Referensi tu Parpunguan Hangoluan dohot Pangkobasion na Laho Diparsiajari
© 2025 Watch Tower Bible and Tract Society of Pennsylvania
5-11 MEI
ARTA NA ARGA NA ADONG DI BIBEL PODA 12
Dapotan Upa do Halak na Bekerja Keras
Pangalaho na Denggan Ummarga sian Berlian
Sipata, ndang mura di naposo ni Jahowa mangalului na dihaporluhon nasida siganup ari. Nang pe songon i, ndang olo nasida mangulahon na so jujur. Marsitutu do nasida karejo. Maniru pangalaho ni Jahowa songon hajujuron, ummarga do i di nasida sian arta.—Poda. 12:24; Eps. 4:28.
Cara Asa Bahagia jala Merasa Puas tu na Adong di Hita
Lomo roha ni Debata asa ringgas hita karejo. Boasa? Molo ringgas sasahalak karejo, pasti bahagia do ibana. Alana, boi ma dipenuhi ibana kebutuhanna dohot kebutuhan ni keluargana, jala boi do ibana mangurupi halak na asing. Asing ni i, bosna pe pasti diargai ma ibana. Jadi halak na ringgas karejo, pasti diargai ibana do karejona. Dipaboa di Bibel, “silehon-lehon ni Debata do” sude akka na denggan.—Parjamita 3:13.
Arta na Adong di Bibel
Pasti Umlas do Roha Molo Mangalehon
10 Ingot ma muse, boi do hita patoguhon na asing marhite aha na tahatahon. Adong do diingot hamu akka dongan na porlu dipatogu? Molo adong, paboa ma na parduli do hamu tu ibana. Boi do hamu ro tu jabuna, manelepon ibana, manang mangirim kartu ucapan, email, dohot pesan tu ibana. Unang pola khawatir hamu mamikkiri aha na lao sidokkononmuna. Hata na sederhana pe alai molo sian ias ni roha, boi do i mambahen ibana toktong setia jala dang marmetmet ni roha be.—Poda 12:25; Eps. 4:29
12-18 MEI
ARTA NA ARGA NA ADONG DI BIBEL PODA 13
Unang ma Tartipu tu “Lampu ni Parjahat”
it-2 337 ¶6-7
Lampu
Dipakke gabe tudosan na asing. Dipakke lampu gabe tudosan lao paboahon na dihaporluhon sasahalak asa boi manondangi dalanna. Dipakke do muse tudosan on di sada umpasa lao paimbarhon halak na tigor marroha dohot parjahat. Didok do di Bibel, “Massai tiur do sinondang ni halak na tigor marroha, alai na lao mittop do lampu ni parjahat.” (Poda 13:9) Molo sinondang ni akka halak na tigor marroha, lam leleng lam tu tiurna do. Molo lampu ni akka parjahat, hira na marsinondang do idaon jala hira na lam mamora do nasida. Alai di ujungna pasti tartuktuk do nasida. Alana na lao mittop do lampu ni akka parjahat i dibahen Debata. Songon i ma ujung ni akka halak na mamburai omakna dohot bapakna.—Poda 20:20.
Tikki didok Bibel na ‘lao mittop lampu ni sasahalak’, boi do lapatanna dang na lao adong be harapan ni nasida di ari na naeng ro. Ayat na asing mandok, “Ai dang na lao denggan ngolu ni parjahat di ari na naeng ro. Jala na lao mittop do lampu ni parjahat.”—Poda 24:20.
w12 15/7 12 ¶3
Somba ma Debata na Mangalehon Haluaon
3 Marhasil do Sibolis menggoda si Adam dohot si Hawa dohot akka suru-suruan asa mangalo tu Jahowa. Jadi pasti boi do tong ibana mangoto-otoi hita. Sarupa do cara na dipakke Sibolis najolo tu saonari. Marsitutu do ibana mambahen hita marpikkir, borat do mangulahon paretta ni Debata jala dang boi hita marlas ni roha molo mangihutton hata ni Debata. (1 Joh. 5:3) Boi do gabe songon i cara marpikkirta molo mardongan hita tu halak na so manomba Jahowa. Songon i ma na dihilala donganta borua na marumur 24 taon. Didok ibana, “Najolo hea do au terpengaruh tu akka donganku na so manomba Jahowa. Ala mabiar au dipapulik, gabe kompak hian ma au tu nasida.” Ujungna gabe dohot ma ibana mangulahon seks na so patut. Hea do ra dihilala hamu molo mardongan tu halak na so manomba Jahowa, gabe mura ma hamu terpengaruh tu nasida.
w04 15/7 31 ¶6
“Dipakke Halak na Marbisuk do Parbinotoanna lao Mangulahon Ulaonna”
Dipasu-pasu do akka halak na marbisuk jala na tigor marroha, ala dipakke nasida do parbinotoanna lao mangulahon ulaonna. Si Salomo mandok, “Na lao mangan do halak na tigor marroha sappe butong, alai na lao male do halak na jahat.” (Poda 13:25) Diboto Jahowa do dia na denggan tu hita. Misalna, diboto Jahowa do songon dia asa marlas ni roha keluargatta, songon dia asa denggan hubunganta dohot halak na asing, songon dia asa denggan caratta marbarita, manang songon dia asa bermanfaat sipasingot ni Jahowa tikki dipissang. Molo marbisuk hita lao mangulahon akka poda na adong di Bibel, pasti denggan ma ngolutta.
