Referensi tu Parpunguan Hangoluan dohot Pangkobasion Na Laho Diparsiajari
3-9 JULI
ARTA NA ARGA NA ADONG DI BIBEL | HESEKIEL 11-14
”Adong do di Hamu Hisaphisap ni Daging?”
(Hesekiel 11:17, 18) Dibahen i dohononmu ma: Songon on do hata ni Tuhan Jahowa: Laos ahu papungupungu hamu sogot sian angka bangso, jala ahu patumpuhon hamu sian angka luat parserahanmuna i, jala ahu mangalehon tu hamu tano Israel. 18 Jadi dung sahat nasida ro disi, paholangonnasida ma sian i sandok hasogiron dohot saluhut biasbias.
w07-IN 1/7 11 ¶4
Angka na Denggan sian Buku Hesekiel—I
Taon 612 SM, si Hesekiel mandapot parnidaan taringot Jerusalem. Mansai ramun do parniulaon ni halak na diida ibana di bagas joro ni Debata! Disuru Jahowa do angka surusuruanNa manguhumi (na digombarhon ”onom baoa”), laho patuduhon murukNa tu angka na murtad. Di tingki i, holan angka halak na mandapot ’sada tanda tu pardompahanna’ do na dipalua. (Hesekiel 9:2-6) Alai na parjolo, ingkon jolo disarhon do di kota i ”gara ni api” na manggombarhon barita panguhuman sian Debata. (Hesekiel 10:2) ’Hombar tu pambahenanna do uhumon ni Jahowa angka parjahat’, jala marjanji do Jahowa laho papunguhon halak Israel naung marserak.—Hesekiel 11:17-21.
(Hesekiel 11:19) Jadi lehononku ma tu nasida roha sisangunjur, jala suanhononku tondi na imbaru tu bagasan ateatenasida, jala paholangonku ma roha batu sian dagingnasida, jala lehononku ma tu nasida roha sibuk.
Songon dia do Bahenonta Mamillit na Dumenggan?
9 Hita pe, boi do mamillit na dumenggan molo olo hita di togutogu Jahowa. Bibel mandok, ”Marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri. Sai Ibana ma tanda di nasa dalanmu asa Ibana patigor angka dalanmu. Unang tung na bisuk ho diparbaga roham, habiari ma Jahowa, jala paholang dirim sian hajahaton.” (Poda 3:5-7) Molo taparsiajari Bibel jala taboto songon dia pingkiran ni Jahowa, boi ma taantusi aha na laho taulahon hombar tu lomo ni rohaNa. Lam godang na taboto taringot pingkiran ni Jahowa, lam mura ma hita manontuhon sipillitonta na palashon rohaNa. Jala, lam mura ma hita patuduhon roha na mangoloi tu panogunoguon ni Debata.—Hes. 11:19.
(Hesekiel 11:20) Asa diihuthon nasida angka patikku, jala diradoti angka uhumhu, jala diulahon, jadi gabe bangsongku ma nasida, jala ahu gabe Debatanasida.
Mangalului Arta na Adong di Bibel
(Hesekiel 12:26-28) Dung i ro muse hata ni Jahowa tu ahu songon on: 27 Ale anak ni jolma, ida ma, hata ni bangso Israel songon on: Alatan na niidana i, laon dope ariarina, jala taringot tu tingki angka na dao do ibana manurirangi. 28 Dibahen i dohononmu ma tu nasida: Songon on do hata ni Tuhan Jahowa: Ndang be togangonku saluhut angka hatangku; hata naung huhatahon i, ingkon pasautonku do i, ninna Tuhan Jahowa.
w07-IN 1/7 13 ¶8
Angka na Denggan sian Buku Hesekiel—I
12:26-28. Gariada, tu angka halak na mangarehei ingkon dohonon ni si Hesekiel do, ”Songon on do hata ni Tuhan Jahowa: Ndang be togangonku [manang, palelenglelengonku] saluhut angka hatangku.” Ingkon taulahon do nasa gogonta laho mangurupi halak asa marhaporseaon tu Jahowa andorang so ro ajal ni hasiangan on.
(Hesekiel 14:13, 14) Ale anak ni jolma, tung sura mardosa sada luat dompak ahu mangoseosei: Jadi patoltolonku ma tanganku dompak luat i, jala ponggolhononku, sian i tungkot parbohalan, jala tongoshononku tusi haraparon, jala pansingkononku sian i jolma nang pinahan. 14 Tung sura pe di tongatongana na tolu halak on: si Noak, si Daniel dohot si Job, hosanasida sandiri do paluaon nasida, alani hatigorannasida, ninna Tuhan Jahowa.
Mandapot Laba sian na Pinarade ni Jahowa
13 Umpamana, Hesekiel 14:13, 14 mandok, ”Tung sura mardosa sada luat dompak ahu mangoseosei: Jadi patoltolonku ma tanganku dompak luat i, jala ponggolhononku, sian i tungkot parbohalan, jala tongoshononku tusi haraparon, jala pansingkononku sian i jolma nang pinahan. Tung sura pe di tongatongana na tolu halak on: si Noak, si Daniel dohot si Job, hosanasida sandiri do paluahon nasida, Alani hatigorannasida, ninna Tuhan Jahowa.” Molo talului hatorangan tu ayat on, taboto ma hata on disurat si Hesekiel hirahira taon 612 SM. Tingki i, nunga marratus taon si Noak dohot si Job dung mate. Alai, diingot Jahowa dope haporseaon ni nasida. Jala, 20 taon dope ra umur ni si Daniel tingki didok Jahowa ibana halak partigor songon si Noak dohot si Job. Aha do na taparsiajari sian on? Diparrohahon Jahowa do parange na denggan na dipatuduhon ni sude naposoNa, dohot ma i angka na poso.—Ps. 148:12-14.
w07-IN 1/7 13 ¶9
Angka na Denggan sian Buku Hesekiel—I
14:12-23. Hita sandiri do na martanggung jawab di haluaonta sandiri. Alana, ndang boi halak na asing na paluahon hita.—Rom 14:12.
