Aha do na Dipangido Debata sian Au?

Na didok Bibel

Lomo do roha ni Debata asa ditanda hamu Ibana, akrab tu Ibana, dihaholongi hamu Ibana, jala disomba hamu Ibana sian nasa roha. (Mateus 22:37, 38; Jakobus 4:8) Boi do botoonmuna aha lomo ni roha ni Debata molo diparsiajari hamu taringot parngoluon dohot ajaran ni Jesus. (Johannes 7:16, 17) Jesus dang holan sekedar paboahon aha lomo ni roha ni Debata, alai diulahon ibana do i di ngoluna. Alani i ma didok Jesus, “Turun pe au sian banua ginjang, dang na lao mangulahon lomo ni rohakku sandiri, alai lao mangulahon lomo ni roha ni na marsuru au i do.”—Johannes 6:38.

Ikkon jolo dapottu do tanda manang parnidaan asa huboto aha na dipangido Debata sian au?

Daong. Alana nungnga dipaboa Debata di Bibel aha lomo ni rohana. Jadi molo denggan dipakke hamu Bibel, ‘gabe rade ma hamu mangulahon sude ulaon na denggan’. (2 Timoteus 3:16, 17) Lomo do roha ni Debata asa diparsiajari hamu Bibel jala dipakke hamu kemampuan berpikirmuna lao mamboto aha do na dipangido Debata sian hamu.—Rom 12:1, 2; Epesus 5:17.

Sanggup do au mangulahon lomo ni roha ni Debata?

Pasti sanggup do hamu mangulahon i. Alana Bibel mandok, ‘Dang maol mangulahon akka paretta ni Debata.’ (1 Johannes 5:3) Memang dang sai mura mangulahon sude paretta ni Debata. Alai molo diulahon hamuna i, pasti unggodang do manfaat na dapotmuna sian pengorbanan na dibahen hamu. Alani i do didok Jesus, “Martua ma halak na manangihon jala na mangulahon hata ni Debata!”—Lukas 11:28, Bibel siganup ari.