Referensi tu Parpunguan Hangoluan dohot Pangkobasion na Laho Diparsiajari
© 2024 Watch Tower Bible and Tract Society of Pennsylvania
3-9 MARET
ARTA NA ARGA NA ADONG DI BIBEL PODA 3
Marhaposan ma tu Jahowa
Porsea ma tu Jahowa asa Tongtong Mangolu!
5 Na so porsea be si Habakuk tu Jahowa dohot tu janjina? Sasintongna ndang songon i! Didok pe songon i, na porsea do si Habakuk tu Jahowa na boi Jahowa patoguhon ibana. Ndang diboto si Habakuk boasa masa i. Alani i gabe mabiar do ibana. Ndang diantusi ibana boasa leleng dipasombu Jahowa masa i. Jala boasa dipaloas Jahowa susa ibana. Diurupi Jahowa do si Habakuk asa manurat pangkataion ni nasida i, laho paboahon parsiajaran na ringkot tu hita. Alani i, unang ma mabiar hita pasahathon holso ni rohanta tu Jahowa. Dijujui Ibana do hita asa martangiang laho paboahon na di bagas rohanta. (Ps. 50:15; 62:9) Poda 3:5 patoguhon rohanta. Didok, “Marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri.” On ma na diulahon si Habakuk
6 Porsea do si Habakuk tu Jahowa, i ma na gabe Ale-ale dohot Bapakna. Dipajonok do dirina tu Jahowa. Ndang holan holso ni rohana na sai dipingkiri ibana. Jala ndang marpos ni roha ibana tu dirina. Gariada, martangiang do ibana paboahon holso ni rohana. Sitiruon na denggan do on tu hita. Alana, Jahowa do sitangihon tangiang. Dijujui do hita asa paboahon holso ni rohanta marhite tangiang. (Ps. 65:3) Molo taulahon on, boi ma taida songon dia Jahowa mangalusi tangiangta. Tahilala ma songon na dihaol Jahowa hita tingki diapuli jala ditogu-togu Ibana. (Ps. 73:23, 24) Diurupi Ibana do hita asa taboto songon dia Ibana mangalusi tangiangta. Martangiang ma cara na dumenggan patuduhon na porsea hita tu Jahowa.
Sai Dijaga Hamu do ‘Perisai Haporseaonmuna’?
4 Songon tentara di tingki najolo, ingkon dipareso hamu do perisai, i ma haporseaonmuna asa tongtong rade laho marporang. Ingkon marporang do sude halak Kristen mangalo suru-suruan na jahat. (Eps. 6:10-12) Ingkon hita sandiri do na manjaga haporseaonta. Sian dia do diboto hamu naung togu haporseaonmuna tingki diuji? Ingkon martangiang do hamu asa diurupi Debata. Dung i, pangke ma Bibel asa boi diboto hamu aha na dihalomohon Debata laho ulahononmuna. (Heb. 4:12) Bibel mandok, “Marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri.” (Poda 3:5, 6) Pingkirhon ma piga-piga situasi na diadopi hamu jala songon dia hamu mangadopi i. Umpamana, hea do hamu mangkilala susa di parhepengon? Tingki naeng mambahen keputusan, pos do rohamu tu janji ni Jahowa na disurat di Heber 13:5 na mandok, “Ndang tadingkononku ho jala ndang pasombuonku ho”? Pos do rohamu na laho urupan ni Jahowa hamu? Molo pos rohamuna, on patuduhon na denggan do dijaga hamu haporseaonmuna.
Andalhon ma Jahowa Songon si Simson
10 Nang pe adong bakatta jala godang pengalamanta, porlu do tapangido bantuan ni Jahowa asa marhasil hita mangulahon tugasta. Dung i ikkon serep do rohatta jala mangakkui holan alani mangandalhon Jahowa do boi hita marhasil. Songon si Simson na margogo dung manginum aek na disediahon Jahowa, tapakke ma sude na disediahon Jahowa lao mangurupi hita asa toktong setia tu Ibana.—Mat. 11:28.
Arta na Adong di Bibel
Tapatudu ma Holong na Manoktong tu Akka Dongan
BOASA ikkon tapatudu holong na manoktong? Taparrohahon ma aha na didok di bukku Poda. Misalna didok do, “Sai toktong ma ho setia jala patuduhon ma holong ni roha. . . . Dung i lomo ma roha ni Debata dohot jolma tu ho jala ditanda ma ho halak na marbisuk.” “Molo dipatudu sahalak bawa holong na manoktong, parohon laba do i tu dirina sandiri.” “Manang ise na marsitutu mangulahon na sittong jala patuduhon holong . . . dapotna ma hangoluan.”—Poda 3:3, 4; 11:17, surat na di toru; 21:21.
2 Sian bukku Poda i taboto ma, adong do tolu alasanna boasa ikkon tapatudu holong na manoktong. Na parjolo, gabe lomo ma roha ni Debata tu hita. Na paduahon, parohon laba do i tu hita. Misalna, gabe boi ma hita marale-ale dohot na asing. Na patoluhon, dapotta ma pasu-pasu di ari na naeng ro, termasuk ma i hangoluan saleleng ni lelengna. Jadi massai penting do taihutton poda ni Jahowa on, “Patuduhon hamu ma holong na manoktong dohot asi ni roha tu donganmuna.”—Sak. 7:9, surat na di toru.
10-16 MARET
ARTA NA ARGA NA ADONG DI BIBEL PODA 4
“Jaga ma Roham”
Songon dia Hamu Boi Manjaga Roha?
4 Hata “roha” na didok di Poda 4:23, laho paboahon “roha di bagasan”. (Jaha Psalmen 51:8.) Jala boi do muse hata “roha” lapatanna, pingkiran, pangkilalaan, dohot sangkap ni roha. On patuduhon, ise do hita na sasintongna. Jala tarida do i sian parniulaonta.
Songon dia Hamu Boi Manjaga Roha?
10 Asa boi denggan tajaga rohanta, ingkon taboto do aha na boi manegai rohanta jala ingkon hatop do i tapasiding. Hata “jaga” na disurat di Poda 4:23 paingothon hita taringot tugas ni sahalak panjaga. Alana, di tingki ni si Salomo, sahalak panjaga ingkon jongjong do di tembok ni kota. Molo adong bahaya na ro, pintor hatop do dipaboa ibana. Tudosan on, mangurupi hita asa mamboto aha na ingkon taulahon asa taboto pasidingkon aha na boi manegai rohanta.