Arta na Adong di Bibel
“Ulu ni Ganup Bawa i ma Kristus”
3 Parsiajaranna tu hita. Sude na diulahon kepala keluarga alani holong ma nian. Boasa songon i? Didok Apostel Johannes, “Molo dang dihaholongi sasahalak donganna [manang keluargana] na niidana, dang boi ibana makkaholongi Debata na so niidana.” (1 Joh. 4:11, 20) Molo holong do roha ni kepala keluarga tu istri dohot gellengna, ikkon tiruonna do Jahowa dohot Jesus. Diurupi ibana ma keluargana asa marale-ale tu Jahowa, diparade sude kebutuhan ni nasida, jala dipastihon keluargana merasa aman jala marlas ni roha. (1 Tim. 5:8) Dung i, ikkon dilatik ibana do gellengna. Jala tikki mambahen keputusan ibana, ikkon pastihononna do keputusanna i pasangappon Jahowa jala sesuai tu kebutuhan ni keluargana. Saonari taulas ma muse songon dia sahalak kepala keluarga boi maniru Jahowa dohot Jesus lao mandalatton tanggung jawabna.
19-25 MEI
ARTA NA ARGA NA ADONG DI BIBEL PODA 14
Toktong Marbisuk Tikki Masa Bencana
Mangargai Hangoluan Silehon-lehon ni Debata
10 Memang dang sai boi hita mencegah situasi na berbahaya, songon bencana alam, wabah penyakit, manang kerusuhan. Alai situasi aha pe na masa, berupaya ma hita asa toktong aman. Taoloi ma pamaretta molo disuru hita asa evakuasi manang mangihutton petunjuk na asing. (Rom 13:1, 5-7) Adong do situasi darurat na boi diantisipasi, jala olo do dilehon pamaretta petunjuk taringot i. Alani i taihutton ma petunjuk i jala tabahen ma persediaan darurat. Misalna boi do tapersiappon hinan makanan na tahan lama, air minum, dohot obat-obatan.
11 Aha do na ikkon taulahon molo masa sahit na menular di inganatta? Taihutton ma petunjuk sian pamaretta. Misalna manucci tangan, manjaga jarak, mamakke masker, dohot karantina. Molo taulahon on sude, on patuduhon na taargai do hangoluan na sian Debata.
12 Tikki masa situasi darurat, olo do tabege informasi na so akurat sian akka dongan, tetangga, bahkan di berita. Alai unang ma tatangihon “sude hata”, tatangihon ma informasi na akurat sian pamaretta dohot sian tenaga medis. (Jaha Poda 14:15.) Berusaha do Punguan na Mangaradoti Organisasi dohot kantor cabang mandapot informasi na akurat sebelum dibahen nasida petunjuk taringot parpunguan dohot ulaon marbarita na uli. (Heb. 13:17) Molo taihutton petunjuk i gabe terlindungi ma hita dohot akka na asing sian bahaya. Jala boi ma denggan pandangan ni halak di daerahta taringot Saksi Jahowa.—1 Ptr. 2:12.
Barani ma Songon si Sadok
11 Molo dipangido hamu mangurupi akka dongan di situasi na berbahaya, boha do carana asa barani hamu songon si Sadok? (1) Ihutton ma petunjuk. Di situasi sisongon i, ikkon toktong do hita marsada. Jadi oloi ma petunjuk sian kantor cabang. (Heb. 13:17) Ikkon taratur do dibahas akka sintua petunjuk taringot cara mempersiappon diri sebelum ro bencana, jala aha na porlu diulahon tikki ro bencana. (1 Kor. 14:33, 40) (2) Barani ma hamu alai ikkon manat. (Poda 22:3) Marbisuk ma hamu. Jaga ma dirimuna asa toktong aman. (3) Andalhon ma Jahowa. Ingot ma, lomo do roha ni Jahowa asa toktong aman hamu dohot akka donganmuna. Boi do urupanna hamu asa toktong aman tikki mangurupi donganmuna.
Arta na Adong di Bibel
Iff pelajaran 35 no. 2
Boha do Carana Mambahen Keputusan na Denggan?
Bibel mandok, “Dipikkiri halak na marbisuk do ganup lakkana.” (Poda 14:15) Lapatanna sebelum tabahen keputusan, ikkon jolo manat do i tapikkiri. Coba ma jo pikkirhon hamu: ‘Prinsip ni Bibel na dia do na sesuai tu situasikkon? Molo hupillit on, gabe tenang do perasaanku? Aha do pengaruh ni keputusakkon tu halak na asing? Jala na paling penting, molo hupillit on las do roha ni Jahowa?’—5 Musa 32:29.