Panjahaion Bibel
(Hesekiel 12:1-10) Dung i ro muse hata ni Jahowa tu ahu, songon on: 2 Ale anak ni jolma, di tongatonga ni bangso na manggunturi do ho maringan, angka parmata na marnida nian, hape ndang marnida, angka parpinggol na marbinege nian, hape ndang dibege, ai bangso panggunturi do nasida. 3 Dibahen i ho ale anak ni jolma, bahen ma di ho angka parhohas parbungkason, jala bungkas ma ho arian di adopan ni matanasida. Ingkon bungkas ho sian ingananmu tu inganan na asing di adopan ni matanasida, anggiat mamoto rohanasida, ai bangso panggunturi do nasida. 4 Ingkon paruaronmu angka parhohasmu arian i di adopan ni matanasida, songon angka parhohas parbungkason. Alai ingkon bodari pe ho ruar di adopan ni matanasida, songon na somal haruruar ni halak na bungkas. 5 Ingkon di adopan ni matanasida dungkirdungkironmu dorpi, asa sian i ho ruar. 6 Ingkon di adopan ni matanasida ampehononmu tu abaram, dung pe holom asa ruar usungonmu, ingkon tujunganmu bohim, jala ndang jadi idaonmu tano i; ai nunga hubahen ho gabe tudosan halongangan di bangso Israel. 7 Jadi hubahen ma songon na tinonahon i tu ahu: Huparuar arian angka parhohashu, songon angka parhohas parbungkasan, jala hudungkirdungkiri bodarina i dorpi i torus dohot tanganku sandiri; dung pe holom asa ruar huusung, huampehon tu abarangku di adopan ni matanasida. 8 Alai manogotna i ro ma hata ni Jahowa tu ahu, songon on: 9 Atehe ale anak ni jolma, nda tung adong sian bangso Israel, bangso panggunturi i, angka na mandok tu ho: Aha do na binahenmu? 10 Dohononmu ma tu nasida: Songon on do hata ni Tuhan Jahowa: Marhahonaan tu raja di Jerusalem do i dohot tu sandok bangso Israel, angka na di tongatongana.
10-16 JULI
ARTA NA ARGA NA ADONG DI BIBEL | HESEKIEL 15-17
”Tongtong do Digohi Hamu Janjimuna?”
(Hesekiel 17:1-4) Dung i ro muse ma hata ni Jahowa tu ahu, songon on: 2 Ale anak ni jolma, marhulingkulingan, jala marumpama ma ho tu pinompar ni Israel. 3 Jala dohononmu ma: Songon on do hata ni Tuhan Jahowa: Sada pidong raja ualu na bolon, bidang habongna, jala ganjang hatirna, gok imbulu, angka na marrintik songgop tu Libanon, jala dibuat apala pusuk ni hau ares. 4 Digotap do ujung ni angka rantingna, laos diboan do i tu tano parboniagaan, jala dibahen do i tu bagasan huta ni angka partigatiga.
w07-IN 1/7 12 ¶6
Angka na Denggan sian Buku Hesekiel—I
17:1-24—Ise do na digombarhon dua pidong raja ualu na bolon? Jala ise do ’tumbur na lambok’ na laho disuanhon Jahowa, jala songon dia do ranting ni hau ares i digotap? Dua pidong raja ualu, manggombarhon pamarenta ni Babel dohot Misir. Didok disi, pidong na parjolo nangkok tu punsu ni hau ares, i ma pamarentaon ni Jerusalem sian pinompar ni Raja Daud. Digotap pidong on ma ranting ni hau ares i lapatanna dibahen ma si Sedekia ganti ni Raja Joiakin na di Juda. Nang pe nunga marjanji, alai diose si Sedekia do janjina marhite mangido pangurupion sian na asing, i ma pamarentaon ni Misir. Ujungna, gabe ditaban ma ibana jala mate di Babel. Digotap Jahowa do ’tumbur na lambok’ sian hau i, i ma Raja di harajaon ni Messias. Jala disuanhon ma tumbur on ”di atas dolok na timbo, jala na timbul” i ma Dolok Sion na manggombarhon surgo. Gabe ”hau ares na marmulia” ma i, na parohon pasupasu tu tano on.—Pgk. 14:1.
(Hesekiel 17:7) Dung i adong ma sada pidong raja ualu na asing na bolon, bidang habongna, jala semet imputna. Jadi ida ma, hau anggur i parangkithon uratna tusi, jala rantingna manjarar tusi, asa dibornohi ibana sian baruran ni panuananna.
(Hesekiel 17:15) Hape manggunturi do i dompak ibana, laos disuru angka suruanna tu Misir, mangido lehononna nian tu ibana angka hoda dohot na nirajaanna torop. Tung adong ma labana sian i? Tung tagamon malua ma halak na mambahen songon i? Tung tagamon malua ma siose padan?
w07-IN 1/7 12 ¶6
Angka na Denggan sian Buku Hesekiel—I
17:1-24—Ise do na digombarhon dua pidong raja ualu na bolon? Jala ise do ’tumbur na lambok’ na laho disuanhon Jahowa, jala songon dia do ranting ni hau ares i digotap? Dua pidong raja ualu, manggombarhon pamarenta ni Babel dohot Misir. Didok disi, pidong na parjolo nangkok tu punsu ni hau ares, i ma pamarentaon ni Jerusalem sian pinompar ni Raja Daud. Digotap pidong on ma ranting ni hau ares i lapatanna dibahen ma si Sedekia ganti ni Raja Joiakin na di Juda. Nang pe nunga marjanji, alai diose si Sedekia do janjina marhite mangido pangurupion sian na asing, i ma pamarentaon ni Misir. Ujungna, gabe ditaban ma ibana jala mate di Babel. Digotap Jahowa do ’tumbur na lambok’ sian hau i, i ma Raja di harajaon ni Messias. Jala disuanhon ma tumbur on ”di atas dolok na timbo, jala na timbul”, i ma Dolok Sion na manggombarhon surgo. Gabe ”hau ares na marmulia” ma i, na parohon pasupasu tu tano on.—Pgk. 14:1.
(Hesekiel 17:18, 19) Tongon tahe, ala naung tinoisanna uari laho mangose padan, jala ida ma, pola dilehon tanganna, lam dibahen do saluhutna ondeng, ndang tagamon malua ibana. 19 Dibahen i songon on do hata ni Tuhan Jahowa: Songon sintongna mangolu ahu, molo so manginona tu uluna bahenonku uaringku naung tinoisanna i dohot padanhu naung niosena i.
w12-IN 15/10 30 ¶11
Ulahon ma Hata Naung Dioloi Hamu
11 Boasa lomo roha ni Jahowa asa disurat angka sitiruon i di Bibel? Boasa hata na tadok ’Olo’ ingkon taulahon? Bibel paboahon, ”ingkon pamateon do” halak ”siose padan” na so olo muba. (Rom 1:31, 32, Terjemahan Dunia Baru) Si Firaun na sian Misir, Raja Sedekia na sian Juda, dohot si Ananias raphon si Sapira, i ma angka halak na so sitiruon na disurat di Bibel, na mandok Olo hape ndang diulahon na nidokna i. Diuhum Debata do nasida jala gabe sipasingot ma on di hita.—2 Mus. 9:27, 28, 34, 35; Hes. 17:13-15, 19, 20; Ul. 5:1-10.
w88-IN s-52 20 ¶8
Disintak Jahowa do PodangNa!