11 Di tingki najolo, sahalak panjaga tembok ni kota ingkon kerjasama do dohot na manjaga gerbang kota. (2 Sam. 18:24-26) Molo ro musu, ingkon dipastihon nasida do naung ditutup gerbang. (Neh. 7:1-3) Panggora ni roha naung dilatik Bibel, dos do songon panjaga ni tembok i. Dipaingot do hita molo adong bahaya sian Sibolis na boi manegai pingkiran dohot rohanta. Alani i, tingki dipaingot panggora ni rohanta hita, tatangihon ma jala pintor pasiding ma na boi manegai rohanta.
Songon dia Hamu Boi Manjaga Roha?
14 Asa boi tajaga rohanta ndang sae holan pasidingkon angka na roa. Alai ingkon tapamasuk do angka na denggan tu rohanta. Songon tudosan ni tembok kota, molo ro musu ingkon ditutup do gerbang ni kota i. Alai molo adong na ro mamboan sipanganon, ingkon dibungka do gerbang i. Alana molo sai ditutup do gerbang i boi do gabe kelaparan angka halak disi. Suang songon i ma hita, ingkon tabungka do rohanta ganup ari laho mangihuthon pingkiran ni Debata.
w12 1/5 32 ¶2
“Jaga ma Roham”
Boasa ikkon tajaga rohatta? Ditogu-togu tondi parbadia do Raja Salomo lao manurat, “Sian sude na ikkon jagaonmu, jaga ma roham, ai sian i do ro hangoluan”. (Poda 4:23) Balga do pengaruh ni rohatta tu ngolutta saonari dohot di ari na naeng ro. Boasa? Alana na di bagasan rohatta do na diida Debata. (1 Samuel 16:7) Boi do na di bagasan ‘rohatta’ mambahen gabe sogo roha ni Debata manang las roha ni Debata mangida hita.—1 Petrus 3:4.
Arta na Adong di Bibel
Sabar do Hamu Paimahon Jahowa?
4 Poda 4:18 mandok, “Songon mataniari bissar do dalan ni halak na tigor marroha na lam tiur sahat tu tonga ari.” Sian ayat on, taboto ma songon dia Jahowa mangurupi naposona mangattusi aha lomo ni rohana. Alai ayat i, boi do tong patuduhon songon dia halak Kristen mambahen kemajuan asa boi jonok tu Jahowa. Taingot ma, porlu do tikki asa boi hita jonok tu Jahowa. Ikkon ringgas do hita marsiajar Bibel, taulahon ma na taparsiajari i, jala taihutton ma petunjuk sian organisasi ni Jahowa. Molo taulahon i sude, lam leleng lam mirip ma sifatta tu Kristus. Jala, lam takkas ma tatanda Jahowa. Saonari, taida ma ilustrasi ni Jesus taringot i.
17-23 MARET
ARTA NA ARGA NA ADONG DI BIBEL PODA 5
Unang ma Taulahon Seks na So Patut
w00 15/7 29 ¶1
Jaga ma Pangalahomuna asa Toktong Ias
Di bukku poda on dipatudos do halak na so hasea pangalahona tu “borua na so hasea”. Manis do hatana songon madu, jala ullandit do hatana sian miak. Biasana songon i do mulana halak na mangulahon seks na so patut. Misalna, taida ma pengalaman ni si Amy. Sahalak sekretaris na bagak do ibana na marumur 27 taon. Didok ibana, “Adong sahalak bawa di tempat karejokku na lomo rohana tu au. Sering do diparrohahon ibana au, sering do dipuji ibana au. Memang las do roha molo adong na mamparrohahon iba. Alai huboto do aha tujuanna, holan na lao mangulahon seks do ibana tu au. Alani i dang hupamasuk tu rohakku gombalna i.” Biasana boi do gabe tergoda hita mambege gombal ni sasahalak molo dang taboto aha tujuanna sebenarna. Alani i porlu do hita manat marpikkir di situasi sisongon i.
Sai Marlaba do Molo Tahabiari Jahowa
9 Adong dope alasan na denggan boasa dang boi hita mangulahon seks na so patut. “Borua na oto” na didok nakkin mandok, “Manis do aek na ditakko.” Aha do “aek na ditakko” i? Di Bibel dipatudos do hubungan seks ni suami istri songon aek. (Poda 5:15-18) Bawa dohot borua naung sah menikah boi do menikmati hubungan seks dohot pasanganna. Asing do i tu seks na so patut, na dipatudos songon “aek na ditakko”. Biasana halak na mangulahon seks na so patut manabunihon ulaon ni nasida i asa unang diboto na asing, dos songon sasahalak na sip-sip manakko. Hira na manis do “aek na ditakko” i ala dirippu nasida dang adong na lao mamboto i. Alai sasittongna na mangoto-otoi dirina sandiri do nasida disi, alana diida Jahowa do sudena i. Dang adong be na umhaccit molo sega parale-aleotta tu Jahowa, jala pasti dang “manis” i. (1 Kor. 6:9, 10) Alai adong dope alasan na asing.
10 Molo taulahon seks na so patut boi do i parohon ila tu hita, mambahen hita merasa dang mararga, kehamilan yang tidak diinginkan, jala mambahen hancur keluarga. Takkas ma na marbisuk do hita molo tatolak undangan ni borua na oto i. Godang do halak na mangulahon seks na so patut dang holan sega parale-aleonna tu Jahowa, alai gabe marsahit ma nasida jala ujungna gabe hatop mate. (Poda 7:23, 26) Sesuai do i tu Poda 9:18 na mandok, “Di bagasan Kuburan do akka tamuna.” Attong boasa ma godang halak manjalo undangan ni borua na oto i hape ujungna parohon jea do i tu nasida?—Poda 9:13-18.
