkiranna sandiri,+
3 Bangso na toktong mambahen haccit rohakku,+
Jala na mangalehon pelean di akka ladang+ jala na manutung pelean di ginjang ni akka batu bata.
4 Hundul do nasida di holang-kolang ni kuburan,+
Jala marborngin do nasida di akka inganan na buni,*
Diallang nasida do jagal babi,+
Jala sup ni akka sipanganon na ramun* adong di baskom ni nasida.+
5 Didok nasida do, ‘Disi ma ho, unang pajonok tu au,
Ai badia do au, dang songon ho.’*
Torus do dibahen nasida Au muruk,* songon api na marsigorgor ganup ari.
6 Ida ma! Nungnga tarsurat i di jolokku,
Dang sai hohom be Au,
Balosokku nama nasida,+
Hukumokku nama nasida alani sude pambahenan ni nasida.*
7 Alani hasalaan ni nasida sandiri dohot alani dosa ni akka ompu ni nasida,”+ ninna Jahowa.
“Ai ditutung nasida do pelean di akka dolok,
Dileai nasida do Au di akka dolok-dolok,+
Parjolo sahali, hukumokku ma nasida alani sude ulaon na jahat na dibahen nasida.”*
8 Songon on ma hata ni Jahowa,
“Dos songon tikki dapotmuna anggur na baru sian saratting anggur,
Jala adong na mandok, ‘Unang bolokkon sude, ai adong dope anggur na denggan* disi,’
Songon i ma bahenokku tu akka naposokku,
Dang pamateonku nasida sude.+
9 Buatokku ma sahalak sian pinoppar ni si Jakkob,
Na sian pinoppar ni si Juda na gabe nappuna ni akka dolokku,+
Akka halak na hupillit ma na gabe nappunasa,
Jala akka naposokku ma na tinggal disi.+
10 Gabe inganan panjappalan ni biru-biru ma Saron,+
Jala Rura Akor+ gabe inganan maradi tu akka binatang na diparmahan,
Akka i ma na lao bahenokku tu akka naposokku na mangalului Au.
11 Alai hamu do akka halak na manadikkon Jahowa,+
Na lupa tu dolokku na badia i,+
Na paradehon sipanganon tu debata Silehon Uttung,
Jala na mangisi anggur naung dicampur tu cakkir lao tu debata Nasib.
12 Alani i, pasahatonku ma hamu tu podang,+
Jala mamukkuk ma hamu sude lao dibunu,+
Ai tikki hujou hamu, dang dialusi hamu,
Tikki makkatai Au, dang ditangihon hamu,+
Torus do diulahon hamu na jahat di jolokku,
Jala akka sogo ni rohakku do na dipillit hamu.”+
13 Alani i, songon on ma hata ni Jahowa Tuan Natumimbul i,
“Ida ma! Na lao mangan ma akka naposokku, alai male+ do anggo hamu.
Ida ma! Na lao minum ma akka naposokku,+ alai mauas do anggo hamu.
Ida ma! Na lao marlas ni roha ma naposokku,+ alai dipaila do anggo hamu.+
14 Ida ma! Marsurak marlas ni roha ma naposokku ala nungnga sonang roha ni nasida,
Alai mangandungi do anggo hamu alani arsak ni rohamuna,
Jala sai tangis ma hamu ala nungnga mandele.
15 Pakkeon ni halak na hupillit i ma goar na ditadikkon hamu lao mamburai,
Jala pamateon ni Jahowa Tuan Natumimbul i ma hamu sude,
Alai jouokku* ma akka naposokku marhite goar na asing.+
16 Alani i, manang ise na mangalului pasu-pasu di tano on,
Dipasu-pasu Debata na sittong* ma ibana,
Manang ise na marsumpa di tano on,
17 Ida ma! Hutoppa nama langit na imbaru dohot tano na imbaru,+
Dang ingoton be akka naung salpu i,
Jala dang tarsunggul be i di bagasan roha.+
18 Alani i, marlas ni roha situtu ma hamu alani na hutoppa i.
Ida ma! Ai hutoppa Jerusalem i lao parohon las ni roha do.
Jala akka pangisina mambahen sonang roha.+
19 Marlas ni roha situtu ma Au alani Jerusalem dohot alani bangsokku,+
Dang tarbege be disi soara ni na tangis dohot na mangangguki.”+
20 “Dang adong disi poso-poso na mangolu holan piga-piga ari,
Jala dang mate halak na matua anggo so jolo ganjang umurna.
Dakdanak dope dohonon molo adong na mate marumur 100 taon.
