Referensi tu Parpunguan Hangoluan dohot Pangkobasion na Laho Diparsiajari
© 2024 Watch Tower Bible and Tract Society of Pennsylvania
6-12 JANUARI
ARTA NA ARGA NA ADONG DI BIBEL PSALMEN 127-134
Denggan ma Urus Silehon-lehon ni Jahowa
Taargai ma Kesempatan Gabe Keluarga ni Jahowa
9 Dilean Jahowa do kesanggupan margelleng tu jolma, jala dilean do tanggung jawab mangajari gellengna i asa makkaholongi dohot manomba Jahowa. Nang pe umgogo suru-suruan sian jolma, alai dang dilean kemampuan dohot tanggung jawab i tu nasida. Sada hasangapon do di natua-tua pagodang-godangkon gellengna. Songon dia do carana akka natua-tua mangargai silehon-lehon ni Jahowa i? Tanggung jawab na massai penting do di natua-tua “mangajar-ajari jala mamodai [anakkonna] hombar tu lomo ni roha ni Jahowa”. (Eps. 6:4; 5 Mus. 6:5-7; Ps. 127:3) Lao mangurupi natua-tua mangajari akka gellengna, diparade organisasi do godang publikasi, video, musik, dohot akka artikel web di jw.org. On patuduhon holong hian do roha ni Jahowa dohot Jesus tu akka dakdanak. (Luk. 18:15-17) Molo berupaya do akka natua-tua mangajari gellengna jala mangandalhon Jahowa na diandalhon halak i, pasti las do roha ni Jahowa. Jala molo diulahon nasida i, na mangurupi gellengna do nasida disi asa gabe anggota keluarga ni Jahowa salelengna.
Natua-tua—Latik ma Ianakhonmuna Asa Mangkaholongi Jahowa
20 Ingkon tangkas do ditanda hamu ianakhonmuna. Di Psalmen 127, dipatudos do ianakhon songon panah. (Jaha Psalmen 127:4.) Marragam do jenis ni panah dohot ukuranna. Suang songon i ma, ndang sai sarupa ganup dakdanak. Ingkon marsitutu do natua-tua laho mangalatik ganup ianakhon ni nasida. Di negara Israel, adong natua-tua na marhasil pagodang-godangkon dua ianakhon ni nasida. Aha do na mangurupi nasida? Didok nasida, “Ndang sahali rap dibahen hami ianakhonnami marsiajar Bibel.” Tontu, kepala keluarga do na manontuhon porlu manang na ndang dibahen nasida cara sisongon i.
Arta na Adong di Bibel
it-1 543
Suan-suanan na disurat di Bibel
Tikki paboahon janji ni Jahowa tu akka halak na makkabiari Ibana, dipaboa panurat ni psalmen do ciri-ciri ni hau jetun. Didok ibana, “Songon tunas ni hau jetun ma akka anakkonmu di sakaliling ni mejam.” (Ps 128:1-3) Sering do halak mencangkok hau jetun. Alai molo nungnga matua hau jetun biasana ro do akka tunas sian uratna. Jala akka tunas i ma haduan na mambahen torus mangolu hau i. Dos songon akka tunas i do ianakkon. Nasida do haduan na mangurupi bapakna. Alani i gabe boi ma nasida na sakeluarga rap marlas ni roha.
13-19 JANUARI
ARTA NA ARGA NA ADONG DI BIBEL PSALMEN 135-137
“Ussangap do Tuanta i sian Sude Debata na Asing”
it-1 1344 ¶5-1345 ¶1
Huaso, Akka Ulaon na Patuduhon Huaso ni Debata
Istimewa do cara ni Debata mengendalihon kekuatan alam. Lao mambuktihon Ibana do Debata na sittong, dipatudu Jahowa do na boi Ibana mengendalihon kekuatan alam asa pittor diboto akka halak taringot goarna. (Ps 135:5, 6) Alai tikki dileai goar ni Debata jala tikki adong ibadat na so sittong, dang boi toppaan ni Debata pabadiahon goarna. Alana nungnga somal akka toppaan i mangihutton aturan na dibahen Debata. Misalna, sarupa do jalur na diihutton mataniari, bulan, akka planet, dohot bintang ganup ari. Sarupa do hukum na mangatur atmosfer ni bumi (na parohon alogo, udan, dohot na asing). Asing ni i biasa do sihapor marpungu-pungu jala biasa do pidong bermigrasi.