Nungnga dipaboa Jahowa tu hita dia na denggan dohot na so denggan. Molo taparsiajari hukum dohot prinsipna, jala berupaya hita mangihutton i, boi ma hita mangalatik panggora ni rohatta manang hati nuranitta. Hati nurani, i ma perasaan na mangurupi hita mamboto dia na sittong dohot na sala. (Rom 2:14, 15) Jadi molo tarlatik do hati nuranitta, boi ma i mangurupi hita mambahen keputusan na denggan.
26 MEI–1 JUNI
ARTA NA ARGA NA ADONG DI BIBEL PODA 15
Urupi ma Akka Dongan asa Marlas ni Roha
Sai Ringkot do Molo Hita Manamue!
17 Adong sahalak perintis na jotjot manamue angka na mangihuthon singkola organisasi. Didok ibana, “Sasintongna holsoan do ahu ala ndang pola lengkap angka barang di jabungku jala angka barang bekas do i. Alai adong ma tungganeboru ni sahalak instruktur na paposhon rohangku. Didok ibana, ndang i na rumingkot di nasida, alai tading di jabu ni halak na mangkaringkothon Debata i do na mambahen las roha nasida. Gabe huingot ma hata ni omakku tingki dakdanak hami: ‘Tagonan [sapiring sayur] mardongan holong ni roha.’” (Poda 15:17) Alani i, ndang porlu hita holsoan. Na rumingkot, i ma molo tapatudu holong tu dongan na tatamue.
Lam Ringgas ma Hita Masipatoguan
16 Songon dia do molo maol mandok hata na denggan tu donganta? Sasintongna, ndang maol laho patoguhon angka donganta. Boi do hita holan mengkel suping tu sasahalak. Alai molo ndang dibalos ibana, ra na adong do parsoalanna. Jadi porlu do adong donganna mangkatai. Tangihon ma ibana asa tarapul rohana.—Jak. 1:19.
17 Adong sahalak donganta na poso na margoar si Henri. Jut do rohana ala pigapiga keluargana ndang be manomba Jahowa. Tarmasuk ma bapakna, na hea gabe sintua. Adong ma sahalak pengawas wilayah manarihon si Henri, jala ditogihon ma ibana minum kopi. Denggan do ditangihon ibana tingki si Henri paboahon na di rohana. Dung i, gabe diantusi si Henri ma, ingkon tongtong do ibana marsihohot. I do sada cara laho mangurupi keluargana asa mulak muse tu Jahowa. Tarapul do rohana tingki manjaha Psalmen 46, Sepania 3:17, dohot Markus 10:29, 30.
18 Aha do na boi taparsiajari sian pengalaman ni si Marta dohot si Henri? Sude hita boi mangapuli jala patoguhon angka donganta. Raja Salomo mandok, “Mansai denggan do hata na toho di tingkina. Mata na marsinondang mambahen las roha jala barita na denggan pahipashon daging.” (Poda 15:23, 30, Bibel siganup ari) Adong do diparrohahon hamu sasahalak na marmetmet ni roha manang na lungun rohana? Boi do tajahahon Joujou Paboahon manang sijahaon sian situs jw.org tu ibana. Asing ni i, si Paulus mangajarhon tu hita, boi do marlas ni roha hita molo rap mangendehon pujipujian. Didok ibana, “Mardongan sandok hapistaran ma hamu masiajaran jala masipaingotan marhitehite angka ende psalmen, endeende pujipujian dohot ende partondion; endehon hamu ma Debata di bagasan rohamuna marroha hamauliateon!”—Kol. 3:16; Ul. 16:25.
Arta na Adong di Bibel
Songon dia do Carana Asa Boi Hubahen Keputusan na Denggan?
Didok di Bibel, “Sundat do sakkap molo so jolo dihatai.” (Poda 15:22) Sebelum tabahen keputusan, tapangido ma saran sian halak na boi dihaporseai. Misalna sebelum mambahen keputusan taringot kesehatan na lao tadalani, tasukkun ma saran ni dokter. (Mateus 9:12) Boi do muse hamu makkatai dohot halak na hea mangalami situasi na sarupa songon hamu, jala jalo ma saran sian nasida. Alai ingot ma unang ma halak na asing na mambahen keputusan di hamu, ikkon hamu sandiri do ala hamu do na lao mandalani.—Galatia 6:4, 5.
2-8 JUNI
ARTA NA ARGA NA ADONG DI BIBEL PODA 16
Tolu Sukkun-Sukkun na Boi Mangurupi Tikki Naeng Mambahen Keputusan
w14 15/1 19-20 ¶11-12
Layani ma Jahowa Bissan Poso Dope Hamu
11 Pasti marlas ni roha do hita molo tapillit melayani Jahowa. (Poda 16:20) Coba ma taida na masa tu si Baruk, sekretaris ni si Jeremia. Di sada tikki hea do dang marlas ni roha ibana tikki melayani Jahowa. Dipasingot Jahowa do ibana, “Torus do dilului ho hasangapon tu dirim sandiri. Unang be lului akka sisongon i. Ai na lao parookku nama jea tu sude jolma. Alai manang na tudia pe ho lao, bahenokku do malua hosam.” (Jer. 45:3, 5) Jadi menurut hamu, na dia ma na boi mambahen si Baruk marlas ni roha? Mangalului hasangapon tu dirina sandiri alai mate, manang mangulahon lomo ni roha Jahowa alai malua tikki dihancurhon kota Jerusalem?—Jak. 1:12.