Hita Boi Tongtong Ias
8 Di Poda 5:8, dipasingot do hita asa manundalhon angka pingkiran na rorang. Di Poda bindu 7, tajaha ma adong sada dolidoli na laho mardalandalani tu jonok jabu ni boruboru na so hasea tingki borngin. Tindang ma boruboru i di parsimpangan dalan marpahean na so pantas. Dipajonok ibana ma tu baoa i, dihaol jala diumma, huhut dihatahon ibana ma hata na parohon giotgiot ni roha na rorang. Ndang ditundalhon baoa i giotgiot na sala i, na mambahen ibana gabe mangulahon parmainanon. Nang pe ndang marsangkap hian tusi roha ni dolidoli i, alai gabe diulahon ibana ma i jala diae ma hangoluan na paporsuk dirina. Molo dipingkiri ibana hian panghorhon na roa sian i, tontu tundalhononna do borua na so hasea i.—Poda 7:6-27.
9 Songon dolidoli i, hita pe boi mangulahon na sala molo so tapingkiri hian panghorhon ni parulaon na sala. Songon, tingki tonga borngin, pigapiga siaran tv patuduhon angka film na rorang. Marjea do molo sai tagantiganti siaran TV holan laho mangida siaran. Jea na asing molo taketik link di Internet na so taboto aha isina. Dohot ma i mangida chat rooms na marisi iklan na rorang manang link pornografi. Molo masa sisongon on tu hita, aha na taida boi patubuhon roha laho mangulahon angka na rorang, ujungna ndang mangoloi tu Jahowa.
10 Dipatorang Bibel do songon dia sahalak baoa pantun maradophon sahalak borua. (Jaha 1 Timoteus 5:2.) Halak Kristen, boi patuduhon holong ni roha holan tu dongan saripena manang tu sasahalak na laho dongan saripena. Molo dipatudu nasida holong sisongon i, ndang na ulaon na rorang i. Pigapiga halak mandok ndang sala molo patuduhon holong sian pangeal ni dagingna, pardalanna, pangambe ni tanganna manang pangidaan na asing tu baoa manang borua, asal ma unang marsijamaan. Alai, molo rap mangelaela do baoa dohot borua, tubu ma pingkiran nasida tu angka ulaon na rorang, ujungna boi gabe mangulahon parmainanon nasida. Nunga hea masa sisongon i jala boi do on masa muse.
Arta na Adong di Bibel
Aha do na Didok Bibel taringot Seks?
Tikki ditoppa Jahowa bawa dohot borua, dibahen Ibana do nasida boi mangulahon seks. Alai lomo do rohana asa holan halak naung menikah na mangulahon i. Dang holan asa marianakkon nasida mangulahon i. Alai asa boi do nasida patuduhon cintana dohot holong ni rohana tu pasanganna. Jala boi do on mambahen las roha ni nasida. Alani i ma didok di Bibel, “Sai marlas ni roha ma ho rap dohot istrim na nialapmu tikki poso.” (Poda 5:18, 19) Dipangido Jahowa do muse asa setia halak Kristen tu pasanganna. Jadi dang boi nasida selingkuh.—Jaha Heber 13:4.
24-30 MARET
ARTA NA ARGA NA ADONG DI BIBEL PODA 6
Aha do na Boi Taparsiajari sian Porngis?
it-2 771 ¶3-4
Porngis
‘Marbisuk Mangihutton Naluri.’ Dang ala na malo porngis umbahen na ‘marbisuk’ ibana. Alai ala memang naung marbisuk do porngis ditoppa Debata. Bibel mandok, ‘Diparade porngis do sipanganonna tikki musim panas, jala dipapungu nasida do sipanganon ni nasida tikki musim panen’. (Poda 6:8) Sada jenis ni porngis na paling godang di Palestina, i ma semut pemanen manang agraris (Messor semirufus). Dipapungu akka porngis on ma godang sipanganon di musim semi dohot musim panas, dung i diallang nasida ma i di musim dingin. Alana maol do mangalului siallangon di tikki i. Sering do ro porngis on tu inganan pardegean. Alana godang do disi gandum, barli, dohot biji-bijian na asing. Molo hona udan biji-bijian na disippan nasida, diangkat porngis i ma i tu luar lao dijomur. Jala olo do porngis on makkarat bagian ni bji-bijian na adong kumanna asa unang gabe busuk i tikki disippan. Mura do tarboto didia asar ni porngis on sian kulit ari ni biji-bijian na ditinggalhon nasida di luar ni asarna.
Sifat na Boi Tatiru. Alani i ma cocok didok di Bibel, “Ale sigurbak ulu, lao ma jo ho marsiajar tu porngis an. Parrohahon ma na niulahonna asa marbisuk ho.” (Poda 6:6) Dang holan bisuk ni nasida lao papunguhon sipanganon na boi taparsiajari. Alai porlu do tong tatiru kerja keras dohot tekad ni nasida. Sering do nasida ikkon mamboan sipanganon na boratna dua hali loppit manang lobi, sian borat ni dagingna. Asing ni i olo do nasida mangulahon manang aha pe asa boi sae tugas ni nasida. Jala nang pe madabu, tarsulandit, manang balik nasida sian inganan na timbo, pasti berupaya do nasida mardalan muse. Kompak do nasida dohot porngis na asing lao paiasson asarna. Jala parduli do nasida tu porngis na asing. Misalna olo do nasida mangurupi porngis na asing na tarlukka manang na palojahu mulak tu asarna.
w00 15/9 26 ¶4-5
Jaga ma Pangalahomuna
Ikkon ringgas do hita dos songon porngis. Godang do manfaatna molo kerja keras jala berupaya hita asa lam denggan karejotta, nang pe dang adong na mamereng. Tikki mangulahon manang aha pe hita di sikkola, di tempat karejo, manang di huria, ikkon denggan do i taulahon. Godang do manfaat na dihilala porngis ala ringgas ibana. Dos songon i ma, lomo do roha ni Jahowa molo ‘marlas ni roha hita alani sude halojaonta.’ (Parjamita 3:13, 22; 5:18) Molo kerja keras hita, ias ma hati nuranita jala puas ma hita.—Parjamita 5:12.
