November
Rabu, 1 November
Na lao diajari Jahowa ma nasida sude.—Joh. 6:45.
Diurupi Jahowa do hamu tikki marbarita. Dibantu do asa tetap tenang tikki adong halak na kasar. Molo adong na berminat, diurupi do hamu mangingot akka ayat na pas jala asa toktong martahan nang pe godang halak na so berminat di daerahmuna. (Jer. 20:7-9) Burju do Jahowa, dilatik do hita asa malo marbarita na uli. Di parpunguan tonga pokkan, adong do sitiruon mamukka pakkataion jala boi do tatiru i. Mulana jantungan do ra hita tikki mancoba cara na baru. Alai molo terbiasa hita mangulahon i, gabe lomo ma rohatta mamakke cara na baru i. Dijujui do muse hita di parpunguan dohot di kebaktian, asa olo hita mancoba cara na baru tikki marbarita na uli. Molo olo hita mancoba i, dipasu-pasu Jahowa ma hita. w21.08 27 ¶5-6
Kamis, 2 November
Denggan ma pakke tikkimuna, ai mangolu di akka tikki na jahat do hita saonari on.—Eps. 5:16.
Hea do dibahen Apostel Paulus tu halak Korint surat na marisi nasehat na tegas. Dukkon i disuru ibana ma si Titus mandapotton nasida. Ternyata denggan do didalatton nasida i, gabe las ma roha ni si Paulus. (2 Kor. 7:6, 7) Porlu do ditiru akka sintua teladan ni si Paulus na paradehon tikki tu akka dongan sahaporseaon. Carana, tibu ma nasida ro tu parpunguan asa sanga makkata-hatai dohot akka dongan. Sebenarna holan piga-piga menit pe nasida makkata-hatai, nungnga boi akka sintua patoguhon akka dongan. (Rom 1:12) Porlu do tong akka sintua mamakke Bibel lao patoguhon na asing, jala paposson roha ni nasida na holong do roha ni Debata tu nasida. Asing ni i, boi do akka sintua mamuji akka dongan. Alai sipata porlu do akka sintua mangalehon nasehat berdasarkan prinsip ni Bibel. Ikkon jelas do nasehatna i jala lambok paboahon songon dia cara manerappon i.—Gal. 6:1. w22.03 29 ¶11-12
Jumat, 3 November
Nang pe hami songon hudon na sian tano liat, alai dilehon do tu hami tugas na badia na songon arta i. Sian on tarida ma, gogo na hujalo hami lobi do sian gogo ni sahalak jolma. Alai sian Debata do i, dang sian dirinami sandiri.—2 Kor. 4:7.
Dilehon Jahowa do gogo tu akka naposona ‘lobi sian gogo ni sahalak jolma’, asa boi nasida toktong setia tu Ibana. Boi do hita margogo alani tangiang. I do alana dijujui Apostel Paulus hita asa martangiang tu Debata “ganup tikki”, songon na dipaboa di Epesus 6:18. Alusan ni Jahowa do tangiangta i jala bahenonna do hita margogo. Alai sipata alani borat ni sitaononta, olo do dang taboto aha sitangiakkonotta. Nang pe songon i toktong do dipangido Jahowa asa tapaboa sude na di rohatta tu Ibana. (Rom 8:26, 27) Dilehon Jahowa do muse gogo tu hita marhite Bibel. Songon si Paulus na gabe margogo ala manjaha Surat na Badia, hita pe boi do songon i. (Rom 15:4) Molo tajaha jala tarimangi Bibel, diurupi Jahowa do hita mangulahon na tajaha i marhite tondi parbadia.—Heb. 4:12. w21.05 22 ¶8-10
Sabtu, 4 November
Debata do na mangalehon gogo tu hamu . . . Dibahen Ibana do hamu rade jala margogo.—Plp. 2:13.
Penting hian do mambahen studi. Alai dang sai mura i ala adong do tantanganna, gabe merasa ma hita dang sanggup. Mungkin marsahit-sahit do ra hita manang nungnga matua. Molo songon i do situasimuna boi do hamu memandu studi sian telepon manang sian alat elektronik na asing. Alana boi do hita memandu studi sian jabutta. Manfaat na asing, boi muse hita manstudihon akka halak na sebelumna maol tajuppangi di jabuna. Alai adong do ra sian nasida na boi marsiajar Bibel holan tikki pagi hian manang tikki borngin. Olo do hita mangurupi halak i? Tatiru ma Jesus na olo mangajari si Nikodemus tikki borngin. Alana, i do tikki na pas di si Nikodemus.—Joh. 3:1, 2. w21.07 5 ¶10-11
Minggu, 5 November
Didok pamangan ni bangso on do na disomba nasida Au, jala didok nasida do na dipasangap bibir ni nasida Au, alai dao do roha ni nasida sian Au.—Jes. 29:13.