Mate do halak pardosa ala diburai nang pe nungnga marumur 100 taon ibana.*
21 Dibangun nasida ma jabu jala nasida ma na mangingani,+
Dibahen nasida ma ladang anggur jala nasida ma na mangallang parbuena.+
22 Dang dipajongjong nasida jabu asa halak na asing mangingani,
Jala dang halak na asing na lao mangallang na disuan nasida.
Ai songon umur ni sada hau+ do umur ni bangsokki,
Jala marlas ni roha situtu ma akka halak na hupillit i alani hasil ni ulaon ni nasida.
23 Dang na lao marisuang halojaon ni nasida,+
Manang ditubuhon nasida dakdanak lao gabe susa,
Ai nasida do pinoppar na dipasu-pasu Jahowa,+
Jala rap dohot nasida do anak dohot pahoppu ni nasida.+
24 Andorang so dijou nasida Au, nungnga hualusi,
Tikki makkatai dope nasida, nungnga hutangihon.
25 Rap mangan ma serigala dohot anak ni biru-biru,
Mangallang duhut-duhut ma singa songon lombu,+
Jala orbuk ma na gabe allangon ni ulok.
Dang mangulahon na jahat nasida manang mambahen sega di sude dolokku na badia i,”+ ninna Jahowa.
66 Songon on ma didok Jahowa,
“Surgo i do tahtakku, jala tano on do sidege-degean ni pattu.+
Alani i, jabu na songon dia ma na lao pajongjongonmuna di Au?+
Jala dia ma inganan na boi gabe inganakku tinggal?”+
“Alai idaokku do halak sisongon on,
Halak na serep rohana, halak na manolsoli rohana, jala na mabiar tu hatakku.+
3 Halak na maneat lombu dos songon na mambunu jolma.+
Halak na mamelehon biru-biru dos songon na mamonggolhon rukkung ni biang.+
Halak na mangalehon pelean dos songon na mamelehon mudar ni babi!+
Halak na mangalehon haminjon*+ gabe pelean parningotan, dos songon halak na mangido pasu-pasu marhite manjaha mantra.*+
Dipillit nasida do dalan ni nasida sandiri,
Jala las do roha ni nasida tu akka na huhagigihon.
4 Alani i, pillitokku ma cara lao manghukum nasida,+
Jala na massai dihabiari nasida do parookku tu nasida.
Ai tikki hujou nasida, dang adong na mangalusi,
Tikki makkatai Au, dang adong na manangihon.+
Torus do diulahon nasida na jahat di jolokku,
Jala dipillit nasida do akka na huhasogohon i.”+
5 Tangihon ma hata ni Jahowa, hamu akka na mabiar tu hatana,
“Sogo do roha ni akka haha anggim tu ho, jala mandao do nasida alani goarhu.
Didok nasida do, ‘Sai anggiat ma dimuliahon Jahowa!’+
Alai na ro ma Debata jala bahenonna ma hamu marlas ni roha,
Jala pailaonna ma nasida.”+
6 Adong soara na gaor di kota, soara sian bagas joro!
Soara ni Jahowa do i na mambalos akka musuna hombar tu pambahenan ni nasida.
7 Andorang so haccitan borua i, nungnga partus ibana.+
Andorang so dihilala ibana haccit ni na lao partus, nungnga ditubuhon ibana sada anak.
8 Ise ma na hea mambege sisongon i?
Ise ma na hea mangida sisongon i?
Hea do tubu sada luat di bagasan sadari?
Hea do tubu sada bangso di bagasan satokkin?
Alai anggo Sion, dang pola leleng ibana haccitan, pittor ditubuhon ibana do anakna.
9 “Bahenokku do bukka bortian* ni sahalak ina alai dang hupaloas tubu anakna?” ninna Jahowa.
“Manang hupaloas do naeng tubu sahalak poso-poso alai pittor hututup bortian ni omakna?” ninna Debatam.
10 Sude hamu na makkaholongi Jerusalem, marlas ni roha+ jala marolop-olop ma hamu rap dohot ibana.+
Sude hamu na marlungun ni roha alani ibana, marlas ni roha ma hamu rap dohot ibana,
11 Dos songon sahalak ina na manusui anakna sappe butong, songon i ma Jerusalem parorotton hamu.
Tutu, bahenonna ma hamu puas jala marlas ni roha situtu, ai nungnga dipasangap ibana.
12 Ai songon on do hata ni Jahowa,
“Hulehon do tu ibana hadameon dos songon sunge na mardalan+
Jala hulehon do tu ibana hasangapon ni akka bangso dos songon aek na doras.+
Manusu ma hamu tu ibana jala dioppa ma hamu,
Diabing-abing ibana ma hamu di atas ni lututna.