Alai lao patuduhon huasona manang lao pasautton hatana, boi do diatur Jahowa asa dibahen toppaanna manang kekuatan alam lobi sian na somal di tikki naung ditottuhon Debata. Misalna somal do terjadi logo ni ari, badai, manang kondisi cuaca sisongon i. Alai gabe peristiwa na luar biasa do i molo terjadi lao pasautton hata ni Jahowa. (Bandingkon 1Raj 17:1; 18:1, 2, 41-45.) Molo terjadi peristiwa sisongon i, jotjotan dang songon na somal luas ni daerah, kekuatan, manang tikkina.—2Mus 34:10; 1Sam 12:16-18.
Taargai ma Holong na Manoktong na Dipatudu Jahowa
16 Molo toktong taingot sai jagaon ni Jahowa do hita, gabe dame ma pakkilalaatta. Memang olo do marsak hita alani hasusaan on. Alai boha do dibahen Jahowa mangurupi hita? (Jaha Psalmen 136:23.) Gomos do ditiop Ibana tanganta, ditogu-togu Ibana do hita, jala urupanna do hita asa unang sai marsak be. (Ps. 28:9; 94:18) Manfaatna tu hita: Gabe pos ma rohatta na boi do taandalhon Jahowa. Alana, sai jagaon ni Jahowa do hita manang na didia pe hita tinggal. Jala, massai holong do rohana tu hita.
Arta na Adong di Bibel
Taargai ma Holong na Manoktong na Dipatudu Jahowa
Sahat tu salelengna do holong na manoktong na sian Jahowa i. Sian dia taboto? Adong do 26 hali hata i diulangi di Psalmen 136. Di ayat 1 didok, “Mandok mauliate ma tu Jahowa, ai na burju do Ibana. Toktong do dipatudu Ibana holong ni rohana sahat tu saleleng ni lelengna.” (Ps. 136:1) Di ayat 2 sahat tu ayat 26 diulangi dope hata, “Toktong do dipatudu Ibana holong ni rohana sahat tu saleleng ni lelengna.” Pasti gabe dipatogu do hita manjaha akka ayat i. Gabe taboto ma torus do dipatudu Jahowa ‘holongna na manoktong i tu hita sahat tu salelengna’ jala dang muba holongna i. Sappe andigan pe, dang tinggalhonon ni Jahowa hita, apalagi ma tikki susa. Gabe dipatogu do muse rohatta ala sabar do Jahowa tu hita. Manfaatna tu hita: Ala taboto songon i holong ni Jahowa, gabe boi ma hita togu jala marlas ni roha nang pe godang hasusaatta. Jala i do na mambahen hita toktong di bagasan hasittongan.—Jaha Psalmen 31:7.
20-26 JANUARI
ARTA NA ARGA NA ADONG DI BIBEL PSALMEN 138-139
Berupaya ma Hamu Mangalehon Komentar di Parpunguan
Mamuji Jahowa Tingki Marpungu
10 Hea do hamu taroktohon tingki naeng martudu? Sasintongna sude do hita hea mangkilala sisongon i. Alai porlu do botoonmuna aha na mambahen hamu mabiar. Ra, na mabiar do hamu lupa aha na laho didok hamu. Manang mabiar sala komentarmuna. Asing ni i, ra mabiar hamu molo ndang songon na asing denggan ni komentarmuna. Sasintongna denggan do molo dihilala hamu songon i. Alana didok rohamuna ummalo do na asing sian hamu. On patuduhon na serep do rohamuna. Las do roha ni Jahowa molo serep rohanta. (Ps. 138:6; Plp. 2:3) Alai lomo roha ni Jahowa asa tapuji Ibana jala tapatogu dongan di huria. (1 Tes. 5:11) Dihaholongi Jahowa do hamu jala diurupi Ibana do hamu asa barani.