Bingung do akka sisean ni si Johannes Pandidi ala dang marpuasa sisean ni Jesus. Jadi dipatorang Jesus ma dang porlu nasida marpuasa saleleng rap dope nasida. (Mat. 9:14-17) Sogo do muse roha ni halak Parise dohot halak na asing mangida Jesus, ala dang olo ibana mangihutton tradisi ni nasida. Muruk do nasida ala dipamalum Jesus halak na marsahit tikki ari Sabat. (Mrk. 3:1-6; Joh. 9:16) Hape halak Parise i pe dang mangulahon na nidok ni nasida. Misalna, didok nasida do na diargai nasida ari Sabat, hape diloas nasida do martiga-tiga halak di bagas joro. Jala gabe muruk do nasida ala ditegur Jesus. (Mat. 21:12, 13, 15) Tikki marbarita Jesus di sinagoga na di Nasaret, gabe sogo do roha ni akka halak tu ibana ala dang dioloi pangidoan ni nasida. Gariada dipaboa Jesus do na hea masa tu halak Israel na patuduhon dang marhaporseaon halak i. (Luk. 4:16, 25-30) Alani hata ni Jesus i, gabe godang ma halak na so olo mangihutton ibana.—Mat. 11:16-19. w21.05 5-6 ¶13-14
Minggu, 6 November
Nungnga taboto aha na lao dibahen Sibolis.—2 Kor. 2:11.
Dipaingot Jahowa do taringot bahaya ni sifat tamak marhite pengalaman na hea masa. Tikki tabege hata tamak, pittor Sibolis do ra na taingot. Sabotulna suru-suruan hian do Sibolis jala godang do tugasna na istimewa. Alai dang cukkup dope i di ibana. Naeng do ibana disomba songon Jahowa. Lomo do roha ni Sibolis asa tatiru ibana. Dibahen ibana ma hita dang marna puas tu akka na adong di hita. Tarida do i tikki digoda ibana si Hawa. Godang do siallangon naung diparade Jahowa tu si Hawa dohot tu suamina. Boi do diallang halak i “akka parbue ni hau” na di taman i. (1 Mus. 2:16) Alai digoda Sibolis ma si Hawa. Gabe merasa ma si Hawa na porlu do tong allangonna parbue ni hau na dilarang Jahowa. Dang puas be si Hawa tu akka na adong di ibana. Ala targoda si Hawa mangallang parbue ni hau i, gabe mardosa ma ibana jala mate.—1 Mus. 3:6, 19. w21.06 14 ¶2-3; 17 ¶9
Selasa, 7 November
Marpinoppari ma hamu asa lam godang hamu. Gohi hamu ma tano on jala rajai ma i.—1 Mus. 1:28.
Lomo do roha ni Jahowa asa marpinoppari si Adam dohot si Hawa jala mangurus tano on. Molo torus do dioloi nasida paretta ni Jahowa, boi ma nasida gabe anggota keluarga ni Jahowa salelengna. Sada hasangapon do di si Adam dohot si Hawa gabe bagian keluarga ni Jahowa. Songon na disurat di Psalmen 8:5, didok si Daud, “Holan saotik do dibahen Ho [jolma i] uttoru sian akka suru-suruan, dilehon Ho do hamuliaon dohot hasangapon tu ibana.” Tutu do i, memang dang sarupa gogo, bisuk, dohot kesanggupan ni jolma tu akka suru-suruan. (Ps. 103:20) Jadi ‘holan saotik do uttoru jolma sian akka suru-suruan’. Alai ala mangalo si Adam dohot si Hawa tu Jahowa, gabe dang bagian keluarga ni Jahowa be nasida. Gabe susa ma pinopparna. Alai nang pe songon i, dang gabe muba rencana ni Jahowa tu jolma. Lomo do roha ni Jahowa asa akka jolma na mangoloi Ibana gabe anakna salelengna. w21.08 2-3 ¶2-4
Rabu, 8 November
“Alani tondi parbadiakku do i masa, dang alani akka tentara manang alani gogo ni jolma,” ninna Jahowa.—Sak. 4:6.