13 Songon sahalak ina na mambahen las roha ni anakna,
Toktong ma bahenokku las rohamuna,+
Las ma rohamuna alani Jerusalem.+
14 Idaonmuna ma na masa i jala marlas ni roha ma hamu,
Tamba pir ma holi-holimuna songon duhut-duhut na lomak.
15 “Ro nama Jahowa songon api,+
Rap dohot akka kareta porangna na songon halisuksung,+
Lao mambalos akka musuna mardongan muruk,
Lao manonggak nasida marhite api na marjimbur-jimbur.+
16 Hukumon ni Jahowa ma sude jolma,
Marhite api dohot podangna,
Jala godang ma halak na hona bunu dibahen Jahowa.
17 “Adong do akka halak pabadiahon dirina dohot na paiasson diri ni nasida asa boi masuk tu akka ladang na badia.*+ Diallang nasida do jagal babi,+ bagudung,+ dohot akka na huhagigihon. Alai marujung nama ngolu ni nasida,” ninna Jahowa. 18 “Ai huboto do pikkiran dohot pambahenan ni nasida. Na ro nama Au papunguhon akka halak na sian sude bangso dohot bahasa. Ro ma nasida jala idaon ni nasida ma hamuliaokku.”
19 “Bahenokku ma sada tanda di tonga-tonga ni nasida. Suruokku ma piga-piga halak na selamat lao tu akka bangso. Suruokku ma nasida tu Tarsis,+ tu Pul, tu Lud+ (luat ni akka pemanah), tu Tubal, tu Javan,+ dohot tu akka pulo na dao, na so hea mambege taringot tu Au manang na so hea mangida hamuliaokku. Dung i, baritahonon ni nasida ma hamuliaokku tu akka bangso.+ 20 Diboan nasida ma sude haha anggim sian sude bangso.+ Diboan ma nasida tu Jerusalem dolokku na badia i, lao gabe silehon-lehon tu Jahowa. Diboan ma nasida di atas ni hoda, di kareta hoda, di padati na martutup, di halode* dohot di atas ni unta na hatop mardalan. Diboan ma nasida dos songon di tikki diboan halak Israel silehon-lehon ni nasida di inganan na ias tu jabu ni Jahowa,” ninna Jahowa.
21 “Pillitokku ma piga-piga sian nasida lao gabe malim dohot halak Lepi,” ninna Jahowa.
22 “Dos songon langit na imbaru dohot tano na imbaru+ na hutoppa i na lao toktong adong di jolokku,” ninna Jahowa, “Songon i ma pinopparmuna dohot goarmuna na lao toktong do i adong.”+
23 “Ro ma sude jolma marsomba tu jolokku,*+
Toktong ma i diulahon nasida ganup bulan dohot ganup minggu,”* ninna Jahowa.
24 “Jala kaluar ma nasida, diida nasida ma bakke ni halak na mangalo tu Au,
Akka gilok-gilok na mangallangi nasida dang olo mate,
Jala api na manutung nasida dang olo mittop,+
Magigi do sude halak na mangida i.”
Lapatanna, “Haluaon sian Jahowa”.
Manang “tuanna”.
As. “didappol”.
As. “boru”.
Manang “Sebaot”, lapatanna pamimpin ni akka suru-suruan na di banua ginjang.
Manang “akka diktator di”.
Manang “tudu-tudu”.
Ida di Kamus.
Manang “nungnga gok mudar tanganmuna”.
Manang “na so marama na so marina”.
Manang “bir gandummuna”.
Manang “na so marama na so marina”.
Na nidokna, i ma sampah hasil sian mangalala logam.
Akka hau dohot akka ladang na nidokna dison ra adong do kaitanna tu debata na so sittong na disomba nasida.
Ramba na boi gabe tali na mura tartutung.
Manang “Di ujung ni akka ari”.
Manang “tudu-tudu”.
Manang “hujur”.
Manang “Jala patutoruonna ma”.
Manang “Sebaot”, lapatanna pamimpin ni akka suru-suruan na di banua ginjang.
Jenis ni hau na massai balga. Di bahasa Inggris digoari “hau ek”.
Manang “Jala patutoruonna ma”.
Manang boi do “bagudung na mokkus”.
As. “na marhosa di igungna do nasida”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
As. “Bahenokku”.
As. “Allangon ni nasida do parbue ni na niula nasida”.
As. “Dipaganjang do rukkungna”.
Manang “di ulu ni nasida bagian jolo”.
Manang “Mainan ni kalung”.
Manang “jimat na sian kerang”.
Manang “baju dalam”.
Miak na angur na sian suan-suanan dohot hau.
Na nidokna dison, i ma tanda dibahen pakke bosi na ditutung na didaisson tu daging ni hatoban manang halak na dihurung.