Masipatoguan ma Tikki di Parpunguan
7 Denggan do molo diihutton hamu piga-piga saran na hea dibahas di Joujou Paboahon. Misalna, denggan ma persiappon bahan i. (Poda 21:5) Molo nungnga dipersiappon hamu bahan na naeng diparsiajari, gabe dang pola gugup hamu tikki mangalehon komentar. Asing ni i, singkat ma bahen komentarmuna. (Poda 15:23; 17:27) Biasana, dang pola gugup hita molo singkat komentarta. Komentar na singkat i ma sada manang dua kalimat. Ummura do i diattusi akka dongan sian komentar na ganjang na menyoroti godang gagasan. Molo tabahen komentar na singkat jala mamakke kata-kata sendiri, on patuduhon denggan do taparade jala taattusi bahan i.
Arta na Adong di Bibel
it-1 116 ¶3
Ampun, Mengampuni
Ikkon olo do hita memaappon donganta nang pe nga piga-piga hali dibahen ibana na haccit tu hita. (Luk 17:3, 4; Eps 4:32; Kol 3:13) Alana dang olo Debata mengampuni halak na so olo memaappon donganna. (Mat 6:14, 15) Alai boha molo adong halak na dipakaluar sian huria ala mangulahon dosa na balga? Molo nungnga muba ibana jala bertobat, boi do ibana mulak tu huria. Molo nungnga mulak ibana tu huria, ikkon tapatudu do na holong do rohatta tu ibana. (1Kor 5:13; 2Kor 2:6-11) Alai dang ikkon tamaappon halak na mangulahon dosa na balga jala dang olo bertobat. Alana musu ni Debata do halak sisongon i.—Heb 10:26-31; Ps 139:21, 22.
27 JANUARI–2 FEBRUARI
ARTA NA ARGA NA ADONG DI BIBEL PSALMEN 140-143
Ikkon Sadalan do na Diulahon tu Pangidoan
‘Tangihon ma Hata ni Halak na Marbisuk’
13 Taanggap ma sipasingot i bukti holong ni Debata. Lomo do roha ni Jahowa asa denggan ngolutta. (Poda 4:20-22) Alani i ma dipasingot Ibana hita marhite Bibel, akka publikasi, dohot akka dongan. Heber 12:9, 10 mandok, dipasingot Debata do hita “lao mambahen na denggan tu hita”.
14 Fokus ma tu isi ni nasehat i, dang tu cara ni nasehat i dipasahat. Olo do sipata tarasa dang denggan cara ni sasahalak menasehati hita. Memang halak na mangalehon nasehat i pe, ikkon berupaya do mambahen asa mura dijalo nasehatna i. (Gal. 6:1) Alai molo dipasingot hita, fokus ma hita tu isi ni nasehat i, nang pe tarasa hurang denggan cara ni sasahalak pasahatton i. Pikkirhon ma on, ‘Nang pe dang lomo rohakku tu carana pasingotton au, alai tutu do nasehatna i? Gabe berfokus tu hahuranganna do au, manang berfokus tu sipasingotna i?’ Molo taulahon nasehat na dilehon tu hita, i patuduhon halak na marbisuk do hita.—Poda 15:31.
w10 15/3 32 ¶4
Manjaga Roha Tikki Masa Sitaonon
Olo do gabe marsak naposo ni Debata ala ditentang, ala maol mangalului hepeng, manang ala marsahit na posi. Jala sipata olo do gabe mandele nasida. Hea do dihilala Raja Daud songon i. Didok ibana, “Mandele do au, jala malala do rohakku.” (Ps. 143:4) Aha ma na diulahon si Daud asa unang songon i torus perasaanna? Diingot ibana do sude na diulahon Debata tu akka naposona dohot tu ibana. Diingot ibana do sude na diulahon Jahowa lao pabadiahon goarna. Jala torus do diingot si Daud akka na binahen ni Debata. (Ps. 143:5) Tatiru ma si Daud. Molo masa sitaonon tu hita, taingot ma sude na dibahen Jahowa dohot na lao bahenonna tu hita.
w15 15/3 32 ¶2
Masuk Akkal do Paretta na Mandok Ikkon tu “Halak na Mangihutton Tuan” Hita Menikah?