Alani i dibahen si Salomo ma dua sukkun-sukkun lao pasingotton halak na malas. Didok ibana, “Ale sigurbak ulu, sadia leleng nai do ho sai modom? Andigan do ho dungo?” Jala dipaboa ibana ma muse hasomalan ni halak na malas. Didok ibana, “Tokkin-tokkin modom, tokkin-tokkin mondok-ondok. Tokkin-tokkin mangaloppit tangan lao peak-peak. Hatop ma annon ho marpogos, gabe songon na hona rampok ma ho. Jala songon na dibuat tentara ma sude artam.” (Poda 6:9-11) Ala sai marlemba-lemba halak na malas, gabe hatop ma ibana marpogos. Songon hatop ni pangarampok manakko sibuatonna. Jala habis ma sude artana songon na dibuat akka tentara. Godang do ramba dohot suga-suga di ladang ni halak na malas. (Poda 24:30, 31) Molo mambahen usaha halak na malas, hatop do i tuppur. Molo gabe parkarejo pe ibana, pasti dang olo tokkena mampartahatton ibana. Jala molo malas sahalak parsikkola makkarejohon tugasna, pasti dang boi ibana naik kelas.
Arta na Adong di Bibel
w00 9/15 27 ¶4
Jaga ma Pangalahomuna
Adong onom macam ulaon na jahat na dipaboa di bukku poda on na mambahen sogo roha ni Jahowa. Misalna molo ‘ginjang roha’ ni sasahalak jala “marsakkap mangulahon na jahat”, nungnga mardosa ibana di bagasan pikkiranna. Molo “margabus” sasahalak jala gabe “saksi na sai makkatahon na so tutu”, berarti nungnga mardosa ibana alani hatana. Asing ni i molo adong halak na “mambunu halak na so marsala” jala “hatop mangulahon na jahat”, on patuduhon nungnga mardosa ibana alani pangalahona i. Jala adong sada pangalaho na apala mambahen magigi Jahowa, i ma halak na lomo rohana mamola-mola. Ala dipaboa do angka onom dohot pitu di ragam ni akka pangalaho na jahat i, on patuduhon dang sude dope dipaboa akka pangalaho na jahat di ayat i. Alana molo nungnga adong sada sian pitu sifat i di sasahalak, boi do gabe diulahon ibana hajahaton na asing.
31 MARET–6 APRIL
ARTA NA ARGA NA ADONG DI BIBEL PODA 7
Pasiding ma Situasi na Mambahen Tergoda
Toktong ma Jaga asa Boi Menolak Godaan
8 Boha do carana menolak godaan? Asa taboto alusna, taida ma jo sada cerita taringot sahalak doli-doli na disurat di Poda bindu 7. Ibana mangulahon seks na so patut dohot sahalak boru-boru na so hasea. Di ayat 22 didok, “Pittor diihutton ibana ma boru-boru i.” Alai molo taida di akka ayat na sebelumna, nungnga dibahen ibana piga-piga keputusan na so denggan, na ujungna mambahen ibana gabe mangulahon dosa
9 Aha do haroa na diulahon doli-doli i sebelumna? Na parjolo, tikki botari ‘mamolus do ibana sian dalan na jonok tu jabu ni boru-boru na so hasea i’. Jala torus do ibana mandapotton jabuna. (Jaha Poda 7:8, 9.) Dung i, tikki diida ibana borua i, dang pittor lao ibana. Gariada olo do ibana diumma borua i. Jala, dibege ibana do borua i mandok nungnga dilehon borua i pelean pardamean. Bisa jadi lomo do roha ni borua i asa doli-doli i marpikkir borua na burju do ibana. (Jaha Poda 7:13, 14, 21.) Sasittongna molo dang songon i hian keputusan ni doli-doli i, pasti ummura do ibana menolak godaan jala dang mangulahon dosa.
Hita Boi Tongtong Ias
18 Di Poda 5:8, dipasingot do hita asa manundalhon angka pingkiran na rorang. Di Poda bindu 7, tajaha ma adong sada dolidoli na laho mardalandalani tu jonok jabu ni boruboru na so hasea tingki borngin. Tindang ma boruboru i di parsimpangan dalan marpahean na so pantas. Dipajonok ibana ma tu baoa i, dihaol jala diumma, huhut dihatahon ibana ma hata na parohon giotgiot ni roha na rorang. Ndang ditundalhon baoa i giotgiot na sala i, na mambahen ibana gabe mangulahon parmainanon. Nang pe ndang marsangkap hian tusi roha ni dolidoli i, alai gabe diulahon ibana ma i jala diae ma hangoluan na paporsuk dirina. Molo dipingkiri ibana hian panghorhon na roa sian i, tontu tundalhononna do borua na so hasea i.—Poda 7:6-27.
Sai Marlaba do Molo Tahabiari Jahowa
10 Molo taulahon seks na so patut boi do i parohon ila tu hita, mambahen hita merasa dang mararga, kehamilan yang tidak diinginkan, jala mambahen hancur keluarga. Takkas ma na marbisuk do hita molo tatolak undangan ni borua na oto i. Godang do halak na mangulahon seks na so patut dang holan sega parale-aleonna tu Jahowa, alai gabe marsahit ma nasida jala ujungna gabe hatop mate. (Poda 7:23, 26) Sesuai do i tu Poda 9:18 na mandok, “Di bagasan Kuburan do akka tamuna.” Attong boasa ma godang halak manjalo undangan ni borua na oto i hape ujungna parohon jea do i tu nasida?—Poda 9:13-18.
Arta na Adong di Bibel
Akka Bawa na Poso, Patogu ma Haporseaonmuna tu Jahowa
5 Marlatik ma asa ‘manat marpikkir’. (Poda 3:21) Molo manat sahalak bawa marpikkir, pasti jolo dipertimbakkon ibana do pilihanna sebelum mambahen keputusan. Jadi ikkon marsitutu do ibana marlatik asa boi gabe halak na songon i jala toktong patuduhon i. Boasa? Alana godangan na poso saonari, holan mangihutton lomo ni rohana manang perasaanna do tikki mambahen keputusan. (Poda 7:7; 29:11) Asing ni i, boi do gabe terpengaruh hamu sian acara TV, film, internet, dohot media sosial. Jadi songon dia ma carana asa manat hamu marpikkir? Na parjolo, parsiajari hamu ma akka prinsip ni Bibel jala pikkirhon ma aha labana di hamu. Dung i pakke ma akka prinsip i lao mangurupi hamu mambahen keputusan na boi palasson roha ni Jahowa. (Jaha Psalmen 119:9.) Sada keterampilan na massai penting do on. Molo marlatik hamu asa manat marpikkir, gabe togu ma haporseaonmuna tu Jahowa. (Poda 2:11, 12; Heb. 5:14) Saonari tabahas ma manfaat ni keterampilan on: (1) gabe denggan ma pandangan dohot sikapmuna tu akka donganta borua, jala (2) gabe denggan ma dibahen hamu tikki mamillit pakkean dohot manottuhon penampilanmuna.