Saonari godang do akka halak na menentang naposo ni Jahowa. Misalna diorai do ulaon marbarita na uli di piga-piga inganan. Adong do akka dongan na ditakkup jala diboan “tu jolo ni akka gubernur dohot tu jolo ni akka raja”, jala gabe kesempatan ma i marbarita na uli tu nasida. (Mat. 10:17, 18) Tantangan na asing, nang pe bebas akka donganta beribadat, alai ditentang keluarga do nasida asa unang manomba Jahowa. (Mat. 10:32-36) Godang do pengalaman ni akka donganta patuduhon molo barani nasida gabe disadari akka penentang i ma dang berhasil upayana, gariada gabe lam semangat do akka donganta i. Jadi molo ditentang hamu saonari, unang ma menyerah. Barani ma hamu. Saleleng adong Jahowa jala dilehon tu hita tondi parbadiana, dang adong na porlu tahabiari. w22.03 16 ¶8
Kamis, 9 November
Hamu na makkaholongi Jahowa, magigi ma hamu tu na jahat.—Ps. 97:10.
Bibel mandok sogo do roha ni Jahowa tu ‘siginjang roha, pargabus, jala tu na mambunu halak na so marsala’. (Poda 6:16, 17) Asing ni i, “magigi do Jahowa tu halak na kejam dohot tu halak na mangoto-otoi”. (Ps. 5:6) Sogo hian do roha ni Jahowa tu pangalaho sisongon i. Alani i ma dipamate Jahowa sude parjahat di jaman ni si Noak. Alana gok do hajahaton di tano on dibahen nasida. (1 Mus. 6:13) Didok Jahowa do muse tu si Maleaki, na sogo rohana tu halak na mangalului cara asa boi manirakkon istrina na so marsala. Dang olo Jahowa manjalo ibadat ni halak sisongon i jala pasti hukumonna do ibana. (Mal. 2:13-16; Heb. 13:4) Dipangido Jahowa do asa ‘sogo rohatta mangida na jahat’. (Rom 12:9) Hata “sogo” patuduhon songon dia perasaatta tu akka na so tahalomohon manang na tahagigihon. Jadi, holan mambayakkon i pe nga magigi hita. Dos songon i ma, holan mambayakkon akka na dihasogohon Jahowa pe, nga ikkon magigi hita. w22.03 4-5 ¶11-12
Jumat, 10 November
Marlas ni roha do sude na marhaposan tu Ibana.—Jes. 30:18.
Satokkin nai ro nama Harajaon ni Debata. Jala gok do pasu-pasu na lao tajalo marhite Harajaon i. Molo toktong hita sabar paimahon Jahowa, dapotta ma pasu-pasu saonari dohot di portibi na imbaru. Molo dung sahat hita di portibi na imbaru, dang tahilala be hasusaan songon na tahilala saonari. Dang adong be na mambahen na so adil manang na mambahen lungun rohatta. (Pgk. 21:4) Terpenuhi ma sude kebutuhanta, ala gok do haduan sipanganon di tano on. (Ps. 72:16; Jes. 54:13) Pasu-pasu na luar biasa do i! Sambil paimahon i, diurupi Jahowa do hita saonari padenggatton sifat dohot pangalahotta, asa boi mangolu di tano na imbaru. Alani i, nang pe adong masalahta, unang ma hita menyerah manang gabe tatinggalhon Jahowa. Satokkin nai tahilala nama ngolu na dumenggan i! Toktong ma marlas ni roha hita jala sabar paimahon Jahowa pasautton sude lomo ni rohana. w21.08 13 ¶17-19
Sabtu, 11 November
Unang ma lupa hamu mangulahon akka na denggan jala urupi hamu ma na asing sian nasa tolapmuna. Ai lomo do roha ni Debata tu akka pelean sisongon i.—Heb. 13:16.
Dang leleng dukkon dijalo nasida surat ni Apostel Paulus, ditinggalhon halak Kristen na di Judea ma jabuna, karejona, dohot keluargana na so sahaporseaon. Jala “ikkon lari do [nasida] tu dolok”. (Mat. 24:16) Di tikki i, ikkon marsiurupan do nasida. Ala nungnga diulahon nasida sebelumna nasehat ni si Paulus, lam mura ma nasida mambahen penyesuaian di inganan na baru. Saonari, bisa jadi do adong donganta na maol paboahon perasaanna tikki susa nasida. Alani i gabe halak na mura dijonoki ma hita asa olo nasida paboahon perasaanna. Adong do ra ditanda hamu akka dongan di huria na sai rade mangurupi na asing. Dang hea nasida merasa repot mangurupi akka dongan. Sai rade do nasida tikki dihaporluhon. Jadi tatiru ma nasida. w22.02 23-24 ¶13-15
Minggu, 12 November
Toktong ma hamu marsada jala mardame ala ditogu-togu tondi parbadia.—Eps. 4:3.