Olo do ra dihilala hamu songon na dihilala si Daud na mandok, “Ale Jahowa, hatop ma alusi au. Nungnga naeng habis gogokku. Unang ma padao bohim sian au.” (Ps. 143:5-7, 10) Molo songon i na dihilala hamu, lehon ma tikki asa boi dipatudu Debata lomo ni rohana tu hamu. Bahen ma tikkimuna lao manjaha hatana dohot mangarimangi i. Botoonmuna ma annon akka paretta ni Jahowa jala aha na diulahon Ibana tu akka naposona najolo. Molo diulahon hamu songon i, boi ma gabe lam pos rohamuna lao mangoloi hatana.
Arta na Adong di Bibel
Ibadat na Sittong Mambahen Hita Marlas ni Roha
Martangiang ma hita. Di Bibel, dipatudos do tangiang i songon dupa. Najolo dipelehon do dupa di tabernakel manang di bagas joro. (Ps. 141:2) Lomo do roha ni Jahowa manganggo uap ni dupa i. Dos songon i ma, lomo do roha ni Jahowa mambege tangiang na sian ias ni roha nang pe sederhana hata na tapakke tikki na martangiang i. (Poda 15:8; 5 Mus. 33:10) Tikki martangiang hita jala tapaboa na holong rohatta tu Jahowa, jala taargai sude na dilehon tu hita, pasti las do roha ni Jahowa mambege i. Las do muse rohana molo tapaboa tu Ibana aha na takhawatirhon dohot na taharappon. Jadi sebelum martangiang, ikkon jolo tapikkirhon do aha na naeng tadokkon. Molo tabahen songon i, sarupa ma i songon na mangalean dupa na terbaik tu Jahowa.
3-9 FEBRUARI
ARTA NA ARGA NA ADONG DI BIBEL PSALMEN 144-146
“Marlas ni Roha ma Bangso Molo Jahowa Debatana”
Sukkun-Sukkun sian na Manjaha
2. Cocok do terjemahan revisina tu isi ni Psalmen on. Hata “pe” na dipakke di ayat 12 patuduhon, na lao jaloon ni akka halak na mangulahon na sittong do pasu-pasu na dipaboa di ayat 12 sahat tu 14. Akka halak na sittong on i ma akka halak na mangido asa ‘dipalua sian tangan ni akka’ halak na jahat. (ayat 11). Berpengaruh do tong revisi on tu ayat 15. Di ayat i dua hali ma dipakke hata “marlas ni roha”. Alai saonari sarupa do halak na dipaboa di ayat i, i ma bangso na “Jahowa Debatana”. Asing ni i di bahasa Heber dang adong tanda baca di akka ayat on, misalna tanda kutip. Jadi tikki naeng mamboto arti ni ayat on, ikkon diida akka penerjemah do konteks ni ayat i, gaya bahasa puisi di bahasa Heber, dohot akka ayat na asing na adong kaitanna tu ayat i.
3. Cocok do terjemahan revisina tu akka ayat na asing na paboahon pasu-pasu na lao jaloon ni naposo ni Debata. Ala nungnga digatti terjemahan ni hata asher, gabe pas ma saonari isi ni psalmen on tu pangidoan ni si Daud asa dipalua Debata halak Israel sian musu, asa sonang ngolu ni nasida jala marlas ni roha. (3 Mus. 26:9, 10; 5 Mus. 7:13; Ps. 128:1-6) Misalna didok di 5 Musa 28:4, “Dipasu-pasu ma akka anakkonmuna, hasil ni tanomuna, akka anak ni binatang na dipiaro hamu, anak ni lombumuna, dohot anak ni biru-birumuna.” Songon i ma ngolu ni halak Israel tikki mamaretta si Salomo. Sonang jala dame do ngolu ni bangso i. Songon i ma haduan ngolutta molo nungnga mamaretta Harajaon ni Debata tu tano on.—1 Raj. 4:20, 21; Ps. 72:1-20.