8 Pamarentaon ni Babel dohot Misir dipatudos songon pidong raja ualu na bolon. Sada sian nasida manggotap punsu ni hau ares i, lapatanna dibahen ma Raja Sedekia ganti ni Raja Joiakin. Nang pe nunga marjanji si Sedekia tu Raja Nebukadnesar, alai diose ibana do janjina i. Dipangido do pangurupion tu pamarentaon Misir, i ma na didok pidong raja ualu na asing. Molo dipangke si Sedekia do goar ni Debata tingki mambahen janji i, hape diose ibana gabe marlea ma goar ni Jahowa. Alani i, unang ma hita mangose janji, asa unang direhei goar ni Debata. Hak na sumurung do di hita gabe sahalak Sitindangi Ni Jahowa!—Hesekiel 17:1-21.
Mangalului Arta na Adong di Bibel
(Hesekiel 16:60) Alai anggo ahu, sai huingot do padan na hubahen i tu ho, uju di angka ari haposoonmu, jala huhajongjongkon tu ho padan saleleng ni lelengna.
w88-IN s-52 20 ¶7
Disintak Jahowa do PodangNa!
7 Ala ndang marsihohot rayatna, dipatudos ma Juda i songon hau anggur na roa parbuena jala na patut tutungon. (Hes. 15:1-8) Asing ni i, dipatudos do Juda songon posoposo na so diurus, alai diboan Debata do nasida sian Misir jala diurus, dipagodanggodang sahat tu na gabe anak boru na bajar. Dung i, dipatudos ma songon na dioli Jahowa nasida. Alai, gabe naeng diripashon do nasida ala manomba debata na asing, dos songon na mangalangkup di partondion. Jala, naeng bahenon ni Debata ma padan salelengna manang padan na imbaru dohot naposoNa na marsihohot, i ma Israel di partondion.—Hes. 16:1-63; Jer. 31:31-34; Gal. 6:16.
(Hesekiel 17:22, 23) Songon on do hata ni Tuhan Jahowa: Apala ahu ma mambuat sada ranting sian pusuk ni hau ares na timbo i, jala lopokhononku; sian punsu ni angka tumburna gotaponku sada lunduna, jala ahu manuanhonsa di atas dolok na timbo, jala na timbul. 23 Di atas dolok ni Israel na timbo i suanhononku ibana, asa laos mardangka jala marparbue, laos gabe hau ares na marmulia, asa marasar di toruna saluhut pidong na marhabong, angka na balga dohot na metmet marlinggomlinggom nasida di toru ni dangkana.
w07-IN 1/7 12 ¶6
Angka na Denggan sian Buku Hesekiel—I
17:1-24—Ise do na digombarhon dua pidong raja ualu na bolon? Jala ise do ’tumbur na lambok’ na laho disuanhon Jahowa, jala songon dia do ranting ni hau ares i digotap? Dua pidong raja ualu, manggombarhon pamarenta ni Babel dohot Misir. Didok disi, pidong na parjolo nangkok tu punsu ni hau ares, i ma pamarentaon ni Jerusalem sian pinompar ni Raja Daud. Digotap pidong on ma ranting ni hau ares i lapatanna dibahen ma si Sedekia ganti ni Raja Joiakin na di Juda. Nang pe nunga marjanji, alai diose si Sedekia do janjina marhite mangido pangurupion sian na asing, i ma pamarentaon ni Misir. Ujungna, gabe ditaban ma ibana jala mate di Babel. Digotap Jahowa do ’tumbur na lambok’ sian hau i, i ma Raja di harajaon ni Messias. Jala disuanhon ma tumbur on ”di atas dolok na timbo, jala na timbul”, i ma Dolok Sion na manggombarhon surgo. Gabe ”hau ares na marmulia” ma i, na parohon pasupasu tu tano on.—Pgk. 14:1.
Panjahaion Bibel
(Hesekiel 16:28-42) ”Laho muse ho marmainan tu angka anak ni Assur ala so olo mahap roham, marmainan ho tahe tu nasida, hape laos so olo mahap roham.29 Lam digandai ho do parmainanonmu tu tano Kanaan, boti tu luat Kasdim, laos so olo mahap dope roham disi. 30 Marasnai rohami marisuang, ninna Tuhan Jahowa, di na binahenmi saluhutna i, i ma pambahenan ni parompuan sibabijalang na tarboan rohana. 31 Di na binahenmi joromi di haroroan ni luhut dalan dohot na binahenmi tambakmu di saluhut alaman, jala ndada ho songon sibabijalang hian na mangigil upa. 32 Oe ale boru sibabijalang, na manjangkon halak sileban, singkat ni harajaanna hian! 33 Somalna nian di saluhut sibabijalang manjalo ugasan, alai muba do anggo ho, ho do balik mangalehon ugasanmu tu saluhut puangmu dohot mangalehon silua tu nasida, mangela ro manopot ho sian na humaliang marmainan dohot ho. 34 Asa na sumalin do ho diparmainanonmu martimbangkon parompuan angka na asing; ndada ho diihutihut naeng marmainan, ho do balik mangalehon ugasan, ndada tu ho dilehon ugasan, umbahen gabe sumalin ho. 35 Dibahen i ale sibabijalang, tangihon ma hata ni Jahowa! 36 Songon on do hata ni Tuhan Jahowa: Ala naung pinansuasaehonmi hepengmu, jala dipatedek ho hailaonmu, binahen ni parmainanonmu tu angka puangmu, dohot tu saluhut ganaganaan ni hasogiron angka na niulam, jala hombar tu mudar ni anakmu angka na sinombahonmu tu nasida. 37 Dibahen i, ida ma, ahu ma papunguhon saluhut puangmu angka na mangkasolohon ho, dohot saluhut angka na hinaholongan ni roham ro di saluhut angka hasomoran ni roham, ahu ma papunguhon nasida sian na humaliang dompak ho, asa hupatedek hailaonmu tu nasida, asa tung diida nasida sandok hailaonmu. 38 Jala ahu mandabu tu ho uhum na tu angka sibabijalang hian dohot tu parompuan angka na mandurushon mudar, jala ahu pasahathon ho gabe mudar ni harimason dohot pangiburuan. 39 Jala ahu pasahathon ho tu bagasan tangannasida, asa lohaonnasida angka joromi, jala panepneponna angka tambakmu, jala tanggalannasida angka pangkeanmu, jala rampasonnasida angka mata intan jagarjagarmu, jala pasombuonna ho salangsalang dohot marsaemara. 40 Jala nangkok do togihononnasida dompak ho sada luhutan, jala dangguranna ho dohot batu, jala tampulanna ho dohot podangnasida. 41 Jala purunanna angka bagasmu dohot api, jala bahenonna tu ho angka uhumi di adopan ni torop parompuan. Asa ahu pasohothon parmainanonmu, panuang pe ndang be lehononmu. 42 Asa tung sombu rimashu mida ho, jala sumurut pangiburuonku sian ho, gabe sonang ahu, jala unang be tarsunggul rimashu.