12 Adong sahalak donganta na margoar si Ramiro na makkilala las ni roha ala olo mangurupi halak na asing. Didok ibana, “Sian sada huta di Pegunungan Andes do au jala pogos do hami. Tikki baru tardidi au, adong dua tawaran tu au. Na parjolo didok abangku naeng dipakuliahon ibana au. Na paduahon adong sahalak perintis na manogihon au pinda tu sada huta na gelleng lao mangurupi akka halak marsiajar Bibel. Alai hupillit do lao mangihutton perintis i. Jadi marsiajar ma au mamangkas obuk jala i ma na gabe karejokku. Godang do halak di huta i na olo marsiajar Bibel. Dung i pinda ma au tu sada huria na marbahasa daerah di huta i na baru dope dibukka. Saonari nungnga sappulu taon au gabe perintis di huria i. Dang tarhatahon au las ni rohakku ala boi mangurupi halak marsiajar Bibel di bahasa ni nasida.”
w13 15/9 17 ¶1-3
Pauba Hamu ma Pikkiranmuna
Pasti balga do pengaruh ni caratta dipagodang dohot lingkunganta tu hita sude. Misalna boi do akka halak di sekitarta dohot lingkunganta mempengaruhi caratta mamillit pakkean, mamillit sipanganon na tabo, dohot caratta mangulahon sada ulaon.
2 Alai adong do na uppetting sian mamillit sipanganon dohot pakkean. Misalna taringot caratta manottuhon dia na sittong dohot dia na sala. Memang dang boi hita mambahen keputusan tu halak na asing jala dang sai sarupa keputusan na dibahen ganup halak. Alana dang sarupa hati nurani ni ganup halak. Bibel pe mandok, “Diulahon akka halak na sian bangso na asing do Patik . . . nang pe dang ditanda nasida patik i”. (Rom 2:14) Molo naeng mambahen sada keputusan hita, boha ma molo dang adong aturan na paboahon taringot i? Boi do hita holan mangihutton hasomalan manang aturan na diihutton godangan halak di luatta?
3 Dang boi hita holan mangihutton godangan halak. Adong dua alasan na dipaboa di Bibel. Na parjolo didok do di Bibel, “Adong do dalan songon na tigor di roha ni jolma, hape tu hamatean do ujungna.” (Poda 16:25) Ala dang sempurna hita, dang boi hita manjamin pasti na terbaik do keputusan na tabahen. (Poda 28:26; Jer. 10:23) Na paduahon, didok Bibel Sibolis do “debata ni portibi on”. Ibana do na mangarajai jala na mangatur pikkiran dohot aturan ni akka halak na adong di portibi on. (2 Kor. 4:4; 1 Joh. 5:19) Jadi, asa boi hita mangulahon lomo ni roha ni Debata jala dipasu-pasu Ibana, ikkon taihutton do poda na tarsurat di Rom 12:2.—Jaha.
Arta na Adong di Bibel
Unang ma Dioto-otoi “Habisuhon ni Portibi On”
13 Bibel mandok, “Sogo do roha ni Jahowa di ganup siginjang roha.” (Poda 16:5, Bibel siganup ari) Boasa sogo roha ni Jahowa tu halak na ginjang roha? Alana holan mangkaringkothon diri sandiri do nasida dos songon Sibolis. Bayangkon ma, dirimpu Sibolis olo Jesus marsinggang jala manomba ibana, hape Jesus do na dipangke Jahowa laho manompa saluhutna! (Mat. 4:8, 9; Kol. 1:15, 16) Alani i, halak na oto do di adopan ni Jahowa halak na ginjang roha.
9-15 JUNI
ARTA NA ARGA NA ADONG DI BIBEL PODA 17
Asa Boi Dihilala Hamu Hadameon di Perkawinanmuna
g 9/14 11 ¶2
Asa Unang Mura Jut Rohamuna
Pareso ma dirimuna. Didok Bibel adong do “halak na mura muruk”. (Poda 29:22) Halak na songon i do hamu? Sukkun ma dirimuna, ‘Mura do jut rohakku? Mura do au tersinggung? Pittor muruk do au tikki adong masalah na gelleng?’ Bibel mandok, “Boi do gabe marbada na marale-ale, molo hasalaan i do na sai dihatai.” (Poda 17:9; Parjamita 7:9) Boi do masa na songon i di bagasan perkawinan. Jadi molo mura jut rohamuna tu pasanganmuna, sukkun ma dirimuna, ‘Boha ma carana asa sabar au tu ibana?’—Prinsip ni Bibel: 1 Petrus 4:8.
w08 1/5 10 ¶6–11 ¶1
Tikki Adong Masalah
1. Pillit ma tikki na pas lao mambahas masalah. Olo do gabe marbada suami istri ala masalah na gelleng. Molo songon i na masa tu hamu, berupaya ma hamu mangorom dirimuna asa unang sappe marbada. Bibel mandok, “Martikki be do sude, . . . adong do tikkina hohom, adong do tikkina makkatai.” (Parjamita 3:1, 7) Asa unang gabe hancur rumah tanggamuna, ihutton hamu ma poda ni Bibel na mandok, “Molo dipukka parbadaan dos do i songon na mambukka bendungan, andorang so balga parbadaan, lao ma ho sian i.”—Poda 17:14.