Na nidokna dison, dipaila ala dang muli jala dang marianakkon.
Manang “Sebaot”, lapatanna pamimpin ni akka suru-suruan na di banua ginjang.
Manang “suan-suanan”.
Ida Lampiran B14.
As. “sappulu pasang”. Na nidokna dison i ma ladang na boi dibajak sappulu pasang lombu di bagasan sadari.
Ida Lampiran B14.
Ida Lampiran B14.
Manang “tamborin”. Ida di Kamus.
Manang “Syeol”. Ida di Kamus.
Manang “Hamuliaon”.
Manang “keputusan; sakkap”.
Manang “tudu-tudu”.
Manang “tiang na gabe tanda”.
Ida di Kamus.
As. “ibana”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
As. “Nga ditutup be babakku”.
Manang “pinoppar”.
Manang boi do “nasida”.
As. “tu pinoppar”.
Lapatanna, “Holan Halak na Tinggal do na Mulak”.
Manang boi do “Tapabiar-biar”.
Manang “taruppakkon ma tembokna”.
Manang “Syeol”. Ida di Kamus.
Manang “namarbaju”.
Lapatanna, “Didongani Debata do Hita”.
Manang “harinuan”.
Manang “wadi”. Ida di Kamus.
Ida di Kamus.
Ra lapatanna, “Hatop Lao Mangarampas tu Luat ni Musu, Hatop Ro Mangarampas tu Luat ni Musu”.
Ida di Kamus.
Na nidokna dison, i ma istri ni si Jesaya.
Saluran ni aek do Syiloa.
Ida Jes 7:14.
Manang “Pakke ma ikat pinggangmuna”.
Manang “tudu-tudu”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
As. “Jala diappehon tu abarana”.
Manang “Sebaot”, lapatanna pamimpin ni akka suru-suruan na di banua ginjang.
As. “sian pudi”.
Manang “Sebaot”, lapatanna pamimpin ni akka suru-suruan na di banua ginjang.
Manang boi do “ratting ni palem dohot tolong”.
Manang “na so marama na so marina”.
Manang “na so marama na so marina”.
Manang “hamuliaonmuna”.
As. “hukumokku”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
Manang “alat na sian bosi”.
Na nidokna i ma “pakkal” dohot “tunas” na di ayat 1.
As. “makkabiari”.
Manang “Tigor”.
As. “na gabe songon ikat pinggang di ibana”.
Manang boi do “rap mangan ma anak ni lombu dohot singa”.
As. “ro do urat”.
Manang “Luluan ni akka bangso ma ibana”.
As. “tanganna”.
Na nidokna dison, i ma Babel.
Manang “tiang na gabe tanda”.
Manang boi do “Dipahiang”.
Manang boi do “attukonna ma i gabe pitu sunge na gelleng”.
Manang “Jah”. “Jah” singkatan goar ni Jahowa. Ida Lampiran A5.
Manang “Marmusik ma”.
As. “ale akka borua na tinggal di”.
Manang “sada tiang na gabe tanda”.
As. “hupabadia”.
Manang “Sebaot”, lapatanna pamimpin ni akka suru-suruan na di banua ginjang.
Manang “akka sinjata”.
As. “Sian ujung ni akka langit”.
As. “akka Kesilna”. On goar ni punguan ni akka bintang. Molo diida sian tano on, boi do i gabe songon bentuk ni binatang manang na asing.
Manang “ummuli”.
Manang boi do “debata na so sittong na songon hambing”.
Manang “akka na mamaksa nasida karejo”.
Manang “uppasa lao mangarehei”.
Manang “akka na mamaksa karejo”.
Manang “Syeol”. Ida di Kamus.
As. “sude hambing jantan”.
Manang “Syeol”. Ida di Kamus.
Manang “Syeol”. Ida di Kamus.
As. “tu jabu”.
Manang “ratting”.
Manang “na dihagigihon”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
Manang “na hatop mangissir”.
Manang “tu jabu”.
Ida di Kamus.
Manang “wadi”. Ida di Kamus.
Manang “boru”.
Manang “halinumi”.
Ida di Kamus.
Manang boi do “Ai nungnga tarbege soara parporangan di”.
Ida di Kamus.
Na nidokna, i ma pas tolu taon.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
Manang “na palashon roha”.
Manang “sian debata na asing”.
As. “kulit ni eme”. Ida di Kamus.
Manang “soara ni serangga na mamaspas habongna”.
Manang “na ganjang jala na marhillong kulitna”.
Manang “Bangso na gogo na mandege-dege”.
Manang “tiang na gabe tanda”.
Manang boi do “manatap sian”.
Manang “Sebaot”, lapatanna pamimpin ni akka suru-suruan na di banua ginjang.