17-23 JULI
ARTA NA ARGA NA ADONG DI BIBEL | HESEKIEL 18-20
”Dung Disesa Jahowa Dosanta, Sai Dipaingotingot Dope I?”
(Hesekiel 18:19, 20) Hape anggo hamu mandok: Boasa so manginona tu anakna hajahaton ni amana? Ala na mangulahon uhum dohot hatigoran anak i, saluhut angka patikki diradoti do jala diulahon, tongon tahe ingkon mangolu ibana. 20 Tondi ni manang ise na mardosa, ingkon i do mate! Ndang jadi manginona tu anak hajahaton ni amana, tu ama, pe ndang jadi manginona hajahaton ni anakna. Ingkon songgop sogot hatigoran tu partigor, jala hajahaton tu parjahat.
w12-IN 1/7 18 ¶2
Dung Disesa Debata Dosanta, Sai Dipaingotingot Dope I?
Marhite panurirang Hesekiel, dipaboa Jahowa do barita panguhuman tu halak Juda dohot Jerusalem na so marsihohot. Ala nunga ditadingkon nasida panombaon na sintong tu Jahowa, gabe gok ma hajahaton di luat i. Nunga disurirangkon Jahowa, na laho lengsehonon ni halak Babel do Jerusalem. Alai, dilehon Jahowa do pangkirimon. Dipaloas do nasida mamillit lomo ni rohanasida, alai ingkon martanggung jawab do nasida di parniulaonna.—Ayat 19, 20.
(Hesekiel 18:21, 22) Alai tung sura ditundalhon roha ni parjahat i saluhut dosana, angka na niulana na sai laon, jala diradoti saluhut angka patikki, jala diulahon uhum dohot hatigoran, tongon do ingkon mangolu ibana, ndang jadi mate. 22 Saluhut hajahaton angka na niulana na sai laon, ndang jadi jujuran tu ibana, hatigoran na niulahonna i do hangoluhononna.
w12-IN 1/7 18 ¶3-7
Dung Disesa Debata Dosanta, Sai Dipaingotingot Dope I?
Songon dia do molo sahalak parjahat marhamubaon? Jahowa mandok, ”Alai tung sura ditundalhon roha ni parjahat i saluhut dosana, angka na niulana na sai laon, jala diradoti saluhut angka patikki, jala diulahon uhum dohot hatigoran, tongon do ingkon mangolu ibana, ndang jadi mate.” (Ayat 21) Tutu, ”marpamuati” do roha ni Jahowa molo adong sahalak parjahat na marhamubaon jala tongtong patuduhon pangalaho na denggan.—Psalmen 86:5.
Songon dia do taringot angka dosa naung diulahon ibana? Jahowa mandok, ”Saluhut hajahaton angka na niulana na sai laon, ndang jadi jujuran tu ibana.” (Ayat 22) Parrohahon ma na didok di ayat on. ”Saluhut hajahatonna . . . ndang jadi jujuran tu ibana”. Boasa on ringkot taboto?
Di Bibel, hata Heber na diterjemahon gabe ”manjujur”, lapatanna ndang holan mangingot sambing. Sada karya referensi paboahon, ”Sasintongna, [on] somalna didok rap dohot kata kerja.” Jadi hata ”manjujur” boi do lapatanna gabe ”mangulahon sada ulaon”. Alani i, tingki didok na so ”jadi jujuran” dosa ni halak na marhamubaon, Jahowa patuduhon ndang olo be Ibana manguhumi manang mambalos dosa ni sasahalak na marhamubaon.
Hata na disurat di Hesekiel 18:21, 22 paboahon gombaran na mansai denggan taringot cara ni Jahowa manalpuhon hasalaan ni sasahalak. Molo nunga disesa Jahowa hasalaanta, ndang sai ingotonNa manang jujuranNa be i di ari na naeng ro. Didok, nunga dibahen Jahowa be dosanta di pudiNa, lapatanna nunga disalpuhon Ibana. (Jesaya 38:17) On patuduhon nunga disesa Jahowa dosa ni halak na marhamubaon.—Ulaon ni Apostel 3:19.
Ala mardosa dope hita, tahaporluhon do asi ni roha ni Debata. Alana jotjot do hita mangulahon na sala. (Rom 3:23) Alai, lomo roha ni Jahowa asa taboto na rade do Ibana manalpuhon hasalaanta molo marhamubaon hita. Tingki manesa hasalaan, ndang sai ingotonNa be i manang gabe uhumonNa hita alani hasalaan i. Mansai las do rohanta mamboto on! Tontu, taronjar do rohanta laho pajonokkon diri tu Debata na marasi roha.
(Hesekiel 18:23) Tung tagamon marlomo ni roha ma ahu mida hamatean ni parjahat i, ninna Tuhan Jahowa; nda tagonan nian, molo muba rohana i sian dalanna angka na sai laon, asa mangolu ibana.