Alai “adong do tikkina makkatai”. Molo adong masalah, unang ma dipasombu-sombu hamu i. Alana dos songon suga-suga do masalah i. Ikkon hatop do i dicabut tikki gelleng dope ibana. Jadi porlu do hamu makkatai. Alai molo muruk dope hamu tikki mambahas parsoalan i, boi do denggan dipangido hamu tu pasanganmuna asa dipaso pakkataionmuna i. Dung i bahen ma janji lao mambahas i di tikki na asing. Molo diulahon hamu songon i, boi ma hamu mangihutton poda ni Bibel na mandok, “Molo muruk hamu, unang ma sappe mardosa. Unang ma muruk hamu sadari manipat.” (Epesus 4:26) Alai hamu sandiri pe, ikkon diingot hamu do janjimuna i.
Arta na Adong di Bibel
“Halak na Marholong ni Roha i . . . Dang Las Rohana tu Ulaon na So Sittong”
Marsitutu do halak Kristen patuduhon holong ni roha tikki mambahen keputusan manang aha pe. Alana didok Bibel, holong i “dang las rohana tu ulaon na so sittong”. (1Kor 13:4, 6) Alani i, dang olo hita menikmati hiburan na patuduhon seks na so patut dohot kekerasan. Jala dang las rohatta molo taida susa halak na asing, termasuk ma halak na mambahen haccit rohatta.—Poda 17:5.
16-22 JUNI
ARTA NA ARGA NA ADONG DI BIBEL PODA 18
Patoguhon Halak na Marsahit
“Jou-Jou do Bisuk i”
17 Tapikkiri ma aha sidohonotta. Tapikkiri ma aha sidohonotta. Molo dang manat hita, boi do gabe haccit roha ni na asing mambege hatatta. Bibel mandok, “Dos songon podang na manikkam do akka hata na asal dipandok, alai pamaluppon do hata ni halak na marbisuk.” (Poda 12:18) Asa toktong denggan hubungatta tu na asing, unang ma margosip hita. (Poda 20:19) Dung i ikkon taratur do hita manjaha jala mangarimangi isi ni Bibel, asa boi hatatta i patoguhon na asing. (Luk. 6:45) Hasilna gabe songon “haroro ni bisuk” ma akka hata na tadok.—Poda 18:4.
mrt 19, kotak
Cara Menghadapi Masalah Kesehatan na Toppu Berubah
Rade ma manangihon. Sada cara na dumenggan lao mangurupi dongan na marsahit, i ma manangihon nasida. Unang pola merasa hamu ikkon ditanggapi hamu sude na nidok ni nasida, mungkin cukkup do holan manangihon. Molo tung adong pe na sala na nidokna i, unang ma pittor hakimi ibana alai coba ma pahami songon dia perasaanna. Unang ma didok rohamuna na diattusi hamu sude perasaan ni donganmuna i, tarlumobi molo sahitna i dang boi langsung diida hamu.—Poda 11:2.
Akka hata na positif ma dokkon hamu. Olo do ra bingung hamu aha na lao dokkononmuna. Alai denggan do molo dipaboa hamu akka hata na patoguhon nang pe holan saotik, daripada dang adong didokkon hamu manang aha. Misalna boi do dokkononmuna songon on, “Dang huboto daba aha na lao dokkonokku tu ho, alai pos ma roham parduli do au tu ho”. Alai ingot ma, unang ma dokkon hamu hata sisongon on, “Uttung ma dang pola parah hian sahitmon” manang “Godang dope halak na upparah sahitna sian ho”.
Boi do muse dipatudu hamu na parduli hamu tu donganmuna i molo dilului hamu informasi taringot sahitna i. Pasti diargai ibana do molo berupaya hamu lao mamboto aha na dihilala ibana, jala on mangurupi hamu boi mangalehon tanggapan na denggan tu ibana. (Poda 18:13) Alai manat ma hamu, unang pola lean saran molo dang dipangido.
Tawarhon ma bantuan. Unang ma didok rohamuna diboto hamu do boha cara mangurupi donganmuna i. Daripada songon i, tumagon do sukkunonmuna nasida aha na na boi diurupi hamu. Ingot ma, olo do segan donganmuna i mangido bantuan tu hamu ala didok rohana gabe repot annon hamu. Jadi boi do ditawarhon hamu bantuan lao mangurupi nasida, misalna mangurupi nasida belanja, paiasson jabuna, manang ulaon na asing.—Galatia 6:2.