Torus ma Jaga Harapanmuna Toktong Togu
16 Hadiah na massai arga do harapan lao mangolu saleleng ni lelengna. Tarpaima do hita asa masa i di ari na naeng ro, jala pasti saut do i. Harapan i sarupa songon jangkar, na mambahen hita tenang tikki susa hita, tikki dianiaya, manang tikki tarancam ngolutta. Harapan i pe sarupa do songon takkuluk bosi na boi melindungi pikkiranta, asa sanggup hita mambolokkon akka pikkiran na sala jala mangulahon na sittong. Asing ni i, harapan on mangurupi hita lam jonok tu Debata jala mangurupi hita makkilala holong ni Jahowa na massai balga tu hita. Jadi godang do manfaatna molo toktong togu harapanta.
17 Di suratna tu halak Kristen di Rom didok si Paulus do, “Marlas ni roha ma hamu alani akka na lao jaloonmuna di ari na naeng ro.” (Rom 12:12) Toktong do marlas ni roha si Paulus, ala pos rohana pasti dapotna do hangoluan salelengna di surgo molo toktong ibana setia. Jadi hita pe, boi do toktong marlas ni roha paimahon janji ni Jahowa. Alana pos do rohatta pasti pasauton ni Jahowa do i. Songon na didok panurat Psalmen, “Marlas ni roha ma halak . . . na porsea tu Jahowa Debatana . . . Ibana do na toktong boi dihaporseai.”—Ps. 146:5, 6.
Holong na Songon Dia do na Parohon Las ni Roha?
19 Sibolis do na mambahen jolma susa saleleng 6.000 taon. Saonari on, godangan do halak na holan mangkaringkothon diri sandiri, hepeng dohot hasonangan. Holan na ringkot di nasida sandiri do na dipingkiri nasida. Alai sasintongna ndang marlas ni roha nasida! Imbar do songon didok di Bibel, “Martua ma manang ise, na mambahen Debata ni si Jakkob pangurupina, marpangkirimon ibana di Jahowa Debatana!”—Ps. 146:5.
20 Mansai holong do naposo ni Jahowa tu Ibana. Lam tamba do ganup taon angka halak na mananda jala mangkaholongi Ibana. On patuduhon molo Harajaon ni Debata nunga mamarenta. Jala lehononNa ma pasupasu na umgodang di ari na naeng ro! Molo taulahon aha na dipangido Jahowa, gabe las ma rohaNa tu hita. Jala dapotta ma las ni roha na sasintongna, sahat tu saleleng ni lelengna! Di parsiajaran na mangihut, taulas ma pigapiga parange na roa alani mangkaringkothon diri. Jala, songon dia i marimbar tu parange na denggan na dipatudu angka naposo ni Debata.
Arta na Adong di Bibel
Pasti Umlas do Roha Molo Mangalehon
6 Dilehon Jahowa do sude na tahaporluhon ala massai holong do rohana tu hita. Parrohahon ma na didok Jesus di Mateus 6:25, 26. (Jaha.) Dipakke Jesus do contoh sian akka toppaan, misalna pidong. Didok Jesus do dang hea pidong ‘manabur boni, manang mamanen, manang papunguhon hasil panen tu gudang’. Dung i didok ibana, “Alai, dilehon Amamuna na di banua ginjang i do tu nasida.” Disukkun Jesus ma akka siseanna, “Ummarga do hamu kan sian akka pidong i?”Aha ma parsiajaranna? Di adopan ni Jahowa, dao do ummarga akka naposona na setia sian akka binatang. Haru akka binatang pe diparrohahon Jahowa, tarlumobi ma hita. Pasti dilehon Ibana do sude na tahaporluhon. Dos songon bapak na mangalehon kebutuhan ni keluargana, pasti lehonon ni Jahowa do sude na tahaporluhon.—Ps.145:16;Mat.6:32.
10-16 FEBRUARI
ARTA NA ARGA NA ADONG DI BIBEL PSALMEN 147-150
Tama do Jahowa Pujionta
“Puji ma Jahowa”—Boasa?
5 Diapuli Jahowa do bangso Israel. Diparrohahon do nasida ganup marsadasada. Suang songon i ma tu hita saonari. Panurat psalmen mandok, molo Debata “pasabam angka parroha bojok, jala dililiti angka bugangnasida [manang, lukanasida] i”. (Ps. 147:3) Tingki marsahit manang marsak, pos ma rohanta na sarihonon ni Jahowa do hita. Sihol do rohaNa laho mangapuli jala pamalumhon hansit ni rohanta. (Ps. 34:19; Jes. 57:15) Dilehon do tu hita bisuk dohot gogo asa boi manaon hasusaan.—Jak. 1:5.