(Hesekiel 18:32) Ai ndang lomo rohangku mida hamatean ni na mate, ninna Tuhan Jahowa. Antong pauba hamu ma rohamuna, asa mangolu hamu!
w08-IN 1/4 8 ¶4
Armagedon—Porang na Laho Pasaehon Sude Porang
Ala Debata do na gabe Panguhum disi, pos ma rohanta sai na tigor do panguhumanNa. Sungkunsungkun do roha ni si Abraham tingki mandok, ”Tung na so uhum ma bahenon ni Siuhumi liat portibi on?” Ujungna, diboto si Abraham ma alusna, sai na tigor do ulaon ni Jahowa! (1 Musa 18:25) Asing ni i, dipatorang do di Bibel, ndang lomo roha ni Jahowa mangaripashon angka parjahat. Alai diulahon Ibana pe i ala so adong be dalan na asing.—Hesekiel 18:32; 2 Petrus 3:9.
w06-IN 1/12 27 ¶11
Aha do Lapatanna Mangkaholongi angka Dongan
11 Tatiru ma holong ni Jahowa tingki laho patuduhon holong tu angka halak na so sisomba Jahowa. Nang pe dihagigihon Ibana hajahaton, alai dilehon Ibana do tingki tu angka parjahat laho marhamubaon asa mandapot hangoluan salelengna. (Hesekiel 18:23) Lomo do roha ni Jahowa asa ”saluhutna sahat tu hamubaon ni roha”. (2 Petrus 3:9) Lomo rohaNa ”saluhut jolma malua jala sahat mananda hasintongan i”. (1 Timoteus 2:4) Alani i do umbahen na disuru Jesus angka siseanNa marbarita, mangajar, jala ’mamodai saluhut bangso’. (Mateus 28:19, 20) Molo taulahon on, patar ma holongta tu Debata, tu dongan jolma dohot tu musunta.
Mangalului Arta na Adong di Bibel
(Hesekiel 18:29) Hape ro ma anggo pinompar ni Israel mandok: Ndang sintong dalan ni Tuhan i! Tung tarbahen ma so sintong angka dalanku ale pinompar ni Israel? Dalanmuna i do tahe na so sintong!
w13-IN 15/8 11 ¶9
Unang ”Marmungutmungut” tu Jahowa
9 Ndang taboto na sasintongna. Ala ndang diantusi halak Israel na mangolu di tingki ni si Hesekiel songon dia na sasintongna, gabe dirimpu nasida ma ”ndang sintong dalan ni Tuhan i”. (Hes. 18:29) Hira na naeng diuhumi nasida do Debata. Dirimpu nasida do umtigor nasida sian Jahowa, hape ala so diantusi nasida do songon dia parsoalan na sasintongna. Sipata, ndang taantusi sude hatorangan na tarsurat di Bibel manang boasa ro hasusaan tu hita. Di tingki masa sisongon i, olo do didok rohanta ”ndang sintong” cara ni Jahowa?—Job 35:2.
(Hesekiel 21:5) Jadi ningku ma: Oe ale Tuhan Jahowa! Angka nasida mandok tu ahu: Nda marhulingkulingan do ibana mangkatai?
w07-IN 1/7 14 ¶3
Angka na Denggan sian Buku Hesekiel—I
20:1, 21:5. Alus ni angka sintua di Israel patuduhon, molo nasida ndang olo manangihon hata ni si Hesekiel. Sai anggiat ma hita tongtong manangihon angka sipasingot na sian Debata.
Panjahaion Bibel
(Hesekiel 20:1-12) Dung i papitutaonhon, di ari sampulu bulan sipaha lima, ro deba baoa sian angka sintua ni Israel usouso tu Jahowa, jala hundul nasida di jolongku. 2 Jadi ro ma hata ni Jahowa tu ahu songon on: 3 Ale anak ni jolma, mangkatai ma ho dohot angka sintua ni Israel, jala dohononmu ma tu nasida: Songon on do hata ni Tuhan Jahowa: Tung usouso tu ahu ma tagamon hamu angka na ro i? Songon sintongna mangolu ahu, molo tung olo be ahu usousoanmuna, ninna Tuhan Jahowa. 4 Atehe ale anak ni jolma, naeng toruanmu nasida? Naeng toruanmu tutu? Antong pabotohon ma tu nasida biasbias angka na niula ni angka ompunasida! 5 Jala dohononmu ma tu nasida: Songon on do hata ni Tuhan Jahowa: Di ari uju pamillithu di Israel, pola hupatoltol tanganku tu pinompar ni si Jakkob, jala hupapatar diringku tu nasida di tano Misir, jala hupatoltol tanganku tu nasida, huhut mandok songon on: Ahu do Jahowa, Debatamuna. 6 Apala di ari na sasada i hupatoltol muse tanganku tu nasida, laho manogihon nasida ruar sian tano Misir tu tano naung hupillit di nasida, tano habaoran ni susu dohot situak ni loba, tano na marmulia on sian saluhut angka luat. 7 Jala hudok hian tu nasida: Ganup ma hamu mangambolongkon angka hasogiron ni matana, jala unang ramuni hamu dirimuna marhitehite angka ganaganaan ni Misir! Ahu do Jahowa, Debatamuna i! 8 Alai manggunturi do anggo nasida dompak ahu, jala ndang olo nasida tumangihon ahu, ndang saut ganup nasida mangambolongkon angka hasogiron ni matana be, jala ndang ditadingkon nasida angka ganaganaan ni Misir. Jadi diondam rohangku ma naeng mangusehon rimashu tu nasida, asa tung sun tolhas rimashu tu nasida di tongatonga ni tano Misir. 9 Alai tahe hombar tu goarhu do hupasaut, asa unang marlea goarhu di adopan ni bangso parbegu, angka na humaliang nasida, nunga pola hupapatar diringku tu nasida, pola dipaidaida matanasida, laho manogihon nasida ruar sian tano Misir. 10 Jadi dung hutogihon nasida ruar sian tano Misir, jala hutogihon nasida tu halongonan. 11 Gabe hulehon tu nasida angka patikku, jala hupabotohon tu nasida angka uhumhu, parhitean ni jolma tu hangoluan nian molo diulahon. 12 Hulehon muse tu nasida angka ari Sabbathu bahen tanda paboa di tongatonganasida ahu, asa tung ditanda nasida ahu do Jahowa na pabadiahon nasida.
24-30 JULI
ARTA NA ARGA NA ADONG DI BIBEL | HESEKIEL 21:6–23:49
”Nampuna Uhum I do na Marhak Mamarenta”
(Hesekiel 21:30)”Ia ho parjahat na sumalin, induk ni Israel! Nunga ro ajalmu di tingki panimpulon ni hajahaton.”
w07-IN 1/7 13 ¶11
Angka na Denggan sian Buku Hesekiel—I
Taon na papituhon di panabanan, i ma di taon 611 SM, ro ma angka sintua di Israel manjumpangi si Hesekiel laho ”usouso [manang, manungkun] tu Jahowa”. Dipaboa ma tu nasida sejarah ni halak Israel na jotjot mangalo tu Jahowa, jala ditangihon nasida ma sipasingot na mandok, laho ’disintak [Jahowa] podangNa’ manguhumi nasida. (Hesekiel 20:1; 21:8) Didok Jahowa do tu pamimpin ni Israel (i ma si Sedekia), ”Paholang ma talitali, jala buat ma tumpal, ai ingkon rap mago do! Sipatimboon do na rodop, jala siparodopon do na timbo. Siap, siap, siap do i bahenonku! Tongon ndang disi be, paima ro ibana nampuna uhumi [i ma Jesus Kristus], jala tu ibana do i lehononku.”—Hesekiel 21:31, 32.