Unang ma menyerah. Olo do ra alani sahitna i, gabe dibatalhon donganmuna i janji naung dibahen hamu hian manang dang olo ibana makkatai dohot hamu. Sabar ma hamu jala berupaya ma memahami keadaanna. Jala torus ma tawarhon bantuan lao mangurupi ibana.—Poda 18:24.
Cara Mangurupi Halak na Mengalami Gangguan Mental
“Patogu hamu ma roha ni na marsak.”—1 TESSALONIK 5:14.
Olo do ra halak na mengalami gangguan mental i merasa dang mararga dirina manang mengalami kekhawatiran na berlebihan. Molo songon i situasina, olo do sipata dang taboto aha na lao dokkonotta tu nasida. Nang pe songon i papos ma roha ni nasida, na holong do rohatta tu nasida jala na rade do hita lao patoguhon dohot mangurupi nasida.
“Sai dipatudu ale-ale do holong ni roha.”—PODA 17:17.
Rade ma hita mangurupi donganta manang keluargatta na mengalami gangguan mental. Denggan do molo langsung tasukkun nasida aha na porlu taurupi. Alai molo segan manang bingung nasida paboahon aha kebutuhanna, boi do tatawarhon bantuan lao mangurupi nasida belanja, paiasson jabu, manang mangulahon na asing. Molo cocok situasina boi do taajak nasida rap berolahraga.—Galatia 6:2.
“Sabar ma hamu.”—1 TESSALONIK 5:14.
Olo do sipata dang lomo roha ni halak na mengalami gangguan mental diajak makkatai. Alai papos ma rohana, rade do hita manangihon nasida manang andigan pe lomo roha ni nasida naeng makkatai. Alani sahit ni nasida i olo do ra dibahen jut rohatta, didok nasida hata na mambahen haccit rohatta, manang toppu dibatalhon nasida akka rencana naung tabahen dohot nasida. Nang pe songon i, sabar ma hita. Jala berupaya ma hita mangattusi situasina.—Poda 18:24.
Arta na Adong di Bibel
Diboto Hamu do na Sasintongna?
PORLU do taboto cara mamastihon hatorangan na tabege asa boi mambahen kesimpulan na denggan. (Poda 3:21-23; 8:4, 5) Alani i, ingkon talului ma angka bukti sian hatorangan na tabege i. Alana, lomo do roha ni Sibolis dohot angka halak di portibi on manggugai pingkiranta. (Eps. 5:6; Kol. 2:8) Jala didok do di Poda 18:13, “Manang ise na mangulak hata, so jolo sahat ditangihon, otona do i, jala parohon haurahon.”
23-29 JUNI
ARTA NA ARGA NA ADONG DI BIBEL PODA 19
Gabe Dongan na Burju ma Hita tu Akka Donganta
Songon dia do Asa Toktong Togu Holongta tu Akka Dongan?
16 Akka na denggan sian donganta ma na sai taingot, unang ma akka na so denggan. Ilustrasina: Bayakkon ma hamu rap marpungu dohot akka donganmuna. Massai las do rohamuna di tikki i. Dung sae acara i, marfoto ma hamu. Dung i marfoto ma hamu dua hali nai, atik boha foto na parjolo i hurang denggan hasilna. Saonari nungnga adong be tolu foto naung dibuat hamu. Alai dung diparrohahon hamu, diida hamu ma adong di foto na parjolo i donganmuna na murhing bohina. Aha do na diulahon hamu? Dihapus hamu ma foto na hurang denggan i. Alana adong dope dua foto nai na denggan hasilna. Disi tersenyum do sude donganmuna i.
17 Boi do tasarupahon foto i songon akka kenangan na taingot. Pasti jotjot do hita rap marsaor dohot akka dongan. Alai olo do ra sada tikki adong donganta na makkatahon manang mangulahon na so denggan na mambahen haccit rohatta. Aha do na ikkon taulahon tu kenangan na so denggan i? Ikkon talupahon do i. Sarupa ma i songon menghapus foto na hurang denggan i. (Poda 19:11; Eps. 4:32) Boi do talupahon hahurangan ni donganta molo taingot godang nai dope kenangan na denggan tikki rap hita dohot nasida. Akka kenangan na denggan i ma na ikkon torus taingot jala taargai.
Torus ma Patogu Holongmuna tu Jahowa Dohot tu Akka Dongan
10 Hita pe boi do mangalului cara lao mangurupi akka dongan sahaporseaon. (Heb. 13:16) Parrohahon ma pengalaman ni si Anna na dipaboa di artikel sebelumna. Dung sae badai na gogo di daerahna, lao ma ibana dohot suamina manjuppangi sada keluarga Saksi, jala dibereng nasida ma nungnga sega be atap ni jabu ni keluarga i alani badai i. Gabe dang adong be baju ni keluarga i na ias. Didok si Anna ma, “Dibuat hami ma baju ni nasida na kotor i, dicucci hami ma, digosok, diloppit, dung i dilehon hami ma muse tu nasida. Sasittongna dang pola maol hami mangulahon i. Alai ala diurupi hami nasida gabe akrab ma hami sahat tu saonari.” Holong ni si Anna dohot suamina tu akka dongan sahaporseaon mambahen nasida tergerak lao mangurupi na asing.—1 Joh. 3:17, 18.