Manang “na ganjang jala na marhillong kulitna”.
Manang “Bangso na gogo na mandege-dege”.
Manang “Sebaot”, lapatanna pamimpin ni akka suru-suruan na di banua ginjang.
Manang “saluran ni aek”.
Na nidokna, i ma suan-suanan na tubu di rawa-rawa.
Suan-suanan na tubu di Mesir, na dipakke lao mambahen abit linen.
Manang “Mempis”.
Manang boi do “dakka ni hau palem manang tolong”.
Manang “komandan ni tentara”.
As. “Salang-salang”.
As. “salang-salang”.
Manang “dibangga-banggahon nasida do haulion ni Mesir”.
Ra na nidokna dison, i ma huta ni Babel najolo.
Ibana na nidokna, i ma Babel.
Manang “Sebaot”, lapatanna pamimpin ni akka suru-suruan na di banua ginjang.
Lapatanna, “Lungun”.
Na nidokna dison, i ma pas sataon.
Ra na nidokna, i ma Jerusalem.
As. “boru ni bangsokki”. Tudosan na dipakke di puisi. Ra lao patuduhon asi ni roha.
Manang “Sebaot”, lapatanna pamimpin ni akka suru-suruan na di banua ginjang.
Manang “siboan hoda”.
Manang “Dibukka si Kir ma tutup ni”.
Manang “akka hoda”.
Manang “sekat”.
Manang “jabu”.
Ida di Kamus.
As. “inganan tinggal”.
Manang “huasom”.
As. “boni”.
Sada sian anak ni Sunge Nil.
As. “perawan”.
Manang “Sebaot”, lapatanna pamimpin ni akka suru-suruan na di banua ginjang.
Manang boi do “pelabuhan”.
Manang “Kanaan”.
As. “ari-ari”.
Na nidokna dison, i ma Juda dohot Jerusalem.
Manang “Dipabalik”.
Manang boi do “Koring”.
Manang “parjanjian najolo”.
Manang “tamborin”. Ida di Kamus.
Manang “sian laut”.
Manang “di inganan na tiur”.
Manang “Hiasan”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
Manang “mukjizat”.
Manang “dirancang”.
Manang “Sebaot”, lapatanna pamimpin ni akka suru-suruan na di banua ginjang.
Manang “sipanganon na tabo na gok sumsum sian holi-holi”.
Manang “anggur na diendappon”.
As. “diboddut”.
Manang “tutup”.
Manang “Apusonna”.
As. “na appe di”.
Manang boi do “halak na togu rohana”.
Manang “Ale Jah”. “Jah” singkatan goar ni Jahowa. Ida Lampiran A5.
Na nidokna, i ma lomo rohana asa dibaritahon taringot tu Debata dohot goarna.
As. “bakke appunakki”.
Manang boi do “nambur di suan-suanan na boi gabe ubat (malow)”.
Manang “Jala ditubuhon tano i ma akka halak na so margogo mangalo hamatean”.
Manang “panguhuman”.
Ida di Kamus.
Ra na nidokna dison, i ma Israel. Digombarhon do i songon sahalak borua dohot songon ladang anggur.
Manang “anggur na marbusa”.
Ida di Kamus.
Ida di Kamus.
Ra na nidokna dison i ma ibukotana, i ma Samaria.
Manang “na dianggarhon”.
Manang “na dianggarhon”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
Manang “Linglung ma pikkiran ni nasida”.
Manang “Tali pangukkur di ginjang ni tali pangukkur, tali pangukkur di ginjang ni tali pangukkur”.
As. “dila na gagap”.
Manang “Tali pangukkur di ginjang ni tali pangukkur, tali pangukkur di ginjang ni tali pangukkur”.
Manang boi do “Nungnga mandapot parnidaan na sarupa”.
Manang “Syeol”. Ida di Kamus.
Alat na dipakke lao mamboto tigor do manang na dang sada bangunan.
Manang “Syeol”. Ida di Kamus.
Manang boi do “Molo dung diattusi nasida, gabe mabiar ma nasida”.
Manang “sude penduduk ni liat portibi on”.
Boni na gelleng jala na birong, daina songon lada.
Suan-suanan na songon eme.
Di bahasa Heber, jenis ni gandum on dang pola denggan, jala najolo tubu do on di Mesir.
Manang “dipasingot; dilissingi”.
Manang “Sude lomo ni rohana”.
Manang “sude bisukna”.
Ra lapatanna, “Inganan Panutungan di Langgatan ni Debata”. Boi do i didok tu Jerusalem.
As. “halak na sian bangso na asing”.
As. “kulit ni eme”. Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
Manang “dang marisi butuhana”.