(Hesekiel 21:26) Songon on do hata ni Tuhan Jahowa: Paholang ma talitali, jala buat ma tumpal, ai ingkon rap mago do! Sipatimboon do na rodop, jala siparodopon do na timbo.
w11-IN 15/8 9 ¶6
Dipaima Nasida do Messias
6 Sian marga Juda do haroro ni Messias. Andorang so mate, dipasupasu si Jakkob do angka ianakhonna jala didok ibana do surirang na mandok, ”Ndang na meret tungkot harajaon sian si Juda, manang paruhum sian holangkolang ni patna paima ro si Shilo, jala Ibana do ihuthonon ni angka bangso.” (1 Mus. 49:10) Godang do panulingkit ni halak Jahudi najolo porsea, molo hata ni si Jakkob on mandok taringot tu Messias. Aha do lapatan ni i? Sian mulai pamarentaon ni Raja Daud na sian Juda, marga Juda do tongtong na maniop tungkot harajaon (hak laho gabe raja) dohot tungkot paruhum (hak laho mamarenta). Lapatan ni ”Shilo”, i ma ”Ibana do Nampunasa”. ”Shilo” ma na laho mamarenta sian habangsa ni harajaon i, alana didok Debata do tu si Sedekia, raja Juda na parpudi, na laho lehononNa pamarentaon i tu ”nampuna uhumi”. (Hes. 21:31, 32) Holan Jesus do pinompar ni si Daud na dijanjihon laho gabe raja saleleng ni lelengna. Andorang so tubu, dipaboa si Gabariel ma tu si Maria, ”Lehonon ni Tuhan Debata do tu ibana habangsa ni si Daud, amana i. Rajaanna do pomparan ni si Jakkob salelenglelengna, jala ndang marhaujungan harajaonna i.” (Luk. 1:32, 33) Sasintongna, Jesus Kristus do Shilo na didok disi, ala pinompar ni si Juda dohot si Daud do ibana.—Mat. 1:1-3, 6; Luk. 3:23, 31-34.
(Hesekiel 21:32) Siap, siap, siap do i bahenonku! Tongon ndang disi be, paima ro ibana nampuna uhumi, jala tu ibana do i lehononku.
w14-IN 15/10 10 ¶14
Tongtong ma Marhaporseaon tu Harajaon ni Debata
14 Najolo, marjanji do Jahowa tu Raja Daud, jala digoari ma janji i padan tu si Daud. (Jaha 2 Samuel 7:12, 16.) Marjanji do Jahowa na sian pinompar ni si Daud Messias i. (Luk. 1:30-33) Dipaboa Jahowa do hatorangan na tangkas taringot sian pinompar ni ise haroro ni Messias i. Jahowa paboahon, sian pinompar ni si Daud on ma ”nampuna uhumi”, na laho gabe Raja di Harajaon ni Messias. (Hes. 21:30-32) Jala, ro di salelengna do pamarentaon ni si Daud on. Alana, Jesus, i ma na gabe pinompar ni si Daud, ”saleleng ni lelengna do . . . habangsana [martahan] songon mata ni ari”. (Ps. 89:35-38) Pos ma rohanta, sai na tigor do pamarentaon ni Messias i jala parohon pasupasu na salelengna!
Mangalului Arta na Adong di Bibel
(Hesekiel 21:8) Jala dohononmu ma tu tano Israel: Songon on do hata ni Tuhan Jahowa: Ida ma, marlulu ma ahu dompak ho, nunga pola huumpat podangku sian sarungna, asa husiaphon sian ho partigor dohot parjahat.
w07-IN 1/7 14 ¶1
Angka na Denggan sian Buku Hesekiel—I
21:8—”Podang” aha do na dipakaluar manang disintak Jahowa sian sarungna? ”Podang” na dipangke Jahowa laho manguhumi Jerusalem dohot Juda, i ma Raja Nebukadnesar dohot angka tentarana na sian Babel. Asing ni i, podang on boi do muse lapatanna organisasi ni Jahowa na di surgo dohot angka surusuruanNa na mansai gogo.
(Hesekiel 23:49) Asa manginona tu hamu bahenonnasida harorangonmuna i, jala manginsombut tu hamu dosa ni ganaganaanmuna i, asa tung ditanda hamu, ahu do Tuhan Jahowa.
w07-IN 1/7 14 ¶6
Angka na Denggan sian Buku Hesekiel—I
23:5-49. Ala marsada dohot bangso na asing, gabe diihuthon halak Israel dohot halak Juda do panombaon na so sintong. Alani i, tongtong ma jaga hita asa unang marsaor dohot angka na boi manegai haporseaonta.—Jakobus 4:4.
Panjahaion Bibel
(Hesekiel 21:6-18) Dung i ro muse ma hata ni Jahowa tu ahu songon on: 7 Ale anak ni jolma, tujuhon ma bohim dompak Jerusalem, jala mangalumba ma ho dompak angka inganan na badia i, jala manurirangi ma ho dompak tano Israel! 8 Jala dohononmu ma tu tano Israel: Songon on do hata ni Tuhan Jahowa: Ida ma, marlulu ma ahu dompak ho, nunga pola huumpat podangku sian sarungna, asa husiaphon sian ho partigor dohot parjahat. 9 Ala na naeng ahu maniaphon sian ho partigor dohot parjahat, umbahen na ruar podangku sian sarungna marlulu dompak nasa jolma sian dangsina sahat ro di utara. 10 Asa tung ditanda nasa jolma ahu do Jahowa, naung mumpat podangku sian sarungna, ndang tagamon mulak boti tusi. 11 Ia ho ale anak ni jolma, ingkon marhoihoi ma ho maradu marponggolan gontingmu, jala manimbasnimbas ma ho di adopannasida. 12 Tung sura dohononnasida mandok ho: Ala ni aha umbahen sai marhoihoi ho? Gabe dohononmu ma: Ala barita naung ro, gabe malala ateate ni luhutna, jala mandate tangan ni sudena, jala godoron roha ni sudena, jala saluhut ulu ni tot telluktelluk songon aek. Ida ma, nunga ro jala nunga masa, ninna Tuhan Jahowa. 13 Dung i ro muse ma hata ni Jahowa tu ahu songon on: 14 Ho ale anak ni jolma, manurirangi ma ho! Jala dohononmu ma, songon on do hata ni Jahowa: Dok ma: Nunga tung ginarutan podang i, nunga niugam podang i huhut. 15 Asa marraserasehon hararage bolon umbahen ginarutan, asa sumiksaksiksak songon hilap umbahen na niugam! Manang tung tarbahen hami ma marlas ni roha? Tungkot harajaon ni anakki do i na mangarasehon saluhut hau. 16 Nunga tung dilehon podang i paugamhonsa laho pagolomhon tu bagasan tangan. Nunga tung ginarut podang i, jala na niugam laho mangalehon tu bagasan tangan ni sipamunu. 17 Mangangguhi jala mangandungi ma ho, ale anak ni jolma! Ai marlulu dompak bangsongki do podang i; dompak saluhut induk ni Israel do podang i, marragean do nasida rap dohot bangsongki dibahen podang i. Dibahen i tompuhi ma gontingmu! 18 Nunga nian ro pangunjunan, hape ndang adong labana! Tung so marguna ulaning nang tungkot harajaon na marraserase? ninna Tuhan Jahowa.