11 Tikki tapatudu holong dohot haburjuon tu akka dongan, boi ma diida nasida na berupaya hita maniru Jahowa. Bisa jadi dang tasadari na massai diargai nasida do haburjuonta i. Si Karin na dipaboa sebelumna takkas do mangingot haburjuon na dipatudu tu ibana tikki poso. Didok ibana, “Najolo godang do akka donganta borua na jotjot mangajak au mardinas. Dijemput nasida do au, diajak nasida do au rap mangan siang, jala ditaruhon nasida muse au mulak tu jabu. Pasti godang do upaya na dibahen nasida mangulahon i sude. Alai alani holong do umbahen na dibahen nasida songon i. Sahat tu saonari dang boi hulupahon sude na dibahen nasida i.” Memang dang sude halak mandapot kesempatan lao mambalos haburjuonta tu nasida. Didok si Karin do muse, “Lomo do nian rohakku mambalos sude haburjuon ni nasida, alai dang huboto didia nasida sude tinggal saonari. Nang pe songon i diboto Jahowa do i, jala martangiang do au asa dibalos Jahowa sude haburjuon ni nasida.” Toho do na nidok ni si Karin i. Diida Jahowa do sude haburjuon na tapatudu tu akka dongan, nang pe tahilala dang sadia i. Dianggap Jahowa do i songon pelean na massai arga tu Ibana manang songon pinjaman na ikkon gararonna.—Jaha Poda 19:17.
Tapatudu ma Holong na Manoktong tu Akka Dongan
6 Contoh ni halak na patuduhon haburjuon, i ma akka halak na di pulo Malta. Tikki i hea do karam kapal si Paulus dohot na asing. Marlange ma halak i tu pulo Malta asa boi selamat. Diurupi akka halak na di pulo i ma si Paulus dohot akka donganna. Hape dang adong kewajiban ni nasida lao mangurupi si Paulus dohot akka donganna i, jala dang ditanda halak i nasida. Alai olo do nasida patuduhon haburjuon. (Ul. 28:2, 7) Boi do tadok molo halak Malta on patuduhon holong na manoktong? Daong. Dipatudu halak i pe haburjuon dang alana holong rohana tu si Paulus dohot tu akka donganna i, na kebetulan do masa i di huta ni halak i makana gabe diurupi.
7 Songon na taida di paragraf onom nakkin, adong do beda ni halak na patuduhon haburjuon dohot halak na patuduhon holong na manoktong. Asa lam takkas taboto aha bedana, taida ma jo saonari naposo ni Jahowa na patuduhon holong na manoktong. Misalna si Daud, dipatudu ibana do holong na manoktong tu donganna si Jonatan nang pe bapak ni si Jonatan naeng mambunu ibana. Jala martaon-taon dung mate si Jonatan, torus dope dipatudu si Daud holongna na manoktong i tu anak ni si Jonatan, i ma si Mepiboset. Boasa olo si Daud mangulahon i? Ala massai holong do rohana tu si Jonatan. Jadi nga takkas be taboto aha beda ni halak na patuduhon burju ni roha dohot halak na patuduhon holong na manoktong.—1 Sam. 20:9, 14, 15; 2 Sam. 4:4; 8:15; 9:1, 6, 7.
Arta na Adong di Bibel
Jolo Taboto ma Faktana
Na Didok Bibel
“Nang roha na so marparbinotoan, ndang denggan.”—PODA 19:2.
Aha do maksud ni ayat i? Molo dang taboto sude faktana, boi do gabe sala penilaianta tu halak.
Molo Taboto Faktana
Molo nga taboto faktana, pasti dang pittor porsea hita tung pe adong na mandok na sala taringot sada suku manang halak na asing.
30 JUNI –6 JULI
ARTA NA ARGA NA ADONG DI BIBEL PODA 20
Asa Boi Dibahen Hamu Keputusan na Denggan Tikki Marhallet
Asa Toktong Ias di Jolo ni Jahowa Saleleng Marhallet
3 Memang marhallet boi do parohon las ni roha. Alai tahap na serius do on, alana ikkon diputusson na marhallet do lao menikah do nasida manang na dang. Di acara pernikahan, marjanji do na marhallet i di jolo ni Jahowa asa marsihaholongan jala mangargai pasanganna saleleng mangolu nasida. Andorang so mambahen janji sasahalak, tottu ikkon jolo manat do ibana mamikkirhon i. (Jaha Poda 20:25.) Dos songon i ma tikki mambahen janji pernikahan. Keputusan na serius do on. Jadi saleleng marhallet, i ma tikkina di nasida boi mamboto halak na songon dia do halletna i, asa boi dibahen nasida keputusan na denggan. Olo do keputusan ni nasida menikah manang putus. Molo putus pe donganta na marhallet, dang berarti na gagal nasida. Alai sabotulna nungnga tercapai tujuan ni nasida, i ma mambahen keputusan na denggan.