6 Dung i, diida panurat psalmen ma langit, jala didok ma boi do Jahowa “umbilang torop ni angka bintang” jala “dijou do goarnasida sudena”. (Ps. 147:4) Boi do diida panurat psalmen angka bintang, alai ndang taretong ibana angka bintang i. Angka ilmuwan paboahon, marmilliar do bintang di sada galaksi. Jala, martriliun do godang ni galaksi! Ndang habilangan ni jolma angka bintang, alai Jahowa Sipanompa boi do. Diboto Ibana do saluhut taringot angka bintang jala dibahen do goarna. (1 Kor. 15:41) Ala diboto Jahowa do taringot angka bintang, tontu hamu pe ditanda Ibana do. Sai na diboto Ibana do manang didia pe hamu, pangkilalaanmu, dohot na porlu di hamu!
“Puji ma Jahowa”—Boasa?
7 Diboto Jahowa do aha na laho masa, jala boi do urupanNa hamu tingki marsitaonon. (Jaha Psalmen 147:5.) Ra didok rohamu borat do sitaonon na diadopi hamu jala ndang tolap hamu manaon i. Diboto Debata do sadia godang na boi tataon ai “diingot do orbuk hita”. (Ps. 103:14) Ala jolma na mardosa dope hita, olo do jotjot mulahulak taulahon sada hasalaan, gabe marmetmet ni roha ma hita alani i. Olo do manolsoli hita alani pangkataion, giotgiot na sala, manang roha na mangiburu. Ndang hea dihilala Jahowa sisongon i. Alai, boi do diantusi Ibana pangkilalaanta.—Jes. 40:28.
“Puji ma Jahowa”—Boasa?
18 Diboto panurat psalmen do naung dipillit Jahowa bangso Israel na parjolo gabe bangso na tarpillit sian angka bangso na asing. Holan tu bangso Israel do dilehon Debata “hatana” dohot “patikna”. (Jaha Psalmen 147:19, 20.) Saonari, mandapot hasangapon do hita ala boi dohot pabadiahon goarNa. Mandok mauliate do hita ala tatanda Ibana. HataNa boi manogunogu hita jala mangurupi hita asa maraleale tu Ibana. Songon na disurat di Psalmen 147, godang do na mangonjar rohanta laho mamuji Jahowa jala manjujui na asing mandok, “Puji ma Jahowa”!
Arta na Adong di Bibel
Denggan do Akka Huria Diatur
Sude na di huria boi do ‘mamuji goar ni Jahowa’ tikki di parpunguan dohot di ulaon marbarita. Diulahon nasida do i sian nasa tolapna.—Jaha Psalmen 148:12, 13.
17-23 FEBRUARI
ARTA NA ARGA NA ADONG DI BIBEL PODA 1
Akka Naposo—Ise do na lao Ditangihon Hamu?
Tongtong ma Ingot Upa na sian Debata
16 Hamu angka na poso, ra didok rohamuna do ndang diantusi natuatuamuna pangkilalaanmuna, jala pakarashu do nasida tu hamu. Gabe jut ma rohamuna. Ndang marlas ni roha be hamu manomba Jahowa. Alai, molo ditadingkon hamu Jahowa, idaonmuna ma ndang adong na mangkaholongi hamu dos songon natuatuamuna, dohot angka dongan di huria.
17 Pingkirhon ma: Molo ndang dipasingot natuatuam ho, boi do pos roham na diparrohahon nasida ho? (Heb. 12:8) Natuatuamuna pe jolma na mardosa do. Ra, cara ni nasida pasingothon ho mambahen jut roham. Alai unang ma holan i na diida ho. Pingkirhon ma boasa dipasingot ho. Unang ma pintor mangalusalusi, alai tangihon ma. Songon na didok di Bibel, “Manang ise na marroha, markokang do hatahatana, jala parroha na hohom, i ma baoa apala na pantas.” (Poda 17:27) Marsitutu ma asa gabe halak na matoras. Dijalo halak na matoras do sipasingot ndang soal songon dia i dipasahat. (Poda 1:8) Unang ma lupa hamu, sada silehonlehon na mansai arga do molo sisomba Jahowa natuatuanta. Lomo do roha ni nasida mangurupi hamu mangolu salelenglelengna.
w05 15/2 19-20 ¶11-12
Boi Dope Ditanda Halak na Saksi Jahowa Hamu?