Manang “jala koring do aru-aruna”.
Ida di Kamus.
Manang “rancangan”.
Manang “malo do hamu pabalik-balik na sittong”.
As. “tu na mamissang”.
Na nidokna, alani ilana manang alani marsakna.
As. “Na mangusehon pelean siinumon”, ra lao mambahen sada parjanjian.
As. “hape dang jolo manukkun tu pamanganku”.
As. “di toru ni bayangan ni Mesir”.
As. “di toru bayangan ni Mesir”.
Manang “na hatop mangissir”.
Ida di Kamus.
Manang “hau panuratan”.
Manang “tudu-tudu”.
Manang “akka barita na lambok”.
Manang boi do “ni sumur”.
Manang “na sai paimahon Ibana”.
Manang “patung sian logam”.
Manang boi do “dohononmuna ma na ramun do sudena i”.
As. “Martabo-tabo jala marmiak”.
Manang “holi-holi ni nasida na ponggol”.
As. “goar ni Jahowa”.
Manang “na pabadiahon”.
Manang “tamborin”. Ida di Kamus.
Topet na didok dison lao manggombarhon inganan panutungan. Lapatanna, i ma hamatean saleleng ni lelengna.
Manang “Na hundul di atas ni hoda”.
As. “Molo disurdukkon Jahowa tanganna”.
Manang “Sebaot”, lapatanna pamimpin ni akka suru-suruan na di banua ginjang.
Manang “sinondang”.
Manang “songon dolok batu”.
Manang “Asa unang dipasangap Debata”.
Manang “Na pasombuhon lao”.
Manang “Pargogoi”.
Manang “belalang”.
Ra na nidokna dison, i ma Juda.
Manang boi do “Koring situtu”.
Manang “dirimangi”.
Manang “Dang adong penduduk”.
Manang “Banjir”.
Ra na nidokna dison i ma Bosra, ibu kota ni Edom.
Alat na dipakke lao mamboto tigor do manang na dang sada bangunan.
Manang boi do “dijou debata na so sittong na songon hambing”.
Pidong na mirip songon burung hantu.
As. “na mambagi inganan i mamakke tali pangukkur”.
As. “dibukka”.
As. “dibuat ma na manoppol”.
Ida di Kamus.
As. “dituhor”.
Manang “kepala ni akka na mangurus siinumon ni raja”.
As. “inganan na timbo”. Ida di Kamus.
Manang “Mamakke bahasa ni halak Siria”.
Suan-suanan na songon eme.
Ida di Kamus.
Manang “dileai”.
Manang “kepala ni akka na mangurus siinumon ni raja”.
Manang “Sebaot”, lapatanna pamimpin ni akka suru-suruan na di banua ginjang.
Manang boi do “di holang-kolang”.
Ida di Kamus.
Manang “akka bondar na sian Sunge Nil”.
As. “huulahon”.
Manang “hubahen”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
As. “ari-arim”.
Olo do ra tangga on dipakke lao mamboto tikki marhite mangida posisi ni bayangan ni mataniari.
Manang “Syeol”. Ida di Kamus.
Manang “Jah”. “Jah” singkatan goar ni Jahowa. Ida Lampiran A5.
Manang boi do “burung bangau”.
Manang “Linggomi ma au”.
Manang “marsitutu nama au mangoloi Ibana”.
Na nidokna, i ma Hata ni Debata dohot pambahenanna.
Manang “disesa Ho sude dosakku sian jolom”.
Manang “Syeol”. Ida di Kamus.
Manang “dang boi be porsea na lao saut janjimi”.
Manang “taringot na sai dipasaut Ho akka janjim”.
Manang “Ditangihon si Hiskia do”.
Miak na angur na sian suan-suanan dohot hau.
Ida di Kamus.
Manang “hasittongan”.
As. “saleleng ari-arikku”.
Manang “Dokkon ma hata na mangapuli roha”.
Manang “holong na manoktong”. Ida di Kamus.
As. “Tanganna”.
Manang “Diangkat Ibana do anak ni biru-biru pakke tanganna”.
Ida Lampiran B14.
Manang boi do “mangattusi”.
Manang “lao gabe soban”.
Manang “patung sian logam”.
Manang “na songon bola”.
Manang “belalang”.
Manang “pamaretta”.
As. “kulit ni eme”. Ida di Kamus.
Manang “na boi mangattusi sude pikkiranna”.
As. “sian sabola parbissar ni mataniari”.
Na nidokna manomba Ibana.
As. “kulit ni eme”. Ida di Kamus.
Manang “sundut”.
Lapatanna, dang margogo jala lea.
As. “manuhor”. Ida di Kamus.
As. “kulit ni eme”. Ida di Kamus.