31 JULI–6 AGUSTUS
ARTA NA ARGA NA ADONG DI BIBEL | HESEKIEL 24-27
”Surirang Taringot Tirus Paposhon Rohanta tu Hata ni Jahowa”
(Hesekiel 26:3, 4) Dibahen i songon on do hata ni Tuhan Jahowa: Ida ma, marlulu dompak ho ma ahu, ale Tirus, jala ahu manogihon nangkok dompak ho torop angka bangso parbegu songon habibinsat ni laut binahen ni galumbangna. 4 Lohaonnasida ma angka parik ni Tirus jala marumpak bahenonna angka palaspalasna, jala sapuonku ma sian i orbukna, asa hubahen nasida gabe dolok batu manangkas.
si-IN 133 ¶4
Buku Nomor 26 di Bibel—Hesekiel
4 Bukti na asing na patuduhon na asli do buku Hesekiel, i ma ala digohi do surirang ni si Hesekiel taringot tu angka bangso na di humaliangna, songon Tirus, Misir, dohot Edom. Umpamana, disurirangkon si Hesekiel do na laho dilengsehon Tirus. Digohi do deba surirang on di tingki ro si Nebukadnesar manaluhon kota i dungkon dihaliangi saleleng 13 taon. (Hes. 26:2-21) Alai, ndang on dope ujung ni Tirus. Nunga disurirangkon Jahowa na laho diripashon saluhut luat Tirus i. Nunga disurirangkon Jahowa marhite si Hesekiel, ”Sapuonku ma sian i orbukna, asa hubahen nasida gabe dolok batu manangkas. . . . batu parhaumi dohot turanggong reongkononna do tu tonga laut.” (26:4, 12) Lobi sian 250 taon nai ma asa digohi surirang on, i ma tingki ro si Aleksander Agung mamorangi Tirus. Dipapungu angka tentara ni si Aleksander ma sude sisasisa ni kota i jala dibolongkon tu laut. Dungkon i, dibahen ma i gabe jembatan na bidangna hirahira 800 meter, na boi gabe dalan tu sada pulo na gelleng di Tirus. Dung i, dihaliangi nasida ma kota i marhite manjangkit tu tembok kota na lobi sian 46 meter timbona jala talu ma kota i taon 332 SM. Marribu do halak na dipamate, jala mansai godang do na digadis gabe hatoban. Songon naung disurirangkon si Hesekiel, gabe ’dolok batu manangkas, [jala] gabe panjomuran ni angka jala’ do kota Tirus. (26:14) Di inganan na asing di Tano naung Dijanjihon, diripashon do halak Edom na jahat laho manggohi surirang ni si Hesekiel. (25:12, 13; 35:2-9) Sian on taboto, digohi do sude surirang ni si Hesekiel taringot tu Jerusalem na dilengsehon jala dipaulak muse sian panabanan.—17:12-21; 36:7-14.
(Hesekiel 26:7-11) Ai songon on do hata ni Tuhan Jahowa: Ida ma, ahu parohon dompak Tirus si Nebukadnesar, raja sian Babel, sian utara raja ni angka raja, mardongan hoda dohot hureta porang dohot angka jolma parsihundul dohot parangan mansai deak. 8 Bunuonna do marhitehite podang angka pagaranmu di tano na bidang, alai bahenonna ma batarbatar anggo dompak ho, jala pungkaonna ma parik dompak ho, jala paheheonna dompak ho lombulombu. 9 Jala pasolhotonna ma salosap pangaloha tu angka parikmi, jala angka palaspalasmi robohononna ma i marhitehite parhohasna porang. 10 Binahen ni hinadeak ni angka hodana hungkupan ni orbuk ma ho, humuntal ma angka parikmu bahenon ni pardorom ni jolma parsihundul, galapang dohot hureta porang molo bongot ibana tu bagasan angka bahalmu, songon parbongotna tu huta naung matompas parikna. 11 Marhitehite tambirik ni angka hodana luntahanna saluhut alamanmu, bunuonna ma ia bangsom marhitehite podang jala angka tiang ni hagogoonmu ingkon tinggangkononna do tu tano.
ce-IN 216 ¶3
Tutu do Bibel i na Sinihathon ni Debata?
3 Tirus, i ma kota pelabuhan di Penisia na manjehehon bangso Israel najolo na adong di selatan ni Tirus. Marhite panurirang Hesekiel, disurirangkon Jahowa do halelengse ni kota on lobi sian 250 taon andorang so masa. Jahowa mandok, ”Ahu manogihon nangkok dompak ho torop angka bangso parbegu . . . Lohaonnasida ma angka parik ni Tirus jala marumpak bahenonna angka palaspalasna, jala sapuonku ma sian i orbukna, asa hubahen nasida gabe dolok batu manangkas. Asa gabe paninaran [manang, panjomuran] ni angka jala do i di tongatonga laut.” Di surirang i, dipaboa si Hesekiel do bangso na parjolo dohot goar ni pemimpin na laho mamorangi Tirus, ”Ida ma, ahu parohon dompak Tirus si Nebukadnesar, raja sian Babel.”—Hesekiel 26:3-5, 7.