7-13 APRIL
ARTA NA ARGA NA ADONG DI BIBEL PODA 8
Marsiajar ma sian Bisuk ni Jesus
cf 130 ¶7
“Holong do Rohakku tu Damang I”
7 Di ayat 22 didok bisuk i do, “Au do parmulaan ni sude na ditoppa Jahowa, na parjolo sian sude na binahenna di tikki naung salpu.” Sebenarna dang taringot bisuk na dipaboa di ayat on, alana dang hea ‘ditoppa’ bisuk. Jala dang adong parmulaan ni bisuk, alana sian Jahowa do haroro ni bisuk jala nungnga adong Jahowa sian najolo. (Psalmen 90:2) Alai molo Anak ni Debata, ibana do “na parjolo ditoppa sian saluhutna”. (Kolosse 1:15) Sarupa ma i songon na dipaboa di bukku Poda, nungnga adong anak i andorang so ditoppa dope langit dohot tano on. Jala ala dipakke Debata do Anak i lao pasahatton hatana tu jolma, on patuduhon ibana do bisuk na dipaboa di bukku Poda i.—Johannes 1:1.
w00 15/2 11 ¶6
Mangattusi “Pikkiran ni Kristus”
Didok piga-piga ilmuwan nungnga adong alam semesta on hira-hira 12 miliar taon. Molo toho na didokkon nasida i berarti andorang so ditoppa si Adam, nungnga marmiliar taon Anak ni Debata rappak dohot Bapakna. (Bandingkon tu Mika 5:2.) Alani i gabe jonok hian ma nasida na dua. Boi do tarida bisuk ni Jahowa di bagasan diri ni Jesus. Jala songon on do na didok Bibel taringot Jesus sebelum gabe jolma ibana, “Di labbungna do au gabe kepala tukkang. Au do na gabe hasianna ganup ari.” (Poda 8:30) Pasti balga do pengaruhna tu Jesus ala nungnga marratus taon rappak dohot Bapakna, haroro ni holong ni roha i! (1 Johannes 4:8) Gabe boi ma sarupa pikkiran, pakkilalaan, dohot tujuan ni Jesus dohot Bapakna. Jala holan ibana do na takkas mananda Bapakna.—Mateus 11:27.
w09 15/4 31 ¶14
Mangargai Jesus—Na Umbalga sian si Daud dohot si Salomo
14 Takkas ma holan sada do jolma na dao umbisuk sian si Salomo, i ma Jesus Kristus. Didok Jesus umbalga do ibana sian si Salomo. (Mat. 12:42) Jala “parohon hangoluan na saleleng ni lelengna” do na diajarhon Jesus. (Joh. 6:68) Misalna tikki paboahon Jamita na di Dolok, dipatorang Jesus do taringot prinsip na dipaboa di poda ni si Salomo. Di poda ni si Salomo, dipaboa ibana do akka aha na boi mambahen naposo ni Jahowa marlas ni roha. (Poda 3:13; 8:32, 33; 14:21; 16:20) Alai dipaboa Jesus do aha na boi mambahen naposo ni Jahowa marlas ni roha saleleng ni lelengna, i ma molo tasomba Jahowa jala saut akka janji ni Debata. Alani i ma didok Jesus, “Marlas ni roha ma na mamboto rikkot ni marale-ale tu Debata, ai nasida do nappuna harajaon banua ginjang i.” (Mat. 5:3) Molo diihutton halak akka prinsip na niajarhon Jesus boi ma gabe jonok hubungan ni nasida tu Jahowa, ‘haroro ni hangoluan’. (Ps. 36:9; Poda 22:11; Mat. 5:8) Asing ni i boi do tarida “bisuk ni Debata” di bagasan diri ni Kristus. (1 Kor. 1:24, 30) Jala ala Jahowa do na mamillit Jesus gabe raja, pasti “marbisuk” do ibana tikki mamaretta.—Jes. 11:2.
Arta na Adong di Bibel
“Jou-Jou do Bisuk i”
DI GODANG negara, jotjot do akka donganta marbarita na uli di inganan na rame mamakke rak beroda. Ramah do akka donganta i. Ditawarhon do akka sijahaon tu akka halak na lewat. Hea do ra hamu dohot tu ulaon i. Jadi pasti diattusi hamu do ilustrasi na adong di bukku Poda na mandok, ‘joujou do bisuk na sittong i di inganan na rame asa dibege akka halak podana i’. (Jaha Poda 1:20, 21, surat na di toru.) Boi do dapot ni akka halak “bisuk na sittong”, i ma bisuk sian Jahowa, molo dijaha nasida Bibel dohot akka publikasitta. Porlu do dapot ni nasida bisuk sisongon i, asa dapot ni nasida hangoluan na saleleng ni lelengna. Alani i do las rohatta molo adong halak na olo mambuat publikasitta. Alai dang sude halak songon i. Adong do na so berminat tu ajaran ni Bibel. Na asing diparekkeli do hita. Jala adong do na marpikkir, nungnga ketinggalan jaman isi ni Bibel i. Bahkan adong do na makkritik ajaran ni Bibel taringot standar moral. Didok nasida, halak na mangihutton standar moral ni Bibel i halak na kaku jala merasa dirina sittong. Nang pe songon i, parasi roha do Jahowa. Sai diurupi Ibana do akka halak asa boi marbisuk. Songon dia ma carana?