Di piga-piga taon parpudi on, adong do huria na digabung manang na dipapinda tu wilayah na asing. Molo dipangido hita pinda tu huria na asing, olo do maol tahilala mangihutton i. Alana gabe tatinggalhon ma keluarga dohot akka donganta. Memang taboto do dang adong petunjuk langsung sian Jahowa tu akka sintua lao manugasson akka penyiar. Alai taingot ma, pos do roha ni Jahowa tu keputusan na dibahen akka sintua. Boasa ikkon taihutton petunjuk ni akka sintua nang pe hurang setuju hita tu petunjuk i? Alana molo taulahon i, na mangurupi akka dongan di huria do hita asa toktong marsada ni roha. Asing ni i, gabe marlas ni roha ma huria ala unduk hita tu keputusan na dibahen punguan ni sintua. (Heb. 13:17) Jala na uppetting molo olo hita kerja sama dohot akka dongan na adong tanggung jawabna di organisasi, on patuduhon na pos do rohatta tu Jahowa.—Ul. 20:28. w22.02 4-5 ¶9-10
Senin, 13 November
Marsitutu ma ho manjahahon i di jolo ni natorop, mamodahon, jala mangajarhon i.—1 Tim. 4:13.
Sahalak bawa naung tardidi, porlu do berupaya asa lam denggan manjaha, mangajari, dohot marjamita. Molo diulahon hamu i ‘sian nasa gogomuna’, gabe bermanfaat ma i tu akka dongan na mambege. (1 Tim. 4:15) Parsiajari hamu ma i sian brosur Cara Asa Lam Denggan Manjaha dohot Mangajari. Bahen ma latihan di jabu, jala praktekkon hamu ma i tikki marjamita. Boi do muse jaloonmuna saran sian sintua na gabe penasihat ekstra manang sian akka sintua “na paboahon jala na mangajarhon hata ni Debata sian nasa gogona”. (1 Tim. 5:17) Tujuanta mamparsiajari i dang holan naeng mamboto jala mampraktekkon i sajo. Alai, asa lam togu haporseaon ni akka dongan na mambege jala tergerak mangulahon i. Molo dibahen hamu songon i, rap marlas ni roha ma hamu dohot nasida. w21.08 24 ¶17
Selasa, 14 November
Toruk ma rohamuna, jala sangap ma bahen tu na asing.—Plp. 2:3.
Molo sangap do tabahen tu na asing, dang olo hita bersaing dohot akka dongan na taanggap malo. Gariada ikkon las do rohatta ala adong kemampuan ni nasida sisongon i. Apalagi molo dipakke halak i kemampuanna i tu Jahowa. Molo tabahen songon i, gabe marsada jala dame ma huria. Molo serep rohatta boi do tabolokkon late ni roha jala olo mangakkui hahurangatta. Dang porlu tabuktihon na ummalo hita sian dongan na asing. Gariada olo do hita marsiajar sian dongan na ummalo i. Misalna molo adong donganta bawa na malo marjamita, tasukkun ma tu ibana songon dia ibana paradehon jamitana i. Manang molo adong donganta borua na malo mangaloppa, marsiajar ma hita sian ibana asa malo tong hita mangaloppa. w21.07 15-16 ¶8-9
Rabu, 15 November
[Dang olo Jahowa] mangulahon na so tigor.—5 Mus. 32:4.
Di bukku 4 Musa, dipaboa do adong halak na dipamate Jahowa ala papunguhon soban di ari Sabat. Hape di bukku 2 Samuel, disalpuhon Jahowa do hasalaan ni Raja Daud na berzina dohot mambunu. (4 Mus. 15:32, 35; 2 Sam. 12:9, 13) Gabe sukkun-sukkun do rohatta, ‘Boasa disalpuhon Jahowa hasalaan ni si Daud na mambunu dohot berzina, hape halak na so pola balga dosana dipamate Ibana?’ Dang sai dipaboa Bibel sude hatorangan taringot sada peristiwa. Misalna dipaboa do na botul-botul si Daud bertobat. (Ps. 51:2-4) Alai, dang godang na taboto taringot halak na mangalanggar Patik di ari Sabat i. Dang taboto bertobat do ibana manang na dang, manang atik na hea do dilanggar ibana patik ni Jahowa sebelumna. Jala dang taboto atik na hea do ibana dipasingot, alai dang diulahon ibana sipasingot i. Jadi nang pe dang dipaboa di Bibel sude alus ni sukkun-sukkunta, alai pos do rohatta “sittong do dalan ni Jahowa” i.—Ps. 145:17. w22.02 2-3 ¶3-4
Kamis, 16 November
Marbisuk do halak na serep marroha.—Poda 11:2.