4 Boasa porlu sittong cara pandang ni akka na lajang taringot marhallet? Alana molo sittong cara pandang ni nasida, tottu dang olo nasida marhallet molo dang adong tujuanna lao menikah. Alai sude do hita ikkon sittong cara pandangta taringot na marhallet, dang holan akka na lajang. Contohna adong do na marpikkir, molo adong na marhallet ikkon menikah do nasida. Aha do pengaruhna on tu halak Kristen na lajang? Donganta na lajang na margoar si Melissa na tinggal di Amerika Serikat mandok, “Molo adong donganta na marhallet, piga-piga donganta berharap ikkon saut do nasida na dua. Akibatna gabe dipaksahon nasida ma melanjutton hubungan ni nasida i, hape dang cocok nasida. Adong muse akka na lajang na gabe so olo marhallet ala mabiar nasida dibahen songon i.”
Cara Mangalului Sasahalak na Cocok Gabe Dongan Saripe
8 Aha do na porlu diboto hamu taringot halak na dihalomohon rohamuna? Tikki marpungu manang tikki rap bergaul hamu, disi ma kesempatan lao mangida halak na songon dia ibana. Boi ma diida hamu songon dia sifatna, jala songon dia hubunganna tu Jahowa. Porlu do tong diboto hamu akka ise donganna jala aha do na jotjot dihatai ibana. (Luk. 6:45) Sarupa do cita-citamuna dohot ibana? Boi do disukkun hamu tu akka sintua di huriana, manang tu donganta na matoras na botul-botul mananda ibana. (Poda 20:18) Boi ma disukkun hamu tu nasida taringot reputasina dohot akka sifatna. (Rut 2:11) Alai unang ma sappe dibahen hamu gabe dang nyaman ibana. Argai ma perasaanna, jala unang ma sai torus hamu naeng jonok tu ibana manang naeng sude disukkuni hamu taringot ibana.
Asa Toktong Ias di Jolo ni Jahowa Saleleng Marhallet
7 Songon dia do carana lao mamboto aha na di bagasan rohana? Ikkon jujur do hamu na dua tikki makkatai, bahen ma sukkun-sukkun, dung i manat ma tangihon. (Poda 20:5; Jak. 1:19) Boi do ra hamu rap mangulahon akka kegiatan, songon rap mangan, mardalan di tempat umum, jala rap marbarita, asa adong tikkimuna lao makkata-hatai. Asing ni i, boi do hamu na dua rap bergaul dohot akka donganmuna dohot keluargamuna, asa lam takkas ditanda hamu ibana. Bahen hamu ma akka rencana lao mangulahon akka kegiatan. Alana i boi mangurupi hamu lao mangida songon dia ibana bertindak di situasi na berbeda jala songon dia ibana maradoppon akka halak. Songon i do na diulahon si Aswin sian Belanda. Didok ibana do taringot hubunganna dohot si Alicia, “Rap do hami mangulahon akka kegiatan na sederhana, songon rap mangaloppa dohot na asing. Ala diulahon hami i, gabe lam hutanda ma ibana, jala ibana pe lam ditanda ma au. Asing ni i, gabe huboto ma akka sifatna na denggan dohot hahuranganna.”
8 Boi do muse lam ditanda hamu halletmuna molo rap hamu mamparsiajari akka topik sian Bibel. Molo nungnga menikah hamu, ikkon dibahen hamu do ibadat keluarga asa toktong Jahowa na diandalhon hamu na dua. (Pjm. 4:12) Jadi nang pe marhallet dope hamu, alai porlu do dibahen hamu jadwal asa boi rap marsiajar. Memang na marhallet dang boi dope didok nungnga gabe sada keluarga, jala bawa i dang ulu ni borua i dope. Alai molo taratur hamu na dua rap marsiajar, gabe boi ma diboto hamu sadia togu do hubungan ni halletmuna tu Jahowa. Si Max dohot si Lisa na tinggal di Amerika Serikat, paboahon manfaat na asing ala rap marsiajar nasida. Didok si Max, “Tikki baru marhallet hami, rap diparsiajari hami do akka publikasi taringot na marhallet, na menikah, dohot na markeluarga. Ala rap diparsiajari hami akka publikasi i, gabe boi ma dibahas hami akka topik na penting na so hea tarpikkirhon hami.”
Arta na Adong di Bibel
it-2 338 ¶3
Lampu
Poda 20:27, surat na di toru mandok, “Dos songon lampu ni Jahowa do hosa ni sasahalak, i do na patuduhon na di bagasan rohana.” Aha do lapatan ni i? Sian hosa manang hata na kaluar sian pamangan ni sasahalak, boi do tarida songon dia sifatna manang na di bagasan rohana.—Bandingkon tu Ul 9:1.