As. “akka na parjolo”.
Manang “dirimangi”.
As. “sian sabola parbissar ni mataniari”.
Manang “pejabat”.
Manang “tudu-tudu”.
As. “sada parjanjian”.
Manang “bagiokku”.
Manang “gabe tano na mahiang”.
Manang “tudu-tuduna”.
Manang “tudu-tuduna”.
As. “hutuhor”. Ida “Manuhor” di Kamus.
Ra na nidokna dison, i ma akka na parjolo masa di ari na naeng ro.
Manang “sitindangikku”.
As. “manuhor”. Ida di Kamus.
Ida di Kamus.
Suan-suanan na angur.
Ra na nidokna, i ma akka guru na mangajarhon Patik ni si Musa.
Manang “sian di bortian”.
Lapatanna, “Halak na Tigor Marroha”. Gelar hasangapon tu halak Israel.
Manang “luat na mauas”.
As. “manuhor”. Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
Manang “mamakke parang na bengkok”.
Manang “di inganan manomba debata na so sittong”.
Jenis ni hau na massai balga. Di bahasa Inggris digoari “hau ek”.
As. “manuhor”. Ida di Kamus.
Manang “rahim”.
Manang “halak na makkatahon gabus”.
As. “Asa dibukka ikat pinggang”.
As. “Gomos do huikkat pinggangmu”.
Manang boi do “Manang patut do tano liat mandok, ‘Dang adong gagang ni na binahenmon?’”
As. “sude akka tentara na di langit”.
Manang “Sebaot”, lapatanna pamimpin ni akka suru-suruan na di banua ginjang.
Manang boi do “parkarejo”.
Manang boi do “akka partiga-tiga”.
Manang boi do “kosong”.
Manang “nang pe marisuang”.
As. “jala marsomba ma nasida tusi”.
As. “tikki parjolo”.
Manang “akka sakkappu; rencanakku”.
Manang “akka sakkappu; rencanakku”.
As. “sijogal roha”.
Ida di Kamus.
Manang boi do “jala dang hupakkulingi manang ise pe na juppang dohot Au”.
As. “Goarna i ma Jahowa Pamimpin ni Akka Tentara”.
Ida di Kamus.
Manang boi do “Nang pe”.
Manang “dang diboto ho songon dia pasohon i mamakke jimat”.
Manang boi do “na mangida bintang lao manjujur ari.”
As. “tu luatna be”.
As. “na marharoroan sian mual ni Juda”.
Manang “rap dohot tondi parbadiana”.
As. “manuhor”. Ida di Kamus.
Manang “akka na marguna”.
As. “Mulai sian bortian”.
Manang “rahim”.
As. “di bayangan”.
Manang “tigor do Jahowa manguhumi au”.
As. “manuhor”. Ida di Kamus.
As. “sada parjanjian”.
Manang boi do “di akka dolok-dolok na gundul”.
Sumpa on patuduhon pasti do ikkon saut janji on, songon pastina Debata mangolu.
Manang “di andora”.
As. “manuhor”. Ida di Kamus.
Manang boi do “songon dia patoguhon”.
As. “Alani i nungnga hubahen bohikku songon batu api”.
Manang “jala marpangussandean tu”.
As. “mangalului hatigoran”. Ida “Hatigoran” di Kamus.
As. “Diapuli”.
As. “tanganki”.
Manang “hancur”.
Manang “tudu-tudukku”.
Manang boi do “diallang cacing”.
Ida di Kamus.
As. “na dituhormi?” Ida “Manuhor” di Kamus.
As. “Goarna i ma Jahowa Pamimpin ni Akka Tentara”.
Ida di Kamus.
As. “manuhor”. Ida di Kamus.
As. “Uli nai pat ni halak”.
As. “dituhor”. Ida “Manuhor” di Kamus.
Manang “hamonangan”.
Manang “Tutupon ni akka raja ma pamangan ni nasida”.
As. “barita na dibege nasida sian hami”.
As. “tanganna”.
Hata “di jolona” na didok dison boi do lao mandok di jolo ni Debata manang di jolo ni jolma.
Manang “dang adong na mambahen lomo roha mangida ibana”.
Manang boi do “Songon na dipadao halak do bohina tikki mangida ibana.”
As. “ala disiksa jala diadili”.
Manang “parduli songon dia parngoluanna”.
Manang “diattuk sappe mate”.
As. “Dilehon sasahalak ma tu ibana kuburan”.
Manang “na jahat”.
As. “dihalomohon”.
As. “bonina”.
Manang “gelleng”.
Manang “tuanna”.
Manang “tuanmu”.
As. “Goarna i ma Jahowa Pamimpin ni Akka Tentara”.