Halak na menyadari keterbatasanna, halak na serep roha do i. Dang paksahononna dirina mangulahon tugas na so sanggup diulahon ibana. Dipatudos do ibana songon halak na mamboan mobil di tanjakan. Ikkon gatti gigi do ibana, asa boi torus mananjak, nang pe gabe moru kecepatanna. Songon i ma halak na menyadari keterbatasanna. Sadar do ibana dang boi be diulahon akka tugas songon najolo i tikki poso dope ibana. Hasilna, gabe toktong ma ibana marlas ni roha manomba Jahowa. (Plp. 4:5) Taparrohahon ma jo contoh ni si Barsilai. Tikki marumur 80 taon, diundang Raja Daud ma ibana asa dohot tu istana. Alai disadari si Barsilai do keterbatasanna. Jadi ditolak ibana ma i, jala diusulhon ibana ma si Kimkana manggattihon ibana. (2 Sam. 19:35-37) Songon si Barsilai, las do roha ni akka dongan na matua mangalean kesempatan tu akka na poso mandapot tanggung jawab di huria. w21.09 10 ¶6-7
Jumat, 17 November
Dang adong na mananda Ama i asing ni Anak i. Boi do akka halak mananda Ama i molo rade Anak i mangajarhon taringot tu Ama i.—Luk. 10:22.
Maol do dihilala hamu manganggap Jahowa i Bapak na parholong? Adong do piga-piga halak na merasa songon i, ala dang burju bapakna. Alai molo Jahowa holong do rohana tu hita. Takkas do diattusi Jahowa songon dia pakkilalaatta. Lomo do roha ni Jahowa jonok tu hita. Alani i ma didok Ibana, “Pajonok hamu ma tu Debata, dung i pajonokonna ma tu hamu.” (Jak. 4:8) Jahowa do Bapakta na umburju. Diurupi Jesus do hita asa boi jonok tu Ibana. Takkas do Jesus mananda Jahowa, jala massai denggan do ditiru ibana sifatna. Alani i ma boi didok Jesus, “Manang ise na mangida au, nungnga diida ibana Damang i.” (Joh. 14:9) Songon abang siakkangan do Jesus, na olo mangajari akka adekna. Diajarhon ibana do tu hita cara mangargai jala mangihutton paretta ni Bapakta Jahowa. Diajari Jesus do muse hita asa unang taulahon na dihasogohon Jahowa, jala diurupi do hita mangulahon lomo ni rohana. Sian teladan ni Jesus taboto ma burju do Jahowa i jala holong rohana tu hita. w21.09 21 ¶4-5
Sabtu, 18 November
Parmahani hamu ma biru-biru ni Debata na dipasahat tu hamu.—1 Ptr. 5:2.
Marsada do naposo ni Jahowa manomba Debata na sittong. Dilehon Jahowa do tanggung jawab tu akka sintua lao manjaga huria asa toktong ias. Alani i molo adong halak Kristen na mangulahon dosa na serius, akka sintua ma na manottuhon boi do ibana tetap di huria manang na dang. Ikkon dipastihon nasida do naung botul-botul bertobat halak na mangulahon dosa na serius i manang na dang. Olo do ra mangakku ibana nungnga bertobat. Alai tutu do i? Bertekad do ibana dang olo be mangulahon dosana i? Molo alani pergaulan buruk do ibana mangulahon dosa na serius, olo do ibana maninggalhon akka donganna i? Porlu do akka sintua martangiang asa diurupi Jahowa nasida mampartimbakkon sude fakta na adong, dohot mangalului prinsip ni Bibel na sesuai tusi. Dung i diputusson nasida ma boi do ibana tetap di huria manang na dang. Di piga-piga kasus, ikkon dipecat do halak na mangulahon dosa na serius.—1 Kor. 5:11-13. w22.02 5 ¶11-12
Minggu, 19 November
Pakke hamu ma pangalaho na imbaru.—Kol. 3:10.
Dang soal baru tardidi dope hita manang nungnga leleng, lomo do rohatta patuduhon pangalaho na dihalomohon Jahowa. Asa boi songon i, ikkon takendalihon do cara marpikkirta. Boasa? Alana jotjot do tindakanta dipengaruhi cara marpikkirta. Misalna, molo parniulaon ni daging do na sai torus tapikkirhon ujungna gabe i do na taulahon dohot na tahatahon. (Eps. 4:17-19) Alai sebalikna, molo akka na denggan do na sai tapikkirhon gabe na denggan ma na taulahon dohot na tahatahon. Ujungna gabe las ma roha ni Jahowa tabahen. (Gal. 5:16) Dang mungkin boi tabolokkon sude pikkiran na sala. Alai, boi do hita mengendalihon pikkiranta asa unang taulahon akka na sala. Jala asa boi hita tardidi, unang be tahatahon manang taulahon akka na dihasogohon Jahowa. I do cara na paling penting asa boi hita mananggalhon pangalaho na leleng. Alai dang sae holan i, ikkon tapakke do pangalaho na imbaru. w22.03 8 ¶1-2
Senin, 20 November
Sudena i patuduhon nungnga diulahon hamu na sittong.—2 Kor. 7:11.