11 Bahen ma las roha ni Debata, dang jolma. Manang ise na dipillit sasahalak gabe donganna, pasti balga do pengaruh ni i tu sifatna. Memang pasti las do roha ni sasahalak molo godang donganna jala olo akka donganna mardongan dohot ibana. Tikki remaja sasahalak pasti balga do tekanan sian donganna sebaya tu ibana. Alani i, olo do gabe berupaya ibana maniru akka donganna asa las roha ni akka donganna tu ibana. Alai sebenarna belum tentu parduli akka donganna i tu perasaanna. Alana didongani nasida pe ibana holan asa adong do dongan ni nasida lao mangulahon na jahat. (Poda 1:11-19) Molo olo sasahalak dipaksa mangihutton dongan sebayana, biasana mabiar do ibana paboahon na Saksi Jahowa ibana. (Psalmen 26:4) Alani i ma didok Apostel Paulus, “Unang be tiru hamu akka halak na di portibi on.” (Rom 12:2) Boi do Jahowa mangurupi hita asa barani menolak tekanan dongan sebaya.—Heber 13:6.
12 Molo adong godaan sian dongan sebaya lao mangulahon na jahat, ingot ma urrikkot do mangulahon lomo ni roha ni Debata sian mangihutton godangan halak. Adong sada prinsip di 2 Musa 23:2 na boi mangurupi hita, didok “Unang ihutton halak na mangulahon na jahat, nang pe godang na mangulahon i”. Najolo hea do godang halak Israel ragu na boi Jahowa pasauton janjina. Nang pe songon i dang olo si Kaleb mengihutton godangan halak Israel di tikki i. Pos do rohana pasti saut do janji ni Debata. Alani i gabe dipasu-pasu Jahowa do ibana. (4 Musa 13:30; Josua 14:6-11) Hamu akka na poso, barani do hamu maniru si Kaleb asa boi torus denggan hubunganmuna tu Debata?
Arta na Adong di Bibel
w22.10 21 ¶6, 11
“Jou-Jou do Bisuk i”
6 Godang do halak saonari dang olo mambege bisuk “na joujou di dalan”. Bibel mandok adong tolu kelompok na so olo manangihon bisuk, i ma “akka na so marpengalaman”, “akka pangarehei”, dohot “akka na oto”. (Jaha Poda 1:22-25.) Tabahas ma boasa dang olo nasida manangihon bisuk ni Jahowa, jala songon dia carana asa unang tatiru nasida.
11 Kelompok na patoluhon na so olo manangihon bisuk ni Jahowa, i ma “halak na oto”. Didok do nasida oto ala dang olo mangihutton standar ni Jahowa. Sebalikna nasida holan mangulahon aha na sittong menurut nasida. (Poda 12:15) Ditolak nasida do Jahowa, Haroroan ni bisuk i. (Ps. 53:1) Hea do ra pajuppang hita dohot halak sisongon i tikki marbarita. Dikritik nasida do hita ala mangihutton prinsip ni Bibel. Hape sasittongna, dang adong na denggan sian nasida. Bibel mandok, “Dang na lao marbisuk halak na oto, jala dang adong sidohononna di gerbang ni kota.” (Poda 24:7) Dang adong dapotta nasehat na denggan sian halak na oto. Alani i dipasingot Jahowa do hita asa mandao “sian halak na oto”!—Poda 14:7.
24 FEBRUARI–2 MARET
ARTA NA ARGA NA ADONG DI BIBEL PODA 2
Boasa Porlu Marsitutu Hita Belajar Pribadi?