(Hesekiel 26:4) Lohaonnasida ma angka parik ni Tirus jala marumpak bahenonna angka palaspalasna, jala sapuonku ma sian i orbukna, asa hubahen nasida gabe dolok batu manangkas.
(Hesekiel 26:12) Jadi pupusannasida ma sinamotmu, jala laumonna boniagam, jala lohaonnasida ma angka parikmu, jala angka bagas hasoloan ni roham rumpakkononna, ianggo angka batu parhaumi dohot turanggong reongkononna do tu tonga laut.
it-1-IN 85-86
Aleksander
Dungkon dua hali si Aleksander monang di Asia Kecil (na parjolo di Sunge Granikus; na paduahon di Dataran Isus, tingki talu tentara ni Persia na gogo na godangna hirahira satonga juta) ndang dilele ibana halak Persia na paluahon diri. Gariada angka kota di pulo Tirus do na diripashon ibana. Marratus taon andorang so masa i, nunga disurirangkon na laho dibolongkon do tu laut sude tembok, palaspalas, jabu, dohot tano di huta Tirus. (Yeh 26:4, 12) Digohi do surirang on tingki dipangke si Aleksander angka sisasisa sian luat Tirus i, laho mambahen jembatan na ganjangna 800 meter. Ujungna, di bulan Juli taon 332 SM diropukhon ma ratu laut na ginjang roha i, i ma Tirus marhite angka sinjata dohot tentara ni si Aleksander.
Mangalului Arta na Adong di Bibel
(Hesekiel 24:6) Dibahen i, songon on do hata ni Tuhan Jahowa: Marjea ma huta parsapataan mudar, i ma hudon na martasik di bagasan, jala na so halongkangan tasikna! Paruar ma sian i tanggotanggona sadasada, unang pola dabu rujiruji taringot tusi.
(Hesekiel 24:12) Hape ngalutan boti do ahu, ai ndang olo lokkang tasikna na godang i, manahan do tahe tasikna i nang di bagasan api.
w07-IN 1/7 14 ¶2
Angka na Denggan sian Buku Hesekiel—I
24:6-14—Aha do na digombarhon tasik ni hudon i? Jerusalem na dihaliangi musu dipatudos songon hudon na bolak. Tasik na di hudon i manggombarhon parange na rorang di huta i, songon parmainanon, ulaon na so umboto ila, dohot pamunuon na diulahon nasida. Mansai rorang do pangalaho ni nasida, dipatudos do i songon hudon na didadang di api na mansai mohop alai ndang mago tasikna.
(Hesekiel 24:16, 17) Ale anak ni jolma, ida ma, ahu mambuat sian ho hasoloan ni matam marhitehite begu masa; alai ndang jadi andunganmu manang tatangisanmu, manang mabakbak iluilum. 17 Hohom boti ho marhoihoi, ianggo pangondason ndang jadi ulahononmu, alithon ma talitalim, jala bahen tapaktapakmu tu patmu, jala ndang jadi martujung janggutmu, jala ndang jadi panganonmu sagusagu ni halak sileban.
w88-IN s-52 24 ¶24
Disintak Jahowa do PodangNa!
24 Dung i, ingkon diulahon si Hesekiel do sada ulaon na so somal. (Jaha Hesekiel 24:15-18.) Tingki mate tungganeboruna, boasa ndang boi patuduhononna habot ni rohana? Alana laho patuduhon songon i ma songgot ni roha ni halak Jahudi tingki dilengsehon Jerusalem, pangisina, dohot bagas joro. Nunga mulahulak dipaboa si Hesekiel taringot halelengse ni Jerusalem. Alai ndang olo be ibana paboahon tona ni Debata sahat tu na dilengsehon Jerusalem. Songon i ma na laho masa tu halak Kristen na so sintong dohot angka pamimpinna. Tarsonggot jala longang do nasida tingki laho diripashon. Jala tingki masa ”haporsuhon” bolon, masa ma na nidok ni angka panjaga na miniahan taringot ajal ni agama na so sintong. (Mateus 24:21) Alai, tingki dipangke Debata ’podangNa’ manguhumi halak Kristen na so sintong, ’ditanda nasida ma Ibana do Tuhan Jahowa’.—Hesekiel 24:19-27.
Panjahaion Bibel
(Hesekiel 25:1-11) Dung i ro muse hata ni Jahowa tu ahu songon on: 2 Ale anak ni jolma, tujuhon ma bohim dompak halak Amon, jala manurirangi ma ho taringot tu nasida. 3 Jala dohononmu ma tu halak Amon: Tangihon hamu ma hata ni Tuhan Jahowa! Songon on do hata ni Tuhan Jahowa: Ala naung nidokmu: Ha, ha, martillahon bagas habadiaonku, ala naung tarramun dohot tano ni Israel, ala naung tarulang dohot pinompar ni Juda, ala naung tarboan nasida tu habuangan! 4 Dibahen i, ida ma, ahu pasahathon ho tu angka anak sian habinsaran bahen teanteanan, asa dipajok nasida undungundungnasida di bagasan ho, jala dipajongjong inganannasida di bagasan ho, nasida manganhon parbue ni tanom, jala nasida manginum susu ni pinahanmu. 5 Jala ahu mambahen, Rabba gabe parudaman ni angka unto, jala angka anak ni Amon gabe pangulonan ni birubiru, asa tung ditanda hamu ahu do Jahowa. 6 Ai songon on do hata ni Tuhan Jahowa: Ala naung martopaptopap tangan ho jala marhajingjang jala martilla roham di saluhut panengaon ni roham taringot tu tano Israel: 7 Dibahen i, ida ma, ahu patoltolhon tanganku dompak ho jala ahu pasahathon ho pupusan ni angka bangso parbegu, jala ahu maniaphon ho sian tongatonga ni angka bangso, jala ahu mangarendephon ho sian angka luat, asa tung hupansingkon ho, asa ditanda ho ahu do Jahowa. 8 Songon on do hata ni Tuhan Jahowa: Ala na nidok ni Moab dohot Seir: Ida ma, songon saluhut bangso parbegu do hape pinompar ni Juda! 9 Dibahen i, ida ma, ahu patalak dalan tu Moab sumola angka huta, angka hutana tutu sahat ro di partalpahanna tano bosar i, sahat ro di Betjesimot, Baal-Meon dohot Kiriataim. 10 Tu angka anak sian habinsaran do i lehononku rap dohot angka anak ni Amon bahen teanteanan, asa unang be taringotan halak Amon di tongatonga ni angka bangso parbegu. 11 Tu Moab pe dabuonku do angka uhum, asa tung ditanda nasida ahu do Jahowa.