2 Dipaboa Jahowa do bisukna di Bibel, jala hampir sude do halak boi manjaha i. Adong do muse bisuk sian Jahowa di publikasitta, na adong di lobi sian 1.000 bahasa. Godang do manfaatna molo olo hita manjaha jala mangulahon bisuk na taparsiajari i. Alai godang do halak na so olo manangihon Jahowa. Tikki mambahen keputusan, lomo ni roha ni nasida sandiri do na diihutton. Manang diihutton nasida do bisuk ni akka jolma. Leas do roha ni nasida tu hita ala taulahon prinsip ni Bibel. Jadi di artikel on tabahas ma, boasa akka halak dang olo manangihon bisuk ni Debata. Alai na parjolo, tabahas ma jo songon dia carana mandapot bisuk sian Jahowa.
APRIL 14-20
ARTA NA ARGA NA ADONG DI BIBEL PODA 9
Marbisuk ma, Unang ma Gabe Sipangarehei
‘Tangihon ma Hata ni Halak na Marbisuk’
4 Memang taakkui, ummaol do manjalo sipasingot sian akka dongan. Boi do gabe tersinggung hita. Boasa? Memang tasadari do hita jolma na mardosa. Alai molo adong dongan na paboahon hahurangatta, boi do gabe muruk hita. (Jaha Parjamita 7:9.) Olo do gabe membenarkan diri hita manang gabe ragu hita tu motif ni halak na mangalehon nasehat i, jala tersinggung hita tu carana pasahatton nasehat i. Bahkan olo do ra gabe talului hasalaanna, jala tadok di rohatta, ‘Ise haroa ibana? Ibana pe godang do hahuranganna!’ Ala dang lomo rohatta tu nasehatna i, gabe taabaihon ma i jala tapangido nasehat sian halak na asing na sesuai tu lomo ni rohatta.
‘Tangihon ma Hata ni Halak na Marbisuk’
12 Aha do na boi mangurupi hita asa mura manjalo nasehat? Porlu do serep rohatta. Jala taingot ma hita jolma na so sempurna. Sipata olo do taulahon na sala. Songon naung tabahas nakkin, hea do sala cara marpikkir ni si Job. Alai olo do ibana menyesuaihon cara marpikkirna i, jala ujungna dipasu-pasu Jahowa do ibana. Boasa olo si Job mangulahon i? Ala serep do rohana. Olo do ibana dipasingot si Elihu, hape dao do upposo si Elihu sian ibana. (Job 32:6, 7) Jadi nang pe tarasa nasehat i dang cocok tu hita manang halak na mangalehon nasehat i upposo sian hita, taulahon do nasehat i molo serep rohatta. Sahalak sintua na tinggal di Kanada mandok, “Sipata dang boi taida hahurangatta sandiri. Jadi porlu do adong na pasingotton hita asa boi hita mambahen kemajuan.” Porlu do hita sude dipasingot asa boi lam denggan patuduhon parbue ni tondi parbadia jala asa gabe guru na lam terampil di ulaon marbarita.—Jaha Psalmen 141:5.
13 Taanggap ma sipasingot i bukti holong ni Debata. Lomo do roha ni Jahowa asa denggan ngolutta. (Poda 4:20-22) Alani i ma dipasingot Ibana hita marhite Bibel, akka publikasi, dohot akka dongan. Heber 12:9, 10 mandok, dipasingot Debata do hita “lao mambahen na denggan tu hita”.
14 Fokus ma tu isi ni nasehat i, dang tu cara ni nasehat i dipasahat. Olo do sipata tarasa dang denggan cara ni sasahalak menasehati hita. Memang halak na mangalehon nasehat i pe, ikkon berupaya do mambahen asa mura dijalo nasehatna i. (Gal. 6:1) Alai molo dipasingot hita, fokus ma hita tu isi ni nasehat i, nang pe tarasa hurang denggan cara ni sasahalak pasahatton i. Pikkirhon ma on, ‘Nang pe dang lomo rohakku tu carana pasingotton au, alai tutu do nasehatna i? Gabe berfokus tu hahuranganna do au, manang berfokus tu sipasingotna i?’ Molo taulahon nasehat na dilehon tu hita, i patuduhon halak na marbisuk do hita.—Poda 15:31.
w01 15/5 29 ¶6-30 ¶1
‘Gabe Tamba ma Ari-Ari ni Ngolutta molo Marbisuk’
Dang sarupa halak na marbisuk tu sipangarehei tikki manjalo pissang-pissang. Didok si Salomo, “Pissang ma halak na marbisuk, asa holong rohana tu ho. Lehon ma parbinotoan tu halak na marbisuk, asa lam marbisuk ibana.” (Poda 9:8b, 9a) Jala diboto halak na marbisuk do “parohon haccit ni roha do pissang-pissang i tikki dilehon, dang las ni roha. Alai massai godang do laba na dapotna molo rade ibana marsiajar sian i. Dung i, boi ma ulahononna lomo ni roha ni Debata jala dame ma rohana”. (Heber 12:11) Jadi molo olo hita dipissang nang pe hira na haccit i di mulana, boi do i mambahen hita gabe lam marbisuk.
Didok si Salomo muse “Ajar-ajari ma halak na tigor marroha, asa tamba na binotona”. (Poda 9:9b) Dang adong jolma di portibi on naung marbisuk hian manang naung patuahu lao marsiajar. Buktina godang do halak naung matua olo marsiajar taringot hata ni Debata jala olo mangalehon dirina tu Jahowa. Sai anggiat ma lomo rohatta torus marsiajar jala mangalatik pikkiranta
w01 15/5 30 ¶4
‘Gabe Tamba ma Ari-Ari ni Ngolutta molo Marbisuk’
Asa boi hita gabe halak na marbisuk ingin adong do upayatta. Alani i ma didok si Salomo, “Molo marbisuk ho, ho do na maruttung, Alai molo sai mangarehei do ho, ho do annon na manaon i.” (Poda 9:12) Molo marbisuk hita, hita sandiri do na makkilala manfaatna. Alai molo dang olo hita dipissang manang mangarehei hita, hita sandiri do annon na susa. Alana manang aha na disuan sasahalak, i do panenonna. Jadi anggiat ma hita olo “manangihon bisuk”.—Poda 2:2.
