Hiras ma Roha Paboahon Hasintongan Taringot Jesus

Martamba ma hiras ni rohanta molo taboto songon dia paboahon hasintongan taringot Jesus tu angka halak. Songon ojahan ni sada jabu, Jesus ma ojahan ni haporseaon na sintong. (Eps. 2:20) Ndang adong lapatan ni hangoluanta molo ndang adong ibana. (Ul. 4:12) Alani i, ringkot mangargai Jesus na laho pasauthon lomo ni roha ni Debata. Godang halak dipalilu haporseaon na so marojahan tu Bibel. Gariada, ndang porsea be nasida tu bagabaga ni Debata tu halak na porsea tu Jesus. Pangargaionta tu hasintongan mangonjar rohanta laho mangurupi halak na marlambok roha asa mangantusi hasintongan taringot Jesus jala songon dia ibana pasauthon lomo ni roha ni Debata. Saleleng bulan Parningotan, hiras do roha muna laho paboahon hasintongan taringot Jesus?