Dang sai mura akka sintua manottuhon nungnga muba halak na mangulahon dosa serius manang na dang. Boasa songon i? Ala dang boi nasida manjaha roha. Jadi ikkon dilului nasida do bukti na patuduhon naung muba ibana sian pangalahona i manang na dang. Molo botul-botul do nungnga bertobat halak na dipecat, pasti berupaya do ibana asa taratur ro marpungu, mangihutton saran ni sintua lao manjaha Bibel, jala martangiang secara pribadi. Ikkon dihindari ibana do muse akka situasi na mambahen ibana tergoda mangulahon hasalaan na sarupa. Molo berupaya do ibana padenggatton hubunganna tu Jahowa, boi ma pos rohana salpuhonon ni Jahowa do hasalaanna i. Jala pasti urupan ni akka sintua do ibana asa mulak muse tu organisasi. w21.10 6 ¶16-18
Selasa, 21 November
Unang bahen hamu patung, manang gambar na suman tu manang aha pe na adong di langit, di tano on . . . Unang marsomba hamu tu akka i.—2 Mus. 20:4, 5.
Ala holong roha ni Jesus tu Jahowa, holan Jahowa do na disomba ibana tikki di surgo nang di tano on. (Luk. 4:8) Diajarhon Jesus do tong tu akka siseanna asa holan Jahowa na disomba nasida. Jadi dang dipakke Jesus dohot akka siseanna patung lao manomba Debata. Memang dang boi taida Debata, alai unang ma tabahen manang aha pe na manarupahon Debata. (Jes. 46:5) Boha do molo adong na martangiang tu patung ni halak na sangap? Di patik paduahon songon ayat sadari on, didok Jahowa, dang lomo rohana molo tasomba patung. Bukku “Sejarah Gereja Kristen” (History of the Christian Church) paboahon, “Di halak Kristen abad na parjolo, mambayakkon sajo pe adong patung tikki beribadat, nungnga magigi nasida.” Songon i do tong Saksi Jahowa, diihutton nasida do contoh na dibahen halak Kristen di abad na parjolo. w21.10 19-20 ¶5-6
Rabu, 22 November
Unang ma turun halak na di atap ni jabu lao mambuat barangna sian jabuna.—Mat. 24:17.
Nungnga dipaboa Jesus hian tu halak Kristen na di abad na parjolo na tinggal di Judea, na lao “markemah akka tentara di sakaliling ni Jerusalem”. (Luk. 21:20-24) Molo masa i ‘ikkon lari do nasida tu dolok’. Ikkon tinggalhonon ni nasida do artana, asa selamat nasida. Taringot halak Judea on, hea do Menara Pengawal mandok, “Tadikkonon ni nasida do ladang dohot jabuna. Dang papunguon ni nasida arta ni nasida. Pos do roha ni nasida na urupan jala jagaon ni Jahowa do nasida. Alani i ma gabe boi dibahen nasida Jahowa na uppetting di ngolu ni nasida.” Didok do muse, “Haduan olo do ra diuji haporseaotta lao patuduhon aha do na uppetting di ngolutta, arta do manang hubungatta tu Jahowa. Molo toktong do hita setia tu Jahowa, gabe selamat ma hita. Tikki masa hasusaan bolon i pasti lam susa do annon ngolutta. Jadi saonari ma tikkina, taparade rohatta asa boi mangadopi hasusaan i.” w22.01 4 ¶7-8
Kamis, 23 November
Ale Debata, massai arga do holong ni roha na pinatudum.—Ps. 36:7.