Arta na Adong di Bibel
Sai Marlaba do Molo Tahabiari Jahowa
Adong dope alasan na denggan boasa dang boi hita mangulahon seks na so patut. “Borua na oto” na didok nakkin mandok, “Manis do aek na ditakko.” Aha do “aek na ditakko” i? Di Bibel dipatudos do hubungan seks ni suami istri songon aek. (Poda 5:15-18) Bawa dohot borua naung sah menikah boi do menikmati hubungan seks dohot pasanganna. Asing do i tu seks na so patut, na dipatudos songon “aek na ditakko”. Biasana halak na mangulahon seks na so patut manabunihon ulaon ni nasida i asa unang diboto na asing, dos songon sasahalak na sip-sip manakko. Hira na manis do “aek na ditakko” i ala dirippu nasida dang adong na lao mamboto i. Alai sasittongna na mangoto-otoi dirina sandiri do nasida disi, alana diida Jahowa do sudena i. Dang adong be na umhaccit molo sega parale-aleotta tu Jahowa, jala pasti dang “manis” i. (1 Kor. 6:9, 10) Alai adong dope alasan na asing.
21-27 APRIL
ARTA NA ARGA NA ADONG DI BIBEL PODA 10
Songon dia asa Martahan Las ni Rohatta?
w01 15/7 25 ¶1-3
“Dapotan Pasu-Pasu do Halak na Tigor Marroha”
Adong muse pasu-pasu na asing na boi dihilala halak na tigor marroha. Bibel mandok, “Gabe marpogos do sigurbak ulu, alai mamora do halak na ringgas. Anak na marbisuk papunguhon hasil panen tikki musim panas, alai modom-modom do anak na pailahon tikki musim panen.”—Poda 10:4, 5.
Poda ni raja Salomo tu akka parkarejo do na dipaboa ayat on. Didok ibana dang cocok modom-modom akka parkarejo tikki musim panen. Alai ikkon ringgas do nasida karejo saleleng musim panen i. Alana holan satokkin do musim panen.
Hea do tong ditaringoti Jesus taringot musim panen tu akka siseanna. Alai dang taringot mamanen gandum manang barli na dipaboa Jesus. Didok ibana, “Bidang do nian sisabion, alai otik do akka panabi. Alani i, pangido ma tu Nappuna sisabion i [Debata Jahowa] asa disuru akka panabi tu sisabionna i.” (Mateus 9:35-38) Di taon 2000, lobi sian 14 juta halak na ro tu acara Parningotan Hamamate ni Jesus. Dua hali loppit ma on sian godang ni Saksi Jahowa. Jadi boi ma tadok, saonari ma tikkina saut hata ni Jesus na mandok ‘Tatap hamu ma ladang i. Ida hamu ma, nungnga masak jala nungnga boi dipanen’. (Johannes 4:35) Nungnga dipangido naposo ni Debata tu nappuna sisabion i asa dilehon unggodang panabi. Jala marsitutu do tong nasida mangurupi akka halak asa boi gabe sisean ni Jesus. (Mateus 28:19, 20) Dipasu-pasu Jahowa do kerja keras ni nasida. Buktina saleleng taon dinas 2000, lobi sian 280.000 halak na tardidi. Dung i berupaya do tong halak na baru on mangurupi akka halak asa marsiajar Bibel. Pasti tahilala do las ni roha jala puas do hita ala dohot bekerja keras saleleng musim panen, mangurupi akka halak asa gabe sisean ni Jesus.
w01 15/9 24 ¶3-4
Ihutton ma “Dalan ni Halak na Tigor Marroha”
Dipaboa si Salomo do boasa ikkon gabe halak na tigor marroha hita. Didok ibana, “Dos songon kota na marbenteng do hamoraon di halak na mamora. Alai parohon jea do hapogoson di halak na pogos. Parohon hangoluan do ulaon ni halak na tigor marroha, alai parohon dosa do na niula ni halak na jahat.”—Poda 10:15, 16.
Molo toppu muba situasi, boi do hamoraon gabe parlinggoman dos songon kota na marbenteng na mambahen aman akka halak na maringanan disi. Jala boi do gabe lam hancur halak na pogos alani hapogosonna. (Parjamita 7:12) Alai dipaboa raja Salomo do aha bahayana molo mamora manang pogos sasahalak. Halak na mora boi do gabe holan mangasahon hamoraonna i, alana dianggap ibana do hamoraonna i gabe “songon tembok partahanan”. (Poda 18:11) Jala halak na pogos boi do marpikkir dang na lao denggan be ngolu ni nasida di ari na naeng ro. Jadi boi do gabe dang marsitutu be halak na pogos manang halak na mamora lao mambahen goar na denggan di jolo ni Debata.
it-1 403
Pasu-pasu
Pasu-pasu ni Jahowa tu Jolma. “Pasu-pasu ni Jahowa do na mambahen halak mamora, jala dang mardongan na haccit i dibahen Ibana.” (Poda 10:22) Boi do Jahowa mangalinggomi, manogu-nogu, mangalehon hamoraon, mambahen sasahalak marhasil, jala mangalehon na porlu di nasida. On ma pasu-pasu na boi dilehon Jahowa tu halak na mambahen las rohana. Jala bermanfaat do i tu akka naposona di ari na naeng ro.
Arta na Adong di Bibel
w06 15/5 30 ¶18
Las ni Roha ni Halak na Tigor Marroha
18 Sada “pasu-pasu” do di naposo ni Jahowa boi jonok nasida tu Ibana. Jala didok Bibel “dang mardongan na haccit i dibahen Ibana”. (Poda 10:22) Alai boasa ma godang naposo ni Debata na marsitaonon? Adong tolu alasanna. (1) Nungnga mardosa hita. (1 Musa 6:5; 8:21; Jakobus 1:14, 15) (2) Boi do Sibolis dohot suru-suruan na jahat mambahen hita susa. (Epesus 6:11, 12) (3) Nungnga dirajai Sibolis portibi on. (Johannes 15:19) Nang pe diloas Jahowa hita marsitaonon, alai dang Ibana na mambahen hita susa. Gariada didok Bibel, “Sude silehon-lehon na denggan jala na sun denggan sian banua ginjang do i ro”. (Jakobus 1:17) Dang mardongan na haccit pasu-pasu na sian Jahowa.