As. “manuhor”. Ida di Kamus.
Manang “holong na manoktong”. Ida di Kamus.
As. “manuhor”. Ida di Kamus.
Manang “holong na manoktong”. Ida di Kamus.
Manang “sian batu rubi”.
Manang “sian batu na merah”.
As. “marhite hatigoran”. Ida “Hatigoran” di Kamus.
Manang “warisan”.
Manang “dipahabis hamu hepeng na dapot sian nasa gogo”.
Manang “mangallang sipanganon na dumenggan”.
Manang “holong na manoktong”. Ida di Kamus.
Ra hata ni si Jesaya do na disurat di ayat 5-7.
Na nidokna, i ma si Jakkob manang Israel.
Manang “Ai tulus do rohana”.
Manang “sakkap”.
Manang “Parohon goar na denggan ma i tu Jahowa”.
As. “sida-sida.” Ida di Kamus.
As. “sida-sida.” Ida di Kamus.
Manang boi do “asa dipalua do nasida sian”.
As. “di podoman”.
Manang “wadi”. Ida di Kamus.
Na nidokna dison, i ma Sion manang Jerusalem.
Manang “wadi”. Ida di Kamus.
Manang “tarapul rohakku”.
Ra na nidokna dison, i ma gambar manang patung na bentukna songon alat kelamin ni bawa.
Manang boi do “tu raja i”.
Manang “Disuru do suruanmu”.
Manang “Syeol”. Ida di Kamus.
Manang “jala sai hutabunihon do akka pangalahom”.
Manang “Apulakku ma ibana lao manggatti harugianna”.
Na nidokna dison, i ma marpuasa manang mangulahon ulaon na asing lao patuduhon lungun ni rohana.
Manang “hasonanganmuna sandiri do na dilului hamu”.
Ida di Kamus.
Manang “na salang-salang”.
As. “padenggatton lubang-lubang”.
Ida di Kamus.
Manang “Bahenokku ma sonang ngolum di”.
As. “borat”.
Manang “na jujur”.
Manang “na jujur”.
Manang “jala dang las rohana”.
Manang “parohon hamonangan”.
Manang “hamonangan”.
Manang “rompi na ganjang”.
As. “manuhor”. Ida di Kamus.
As. “borua”.
Manang “tu sinondangmu na bissar i”.
Ida di Kamus.
Manang “tu akka pintu ni jabu”.
Manang “na gabe songon na parjolo i”.
Manang “haulion”.
As. “manuhor”. Ida di Kamus.
Ida “Hatigoran” di Kamus.
Manang “na mambahen uli”.
Manang “hasangapon”.
Manang “mamakke rompi na ganjang”.
As. “borua”.
Suan-suanan na songon eme.
Manang “tiang na gabe tanda”.
Manang boi do “na merah”.
Manang “hamonangan”.
Manang “holong na manoktong”. Ida di Kamus.
As. “holong na manoktong”. Ida di Kamus.
Manang “na so menghianati”.
Manang “Halak na sinuruna”.
As. “dituhor”. Ida “Manuhor” di Kamus.
Manang “lungun roha ni tondi parbadiana”.
Manang “di tonga-tonga ni aek na bagas”.
Manang “na uli”.
Manang “na uli”.
Manang “manuhor”. Ida di Kamus.
Manang “dibahen”.
As. “dibahen”.
Manang “na sabar paima-imahon Ho”.
Ida di Kamus.
As. “malala”.
Manang “Ho do Debata na mambentuk hami”.
Manang “Jabunami”.
Manang “na uli”.
Manang boi do “di sopo-sopo”.
Ida di Kamus.
Manang boi do “Gabe hona annon habadiaokki tu ho”.
As. “On ma timus na di bagasan igungku”.
Manang “ Balosokku nama tu andora ni nasida”.
Manang “ Balosokku nama tu andora ni nasida”.
Manang “adong dope pasu-pasu”.
As. “jouonna”.
Manang “na boi dihaporseai”. As. “Amen”.
Manang “na boi dihaporseai”. As. “Amen”.
Manang “parsoalan”.
Manang boi do “Halak na diburai do molo mate di toru ni 100 taon”.
Ida di Kamus.
Manang boi do “halak na manomba debata na so sittong”.
Manang “rahim”.
As. “tangan”.
As. “akka ladang na di pudi ni halak na di tonga-tonga”. Na nidokna, i ma akka ladang na dipakke lao manomba debata na so sittong.
Di bahasa Heber, binatang on i ma hasil perkawinan ni halode jantan dohot hoda boru-boru.
Manang “marsomba lao manomba Au”.
As. “Mulai sian bulan baru tu bulan baru jala sian ari Sabat tu ari Sabat”.