Dang sadia leleng dung kaluar halak Israel sian Mesir, dipaboa Jahowa do tu si Musa goarna dohot sifatna. Didok Ibana, “Au do Jahowa, Debata na burju jala parasi roha. Au do Jahowa na lambat tarrimas, jala gok holong ni roha dohot hasittongan. Hupatudu do holong ni roha tu marribu halak. Jala husesa do hasalaan ni halak, hajahatonna, dohot dosana.” (2 Mus. 34:6, 7) Sian hatana i, Jahowa naeng paboahon tu hita adong na massai penting na ikkon taboto taringot holong na manoktong i. Aha ma i? Jahowa dang holan Debata parholong, alai ayat i mandok “gok holong ni roha” do Ibana. Adong dope pitu hali nai hata i disurat di Bibel. (4 Mus. 14:18; Neh. 9:17; Ps. 86:15; 103:8; 145:8; Joel 2:13; Jona 4:2) Holong ni Jahowa do na dimaksud di sude ayat i, dang holong ni jolma. On patuduhon, sifat holong na manoktong i massai penting do di Jahowa. w21.11 3 ¶3-4
Jumat, 24 November
Unang be holsoan hamu mamikkiri parngoluonmuna.—Mat. 6:25.
Akka pasangan na menikah, boi do marsiajar sian si Petrus dohot istrina. Dibahen si Petrus do keputusan na penting tikki pajuppang ibana paduahalihon dohot Jesus. Alai di tikki i, digokkon Jesus do si Petrus lao mangihutton ibana. Sebelumna sijala dekke do si Petrus. Jadi ikkon manat do dipikkirhon si Petrus songon dia keadaan manang situasi ni keluargana. (Luk. 5:1-11) Diputusson si Petrus ma mangihutton Jesus. Jala, pasti didukung istrina do ibana. Dipaboa di Bibel, dohot do istri ni si Petrus mandongani ibana marbarita na uli dung hehe Jesus. (1 Kor. 9:5) Ala diutamahon istri ni si Petrus do Jahowa, gabe leluasa ma si Petrus mamodai akka suami istri. (1 Ptr. 3:1-7) Pos do roha ni si Petrus dohot istrina tu Jahowa, na paradeon ni Jahowa do sude na porlu di nasida molo sai dijumolohon nasida lomo ni roha ni Jahowa.—Mat. 6:31-34. w21.11 18 ¶14
Sabtu, 25 November
Tiru hamu ma au.—1 Kor. 11:1.
Holong do roha ni si Paulus tu akka dongan sahaporseaonna, jala bekerja keras do ibana lao mangurupi nasida. (Ul. 20:31) Alani i ma, holong hian do roha ni nasida tu si Paulus. Hea do di sada tikki, “tangis” akka sintua na di Epesus ala diboto nasida dang na lao pajuppang be nasida dohot si Paulus. (Ul. 20:37) Songon si Paulus do tong akka sintua saonari. Massai holong do roha ni nasida tu hita. Jala dibahen halak i do sian nasa tolapna lao mangurupi hita. (Plp. 2:16, 17) Alai adong do tantangan na diadopi halak i. Songon dia do nasida boi mangatasi tantangan i? Porlu do dirimangi akka sintua teladan ni si Paulus. Jolma biasa do ibana jala dang sempurna. Alani i, ikkon berjuang do ibana mangulahon akka na sittong. (Rom 7:18-20) Adong dope muse hasusaan na ikkon diadopi ibana. Alai dang hea menyerah si Paulus jala dang hea mago las ni rohana. Porlu do akka sintua maniru si Paulus asa toktong nasida marlas ni roha nang pe adong tantangan. w22.03 26 ¶1-2
Minggu, 26 November
Ikkon diulahon hamu do ari Sabat. Au do Jahowa Debatamuna.—3 Mus. 19:3.
Di 3 Musa 19:3 adong do paretta mandalatton “ari Sabat”. Memang hita halak Kristen dang mangihutton Patik ni si Musa be, jadi dang taulahon be Sabat mingguan. Alai adong do parsiajaran na tadapot sian paretta i. Molo di ari Sabat najolo, ikkon istirahat do halak Israel sian karejona jala dipakke ma kesempatan i lao patoguhon hubunganna tu Jahowa. Alani i ma tikki ari Sabat, lao do Jesus tu sinagoga na di Nasaret lao manjaha Surat na Badia. (2 Mus. 31:12-15; Luk. 4:16-18) Jadi sian paretta ni Jahowa taringot Sabat i, marsiajar ma hita, ikkon taparade do godang tikki lao patoguhon hubungatta tu Jahowa dohot melayani Ibana. Menurut hamu, nga diulahon hamu be i? Molo dilehon hamu do godang tikkimuna melayani Jahowa, boi ma gabe lam jonok hamu tu Ibana jala gabe boi ma hamu badia. w21.12 5 ¶13
Senin, 27 November
Dang na lao manjou halak na mangulahon na sittong au umbahen na ro, alai manjou pardosa i do asa muba nasida.—Luk. 5:32.