28 APRIL–4 MEI
ARTA NA ARGA NA ADONG DI BIBEL PODA 11
Unang ma Dokkon i!
w02 15/5 26 ¶4
Akka Ulaon na Sittong do na Diulahon Halak na Tigor Marroha
Balga do pengaruh ni hata ni halak na jahat manang hata ni halak na tigor marroha tu halak na asing. Bibel pe mandok, “Marjea do na asing alani hata ni halak na jahat, alai malua do halak na tigor marroha ala adong parbinotoanna.” (Poda 11:9) Biasana lomo do roha ni halak na jahat mandok hata na so tutu, margosip, mandok hata na so hasea, dohot akka hata na so marguna. Jala boi do i sude mambahen marjea halak na asing. Alai molo halak na tigor marroha, denggan do hatana, jolo dipikkirhon ibana do aha na lao dokkononna, jala dipikkirhon ibana do perasaan ni halak na asing. Asing ni i boi do parbinotoan ni halak na tigor marroha mangurupi ibana tikki adong halak na mandok hata na so tutu taringot ibana.
w02 15/5 27 ¶2-3
Akka Ulaon na Sittong do na Diulahon Halak na Tigor Marroha
Molo unggodang do halak na tigor marroha gabe penduduk ni sada kota, pasti dame ma kota i jala boi ma pendudukna masipatoguan. Dung i gabe sonang ma ngolu ni penduduk ni kota i. Alai molo lomo roha ni penduduk ni sada kota mandok hata na so tutu, jala mambahen haccit roha ni halak, pasti sursar ma penduduk ni kota i, dang marlas ni roha, jala dang marsada. Apalagi ma na makkatahon i akka halak na adong jabatanna di kota i. Pasti sursar ma kota i, godang na korupsi, godang na so hasea pangalahona, jala susa ma ngolu ni akka penduduk ni kota i.
Marlakku do prinsip di Poda 11:11 tu naposo ni Jahowa. Dos songon sada kota do naposo ni Jahowa di bagasan huria. Molo unggodang do di sada huria halak na togu haporseaonna, pasti marlas ni roha ma huria i, marsiurupan, jala boi ma godang na diulahon nasida na boi parohon sangap tu goar ni Jahowa. Pasu-pasuon ni Jahowa do huria na songon i jala pasti dame ma huria i. Alai molo adong di huria i halak na lomo rohana marungut-ungut, lomo rohana mangalului kesalahan ni halak, jala mangkritik pengaturan na adong di huria, boi do i mempengaruhi akka dongan na asing. Alana di Bibel dipatudos do halak na songon i tu “urat na maraccun” na boi mambahen ramun godang halak. (Heber 12:15) Biasana akka halak sisongon i, i ma akka halak na lomo hian rohana mandapot tanggung jawab di huria. Ala dang marna dapotna tanggung jawab i, olo do ra didokkon ibana tu akka dongan na so adil jala mambeda-bedahon akka halak do sintua. Hape boi do gabe gaor huria alani hata ni nasida i. Jadi unang ma olo hita manangihon hata na songon i, jala marsitutu ma hita asa gabe halak na togu haporseaonna, alana boi do i mambahen gabe dame jala marsada huria.
Andigan do Tikki na Pas lao Makkatai?
12 Boha molo adong sahalak donganta na mamboto sada informasi na rahasia jala na so porlu botoon ni na asing? Misalna, pajuppang ma hita tu dongan na sian negara na mangorai ulaonta. Ra olo do naeng tasukkun, songon dia do nasida marpungu jala marbarita di negara i. Memang denggan do tujuanta manukkun. Ala holong do rohatta tu akka dongan, gabe naeng taboto ma aha na masa tu nasida. Jala asa boi tatangiakkon nasida. Alai dison do tikkina hita porlu “manarik tali ni kokang” jala toktong hohom. Molo tapaksa donganta i paboahon informasi rahasia, on patuduhon dang tahaholongi donganta i dohot akka dongan na tading di negara i. Tontu dang olo hita mambahen susa akka donganta na tading di negara na mangorai ulaonta. Akka dongan di negara i pe pasti dang olo paboahon songon dia Sitindangi boi marpungu jala marbarita di luat i.
13 Akka sintua do na tarlumobi ikkon mangulahon prinsip na disurat di Poda 11:13 (Jaha.) Unang ma dipaboa nasida informasi tu akka halak na so porlu mamboto informasi i. Sipata dang mura on, apalagi molo nungnga marhasohotan sintua i. Memang suami istri ikkon jotjot do makkatai asa boi paboahon na di rohana, na di pikkiranna dohot holso ni rohana. Alai ikkon diboto sintua do, dang boi dipaboa ibana informasi rahasia taringot sahalak dongan di huria. Asa unang gabe roa goarna di huria jala unang gabe dang porsea be akka dongan tu ibana. Molo dipaboa ibana i, gabe dang porsea be akka dongan tu ibana jala gabe roa ma goarna di huria. Akka na mandapot tanggung jawab di huria, unang ma gabe “pargabus”. (1 Tim. 3:8) Lapatanna, dang boi nasida paboahon barita na so tutu, manang margosip. Molo holong do roha ni sahalak sintua tu istrina, dang olo ibana paboahon informasi na so porlu diboto istrina i.
Arta na Adong di Bibel
g20.1 11, kotak
Cara asa Unang Sai Marsak
“HABURJUON BOI MANGORUI STRES”
“Mambahen na denggan tu dirina do baoa na basa, alai pasusa sibukna sandiri do halak na garang roha.”—PODA 11:17.
Di bukku Overcoming Stress, adong do sada topik na marjudul “Haburjuon Boi Mangorui Stres”. Molo burju hita tu halak, boi do i mambahen hita gabe sehat jala marlas ni roha. I do na didok Dr. Tim Cantopher. Alai molo dang denggan pambahenanta tu halak, gabe marsak ma hita. Alana gabe sogo ma roha ni halak tu hita jala mandao ma nasida sian hita..
Asa unang marsak hita, tabahen ma na denggan jala ikkon masuk akkal ma hita. Umpamana, taulahon ma nasa tolapta. Alai unang ma sai taingot hahuranganta. Alana songon na didok Jesus, “Ingkon haholonganmu do donganmu jolma doshon dirim.”—Markus 12:31.