Torus ma ‘Taihutton Hasittongan’
16 Memang dang sude hita lomo rohana manjaha dohot marsiajar. Alai dipangido Jahowa do asa ‘sai talului’ hasittongan na adong di Bibel. (Jaha Poda 2:4-6.) Molo berupaya hita mangulahon i, pasti godang do manfaat na tadapot. On ma na dihilala si Corey. Tikki manjaha Bibel, berfokus do ibana tu sada-sada ayat. Didok ibana, “Hujaha ma surat na di toru, referensi silangna jala hubahen ma riset . . . Hasilna godang ma hal baru na huboto.” Memang dang sai sarupa cara na tapakke tikki belajar pribadi. Alai molo talehon tikki dohot upaya lao mamparsiajari Bibel, on patuduhon na taargai do hasittongan i.—Ps. 1:1-3.
“Jou-Jou do Bisuk i”
3 Halak na marbisuk, dipakke do parbinotoanna lao mambahen keputusan na denggan. Alai asa boi botul-botul marbisuk, dang cukkup holan i. Didok Bibel, “Biar mida Jahowa do parmulaan ni bisuk, jala parbinotoan taringot Debata Nabadia i do na mambahen halak mamboto dia na sittong dohot dia na sala.” (Poda 9:10) Jadi tikki naeng mambahen keputusan na penting, porlu do taihutton cara marpikkir ni Jahowa. Carana tapareso ma isi ni Bibel dohot akka publikasitta. Molo taulahon i, dapotta ma bisuk na sian Jahowa.—Poda 2:5-7.
4 Holan Jahowa do na boi mangurupi hita asa botul-botul marbisuk. (Rom 16:27) Boasa tadok songon i? Alasan na parjolo, Ibana do na manoppa saluhutna. Jadi holan Ibana do na takkas mamboto sude taringot toppaanna. (Ps. 104:24) Na paduahon, sude tindakan ni Jahowa patuduhon bisukna. (Rom 11:33) Na patoluhon, selalu do bermanfaat bisuk ni Jahowa. (Poda 2:10-12) Jadi asa boi hita gabe halak na botul-botul marbisuk, ikkon taattusi do tolu alasan i jala tapakke ma i tikki mambahen keputusan.
Angka na Poso, Patogu ma Haporseaonmuna
2 Godang do na so porsea molo Debata manompa hita. Molo hamu sahalak na poso manang marsiajar dope taringot tu Jahowa, olo do ra dipingkirhon hamu cara laho patuduhon molo Debata i Sitompa hita. Diurupi do hita marhite Bibel asa manat mamingkiri na tabege manang na tajaha, jala mangarimangi i. Dipaboa di Bibel, “Roha hapantason mangaramoti ho.” Aha labana? On mangurupi hamu manundalhon pamingkirion na so sintong jala patoguhon haporseaon tu Jahowa.—Jaha Poda 2:10-12.
3 Asa togu haporseaonta tu Jahowa, ingkon tangkas do tatanda Ibana. (1 Tim. 2:4) Alani i, tingki tajaha Bibel dohot publikasi, mansai ringkot do mangarimangi aha naung tajaha. Marsitutu ma mangantusi na tajaha. (Mat. 13:23) Molo songon i caramuna marsiajar, dapotmu ma godang bukti na patuduhon Jahowa do Sitompa hita jala sian Ibana do Bibel. (Heb. 11:1) Taulas ma songon dia caranta mangulahon on.
Arta na Adong di Bibel
w99 15/11 26 ¶4
“Sian Jahowa do Bisuk”
Didok si Salomo, “Disippan Ibana do bisuk dos songon arta tu akka halak na tigor marroha, jala Ibana do perisai di akka halak na setia. Diparrohahon Ibana do akka halak na mangihutton dalan na sittong, jala dijaga Ibana do dalan ni halak na setia tu Ibana. Boi ma diboto ho dia na tigor, dia na sittong, dohot dia na adil, jala diboto ho ma sude na denggan.” (Poda 2:7-9) Gabe lam pos do rohatta tu Jahowa dung manjaha ayat on. Alana olo do Jahowa mangalehon bisuk tu akka halak na mangalului i. Asing ni i molo olo hita mangihutton bisuk dohot aturanna na sittong, hira gabe perisai ma Ibana di hita. Sai anggiat ma olo hita diurupi Jahowa lao mangattusi “dalan na sittong”.