Tikki di tano on Jesus, mardongan do ibana tu sude halak. Olo do ibana rap mangan dohot akka na mora, songon i nang dohot akka parhuaso. Mardongan do tong ibana tu akka halak na pogos dohot halak na susa. Asing ni i, marasi ni roha do ibana tu akka pardosa. I do alana godang halak na so porsea tu Jesus. Didok halak i do tu sisean ni Jesus, “Boasa mangan minum hamu rap dohot akka sijalo pajak dohot akka pardosa?” Alai dialusi Jesus ma songon di ayat sadari on. (Luk. 5:29-31) Leleng andorang so ro Jesus, nungnga dipaboa si Jesaya hian na lao tolakon ni akka halak do Messias. Didok si Jesaya, “Dileai do ibana jala dipasiding akka jolma . . . Songon na ditabunihon ibana do bohina sian hami. Dileai do ibana jala dang marlapatan ibana di hami.” (Jes. 53:3) Ala nungnga dipaboa si Jesaya na ikkon dileai “akka jolma” do Messias, seharusna nga ikkon diboto halak Jahudi na lao ditolak do Jesus. w21.05 8-9 ¶3-4
Selasa, 28 November
Pamalumon ni Jahowa ma ibana.—Jak. 5:15.
Adong do halak Kristen di abad na parjolo na maol mangihutton petunjuk sian Jahowa. (Jak. 1:22) Na asing, patuduhon haburjuon holan tu na mora. (Jak. 2:1-3) Adong muse na so boi mangarajai dila ni nasida. (Jak. 3:8-10) Sasittongna masalah na serius do i, alai dang menyerah si Jakobus mangurupi nasida. Lambok jala tegas do ibana pasingotton nasida. Dijujui ibana do nasida asa mangido bantuan sian akka sintua. (Jak. 5:13, 14) Parsiajaranna: Unang ma menyerah hita tikki mangurupi parsiajar Bibelta, khususna tikki maol nasida mangihutton prinsip ni Bibel. (Jak. 4:1-4) Porlu do tikki lao paubahon akka sifat ni nasida na hurang denggan. Ikkon barani do hita paboahon tu nasida aha do na ikkon dipadenggan nasida. Jala, ikkon marpikkiran positif do hita. Pos ma rohatta pasti sanggup do Jahowa mangurupi nasida muba asa boi gabe naposona.—Jak. 4:10. w22.01 11 ¶11-12
Rabu, 29 November
Manang ise na so olo mambege angguk-angguk ni na pogos, Ibana sandiri pe, dang na lao dialusi tikki jou-jou.—Poda 21:13.
Sude do hita porlu maniru asi ni roha ni Jahowa. Boasa? Alana dang olo Jahowa mambege tangiang ni halak na so marasi ni roha. Pasti dang olo hita dang ditangihon Jahowa tangiangta. Alani i ikkon tapatudu do asi ni roha. Parduli ma hita tu akka donganta, jala rade ma hita “mambege angguk-angguk ni [na susa]”. Sai taingot ma poda on, “Dang maralang-alang Debata manguhumi halak na so marasi ni roha.” (Jak. 2:13) Molo tasadari porlu do di hita asi ni roha, tapatudu ma tong asi ni roha tu na asing, khususna tu akka naung bertobat jala nungnga dipulihkan. Molo taparsiajari akka contoh ni halak na marasi ni roha di Bibel, boi do i mangurupi hita asa lambok manjakkon nasida. w21.10 12 ¶16-17
Kamis, 30 November
Hundul ma hamu dison, asa martangiang jolo au tusan.—Mat. 26:36.
Di borngin parpudi andorang so mate Jesus, dilului ibana ma inganan na tenang asa boi mangarimangi dohot martangiang. Lao ma ibana tu taman Getsemane. Disi dipaboa Jesus do tu akka siseanna tung massai penting do martangiang. Nungnga tonga borngin sahat nasida di taman Getsemane. Alai sebelum lao ibana martangiang, dipangido Jesus do tu akka siseanna asa ‘toktong dungo’ nasida. (Mat. 26:37-39) Hape tikki martangiang ibana, modom do akka siseanna i. Jala dung sae martangiang, modom dope siseanna i didapot ibana. Dung i dipaingot Jesus ma nasida asa toktong “dungo jala sai martangiang”. (Mat. 26:40, 41) Diboto Jesus do siseanna i nungnga loja jala marsak, jala diboto ibana do memang “gale do daging i”. Dung i lao ma Jesus dua hali nai martangiang. Tikki mulak ibana, tong dope modom dapotna sisean i.—Mat. 26:42-45. w22.01 28 ¶10-11